വനഭൂമി നഷ്ടപ്പെടുന്നത് കണ്ടുനില്‍ക്കാനാകില്ല
വനംവകുപ്പിന്റെ ചരിത്രം തന്നെ മാറ്റിയെഴുതിക്കൊണ്ട് വനം സംരക്ഷിക്കുന്നതിനുള്ള ധീരമായ ഇടപെടലുകള്‍ നടത്തുന്ന ഉദ്യോഗസ്ഥനാണ് പി. ധനേഷ്‌കുമാര്‍. ചുരുങ്ങിയ കാലത്തെ ഔദ്യോഗിക ജീവിതത്തിനിടയില്‍ കയ്യേറ്റങ്ങള്‍ നടന്ന വനഭൂമി
ഏറ്റവും കൂടുതല്‍ തിരിച്ചുപിടിക്കാന്‍ കഴിഞ്ഞ ഉദ്യോഗസ്ഥനായി അദ്ദേഹം മാറി. സമ്മര്‍ദ്ദങ്ങളെയെല്ലാം അതിജീവിച്ച്, തന്റെ വഴി തുടരുകയാണ് ഇപ്പോള്‍ സൗത്ത് വയനാട് ഡിവിഷണല്‍ ഫോറസ്റ്റ് ഓഫീസറായ ധനേഷ്‌കുമാര്‍. 18 മണിക്കൂറോളം നീളുന്ന കൃത്യനിര്‍വ്വഹണത്തിലെ തിരക്കുകള്‍ക്കിടയില്‍ അദ്ദേഹം കേരളീയവുമായി സംസാരിക്കുന്നു.
