Help us in our pursuit for high-quality journalism!
Our commitment to uncovering requires your backing. Support our fearless investigative reporting, in-depth analyses and community voices. Donate now to strengthen the editorial independence and provide open access content to all.
Support Keraleeyam Choose your preference
₹1000/Year
₹2000/2 Years
₹500Students/Year
A contribution of any size
കേരളത്തിലെ സാമൂഹ്യ, രാഷ്ട്രീയ, സാംസ്‌കാരിക മേഖലകളിൽ നടക്കുന്ന ഇസ്‌ലാമോഫോബിക് പ്രസ്താവനകളെയും സംഭവങ്ങളെയും അടയാളപ്പെടുത്തുന്ന ഇസ്‌ലാമോഫോബിയ റിസർച്ച് കലക്റ്റീവിന്റെ 2026ലെ പ്രതിമാസ റിപ്പോർട്ടുകൾ കേരളീയം വെബിൽ വായിക്കാം. ‘ഇസ്‌ലാമോഫോബിയ ക്ലിനിക്’ എന്ന പേരിലാണ് റിപ്പോർട്ട് പ്രസിദ്ധീകരിക്കുന്നത്. 2026 ഒക്ടോബർ (1-31) റിപ്പോർട്ട്. 121 ഇസ്‌ലാമോഫോബിക് സംഭവങ്ങളും 40 വിദ്വേഷ പ്രസ്താവനകളും ഒക്ടോബർ മാസം റിപ്പോർട്ട് ചെയ്തു. റിപ്പോർട്ടിന്റെ ആദ്യഭാഗം 40 വിദ്വേഷ പ്രസ്താവനകളാണ്. അതിന്റെ വിശദീകരണമടക്കമുള്ള 121 ഇസ്‌ലാമോഫോബിക് സംഭവങ്ങൾ തുടർന്ന് നൽകുന്നു.
ഭാഗം ഒന്ന്
1. “ഭക്തരെ കൊണ്ട് ഹലാല്‍ തീറ്റിക്കുക എന്നത്? ഓരോ അയ്യപ്പഭക്തനേയും രണ്ടുതരത്തിലുള്ള മഹാപാപത്തിന് വിധേയമാക്കി. തീര്‍ത്ഥാടന കാലത്ത് പാടില്ലാത്തത് തീറ്റിച്ചു. ജിഹാദിനായി ജസിയ കൊടുക്കേണ്ടി വന്നു.” (01 ഒക്ടോബർ, ശബരിമലയിലെ ശർക്കര വിതരണത്തെക്കുറിച്ച് ശശികല ടീച്ചർ, ഫേസ്ബുക്ക് പോസ്റ്റ്).
2. “സ്ത്രീകള്‍ക്ക് കൈകൊടുക്കില്ല, കൂടുതല്‍ സമയവും പ്രാര്‍ത്ഥനയില്‍. അക്രമിയായ പൈലറ്റിനെപ്പറ്റി സഹപ്രവര്‍ത്തകര്‍.” (02 ഒക്ടോബർ, ഫ്ലൈ ദുബായ് സംഭവത്തെക്കുറിച്ച് മാതൃഭൂമി ഫേസ്ബുക്ക് കാർഡ്).
3. “9/11 മാതൃകയില്‍ ഇസ്ലാമിക് ഭീകരാക്രമണം നടത്താനിരുന്ന ഇസ്ലാമിക് ഭീകരന്‍ ഒമാനി പൈലറ്റിനെ കീഴ്‌പ്പെടുത്തി.” (03 ഒക്ടോബർ, ഫ്ലൈ ദുബായ് സംഭവത്തെക്കുറിച്ച് കാസ, ഫേസ്ബുക്ക് പോസ്റ്റ്).
4. “വിമാനം തകര്‍ക്കാന്‍ ജിഹാദി ഗൂഢാലോചന? കോ പൈലറ്റിന് ഭീകരബന്ധം.” (03 ഒക്ടോബർ, ഫ്ലൈ ദുബായ് സംഭവത്തെക്കുറിച്ച് ജനം ടി.വി. പോസ്റ്റർ).
5. “ലീഗിന്റെയും ജമാഅത്തെ ഇസ്ലാമിയുടെയും തടവറയിലാണ് വി ഡി സതീശന് സര്‍ക്കാര്‍.” (03 ഒക്ടോബർ, കെ. സുരേന്ദ്രന്റെ പരാമർശം, മനോരമ ന്യൂസ് യൂട്യൂബ് ചാനൽ).
6. “മതമൗലികവാദികളുടെ കൂടാണ് മലപ്പുറം.” (03 ഒക്ടോബർ, പൊന്നാനിയിലെ സി.പി.എം. പ്രതിനിധി സമ്മേളനത്തിൽ പി. നന്ദകുമാർ നടത്തിയ സ്വാഗതപ്രസംഗം, ഏഷ്യാനെറ്റ് സോഷ്യൽ മീഡിയ പോസ്റ്ററിൽ നൽകിയ വാചകം).
7. “അതീവ പ്രാധാന്യത്തോടെ ഈ വാര്‍ത്ത കൊടുത്ത ഒരു മാധ്യമം, മീഡിയ വണ്‍ ആണ്. കൂടാതെ ജിഹാദി നെറ്റ്വര്‍ക്കില്‍ ഉള്ള മറ്റ് സോഷ്യല്‍ മീഡിയ ഹാന്‍ഡിലുകളും. അതുകൊണ്ടുതന്നെ ഈ ചില വിദ്യാര്‍ത്ഥികള്‍ ആരാണ് എന്ന കാര്യത്തില്‍ നമുക്ക് കൃത്യമായ ധാരണയുണ്ട്.” (04 ഒക്ടോബർ, സി.ഇ.ടി.യിൽ എസെൻസ് ഗ്ലോബലിന്റെ പരിപാടി റദ്ദാക്കിയതിനെക്കുറിച്ച് പ്രവീൺ രവി നടത്തിയ പരാമർശം, മറുനാടൻ മലയാളി ഉദ്ധരിച്ചത്).
8. “മലപ്പുറം ജില്ല തന്നെ രൂപീകരിച്ചു കൊടുത്തത് മുസ്‌ലിംകള്‍ക്ക് വേണ്ടിയിട്ടാണ്. കുട്ടിപ്പാക്കിസ്ഥാന്‍ എന്നൊരു അപരനാമം ഇപ്പോഴും മലപ്പുറം ജില്ലയ്ക്കുണ്ട്. മുസ്ലിം ഭൂരിപക്ഷ പ്രദേശമാണ്.” (06 ഒക്ടോബർ, തിരൂർ ദിനേശിന്റെ അഭിമുഖം, നേഷൻ ഫസ്റ്റ് യൂട്യൂബ് ചാനൽ).
9. “മലപ്പുറം ജില്ലയില്‍ തന്നെ സമീപകാലത്ത് മാത്രമാണ് ഈ മതതീവ്രവാദവുമായി ബന്ധപ്പെട്ടിട്ടുള്ള കാര്യങ്ങള്‍ പുറത്തേക്ക് വരാതിരിക്കുന്നത്. ഉള്ളില്‍ എത്രത്തോളമുണ്ട് എന്ന് നമുക്ക് പറയാന്‍ സാധിക്കില്ല.” (06 ഒക്ടോബർ, ‘സിഗരറ്റിൽ വെടിമരുന്നു നിറച്ച ചരിത്രം ഉണ്ട് മലപ്പുറത്തിന്’, തിരൂർ ദിനേശിന്റെ അഭിമുഖം, നേഷൻ ഫസ്റ്റ് യൂട്യൂബ് ചാനൽ).
10. “വന്ദേമാതരത്തിന്റെ 150 ആം വാര്‍ഷികത്തോടനുബന്ധിച്ച് കാസര്‍ഗോഡ് കേന്ദ്ര സര്‍വകലാശാലയില്‍ ഇന്നലെ ആരംഭിച്ച ദേശീയ സെമിനാര്‍ ഉദ്ഘാടനം അലങ്കോലമാക്കാനുള്ള ഇടത് വലത് ജിഹാദി ശ്രമം പരാജയപ്പെട്ടു.” (07 ഒക്ടോബർ, കേന്ദ്ര സർവകലാശാലയിലെ വിദ്യാർഥി പ്രതിഷേധത്തെക്കുറിച്ചുള്ള വാർത്ത, ജന്മഭൂമി).
11. “ശിവഗിരി ഭരണം പിടിച്ചെടുക്കാന്‍ നീക്കം: ജമാഅത്തെ ഇസ്ലാമിയെയും ഇസ്ലാമിക മതമൗലികവാദികളെയും കേന്ദ്രീകരിച്ച് കേന്ദ്ര ഏജന്‍സികള്‍ അന്വേഷണം ആരംഭിച്ചു.” (09 ഒക്ടോബർ, ശിവഗിരി മഠത്തിന്റെ ഭരണത്തെക്കുറിച്ചുള്ള വാർത്തയുടെ തലക്കെട്ട്, തേഡ് ഐ ന്യൂസ് ലൈവ്).
12. “ഹൈന്ദവ സമുദായം ഉള്‍പ്പെടെ എല്ലാ സമുദായങ്ങളിലും മാനസിക രോഗികളുണ്ട് പക്ഷേ എന്തുകൊണ്ടാണ് ഒരു സമുദായത്തിലെ മാനസിക രോഗികള്‍ മാത്രം ക്രിസ്ത്യന്‍ ആരാധനാലയങ്ങളും പള്ളികളും ആരാധനാ വസ്തുക്കളും മാത്രം ലക്ഷ്യം വെച്ച് പ്രശ്നങ്ങള് ഉണ്ടാക്കാനായി വരുന്നത് ???” (12 ഒക്ടോബർ, ക്രിസ്ത്യൻ പള്ളിയിലെ അൾത്താരയിലേക്ക് ഒരാൾ കയറിവന്ന സംഭവത്തെക്കുറിച്ച് കെവിൻ പീറ്റർ, ഫേസ്ബുക്ക് പോസ്റ്റ്).
13. “ഇതര മതസ്ഥരെ ഉപയോഗിച്ച് തീവ്രവാദം നടത്തുകയും, തങ്ങള്‍ക്ക് അതില്‍ ഉത്തരവാദിത്വമില്ലെന്ന് പ്രചരിപ്പിക്കുകയും ചെയ്യുന്ന രീതി ഇസ്ലാമിക സംഘടനകള്‍ക്കുണ്ട്. ചില ആഗോള ഇസ്ലാമിക സംഘടനകള്‍ പുലര്‍ത്തുന്ന അന്ധമായ ജൂത വിരോധമാണ് എറണാകുളത്തെ ജൂതപ്പള്ളി ആക്രമണത്തിനു പിന്നിലും ഉള്ളതെന്ന് സംശയിക്കാന്‍ കാരണങ്ങളുണ്ട്.” (16 ഒക്ടോബർ, ‘ജൂതപ്പള്ളി ആക്രമണം രാജ്യാന്തര തീവ്രവാദം’, ജന്മഭൂമി).
14. “ഫ്രാന്‍സിന് പണി കൊടുത്ത് ഇസ്ലാമിക കുടിയേറ്റക്കാര്‍ സര്‍ക്കാര്‍ ഓഫീസുകളും വ്യാപാരസ്ഥാപനങ്ങളും അഗ്‌നിക്കിരയാക്കി അക്രമികള്‍. 1800 പേര് അറസ്റ്റില്‍.” (19 ഒക്ടോബർ, ‘ഫ്രാൻസിന് പണി കൊടുത്ത് ഇസ്ലാമിക കുടിയേറ്റക്കാർ’, ജനം ടി.വി.).
15. “ഇന്ത്യ ഫ്രാന്‍സ് ആകില്ല. ആ ധൈര്യം നമുക്കെല്ലാമുണ്ട്. ഇവിടെ പോലീസും പട്ടാളവും മാത്രമല്ലല്ലോ ഉള്ളത്. ഏറ്റവും ചുരുങ്ങിയത് അഞ്ച് കോടിയോളം ദണ്ഡകള്‍ പുറത്തുണ്ട്. രാഷ്ട്രത്തിനു വേണ്ടി എന്ന് വന്നാല്‍ 80 കാരനും എട്ടുവയസ്സുകാരനും ആ ദണ്ഡ എടുക്കാന്‍ മടിയുണ്ടാകില്ല.” (19 ഒക്ടോബർ, ഫ്രാൻസിലെ സംഭവങ്ങളുമായി ഇന്ത്യയെ താരതമ്യം ചെയ്ത് ശശികല ടീച്ചർ, ഫേസ്ബുക്ക് പോസ്റ്റ്).
16. “സിഎഎ സമരകാലത്ത് അത് ഹൈജാക്ക് ചെയ്ത് മത പ്രശ്‌നം മാത്രം ആക്കി എടുക്കാന്‍ മുന്‍ നിരയില്‍ ഉണ്ടായിരുന്ന ഈ മൗദൂദിണികള്‍ ഇപ്പൊ എവിടെ ആണ്?” (21 ഒക്ടോബർ, പൗരത്വ നിയമവിരുദ്ധ സമരത്തിൽ പങ്കെടുത്ത സ്ത്രീകളെക്കുറിച്ച് ശങ്കർ ദാസ്, ഫേസ്ബുക്ക് പോസ്റ്റ്).
17. “അതില്‍ കൂടുതല്‍ വിഷമം തോന്നിയത് ഈ ക്രൂരതയെ സപ്പോര്‍ട്ട് ചെയ്യുന്ന കേരളത്തിലെ ഗുഹാജീവികളടെ കമന്റുകളും പോസ്റ്റുകളും കണ്ടപ്പോഴാണ് […] അവര്‍ക്ക് എങ്ങനെയെങ്കിലും അവരുടെ തലച്ചോര്‍ ആറാം നൂറ്റാണ്ടിലേക്ക് തിരിച്ചെത്തിക്കണം.” (22 ഒക്ടോബർ, സൗദി അറേബ്യയിലെ വധശിക്ഷയെ അനുകൂലിച്ചുവെന്ന് പറയുന്ന മലയാളികളെക്കുറിച്ച് സജീവൻ അന്തിക്കാട്, ഫേസ്ബുക്ക് പോസ്റ്റ്).
18. “കൊടും ഭീകരന്‍ സാക്കിര്‍ നായിക്.” (22 ഒക്ടോബർ, സാക്കിർ നായിക്കിനെ വിശേഷിപ്പിക്കാൻ ജനം ടിവി. സോഷ്യൽ മീഡിയ കാർഡിൽ ഉപയോഗിച്ച പ്രയോഗം).
19. ഫോർട്ട് കൊച്ചിയിൽ മുസ്‌ലിംകൾ കൂടുതലായി താമസിക്കുന്നുവെന്ന് ചൂണ്ടിക്കാട്ടി കേരളം അപകടത്തിലാണെന്നും കേന്ദ്രസർക്കാർ ഉടൻ ഇടപെടണമെന്നും അമൃത് സിംഗ് ഡാര ആവശ്യപ്പെട്ടു. പ്രദേശത്ത് ഒരു ന്യൂനപക്ഷ മതവിഭാഗം കൂടുതലായി താമസിക്കുന്നതുമായി കാശി ആർട്ട് കഫേയിൽ ബീഫ് വിൽക്കുന്നതിനെ വീഡിയോയിൽ ബന്ധപ്പെടുത്തി. (22 ഒക്ടോബർ, ‘ലിറ്റിചോക അപ്പ്’ ഇൻസ്റ്റഗ്രാം അക്കൗണ്ടിൽ പ്രസിദ്ധീകരിച്ച വീഡിയോയിലെ പരാമർശങ്ങളുടെ സാരാംശം, 24 ഒക്ടോബറിലെ ഏഷ്യാനെറ്റ് വാർത്തയിൽ നിന്ന്).
20. “കുട്ടി സഖാക്കളുടെ ഭീകരബന്ധം.” (25 ഒക്ടോബർ, എടപ്പാൾ മലബാർ കോളേജിൽ എസ്.എഫ്.ഐയിൽനിന്ന് വിജയിച്ച യൂണിയൻ ചെയർമാന് എസ്.ഡി.പി.ഐ. സ്വീകരണം നൽകിയതിനെക്കുറിച്ചുള്ള വാർത്തയുടെ തലക്കെട്ടിലെ പ്രയോഗം, ജനം ടി.വി.).
21. “പിഞ്ചുകുട്ടികളിലും കുത്തിവയ്ക്കുന്നോ മതവിഷം? […] മലപ്പുറത്ത് രാഷ്ട്രവിഭജനവാദിക്ക് ആദരമൊരുക്കി അങ്കണവാടി, സ്ഥാപനത്തിന്റെ പേര് ഖാഇദെ മില്ലത്ത്.” (28 ഒക്ടോബർ, ഖാഇദെ മില്ലത്തിന്റെ പേരിലുള്ള അങ്കണവാടിയെക്കുറിച്ചുള്ള വാർത്തയുടെ തലക്കെട്ടും പരാമർശവും, ജനം ടി.വി.).
22. “സംഭവത്തില്‍ പാണക്കാട് തങ്ങള്‍ നിലപാട് വ്യക്തമാക്കണം. ഇത്തരം ക്രിമിനലുകളെ ആണോ മുസ്ലിം ലീഗ് വിദ്യാര്‍ഥി സംഘടന എന്ന പേരില്‍ വളര്‍ത്തുന്നത് എന്നറിയാന്‍ പൊതുസമൂഹത്തിന് താല്പര്യമുണ്ട്. […] ആശുപത്രിയില്‍ അതിക്രമിച്ചു കടന്ന് കാശ്മീര്‍ ഭീകരന്മാരെ പോലെ മുഖം മറച്ചു നടത്തിയ ആക്രമണം അങ്ങേയറ്റം അപലപനീയമാണ്.” (31 ഒക്ടോബർ, കാലിക്കറ്റ് സർവകലാശാലാ ക്യാമ്പസ് യൂണിയൻ തെരഞ്ഞെടുപ്പിനെ തുടർന്നുണ്ടായ സംഘർഷത്തെക്കുറിച്ച് സി.പി.എം. സംസ്ഥാന സെക്രട്ടേറിയറ്റ് അംഗം പി. ജയരാജന്റെ പരാമർശം, മാധ്യമം).
23. “മുസ്ലിം സംഘടനകളുടെ സമ്മര്‍ദ്ദത്തിന് വഴങ്ങി വി ഡി സതീശന് സര്‍ക്കാര്‍ ആരിഫ് ഹുസൈനെ ജയിലില്‍ അടക്കാന്‍ ശ്രമിച്ചു.” (01 ഒക്ടോബർ, ‘എങ്ങും നിലവിളി.. മുസ്ലിം യുവതികളെ കാക്കണേ’, ഷാജൻ സ്‌കറിയ, മറുനാടൻ മലയാളി യൂട്യൂബ് ചാനൽ).
24. “ഉമര്‍ ഖാലിദിന് വേണ്ടിയും ഹമാസ് ഭീകരവാദികള്‍ക്ക് വേണ്ടിയും ഏങ്ങിക്കരയുന്ന ഇവിടുത്തെ ബുദ്ധിജീവികളും പുരോഗമനവാദികളും എവിടെ”. (02 ഒക്ടോബർ, ഫ്ലൈ ദുബായ് വിമാനത്തിലെ യാത്രക്കാരെ രക്ഷിച്ച ഇന്ത്യൻ പൈലറ്റിനെ അഭിനന്ദിക്കാൻ ഇവർ തയ്യാറായില്ലെന്ന ഷാജൻ സ്കറിയയുടെ പരാമർശം, ‘സതീശനും പിണറായിക്കും പേടി… രാഹുല്‍ അറിഞ്ഞേയില്ല’, മറുനാടൻ മലയാളി യൂട്യൂബ് ചാനൽ).
25. ഫ്ലൈ ദുബായ് വിമാനത്തിലെ സംഭവം “മതം തലയ്ക്കുപിടിച്ച” വ്യക്തികളുടെ ഗൂഢാലോചനയാണെന്ന് ഷാജൻ സ്‌കറിയ ആരോപിച്ചു. (02 ഒക്ടോബർ, ‘സതീശനും പിണറായിക്കും പേടി… രാഹുല്‍ അറിഞ്ഞേയില്ല’, മറുനാടൻ മലയാളി യൂട്യൂബ് ചാനൽ).
26. വിമാനത്തിലെ സംഭവം ഇസ്രയേലും സംഘപരിവാറും ചേർന്ന് നടത്തിയ നാടകമാണെന്ന് സമൂഹമാധ്യമങ്ങളിൽ പറഞ്ഞവരുടെ “മുഖത്ത് തുപ്പാന്‍”, അവരോട് “അന്തസ്സുണ്ടെങ്കില്‍ ഇന്ത്യന്‍ പൗരത്വം ഉപേക്ഷിച്ചിട്ട് പോകൂ” എന്നു പറയാൻ ആർക്കും ധൈര്യമില്ലാത്തതെന്തെന്ന് ഷാജൻ സ്‌കറിയ ചോദിച്ചു. (02 ഒക്ടോബർ, ‘സതീശനും പിണറായിക്കും പേടി… രാഹുല്‍ അറിഞ്ഞേയില്ല’, മറുനാടൻ മലയാളി യൂട്യൂബ് ചാനൽ).
27. “ഇവര്‍ രഹസ്യമായി ഇരുട്ടില്‍ ഒപ്പിക്കുന്ന പണികള്‍ എന്തൊക്കെയായിരിക്കും” […] “ഇത്തരം രാജ്യവിരുദ്ധരെ പിടികൂടാന്‍, അവരെ തടവിലിടാന്‍, അങ്ങനെ നമ്മുടെ രാജ്യം സുരക്ഷിതമാക്കാന്‍ വഴികളൊന്നുമില്ലേ”. (02 ഒക്ടോബർ, വിമാനത്തിലെ സംഭവത്തെക്കുറിച്ച് സമൂഹമാധ്യമങ്ങളിൽ സംശയം ഉന്നയിച്ചവരെക്കുറിച്ച് ഷാജൻ സ്‌കറിയ, ‘സതീശനും പിണറായിക്കും പേടി… രാഹുല്‍ അറിഞ്ഞേയില്ല’, മറുനാടൻ മലയാളി യൂട്യൂബ് ചാനൽ).
28. “പക്ഷേ ആ പാരമ്പര്യവും ആ സ്മരണയും പോലും ഇവിടെ ചിലര്‍ക്ക് അതൃപ്തിയാണ്.” (14 ഒക്ടോബർ, എറണാകുളത്തെ കടവുംഭാഗം ജൂതപ്പള്ളിക്ക് തീയിട്ട സംഭവത്തെക്കുറിച്ച് സംസാരിക്കവേ കേരളത്തിലെ ജൂതപാരമ്പര്യത്തെക്കുറിച്ച് ഷാജൻ സ്‌കറിയ നടത്തിയ പരാമർശം, ‘കൊച്ചിയിലെ സിനഗോഗിന് തീയിട്ടവന്റെ ബോസ് പാക്കിസ്ഥാനി’, മറുനാടൻ മലയാളി യൂട്യൂബ് ചാനൽ).
29. സിനഗോഗിന് തീയിട്ടത് ആസൂത്രിതമായ അട്ടിമറിയാണെന്നും ജൂതരുടെ കൂടാരപ്പെരുന്നാൾ ദിവസം തന്നെ ആക്രമണം നടത്തിയത് അവരുടെ ഓർമ മായ്ച്ചുകളയാനാണെന്നും സക്കറിയ പൊൻകുന്നം ആരോപിച്ചു. കേന്ദ്ര ഏജൻസികൾ സംഭവം അന്വേഷിക്കണമെന്നും അദ്ദേഹം ആവശ്യപ്പെട്ടു. (14 ഒക്ടോബർ, ‘കൊച്ചിയിലെ സിനഗോഗിന് തീയിട്ടവന്റെ ബോസ് പാക്കിസ്ഥാനി’ എന്ന വീഡിയോയിൽ ഷാജൻ സ്‌കറിയ കേൾപ്പിച്ച സക്കറിയ പൊൻകുന്നത്തിന്റെ ഓഡിയോ സന്ദേശത്തിന്റെ സാരാംശം, മറുനാടൻ മലയാളി യൂട്യൂബ് ചാനൽ).
30. “ഭീകരവാദികള്‍ക്ക് മതമൊന്നുമില്ല. പ്രത്യേകിച്ച് ഇസ്ലാമിക ഭീകരവാദികള്‍ക്ക്. അവര്‍ അവരുടെ പേ റോളില്‍ എല്ലാവിധത്തിലുമുള്ള ക്രിമിനലുകളെ ഉള്‍പ്പെടുത്തും. മുസ്ലിം നാമധാരികള്‍ തന്നെ ഇത് ചെയ്യുമ്പോള്‍ അത് സമുദായത്തിന് എതിരായുള്ള ഒരു വികാരമായി മാറുമ്പോള്‍ അവര്‍ കണ്ടെത്തിയിട്ടുള്ള ഒരു എളുപ്പവഴിയാണ് മറ്റ് സമുദായത്തിലുള്ളവരെ വിലക്കെടുക്കുക എന്നത്.” (14 ഒക്ടോബർ, ‘കൊച്ചിയിലെ സിനഗോഗിന് തീയിട്ടവന്റെ ബോസ് പാക്കിസ്ഥാനി’, ഷാജൻ സ്‌കറിയ, മറുനാടൻ മലയാളി യൂട്യൂബ് ചാനൽ).
31. ഇസ്രയേലിൽ കൊല്ലപ്പെട്ട നഴ്‌സ് സൗമ്യയുടെ മരണത്തെ അപലപിച്ചാലോ പൈലറ്റ് സ്മിത്ത് മച്ചാറിന്റെ ധീരതയെ അഭിനന്ദിച്ചാലോ സംഘിയായി മുദ്രകുത്തപ്പെടുമെന്ന് ഷാജൻ സ്‌കറിയ പറഞ്ഞു. ഇന്ത്യയിൽ മുസ്‌ലിംകൾ വംശഹത്യ നേരിടുന്നുവെന്ന് പറയുന്നവർ തന്നെ ജൂതർക്കെതിരെ വംശഹത്യയ്ക്ക് ആഹ്വാനം ചെയ്യുകയും അവരുടെ സ്മാരകം തകർക്കാൻ ശ്രമിക്കുകയും ചെയ്യുന്നുവെന്നും ഷാജൻ ആരോപിച്ചു. (14 ഒക്ടോബർ, ‘കൊച്ചിയിലെ സിനഗോഗിന് തീയിട്ടവന്റെ ബോസ് പാക്കിസ്ഥാനി’ എന്ന വീഡിയോയിലെ പരാമർശങ്ങളുടെ സാരാംശം, മറുനാടൻ മലയാളി യൂട്യൂബ് ചാനൽ).
32. പിതാവിന്റെ മരണത്തെത്തുടർന്ന് മുഖ്യമന്ത്രി വി.ഡി. സതീശൻ തന്റെ വീട് സന്ദർശിച്ചതിനെ വിമർശിച്ചവരെ “പിണറായിസ്റ്റുകളും തീവ്ര ഇസ്ലാമിസ്റ്റുകളും” എന്ന് ഷാജൻ സ്‌കറിയ വിശേഷിപ്പിച്ചു. (22 ഒക്ടോബർ, ‘ശുദ്ധ തെണ്ടിത്തരം! കുരുപൊട്ടല്‍ തുടരുന്നു’, മറുനാടൻ മലയാളി യൂട്യൂബ് ചാനൽ).
33. ആരാധകരെ നേടാൻ സുനിത ദേവദാസ് അപവാദകഥകൾ പറയുകയാണെന്നും കൈയടി ലഭിക്കാൻ “തീവ്ര ഇസ്ലാമിസ്റ്റുകളെ പ്രീതിപ്പെടുത്തുന്നതിനിടയില്‍” മറുനാടനെക്കുറിച്ച് സംസാരിക്കുകയാണെന്നും ഷാജൻ സ്‌കറിയ ആരോപിച്ചു. (22 ഒക്ടോബർ, ‘ശുദ്ധ തെണ്ടിത്തരം! കുരുപൊട്ടല്‍ തുടരുന്നു’, മറുനാടൻ മലയാളി യൂട്യൂബ് ചാനൽ).
34. “മുസ്ലിം ലീഗ് ദുര്‍ബലമായാല്‍ കേരളത്തില്‍ ആ ഇടം തീവ്രശക്തികള്‍ പിടിച്ചെടുക്കും.” (23 ഒക്ടോബർ, ഡൽഹിയിൽ നടന്ന ‘എക്‌സ്പ്രസ് അഡ്ഡ’ പരിപാടിയിൽ വി.ഡി. സതീശൻ, ഏഷ്യാനെറ്റ് ന്യൂസ്).
35. “നിങ്ങളെ വംശഹത്യ നടത്തുന്നത് കേവലം വ്യക്തികള്‍ അല്ല മറിച്ച് ഞങ്ങള്‍ ഒരുമിച്ചാണ് എന്ന സന്ദേശമാണോ പകര്‍ന്നു തരുന്നത്?” (17 ഒക്ടോബർ, മായിൻ ഹാജിയെ വഖഫ് ബോർഡ് ചെയർമാനായി നിയമിച്ചതിനെക്കുറിച്ച് ശശികല ടീച്ചർ, ഫേസ്ബുക്ക്).
36. “വിഘടനവാദി ജിന്നയുടെ പടം വെച്ച് കഫേ നടത്തുന്നത്രെ! നോ പ്ലോബ്ലം! ഇതാണ് അല്‍ കേരള” (24 ഒക്ടോബർ, കഫേയിൽ ജിന്നയുടെ ചിത്രം പ്രദർശിപ്പിച്ചതിനെക്കുറിച്ച് ശശികല ടീച്ചർ, ഫേസ്ബുക്ക്).
37. “ഒരു സലാം സമ്മാനം. അത് ലാല്‍സലാം വേണോ. അസ്സലാം വേണമോ എന്ന് ഈ ചെയര്മാന് തീരുമാനിക്കും!” (24 ഒക്ടോബർ, മലബാർ കോളേജിൽ എസ്.എഫ്.ഐ. പാനലിൽ വിജയിച്ച വിദ്യാർഥിയെ എസ്.ഡി.പി.ഐ. നേതാക്കൾ സന്ദർശിച്ചതിനെക്കുറിച്ച് ശശികല ടീച്ചർ, ഫേസ്ബുക്ക്).
38. എസ്.എഫ്.ഐയിൽനിന്ന് മത്സരിച്ചു ജയിച്ച വിദ്യാർഥിയെ ‘പകൽ കമ്മ്യൂണിസ്റ്റും രാത്രി ജിഹാദിയും’ എന്ന് ശശികല ടീച്ചർ വിശേഷിപ്പിച്ചു (25 ഒക്ടോബർ, ജനം ടിവി.).
39. “ഭീകരവാദ സംഘടനകളെ അനുസ്മരിപ്പിക്കുന്ന രീതിയിലാണ് ഇവരുടെ പ്രവര്‍ത്തനങ്ങള്‍. എസ്ഡിപിഐ ഉള്‍പ്പെടെയുള്ളവരുമായി പ്രഖ്യാപിതമായും അപ്രഖ്യാപിതമായും ഇവര്‍ക്ക് ബന്ധമുണ്ടോ എന്നതും പരിശോധിക്കേണ്ടതാണ്.” (30 ഒക്ടോബർ, കാലിക്കറ്റ് സർവകലാശാലയിലെ സംഘർഷത്തെത്തുടർന്ന് എം.എസ്.എഫിനെക്കുറിച്ച് എസ് എഫ് ഐ സംസ്ഥാന സെക്രട്ടറി പി.എസ്. സഞ്ജീവ്, റിപ്പോർട്ടർ ടി.വി.).
40. “മലപ്പുറം ലോബിയാണ് സതീശനെ മുഖ്യമന്ത്രിയാക്കിയത്. മന്ത്രിമാര്‍ ഈ ബില്ലിനെക്കുറിച്ച് പഠിച്ചിട്ടുണ്ട്. അവരെ മന്ത്രിമാരാക്കിയ മലപ്പുറം ഗ്രൂപ്പിനുവേണ്ടിയിട്ടാണ് ഈ ബില്ല് പാസാക്കിയിട്ടുള്ളത്” (31 ഒക്ടോബർ, സരൾ ബില്ലിനെക്കുറിച്ച് സജി തോമസ്, യൂട്യൂബ് ചാനൽ).
ഭാഗം രണ്ട്
1. ഫ്ലൈ ദുബായ് സംഭവം
2026 സെപ്റ്റംബര്‍ 30-ന് ദുബായില്‍ നിന്ന് ഇസ്രായേലിലെ ടെല്‍ അവീവിലേക്ക് 174 യാത്രക്കാരുമായി പുറപ്പെട്ട ഫ്ലൈ ദുബായ് വിമാനത്തില്‍ വച്ച് ഒമാന്‍ സ്വദേശിയായ സഹപൈലറ്റ് ഹമാം അല്‍ ഹമാമി വിമാനത്തിന്റെ കോക്ക് പിറ്റില്‍ വച്ച് മുഖ്യപൈലറ്റിനെ ആക്രമിച്ച് വിമാനം തകര്‍ക്കാന്‍ ശ്രമിച്ചുവെന്ന വാര്‍ത്ത പുറത്തുവന്നു. യുഎഇ അറ്റോര്‍ണി ജനറല്‍ പുറത്തുവിട്ട റിപ്പോര്‍ട്ട് പ്രകാരം വിമാനം തട്ടിയെടുത്ത് ടെല്‍ അവീവിലെ ബെന്‍ ഗുറിയോണ്‍ വിമാനത്താവളത്തില്‍ ഇടിച്ചിറക്കാനായിരുന്നു ശ്രമം. തുടര്‍ന്നുവന്ന വാര്‍ത്തകള്‍ താഴെ നല്‍കുന്നു:
1.1 സ്ത്രീകള്‍ക്ക് കൈകൊടുക്കില്ല
സ്ത്രീകള്‍ക്ക് കൈകൊടുക്കില്ല, കൂടുതല്‍ സമയവും പ്രാര്‍ത്ഥനയില്‍. അക്രമിയായ പൈലറ്റിനെപ്പറ്റി സഹപ്രവര്‍ത്തകര്‍ (2 ഒക്ടോബര്‍, മാതൃഭൂമി ഫേസ്ബുക്ക് കാര്‍ഡ്).
1.2 കോ പൈലറ്റ് തീവ്ര മതവാദി
അറസ്റ്റിലായ ഒമാന്‍ സ്വദേശി തീവ്ര മതചിന്ത വച്ചുപുലര്‍ത്തിയിരുന്നയാളായിരുന്നെന്നു സഹപ്രവര്‍ത്തകര്‍. ജോലിസമയത്ത് അമിതമായ പ്രാര്‍ത്ഥന രീതികള്‍ പിന്തുടര്‍ന്നിരുന്ന ഇയാള്‍, സഹപ്രവര്‍ത്തകരായിരുന്ന സ്ത്രീകള്‍ക്ക് കൈ കൊടുക്കാന്‍ പോലും വിസമ്മതിച്ചിരുന്നു (2 ഒക്ടോബര്‍, ലക്ഷ്യമിട്ടത് വിമാനം തകര്‍ക്കാന്‍; കോ പൈലറ്റ് തീവ്ര മതവാദി, ജന്മഭൂമി).
1.3 ഇന്ത്യ രക്ഷപ്പെട്ടു
ഷാജന്‍ സ്‌കറിയ ഷെയര്‍ ചെയ്ത ഒരു വാട്‌സ് ആപ്പ് സന്ദേശം: ഭീകരനെ കീഴടക്കുന്നതില്‍ സ്മിത്ത് മച്ചാന്‍ പരാജയപ്പെട്ടിരുന്നെങ്കില്‍? ഏതെങ്കിലും വലിയ ഒരു കെട്ടിടത്തില്‍ വിമാനം കൊണ്ടിടിച്ച്, ആയിരങ്ങളെ കൊന്നു കഴിയുമ്പോള്‍ ലോകം പറയും ‘ഒരു ഇന്ത്യന്‍ ഭീകരവാദിയും ഒമാനി ഭീകരവാദിയും ചേര്‍ന്ന് 9/11 പോലെ ഒരാക്രമണം നടത്തി ആയിരങ്ങളെ വധിച്ചു’ എന്ന്! പൊളിറ്റിക്കല്‍ ഭൂപടത്തില്‍ ഇന്ത്യയുടെ പേര് എന്നെന്നേയ്ക്കുമായി നിറം മാറി രേഖപ്പെടുത്താന്‍ കാരണമായേക്കാവുന്ന ഒരപകടം കൂടിയാണ് ഇന്നലെ ഒഴിഞ്ഞുപോയത് (2 ഒക്ടോബര്‍, ഫേസ്ബുക്ക്/ ഷാജന്‍ സ്‌കറിയ).
1.4 ഇസ്ലാമിക് ഭീകരന്‍
കാസയുടെ എഫ്ബി പോസ്റ്റില്‍നിന്ന്: 9/11 മാതൃകയില്‍ ഇസ്ലാമിക് ഭീകരാക്രമണം നടത്താനിരുന്ന ഇസ്ലാമിക് ഭീകരന്‍ ഒമാനി പൈലറ്റിനെ കീഴ്‌പ്പെടുത്തി. ഇസ്രായേല്‍ സഹോദരങ്ങളെ രക്ഷിച്ചത് ഇന്ത്യന്‍ പൈലറ്റ് സ്മത്ത് മച്ച്ചാര്‍ (3 ഒക്ടോബര്‍, ഫേസ്ബുക്ക്/ കാസ).
1.5 ജിഹാദി ഗൂഢാലോചനയും ഭീകരബന്ധവും
ജനം ടിവി പോസ്റ്റര്‍: വിമാനം തകര്‍ക്കാന്‍ ജിഹാദി ഗൂഢാലോചന? കോ പൈലറ്റിന് ഭീകരബന്ധം (3 ഒക്ടോബര്‍, ജനം ടി.വി പോസ്റ്റര്‍).
2. താലിബാനിസം
ജയിന്‍ യൂണിവേഴ്‌സിറ്റി ഡയറക്ടര്‍ ടോം എം ജോസഫിനെതിരെ നിരവധി പരാതികള്‍ ഉയര്‍ന്നുവന്നു. 2018ല്‍ ഐഎസ് സിഎ എന്ന പേരില്‍ ടോം ജോസഫ് കാക്കനാട് ആരംഭിച്ച സ്ഥാപനത്തിന്റെ പേരില്‍ ലക്ഷങ്ങള്‍ തട്ടിയെടുത്തതാണ് ഒരു പരാതി. 2,75,000 രൂപ ഫീസ് വാങ്ങി ഒന്നരവര്‍ഷത്തേക്ക് എന്ന് പറഞ്ഞു തുടങ്ങിയ കോഴ്സ് മൂന്നുവര്‍ഷമായിട്ടും പൂര്‍ത്തിയായില്ലെന്നാണ് വിദ്യാര്‍ഥികളുടെ പരാതി. നിരവധി വിദ്യാര്‍ത്ഥികളാണ് ടോം എം ജോസഫിനെതിരെ പരാതിപ്പെട്ടത്. സമാനമായ നിരവധി പരാതികളും ഉയര്‍ന്നു. 2026 സെപ്തംബറില്‍ ഇത് വാര്‍ത്തയായി. റിപ്പോര്‍ട്ടര്‍ ടി വി വാര്‍ത്തയാക്കുകയും ചെയ്തു. ഇതിനെതിരേ മറുനാടന്‍ മലയാളി പുറത്തുവിട്ട വീഡിയോയുടെ ശീര്‍ഷകം ഇങ്ങനെ: റിപ്പോര്‍ട്ടര്‍ ടിവി യുടെ താലിബാനിസം: ജെയിന്‍ യൂനിവേഴ്സിറ്റി ഉടമ ടോം ജോസഫ് (01 ഒക്ടോബര്‍ 2026, മറുനാടന്‍ മലയാളി).
3. വഖഫ്
പുതിയ നിയമമനുസരിച്ച് വഖ്ഫ് ബോര്‍ഡില്‍ അമുസ്‌ലിംകളെ നിയമിക്കണമെന്നാവശ്യപ്പെട്ട് ബിജെപി നേതാവ് ഷോണ്‍ ജോര്‍ജ് അടക്കം ചിലര്‍ ഹൈക്കോടതിയെ സമീപിച്ചു. പുതിയ കേന്ദ്ര നിയമപ്രകാരം ബോര്‍ഡില്‍ രണ്ട് അമുസ്‌ലിം അംഗങ്ങളുടെ ഒഴിവ് നികത്താത്തതും ഷിയ, ബോറ, അഗഖാനി തുടങ്ങിയ വിഭാഗ പ്രതിനിധികളെ ഉള്‍പ്പെടുത്താത്തതും ചോദ്യം ചെയ്യുന്ന ഒരുകൂട്ടം ഹര്‍ജികളാണ് കോടതിയിലെത്തിയത്.
പുതിയ വഖഫ് നിയമത്തിന് അനുസൃതമായി നിയമനം നടത്തുന്നതിന് സുന്നി, ഷിയ, ബോറ, ആഗാഖനി മുസ്ലിം സമുദായത്തിലെ മറ്റ് പിന്നാക്ക വിഭാഗങ്ങള്‍ എന്നിവയുടെ വഖഫുകള്‍ സംബന്ധിച്ച് നടത്തുന്ന പരിശോധന പൂര്‍ത്തിയാക്കാന്‍ രണ്ടാഴ്ചകൂടി സാവകാശം നല്‍കണമെന്ന് സര്‍ക്കാര്‍ ഹൈക്കോടതിയില്‍ ആവശ്യപ്പെട്ടു. സര്‍ക്കാരിന് കണക്കെടുപ്പ് പൂര്‍ത്തിയാക്കാന്‍ ചീഫ് ജസ്റ്റിസ് ഉള്‍പ്പെട്ട ഡിവിഷന്‍ ബെഞ്ച് രണ്ടാഴ്ച സാവകാശം അനുവദിച്ചു.
സാവകാശം ചോദിച്ചത് ഷോണ്‍ ജോര്‍ജിനെ പിന്തുണയ്ക്കുന്ന നിലപാടാണെന്ന് ദേശാഭിമാനി എഴുതി (1 ഒക്ടോബര്‍, വഖഫ് ബോര്‍ഡിലെ അമുസ്‌ലിം നിയമനം:ബിജെപി നിലപാടില്‍ വീണ്ടും യോജിച്ച് സര്‍ക്കാര്‍, ദേശാഭിമാനി).
വാദത്തിനിടയില്‍ വഖ്ഫ് ബോര്ഡ് പുനഃസംഘടിപ്പിക്കാന്‍ സര്‍ക്കാരിന് ഹൈക്കോടതി അനുമതി നല്‍കിയിരുന്നു. പുനഃസംഘടന നിയമവിരുദ്ധമാണെന്ന് ചൂണ്ടിക്കാട്ടി ബോര്ഡ് ചെയര്മാന് കെ എസ് ഹംസും എ എ റഹീം എംപിയും ഹൈക്കോടതിയില്‍ അധിക സത്യവാങ്മൂലം നല്‍കി. സര്‍ക്കാര്‍ ഉത്തരവിലൂടെ നിയമിച്ച അംഗങ്ങളുടെ എണ്ണം പൂര്‍ണ്ണമല്ലെന്ന കാരണത്താല്‍ ബോര്ഡ് പ്രവര്‍ത്തനം നിയമവിരുദ്ധമെന്ന് സത്യവാങ്മൂലത്തില്‍ ചൂണ്ടിക്കാട്ടി. 11 അംഗ ബോര്‍ഡിലേക്ക് ഒമ്പതംഗങ്ങളെ നേരത്തെ നോമിനേറ്റ് ചെയ്തതാണ്. എന്നാല്‍, രണ്ട് അംഗങ്ങളുടെ ഒഴിവ് ശേഷിക്കുന്നുവെന്ന് ചൂണ്ടിക്കാട്ടി ബോര്ഡ് സമ്പൂര്‍ണ്ണമായി പുനഃസംഘടിപ്പിക്കാനുള്ള സര്‍ക്കാരിനീക്കം തടയണമെന്നാണ് സത്യവാങ്മൂലത്തില്‍ പറഞ്ഞിരുന്നത് (15 ഒക്ടോബര്‍, വഖഫ് ബോര്ഡ് പുനഃസംഘടനനീക്കം തടയണം; ഹൈക്കോടതിയില്‍ ഹര്‍ജി, ദേശാഭിമാനി, നിയമവിരുദ്ധമെന്ന് കെ എസ് ഹംസയും എ എ റഹീം എം.പിയും, ദേശാഭിമാനി),
വഖ്ഫ് ബോര്‍ഡില്‍ പ്രാതിനിധ്യം വേണമെന്ന ആവശ്യവുമായി യു ഡി എഫില്‍ സമ്മര്‍ദം ചെലുത്താന്‍ ജമാഅത്തെ ഇസ്ലാമിയുടെ നീക്കം നടത്തിയതായി സിറാജ് (17 ഒക്ടോബര്‍, വഖഫ് ബോര്‍ഡില്‍ പ്രാതിനിധ്യം യു ഡി എഫില്‍ സമ്മര്‍ദം ചെലുത്തി ജമാഅത്തെ ഇസ്ലാമിയുടെ നീക്കം, സിറാജ്).
താമസിയാതെ കെ എസ് ഹംസയുടെ നേതൃത്വത്തിലുള്ള സമിതിയെ പിരിച്ചുവിട്ട് സംസ്ഥാന വഖഫ് ബോര്ഡ് സര്‍ക്കാര്‍ പുനഃസംഘടിപ്പിച്ചു. മുസ് ലിം ലീഗ് നേതാവ് എം സി മായിന് ഹാജിയാണ് ബോര്‍ഡിന്റെ ചെര്‍മാന്‍. എം ബി മുസ്തഫല്‍ ഫൈസി, ഷിറാസ് ബി കപ്പാസി, കുറുക്കോളി മൊയ്തീന്‍ എംഎല്‍എ, തൊടിയൂര്‍ മുഹമ്മദ്കുഞ്ഞ് മൗലവി, സജ്‌ന ഫിറോസ്, ജസീം സബാഹ്, ഡോ. അബ്ദുള്‍ മജീദ് സലാഹി, മദീന ബീഗം, എന്നിവരാണ് അംഗങ്ങള്‍. അമുസ് ലിങ്ങളെ നാമനിര്‍ദേശം ചെയ്തിട്ടില്ല (17 ഒക്ടോബര്‍, കേരള വഖഫ് ബോര്ഡ് പുനസംഘടിപ്പിച്ചു; എം സി മായിന് ഹാജി പുതിയ ചെയര്മാന്, തേജസ് ന്യൂസ്).
3.1 മാറാടിന്റെ രക്തക്കറ
മായിന് ഹാജിയുടെ നിയമനത്തിനെതിരേ ഹിന്ദു ഐക്യവേദി നേതാവ് ശശികല ഫേസ് ബുക്കില്‍ വിമര്‍ശിച്ചു. ബോര്‍ഡില്‍ മാറാടിന്റെ രക്തക്കറയുണ്ടെന്നായിരുന്നു എഴുതിയത്: രണ്ടാം മാറാട് വംശഹത്യയുമായി ബന്ധപ്പെട്ട സിബിഐ സമര്‍പ്പിച്ച എഫ്‌ഐആറിലെ പ്രതിയാണ് മായിന് ഹാജി! 80 ലക്ഷത്തിലധികം മുസ്ലീങ്ങള്‍ ഉള്ള കേരളത്തില്‍ വഖഫ് ബോര്‍ഡിന്റെ ചെയര്മാന് ആകാന്‍ മാറാട്ടെ പ്രതിയെത്തന്നെ വേണം എന്ന നിശ്ചയം ആരുടേതാണ്? ഇത് ആര്‍ക്കള്ള പാഠമാണ് ഹിന്ദുക്കള്‍ക്കോ? നിങ്ങളെ വംശഹത്യ നടത്തുന്നത് കേവലം വ്യക്തികള്‍ അല്ല മറിച്ച് ഞങ്ങള്‍ ഒരുമിച്ചാണ് എന്ന സന്ദേശമാണോ പകര്‍ന്നു തരുന്നത്? അതോ പാഠം മുസ്‌ലിംകള്‍ക്കുള്ളതാണോ? വംശഹത്യക്ക് നേതൃത്വം കൊടുത്താല്‍ നിങ്ങള്‍ക്ക് ആരാധ്യമായ പദവികള്‍ ഞങ്ങള്‍ തരും എന്നതാണ് ആ സന്ദേശം? എന്തായാലും ഇത് അനുചിതമായി പോയി മാറാട്ടെ മുറിവില്‍ വിഡി സതീശന് സര്‍ക്കാര്‍ ഉപ്പല്ല തേച്ചത് മുളകാണ്! (17 ഒക്ടോബര്‍, ഫേസ്ബുക്ക്/ ശശികല).
3.2 ജമാഅത്തെ ഇസ്ലാമിക്ക് പ്രാതിനിധ്യം
ജമാഅത്തെ ഇസ്ലാമിക്ക് ആദ്യമായി പ്രാതിനിധ്യമെന്ന് സമകാലിക മലയാളം റിപ്പോര്‍ട്ട് ചെയ്തു: അമുസ്ലീങ്ങളില്ല; ജമാഅത്തെ ഇസ്ലാമിക്ക് ആദ്യമായി പ്രാതിനിധ്യം; മായിന് ഹാജി ചെയര്മാന്; വഖഫ് ബോര്ഡ് പുനഃസംഘടിപ്പിച്ചു(17 ഒക്ടോബര്‍, ഫേസ്ബുക്ക് കാര്‍ഡ്, സമകാലിക മലയാളം; ന്യൂസ് 18, മലയാള മനോരമ)
യഥാര്‍ത്ഥത്തില്‍ ജമാഅത്തെ ഇസ്ലാമിക്ക് മുന്‍കാലങ്ങളിലും പ്രാതിനിധ്യം ഉണ്ടായിരുന്നു.
ഇതേ കുറിച്ച് സുദേഷ് എം രഘു ഇങ്ങനെ എഴുതി: നമ്മുടെ നാട്ടില്‍ വ്യാജവാര്‍ത്തകളും ബോധപൂര്‍വമായ തെറ്റിദ്ധരിപ്പിക്കലുകളും എങ്ങനെയാണ് നിരന്തരം ഉല്‍പ്പാദിപ്പിക്കപ്പെടുന്നതെന്ന് ശ്രദ്ധിച്ചിട്ടുണ്ടോ? വഖഫ് ബോര്ഡ് പുനഃസംഘടനയെക്കുറിച്ചുള്ള വാര്‍ത്തകള്‍ തന്നെ നോക്കാം. ഈ വിഷയത്തില്‍ പിണറായി വിജയനടക്കം ആദ്യം പ്രസംഗിച്ചത് യുഡിഎഫ് സര്‍ക്കാര്‍ വഖഫ് ബോര്‍ഡില്‍ അമുസ്‌ലിംകളെ നിയമിക്കുകയാണെന്നും അതുവഴി ആര്‍എസ്എസ് അജണ്ടയ്ക്ക് കീഴടങ്ങുകയാണെന്നുമായിരുന്നു. ദേശാഭിമാനിയിലടക്കം ആ വാര്‍ത്തകള്‍ വന്നിരുന്നു. ഇപ്പോള്‍ വഖഫ് ബോര്ഡ് പുനഃസംഘടിപ്പിച്ചിരിക്കുന്നു. മുസ്ലിം ഇതര അംഗങ്ങളെ ഉള്‍പ്പെടുത്തിയിട്ടുമില്ല. എന്നാല്‍ ഇപ്പോള്‍ മറ്റൊരു വാര്‍ത്തയാണ് പ്രചരിക്കുന്നത്. ഇതാ, വഖഫ് ബോര്‍ഡില്‍ ആദ്യമായി ജമാഅത്തെ ഇസ്ലാമിക്കാര്‍ക്ക് പ്രാതിനിധ്യം ലഭിച്ചിരിക്കുന്നു! ന്യൂസ് 18, സമകാലിക മലയാളം പോലുള്ള കാവി / ചെങ്കാവി മാധ്യമങ്ങളുടെ വാര്‍ത്താവതരണത്തെക്കുറിച്ച് ഒന്നും പറയാനില്ല. എന്നാല്‍ മനോരമയെങ്കിലും ഇത്തരം വസ്തുതാവിരുദ്ധമായ വാര്‍ത്തകള്‍ പ്രചരിപ്പിക്കാന്‍ പാടില്ലായിരുന്നു. സാക്ഷാല്‍ വി. എസ്. അച്യുതാനന്ദന്റെ സര്‍ക്കാരിന്റെ കാലത്ത് ജമാഅത്തെ ഇസ്ലാമി നേതാവായ പി. പി. അബ്ദുറഹ്‌മാന്‍ പെരിങ്ങാടി വഖഫ് ബോര്ഡ് അംഗമായിരുന്നു. 2009-ല്‍ വഖഫ് ബോര്‍ഡിന്റെ ഉപസമിതിയിലും അദ്ദേഹം അംഗമായിരുന്നു. ഇതൊന്നും അറിയാതെയാണോ ഇപ്പോള്‍ ആദ്യമായി ജമാഅത്തെ ഇസ്ലാമിക്ക് പ്രാതിനിധ്യം ലഭിച്ചുവെന്ന വാര്‍ത്ത നല്‍കുന്നത്? ഇപ്പോള്‍ ഒരു പടികൂടി കടന്ന്, മുസ്ലിം സംഘടനകളുടെ പ്രാതിനിധ്യത്തോടൊപ്പം തന്നെ സംഘടനകളുടെ ഭാഗമായ മുസ്ലിം വനിതകളെയും വഖഫ് ബോര്‍ഡില്‍ ഉള്‍പ്പെടുത്തിയിട്ടുണ്ട്. ജമാഅത്തെ ഇസ്ലാമിയുടെ നോമിനിയായി വെല്‍ഫെയര്‍ പാര്‍ട്ടി നോമിനിയായ ജസീം സബാഹ് ആണ്. കര്‍തൃത്വമുള്ള മുസ്ലിം വനിതകള്‍ക്ക് പ്രാതിനിധ്യം നല്‍കുന്ന ഇത്തരം നടപടികളെ അഭിനന്ദിക്കുകയാണ് വേണ്ടത്. അതിനു പകരം ജമാഅത്തെ ഇസ്ലാമിയുടെ സാന്നിധ്യത്തെ ഒരു അസാധാരണ സംഭവമായി അവതരിപ്പിക്കാനുള്ള വ്യഗ്രതയാണ് ചില വാര്‍ത്തകളില്‍ പ്രകടമാകുന്നത് (17 ഒക്ടോബര്‍, ഫേസ്ബുക്ക്/ സുദേഷ് എം രഘു).
3.3 നിയമവിരുദ്ധം
കേന്ദ്ര വഖഫ് ഭേദഗതി നിയമത്തിലെ വ്യവസ്ഥകള്‍ പാലിക്കാതെയാണ് കേരളത്തില്‍ പുതിയ വഖഫ് ബോര്ഡ് രൂപീകരിച്ചതെന്ന് ബി.ജെ.പി. സംസ്ഥാന വൈസ് പ്രസിഡന്റ് ഷോണ്‍ ജോര്‍ജ്. അംഗങ്ങളുടെ നിയമനവുമായി ബന്ധപ്പെട്ട് സുപ്രീം കോടതി സ്റ്റേ ഏര്‍പ്പെടുത്തിയിട്ടില്ലാത്ത സാഹചര്യത്തില്‍, ഇത്തരമൊരു നിലപാട് സ്വീകരിക്കുന്നത് കേന്ദ്ര നിയമത്തോടുള്ള അവഗണനയാണ്. പഴയ രീതിയില്‍ത്തന്നെയാണ് ഇപ്പോഴും ബോര്ഡ് രൂപീകരിച്ചിരിക്കുന്നതെങ്കില്‍, കേന്ദ്ര നിയമത്തിലെ വ്യവസ്ഥകള്‍ അവഗണിച്ചതിന്റെ കാരണം വ്യക്തമാക്കണം. നിലവിലെ വഖഫ് ബോര്‍ഡിന്റെ രൂപീകരണവുമായി ബന്ധപ്പെട്ട് ഹൈക്കോടതിയില്‍ കേസ് നിലനില്‍ക്കുന്ന സാഹചര്യത്തില്‍, ബോര്‍ഡിന്റെ നിയമസാധുതയും പ്രവര്‍ത്തനങ്ങളും തീരുമാനങ്ങളും നിയമപരമായ പരിശോധനയ്ക്ക് വിധേയമാക്കേണ്ടിവരും. മുസ്ലിം ലീഗിന്റെ സമ്മര്‍ദത്തിനു വീണ്ടും വഴങ്ങിയാണ് സര്‍ക്കാര്‍ ഇത്തരമൊരു തീരുമാനമെടുത്തത്. വഖഫ് ബോര്ഡ് ചെയര്‍മാനായ വ്യക്തിക്കെതിരേ മാറാട് കൂട്ടക്കൊല കേസില്‍ സി.ബി.ഐ. എഫ്.ഐ.ആര്. രജിസ്റ്റര്‍ ചെയ്തതാണെന്നും ഇത്തരക്കാര്‍ക്ക് പദവികള്‍ നല്‍കുന്നത് സംസ്ഥാന സര്‍ക്കാര്‍ പുനഃപരിശോധിക്കണമെന്നും ഷോണ്‍ ജോര്‍ജ് ആവശ്യപ്പെട്ടു (18 ഒക്ടോബര്‍, വഖഫ് ബോര്ഡ് രൂപീകരണം നിയമവിരുദ്ധം: ഷോണ്‍ ജോര്‍ജ്, മംഗളം).
സൂപ്രീം കോടതിയില്‍ നിലവിലുള്ള കേസിന്റെ അടിസ്ഥാനത്തില്‍ ബാക്കി അംഗങ്ങളെ പിന്നീട് നിയമിക്കുമെന്നാണ് സംസ്ഥാന സര്‍ക്കാര്‍ നിയമന ഉത്തരവില്‍ വ്യക്തമാക്കിയിട്ടുള്ളത്.
സ്റ്റേയില്ല
സംസ്ഥാന വഖഫ് ബോര്ഡ് പൂര്‍ണമായി പിരിച്ചുവിട്ട് പുതിയ ബോര്ഡ് രൂപവത്കരിച്ച സംസ്ഥാന സര്‍ക്കാര്‍ നടപടി സ്റ്റേ ചെയ്യണമെന്നാവശ്യപ്പെട്ട് മുന്‍ ചെയര്മാന് കെ.എസ് ഹംസ സമര്‍പ്പിച്ച ഹര്‍ജി ഹൈക്കോടതി തള്ളി. കേന്ദ്ര നിയമപ്രകാരമല്ല പുതിയ ബോര്ഡ് രൂപവത്കരിച്ചതെന്നും നിലവിലെ ബോര്‍ഡിന്റെ കാലാവധി തീരാതെയാണ് പുനസംഘടിപ്പിച്ചതെന്നും ഹര്‍ജിക്കാരന്റെ വാദം ഹൈക്കോടതി സിംഗിള്‍ ബഞ്ച് തള്ളി. ബോര്‍ഡിലെ രണ്ട് അമുസ്‌ലിംകളുടെ ഒഴിവ് നികത്തണമെന്ന കോടതി നിര്‍ദേശത്തെ തെറ്റായി വ്യാഖ്യാനിച്ച് ബോര്ഡ് പുനസംഘടിപ്പിച്ചത് രാഷ്ട്രീയലക്ഷ്യത്തോടെയാണെന്ന ഹംസയുടെ വാദവും കോടതി അംഗീകരിച്ചില്ല. ബോര്ഡ് പിരിച്ചുവിട്ട് പുനസംഘടിപ്പിക്കാന്‍ സര്‍ക്കാ റിന് അധികാരമുണ്ടെന്ന് കോടതി സിംഗിള്‍ ബഞ്ച് ചൂണ്ടിക്കാട്ടി. കേസ് ഡിവിഷന്‍ ബഞ്ചിന്റെ പരിഗണനക്ക് വിട്ടു. ഡിവിഷന്‍ ബഞ്ചിന്റെ വിധിയുടെ അടിസ്ഥാനത്തിലായിരിക്കും സര്‍ക്കാറിന്റെ തീരുമാനമെന്നും കോടതി പറഞ്ഞു (18 ഒക്ടോബര്‍, വഖഫ് ബോര്ഡ് പുനസംഘടനക്ക് സ്റ്റേയില്ല കെ.എസ് ഹംസയുടെ ഹര്‍ജി ഹൈക്കോടതി തള്ളി, ചന്ദ്രിക).
ഹൈക്കോടതി നിരീക്ഷണം തെറ്റായി അവതരിപ്പിച്ചു
വഖഫ് ബോര്ഡ് പിരിച്ചുവിട്ടു പുന സംഘടിപ്പിച്ച സംസ്ഥാന സര്‍ക്കാരിന്റെ നപടി നിയമവിരുദ്ധമാണെന്ന് മുന്‍ മന്ത്രി പി. രാജീവ്. വ്യവസ്ഥയെ വെല്ലുവിളിച്ച് ഹൈക്കോടതി നിരീക്ഷണത്തെ തെറ്റായി അവതരിപ്പിക്കുകയാണ് സര്‍ക്കാര്‍ ചെയ്തിരിക്കുന്നത്. ജമാഅത്തെ ഇസ് ലാമിക്കാരുള്‍പ്പെടെ താല്‍പര്യക്കാരെയും ഉള്‍പ്പെടുത്തിയാണ് പുതിയ ബോര്ഡ് രൂപീകരിച്ചത്. വഖഫ് നിയമത്തില്‍ ബോര്ഡ് പിരിച്ചുവിടാന്‍ വ്യവസ്ഥയില്ല. മതിയായ കാരണങ്ങളുണ്ടെങ്കില്‍ മാത്രം ആറുമാസത്തേക്ക് സസ്‌പെന്‍ഡ് ചെയ്യാനേ കഴിയൂ പഴയ നിയമത്തിലെ വ്യവസ്ഥകള്‍ പ്രകാരം ഒരു സര്‍ക്കാരും ബോര്‍ഡിനെ പിരിച്ചുവിടാന്‍ ധൈര്യപ്പെട്ടില്ല. ഏതെങ്കിലുമൊരു അംഗത്തിന്റെ നിയമനത്തില്‍ അപാകതയുണ്ടെങ്കില്‍ വഖ്ഫ് ബോര്ഡ് തന്നെ അസാധുവാകുമെ അസാധാരണ വ്യാഖ്യാനമാണ് സര്‍ക്കാര്‍ നടത്തുന്നതെന്നും അദ്ദേഹം പറഞ്ഞു (18 ഒക്ടോബര്‍, നിയമവിരുദ്ധം: പി. രാജീവ്, സുപ്രഭാതം).
3.4 മായിന്‍ഹാജി പ്രതി
ജനം ടിവി പോസ്റ്റര്‍: വഖ്ഫ് ബോര്ഡ് ചെയര്മാന് നിയമനം വിവാദത്തില്‍ മായിന് ഹാജി രണ്ടാം മാറാട് കലാപക്കേസ് പ്രതി (19 ഒക്ടോബര്‍, വഖ്ഫ് ബോര്ഡ് ചെയര്മാന് നിയമനം വിവാദത്തില്‍, ജനം ടിവി പോസ്റ്റര്‍).
3.5 വ്യാജവാര്‍ത്ത നിര്‍മ്മിച്ചതിനുള്ള പ്രതിഫലം
എന്‍ ഷംസുദ്ദിന്റെ വകുപ്പ് ഭരിക്കുന്നത് വിഡി സതീശനാണെന്ന ആരോപണം ശരിവയ്ക്കുന്നതാണ് വഖ്ഫ് ബോര്‍ഡിന്റെ പുനഃസംഘടനയെന്ന് ദേശാഭിമാനി:
എന്‍ ഷംസുദ്ദിന്റെ വകുപ്പ് ഭരിക്കുന്നത് വിഡി സതീശനാണെന്ന ആരോപണം ശരിവയ്ക്കുന്നതാണിത്. തുടര്‍ന്നാണ് ജമാത്തത്തെ ഇസ്ലാമിക്കുടക്കും പ്രാതിനിധ്യം നല്‍കിയുള്ള പട്ടിക പുറത്തിറക്കിയത്. ബോര്ഡ് ചെയര്‍മാനെയും അംഗങ്ങളെയും നിയമിക്കുമ്പോള്‍ നടത്തേണ്ട പരിശോധനയും നടന്നില്ല. കഴിഞ്ഞ തദ്ദേശ, നിയമസഭാ തെരഞ്ഞെടുപ്പില്‍ ജമാത്തത്തെ ഇസ്ലാമിയും വെല്‍ഫയര്‍ പാര്‍ട്ടിയും യുഡിഎഫിന് പിന്തുണച്ചിരുന്നു. ജമാത്തെ ഇസ്ലാമിയുടെ മാധ്യമങ്ങളും യുഡിഎഫിനായി വ്യാജ വാര്‍ത്തകള്‍ നിര്‍മിച്ചു. ഇതിനുള്ള ഉപകാരസ്മരണയാണ് വലഫ് ബോര്ഡ് അംഗത്വം കേരളത്തില്‍ ഏറ്റുവും കൂടുതല്‍ ജനസ്വാധീനമുള്ള സുന്നി സംഘനകള്‍ക്ക് ബോര്‍ഡില്‍ ‘ഇടം നല്‍കിയിട്ടില്ല (19 ഒക്ടോബര്‍, വഖഫ് ബോര്ഡ് പുനഃസംഘടന സുന്നി സംഘടനകളെ തഴഞ്ഞതിനുപിന്നില്‍ മുഖ്യമന്ത്രി. ദേശാഭിമാനി).
ചെയര്‍മാനില്‍ പൂര്‍ണതൃപ്തി
പുതിയ വഖഫ് ബോര്ഡ് ചെയര്‍മാനായ എം.സി. മായിന് ഹാജി സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളെയും കാന്തപുരം എ.പി. അബൂബക്കര്‍ മുസ്ലിയാരെയും സന്ദര്‍ശിച്ചു. മായിന് ഹാജിയെ നിയമിച്ചത് പൂര്‍ണ്ണ തൃപ്തികരവും സന്തോഷകരവുമാണെന്ന് സമസ്ത ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ വ്യക്തമാക്കി (22 ഒക്ടോബര്‍, മായിന്‍ഹാജി ജിഫ്രി തങ്ങളെയും കാന്തപുരത്തെയും സന്ദര്‍ശിച്ചു. വഖഫ് ബോര്ഡ് ചെയര്‍മാനില്‍ പൂര്‍ണ്ണ തൃപ്തി: ജിഫ്രി തങ്ങള്‍, ചന്ദ്രിക).
മുനമ്പം
മുനമ്പം വഖ്ഫ് ഭൂമിയാണെന്ന പുതിയ ബോര്ഡ് ചെയര്മാന് വ്യക്തമാക്കി. ഈ പ്രസ്താവന പുറത്തുവന്നതോടെ മുനമ്പത്തുകാര്‍ വീണ്ടും സമരത്തിനിറങ്ങുമെന്ന് കേരള കൗമുദി: മുസ്ലിം ലീഗ് വൈസ് പ്രസിഡന്റായ മായിന് ഹാജിയുടെ വാക്കുകള്‍, മുനമ്പം വഖഫ് ഭൂമിഅല്ലെന്ന നിലപാടിന് വിരുദ്ധമാണ്. മുനമ്പം സമരസമിതി നാളെ കലൂരിലെ വഖഫ് ബോര്ഡ് ഓഫീസില്‍ സായാഹ്ന ധര്‍ണ നടത്തും. വൈകിട്ട് 3ന് ഫാ. ജോഷി മയ്യാറ്റില്‍ ഉദ്ഘാടനം ചെയ്യും. മുനമ്പം ഭൂസംരക്ഷണ സമിതി അടുത്ത ദിവസം മുനമ്പത്ത് ജാഥ നടത്തും. മുനമ്പം പള്ളിയില്‍ നിന്ന് മെഴുകുതിരികള്‍ തെളിച്ച് ബീച്ചില്‍ മുനമ്പം ഗാപ്പിലെത്തി പ്രാര്‍ത്ഥിക്കും. കരമടയ്ക്കാന്‍ റവന്യൂ വകുപ്പ് അനുവദിച്ചതിനെ തുടര്‍ന്നാണ് മുനമ്പം ഭൂസംരക്ഷണ സമിതി സമരം നിര്‍ത്തിയത്. ഭൂസംരക്ഷണ സമിതിയില്‍ നിന്ന് മാറി രൂപം കൊണ്ടതാണ് ബി.ജെ.പി ആഭിമുഖ്യമുള്ള മുനമ്പം സമരസമിതി. അന്നത്തെ സമരത്തില്‍ എല്‍.ഡി.എഫിനെയും യു.ഡി.എഫിനെയും പിന്തള്ളി ബി.ജെ.പി മേല്‍ക്കൈ നേടിയിരുന്നു. തദ്ദേശ തിരഞ്ഞെടുപ്പില്‍ ഒരു വാര്‍ഡും ബി.ജെ.പി പിടിച്ചെടുത്തു. കേന്ദ്ര സര്‍ക്കാരിന്റെ വഖഫ് നിയമഭേദഗതിക്ക് ശേഷവും മുനമ്പം ഭൂമി മുന്‍ ഇടത് ബോര്ഡ് ഉമീദ് പോര്‍ട്ടലില്‍ രജിസ്റ്റര്‍ ചെയ്തിരുന്നു (23 ഒക്ടോബര്‍, വഖഫ് ഭൂമിയെന്ന് പുതിയ ബോര്ഡ്, മുനമ്പത്തുകാര്‍ വീണ്ടും സമരത്തിലേക്ക്, കേരള കൗമുദി).
മുന്‍കാലപ്രാബല്യമില്ലാത്ത വഖഫ് നിയമഭേദഗതി കൊണ്ട് ഒരു ഗുണവുമുണ്ടായില്ല. ഭൂമി ഉമീദ് പോര്‍ട്ടലില്‍ രജിസ്റ്റര്‍ ചെയ്യുന്നത് തടയാന്‍ കേന്ദ്രം ഇടപെട്ടില്ല. സുപ്രീംകോടതിയിലെ കേസില്‍ സംസ്ഥാന സര്‍ക്കാര്‍ നിലപാട് മാറ്റിയാല്‍ പ്രശ്‌നം പരിഹരിക്കപ്പെടും. ജോസഫ് റോക്കി (ചെയര്മാന്, മുനമ്പം ഭൂസംരക്ഷണ സമിതി).
ഉമീദ് പോര്‍ട്ടലില്‍ മുനമ്പം ഭൂമി രജിസ്റ്റര്‍ ചെയ്തതിന് പിന്നില്‍ ഗൂഢാലോചനയുണ്ട്. ജനങ്ങള്‍ ചതിക്കപ്പെട്ടതുകൊണ്ടാണ് മുനമ്പം സമരസമിതി രൂപീകരിക്കേണ്ടി വന്നത്. സമരം സെക്രട്ടേറിയറ്റ് നടയിലേക്കും വ്യാപിപ്പിക്കും – ഫിലിപ്പ് ജോസഫ് (മുനമ്പം സമര സമിതി). (23 ഒക്ടോബര്‍, വഖഫ് ഭൂമിയെന്ന് പുതിയ ബോര്ഡ്, മുനമ്പത്തുകാര്‍ വീണ്ടും സമരത്തിലേക്ക്, കേരള കൗമുദി).
മുനമ്പം ഒഴിവാക്കി ആദ്യ ബോര്ഡ് യോഗം
വഖഫ് ബോര്‍ഡിന്റെ ആദ്യ യോഗത്തില്‍ മുനമ്പത്തെക്കുറിച്ച് ചര്‍ച്ചയുണ്ടായില്ല (23 ഒക്ടോബര്‍, മുനമ്പം ഒഴിവാക്കി വഖഫ് ബോര്‍ഡിന്റെ ആദ്യ യോഗം, മനോരമ).
വീണ്ടും സമരം
പുതിയ വഖഫ് ബോര്‍ഡിന്റെ സമീപനം അനുസരിച്ച് സമരം വീണ്ടും തുടങ്ങണമോ എന്ന് തീരുമാനിക്കും എന്നു സമര സമിതി ചെയര്മാന്. മുനമ്പം വഖഫ് ഭൂമി ആണെന്നുള്ള പുതിയ ചെയര്മാന്റെ പ്രസ്താവന ആശങ്കയുളവാക്കുന്നതാണെന്നും സമര സമിതി ചെയര്മാന് ജോസഫ് റോക്കി. മുനമ്പം വഖഫ് ഭൂമിയല്ലെന്ന ഹൈകോടതി വിധിയും റവന്യൂ അവകാശങ്ങള് അനുവദിച്ച സര്‍ക്കാറിന്റെയും തീരുമാനങ്ങളെ തുടര്‍ന്നാണ് 414 ദിവസം നീണ്ട സമരം അവസാനിപ്പിച്ചത്, ഇനിയും വഞ്ചിക്കപ്പെട്ടല്‍ സമരം വീണ്ടും തുടങ്ങും. മുന്‍ വഖഫ് ബോര്ഡ് ഉമീദ് പോരടലില് റജിസ്റ്റര് ചെയ്തതില് ദുരൂഹതയുണ്ട് (23 ഒക്ടോബര്‍, വേണ്ടിവന്നാല്‍ വീണ്ടും സമരം: മുനമ്പം ഭൂസംരക്ഷണ സമിതി ,കേരള കൗമുദി).
മാനുഷിക പരിഗണനയുണ്ടാകും
സര്‍ക്കാരോ കോടതിയോ എടുക്കുന്ന തീരുമാനത്തെ വഖ്ഫ് ബോര്ഡ് പിന്തുണയ്ക്കുമെന്ന് ചെയര്മാന് എം സി മായിന്‍ഹാജി. മുനമ്പം നിവാസികളെ പുറത്താക്കണമെന്ന നിലപാടില്ല. മാനുഷിക പരിഗണനയുണ്ടാകും (23 ഒക്ടോബര്‍, മാനുഷികപരിഗണനയുണ്ടാകും, കേരളകൗമുദി).
4. ഹലാല്‍ ശര്‍ക്കര
2026 ഒക്ടോബര്‍ ഒന്നാം തിയ്യതി ഹിന്ദു ഐക്യവേദി നേതാവ് ശശികല ടീച്ചര്‍ തന്റേ എഫ്ബി വാളില്‍ ഒരു കുറിപ്പ് പ്രസിദ്ധീകരിച്ചു. ഹിന്ദുക്കളെ ഹലാല്‍ ഭക്ഷണം നിര്‍ബന്ധിച്ച് തീറ്റിക്കുന്നുവെന്നതായിരുന്നു അവരുടെ ആരോപണം. ശബരിമലയിലെ അരവണ, അപ്പം എന്നിവയുടെ നിര്‍മാണത്തിനായി ഉപയോഗിച്ച ശര്‍ക്കരയില്‍ ‘ഹലാല്‍’ മുദ്രയുണ്ടായിരുന്നതാണ് ഈ പോസ്റ്റിന്റെ പ്രകോപനം. 2019-21 സീസണില്‍ മഹാരാഷ്ട്രയിലെ വര്‍ധന്‍ അഗ്രോ പ്രൊസസിങ് ലിമിറ്റഡ് എന്ന കമ്പനിയില്‍ നിന്നും തിരുവിതാംകൂര്‍ ദേവസ്വം ബോര്ഡ് വാങ്ങിയ ശര്‍ക്കര പാക്കറ്റുകളില്‍ ഹലാല്‍ മുദ്രയുണ്ടായിരുന്നു. ഇത് ശബരിമലയിലെ അരവണ, ഉണ്ണിയപ്പം എന്നിവയുടെ നിര്‍മാണത്തിന് ഉപയോഗിച്ചതാണ് വിവാദങ്ങള്‍ക്ക് കാരണമായത്. ഇത് ഹിന്ദു ആചാരങ്ങള്‍ക്ക് വിരുദ്ധമാണെന്ന് ചൂണ്ടിക്കാട്ടി ശബരിമല കര്‍മസമിതി ഹൈക്കോടതിയെ സമീച്ചു. ഹൈക്കോടതി ഭക്ഷ്യ സുരക്ഷാ കമ്മീഷണറോട് വിശദീകരണം തേടി. 2026 ഒക്ടോബറില്‍ ഈ കേസ് ഹൈക്കോടതി തീര്‍പ്പാക്കി. ക്ഷേത്ര ആചാരങ്ങള്‍ക്കും ആവശ്യങ്ങള്‍ക്കും അനുയോജ്യമായ രീതിയില്‍ മാത്രം അസംസ്‌കൃത വസ്തുക്കള്‍ ലഭ്യമാക്കുന്നുവെന്ന് ഉറപ്പാക്കാന്‍ ഭാവിയില്‍ ഇ-ടെന്‍ഡര്‍ രേഖകളില്‍ കൃത്യമായ വ്യവസ്ഥകള്‍ ഉള്‍പ്പെടുത്താന്‍ കോടതി ദേവസ്വം ബോര്‍ഡിന് നിര്‍ദ്ദേശം നല്‍കി.
ഹൈക്കോടതി വിധിയുടെ സാഹചര്യത്തിലാണ് ശശികല ടീച്ചറുടെ പ്രതികരണം: വീഴ്ചയല്ല. അതവരുടെ ലക്ഷ്യമാകാം. ഭക്തരെ കൊണ്ട് ഹലാല്‍ തീറ്റിക്കുക എന്നത്? ഓരോ അയ്യപ്പഭക്തനേയും രണ്ടുതരത്തിലുള്ള മഹാപാപത്തിന് വിധേയമാക്കി. തീര്‍ത്ഥാടന കാലത്ത് പാടില്ലാത്തത് തീറ്റിച്ചു. ജിഹാദിനായി ജസിയ കൊടുക്കേണ്ടി വന്നു. അതായത് ഈ ശര്‍ക്കരക്ക് ഹലാല്‍ സര്‍ട്ടിഫിക്കറ്റ് സര്‍ക്കാര്‍ കൊടുത്തതല്ല. അവര്‍ സ്വയം സീലു ചെയ്തതുമല്ല. മറിച്ച് ഇസ്ലാമിക നിയമങ്ങള്‍ ഉറപ്പുവരുത്തി നിശ്ചിത ഫീസ് നിശ്ചയിക്കപ്പെട്ട ഇസ്ലാമിക സംവിധാനങ്ങള്‍ക്ക് പണം കൊടുത്താണ് ആ സര്‍ട്ടിഫിക്കറ്റ് വാങ്ങുന്നത്. ഇതിനൊന്നും ഒരു പരിഹാരവുമില്ലേ? എല്ലാം എല്ലാം കഴിഞ്ഞ് കോടതി കുറ്റപ്പെടുത്തിയിട്ട് എന്ത് കാര്യം??
ഈ കാലങ്ങളില്‍ ദര്‍ശനം നടത്തിയ ഓരോ അയ്യപ്പഭക്തന്റെയും വിശുദ്ധിയും വിശ്വാസവും തകര്‍ത്തതിന് വന്ന അത്രയും അയ്യപ്പഭക്തന്മാരുടെ എണ്ണം കണക്കാക്കി ഈ സ്ഥാപനത്തെ കൊണ്ട് പിഴ അടപ്പിക്കണം! ദേവസത്തിനാണ് കൊടുക്കുന്നത് എന്ന ബോധം ദേവസ്വം ബോര്‍ഡിന് ഇല്ലെങ്കിലും സ്ഥാപനങ്ങള്‍ക്കെങ്കിലും ഉണ്ടാകട്ടെ! ഇത്തരം സ്ഥാപനങ്ങള്‍ തുടര്‍ന്ന് നടക്കാതിരിക്കാന്‍ കോടതി നിര്‍ദ്ദേശം ഉണ്ടാകണം ശക്തമായ നടപടികളിലൂടെ മാത്രമേ ഇത്തരം തെമ്മാടിത്തം അവസാനിപ്പിക്കാന്‍ സാധിക്കു. ഇത് തിരിച്ചൊന്ന് ചിന്തിക്കുക. ഒരു ഇസ്ലാമിക ആരാധനാലയത്തിന് ഹലാല്‍ അല്ലാത്ത സാധനങ്ങള്‍ വിതരണം ചെയ്യാന്‍ ഈ ദുനിയാവില്‍ ഏതെങ്കിലും ഒരു സ്ഥാപനത്തിന് ധൈര്യം കാണുമോ? (01 ഒക്ടോബര്‍, 2026, ഫേസ്ബുക്ക്/ ശശികല ടീച്ചര്‍).
4.1 ഗുണനിലവാരമുള്ളതെന്ന് ബോര്ഡ്
മഹാരാഷ്ട്രയിലെ കമ്പനിയില്‍ നിന്ന് വാങ്ങിയ ശര്‍ക്കരയുടെ പാക്കറ്റുകളിലാണ് ഹലാല്‍ സര്‍ട്ടിഫിക്കേഷന്‍ അടയാളപ്പെടുത്തിയിരുന്നത്. ഈ കമ്പനി മധ്യപൂര്‍വ ഏഷ്യന്‍ രാജ്യങ്ങളിലേക്ക് ഉല്‍പ്പന്നങ്ങള്‍ കയറ്റുമതി ചെയ്യുന്നതിനാലാണ് പാക്കറ്റുകളില്‍ ഇത്തരം മാര്‍ക്ക് രേഖപ്പെടുത്തിയിരുന്നതെന്ന് ദേവസ്വം ബോര്ഡ് വ്യക്തമാക്കി. ശര്‍ക്കര ഗുണനിലവാരമുള്ളതാണെന്നും ബോര്ഡ് കോടതിയില്‍ ബോധിപ്പിച്ചു (2 ഒക്ടോബര്‍, 2026, ‘ഹലാല്‍’ സര്‍ട്ടിഫിക്കേഷനുള്ള ശര്‍ക്കര ഗുണനിലവാരമുള്ളത്: ദേവസ്വം ബോര്ഡ്, സിറാജ്).
5. വെള്ളാപ്പള്ളി
ഹൈന്ദവഏകീകരണത്തിന്റെ ഭാഷ
മുസ്‌ലിംകളെ ഒഴിവാക്കുന്ന നിലപാടാണ് വെള്ളാപ്പള്ളിയുടേതെന്നും ഹിന്ദു ഏകീകരണത്തിന്റെ ഭാഗമായിട്ട് ക്രൈസ്തവര്‍ വരെ ആവാം എന്നാണ് വെള്ളാപ്പള്ളി പറയുന്നതെന്നും ജയരാജന്‍. കൊച്ചിയില്‍ ഒരു പുസ്തക ചര്‍ച്ചയില്‍ സംസാരിക്കുകയായിരുന്നു അദ്ദേഹം: സി. കേശവന്‍ എസ്.എന്‍.ഡി.പിക്ക് നേതൃത്വം നല്‍കിയിരുന്ന കാലത്ത് ഈഴവര്‍ ഹിന്ദു എന്ന് അറിയപ്പെടാന്‍ ആഗ്രഹിച്ചിരുന്നില്ല. മുസ്‌ലിംകളെ ഒഴിവാക്കുന്ന നിലപാടാണ് വെള്ളാപ്പള്ളിയുടേത്. ഹിന്ദു ഏകീകരണത്തിന്റെ ഭാഗമായിട്ട് ക്രൈസ്തവര്‍ വരെ ആവാം എന്നാണ് വെള്ളാപ്പള്ളി പറയുന്നത്. ‘വെള്ളാപ്പള്ളി പറയുന്നത് എന്താ നായാടി മുതല്‍ നമ്പൂതിരി വരെ മാത്രം പോരാ നായാടി മുതല്‍ നസ്രാണി വരെ യോജിക്കണം എന്നാണ്. മുസ് ലിങ്ങളെ ഒഴിവാക്കും എന്നാണ്. 1924 ല്‍ സര്‍വമത സമ്മേളനം നടത്തിയിട്ടുള്ള ശ്രീനാരായണ ഗുരു പരമാധ്യക്ഷനായ എസ്.എന്‍.ഡി.പി യോഗത്തിന്റെ ഇപ്പോഴത്തെ ജനറല്‍ സെക്രട്ടറി പറയുന്നത് ഹിന്ദു ഏകീകരണത്തിന്റെ ഭാഗമായിട്ട് നസ്രാണി കൂടി ആവാം എന്നാണ്. വെള്ളാപ്പള്ളി സ്വന്തം ലാഭത്തിന് വേണ്ടി പല വേഷം കെട്ടുകയാണ്. ഹിന്ദുത്വ രാഷ്ട്രീയത്തിന്റെ ഭാഗമായി ആലപ്പുഴയില്‍ മത്സരിരിക്കുന്ന സ്ഥാനാര്‍ത്ഥി ഈഴവ സ്ഥാനാര്‍ത്ഥിയാണെന്ന് ഭാര്യയെ കൊണ്ട് പ്രഖ്യാപിച്ചു. ഉദരനിമിത്തം ബഹുകൃതവേഷം എന്നതാണ് ശരിയായിട്ടുള്ള വിശേഷണം. ‘എല്‍.ഡി.എഫ് സര്‍ക്കാരിന്റെ കാലത്ത് നവോത്ഥാന സമിതിയുടെ അധ്യക്ഷനാവുക. മകനെ രാജ്യത്തിലെ ഹിന്ദുത്വ രാഷ്ട്രീയത്തിന്റെ ഭാഗമായിട്ടുള്ള ഒരു സംഘടനയുടെ ഒരു പാര്‍ട്ടിയുടെ ഭാഗമാക്കുക. അതിന്റെ സംസ്ഥാന അധ്യക്ഷനാക്കുക (30 സെപ്തംബര്‍, 1 ഒക്ടോബര്‍ , ‘നമ്പൂതിരി മുതല്‍ നസ്രാണി വരെ’ എന്ന വാദം മുസ് ലിങ്ങളെ ഒഴിവാക്കുന്നത്; വെള്ളാപ്പള്ളിക്കെതിരെ പി. ജയരാജന്‍, റെന്വര്‍ പി, ഡൂള്‍ ന്യൂസ്).
ഹിന്ദുത്വരാഷ്ട്രീയത്തിന്റെ കാലാള്‍പ്പടയല്ല:
താന്‍ ഹിന്ദുത്വരാഷ്ട്രീയത്തിന്റെ കാലാള്‍പ്പടയല്ലെന്നും പി ജയരാജന്റെ ഇത്തരം ആരോപണങ്ങള്‍ തള്ളുന്നുവെന്നും വെള്ളാപ്പള്ളി: താന്‍ ഒരു ഹിന്ദുവാണ് എന്നതില്‍ യാതൊരു സംശയവുമില്ല. എന്നാല്‍ ഈഴവരെയോ പിന്നാക്കക്കാരെയോ ആര്.എ സ്.എസിന്റെ കാല്‍ക്കല്‍ കൊ ണ്ടുപോയി കെട്ടാന്‍ ശ്രമിച്ചിട്ടില്ല. ആരോപണങ്ങള്‍ ജയരാജന്റെ തെറ്റായ ധാരണയാണ്. അദ്ദേഹവുമായി സംവാദത്തിന് തയ്യാറാണ്. ശ്രീനാരായണ ദര്‍ശനങ്ങളെയാണ് താന്‍ പിന്തുടരുന്നത്. അല്ലാതെ ജയരാജന്‍ പറയുന്ന കാര്യങ്ങളിലല്ല വിശ്വസിക്കുന്നത്. കേരളത്തിലെ എല്ലാ ക്ഷേത്രങ്ങളും വിശ്വാസി കള്‍ക്കായി തുറന്നുകൊടുക്കണം (27 ഒക്ടോബര്‍, സി.പി.എമ്മുമായി അകല്‍ച്ചയിലല്ല, പി. ജയരാജന്റെ ആരോപണങ്ങള്‍ക്ക് മറുപടിയുമായി വെള്ളാപ്പള്ളി നടേശന്‍, സുപ്രഭാതം).
5.1 മതശക്തികള്‍ ജനാധിപത്യം ഹൈജാക്ക് ചെയ്യുന്നു
സമുദായത്തെ ഭിന്നിപ്പിച്ച് നേട്ടം കൈവരിക്കാന്‍ ഉള്ള രാഷ്ട്രീയക്കാരുടെ ശ്രമങ്ങള്‍ക്കെതിരെ സമുദായ അംഗങ്ങള്‍ ജാഗ്രത പുലര്‍ത്തണമെന്ന് എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. മതശക്തികള്‍ ജനാധിപത്യം ഹൈജാക്ക് ചെയ്യുകയാണ്. ഈയവര്‍ക്ക് മലപ്പുറം ജില്ലയില്‍ ഒരു കുടി പള്ളിക്കൂടം പോലുമില്ല എന്ന യാഥാര്‍ത്ഥ്യം തുറന്നു പറഞ്ഞതിനാണ് തന്നെ വര്‍ഗീയവാദിയായി ചിത്രീകരിച്ച് വേട്ടയാടിയത് (3 ഒക്ടോബര്‍, ഭിന്നിപ്പിച്ചു നേട്ടം കൈവരിക്കാനുള്ള ശ്രമങ്ങളില്‍ ജാഗ്രത വേണമെന്ന് വെള്ളാപ്പള്ളി നടേശന്‍, മംഗളം).
5.2 മതശക്തികള്‍ കേരള രാഷ്ട്രീയത്തെ ഹൈജാക്ക് ചെയ്യുന്നു
മതശക്തികള്‍ കേരള രാഷ്ട്രീയത്തെ ഹൈജാക്ക് ചെയ്‌തെന്ന രൂക്ഷ വിമര്‍ശനവുമായി എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍: വോട്ട് ബാങ്ക് രാഷ്ട്രീയം പയറ്റിയില്ലെങ്കില്‍ എസ്.എന്‍.ഡി.പിയുടെ ഭാവി അപകടത്തിലാകും. വയനാട്, മലപ്പുറം ജില്ലകളില്‍ യൂണിയന് ഒരു കോളജ് പോലുമില്ല. ഈഴവ വിഭാഗത്തിന് അര്‍ഹമായ പരിഗണന ലഭിക്കുന്നില്ല. മുസ്ലിം ലീഗ് എന്നത് പൂര്‍ണ്ണമായും ഒരു മതകൂട്ടായ്മയാണ്, എന്നിട്ടും അവര്‍ മതേതര പാര്‍ട്ടിയാണെന്നാണ് അവകാശപ്പെടുന്നു- കൂത്താട്ടുകുളം എസ്.എന്‍.ഡി.പി യൂണിയന്റെ സില്‍വര്‍ ജൂബിലി ആഘോഷ ഉദ്ഘാടനം ചെയ്യുകയായിരുന്നു അദ്ദേഹം (18 ഒക്ടോബര്‍, മതശക്തികള്‍ കേരള രാഷ്ട്രീയത്തെ ഹൈജാക്ക് ചെയ്തു: വെള്ളാപ്പള്ളി നടേശന്‍, മംഗളം).
6. മാതൃഭൂമി വാങ്ങിയ ജമാഅത്തെ ഇസ്ലാമി
കള്ളപ്പണമുപയോഗിച്ച് ജമാഅത്തെ ഇ്‌സലാമി മാതൃഭൂമി വാങ്ങിയെന്ന വ്യാജപ്രചാരണം നടത്തിയ പന്തീരാങ്കാവ് സ്വദേശി മനയ്ക്കല്‍ വീട്ടില്‍ ടി. മനോജ് കുമാറിനെ 2020 ഫെബ്രുവരി 12ാം തിയ്യതി അറസ്റ്റ് ചെയ്തിരുന്നു.ഇതിനുശേഷം ഇയാള്‍ മാതൃഭൂമിക്കെതിരേ മാനനഷ്ടത്തിന് കേസ് കൊടുത്തു. ഈ കേസ് കോഴിക്കോട് പ്രിന്‍സിപ്പല്‍ മുന്‍സിഫ് 2 കോടതി തള്ളി (01 ഓഗസ്റ്റ്, ഫേസ്ബുക്ക്/ മീഡിയാ വണ്‍ കാര്‍ഡ്).
7. എസ്സന്‍സ് ഗ്ലോബലിന് വിലക്ക്
കോളജ് ഓഫ് എഞ്ചിനീയറിങ്് ട്രിവാന്‍ഡ്രം (സിഇടി)യില്‍ ഒക്ടോബര്‍ 4ന് നടക്കാനിരുന്ന, എസെന്‍സ് ഗ്ലോബലിന്റെ പരിപാടി റദ്ദാക്കി. കോളജില്‍ നടക്കുന്ന ‘ധ്വനി 2026’ എന്ന പരിപാടിക്കിടെയാണ്, ‘ശാസ്ത്രം പറയുന്നു’ എന്ന സെഷന്‍ വെച്ചത്. സി രവിചന്ദ്രന്‍, ചന്ദ്രശേഖര്‍ രമേഷ്, അനുപമ രാധാകൃഷ്ണന്‍ എന്നിവരാണ് പരിപാടിയില്‍ പങ്കെടുക്കേണ്ടിയിരുന്നത്. 2019-ലും 2024ലുമൊക്കെ എസെന്‍സ് ഗ്ലോബലിന്റെ നേതൃത്വത്തില്‍ ഇവിടെ പരിപാടി സംഘടിപ്പിച്ചിരുന്നു. ഇത്തവണ പരിപാടി റദ്ദാക്കുകയായിരുന്നു. വിദ്യാര്‍ത്ഥികള്‍ക്ക് ഇതില്‍ എതിര്‍പ്പുണ്ടെന്നാണ് കരുതപ്പെടുന്നത്. ഈ സാഹചര്യത്തില്‍ ഇതിനെക്കുറിച്ച് നിരവധിപ്രതികരണങ്ങള്‍ പുറത്തുവന്നു.
7.1 പിന്നില്‍ ഇസ്ലാമിസ്റ്റുകള്‍
സി ഇ ടിയില്‍ എസെന്‍സ് ഗ്ലോബല്‍ നടത്താനിരുന്ന പരിപാടി റദ്ദാക്കിയതിനുപിന്നില്‍ ഇസ് ലാമിസ്റ്റുകളെന്ന് മറുനാടന്‍ മലയാളി. അതുസംബന്ധിച്ച് അവര്‍ ഒരു വീഡിയോയും ചെയ്തു: കേരളത്തിലെ ക്യാമ്പസുകളില്‍ സകല അന്ധവിശ്വാസികളും വര്‍ഗീയവാദികളും കേറി നിരങ്ങുന്ന കാലമാണിത്. വിസ്ഡം മുജാഹിദുകള്‍ ആണ്‍കുട്ടികളെയും പെണ്‍കുട്ടികളെയും മറ കെട്ടിത്തിരിച്ച് ക്ലാസെടുത്തത് നേരത്തെ വിവാദമായിരുന്നു. എന്നാല്‍ ശാസ്ത്രപ്രചാരകര്‍ക്കും നിരീശ്വരവാദികള്‍ക്കും അത്തരം കലാലായങ്ങളില്‍ പ്രവേശനമില്ല എന്ന് വന്നാലോ?…’ധ്വനി’ സംഘാടകര്‍ ചില വിദ്യാര്‍ത്ഥികളുടെ എതിര്‍പ്പ് എന്ന് പറയുന്നതല്ലാതെ ആര്‍ക്കാണ് എതിര്‍പ്പ് എന്ന് പറയുന്നില്ല. കോളജ് അധികൃതരും ഇക്കാര്യത്തില്‍ കൈ മലര്‍ത്തുകയാണ്. കോളജ് യൂണിയന് ഭരിക്കുന്നത് കെ എസ് യുവാണ്. അവര്‍ ഔദ്യോഗികമായി ഇതില്‍ ഇടപെട്ടിട്ടില്ല. എന്നാല്‍ ചില ഇസ്ലാമിക സംഘടനകളും ഗ്രൂപ്പുകളും, സംഘാടകരെ സമ്മര്‍ദത്തിലാക്കുകയായിരുന്നുവെന്നാണ് അനൗദ്യോഗിക വിവരം (4 ഒക്ടോബര്‍, സി ഇ ടിയില്‍ എസെന്‍സ് ഗ്ലോബല്‍ നടത്താനിരുന്ന പരിപാടി റദ്ദാക്കി; ‘ശാസ്ത്രം പറയുന്നു’ എന്ന പരിപാടിയില്‍ പങ്കെടുക്കേണ്ടിയിരുന്നത് സി രവിചന്ദ്രന്‍ അടക്കമുള്ളവര്‍; പിന്നില്‍ ഇസ്ലാമിസ്റ്റുകളുടെ സമ്മര്‍ദമെന്ന് ആക്ഷേപം; സോഷ്യല്‍ മീഡിയയില്‍ വന്‍ പ്രതിഷേധം; കേരളത്തിലെ കാമ്പസുകളിലും മത രാഷ്ട്രീയം പിടിമുറുക്കുന്നുവോ?, മറുനാടന്‍ മലയാളി).
7.2 പിന്നില്‍ ജിഹാദികള്‍
പ്രവീണ്‍ രവി എന്ന സ്വതന്ത്രചിന്തകന്‍(മറുനാന്‍ ഉദ്ധരിച്ചത്): ‘കേരളത്തിലെ ക്യാമ്പസുകളില്‍ സകല അന്ധവിശ്വാസിക്കും കയറി നിരങ്ങാം. ലഹളയുണ്ടാക്കാം, വിദ്യാര്‍ഥികളെ തമ്മില്‍ തല്ലിക്കാം, മത പാര്‍ട്ടികളുടെ സ്റ്റുഡന്‍സ് യൂണിയനുകള്‍ക്ക് പ്രവര്‍ത്തിക്കാം. പക്ഷെ ശാസ്ത്രം പറയാന്‍ പാടില്ല. വിദ്യാഭ്യാസ വകുപ്പിനെ പതിയെ ജിഹാദികള്‍ കീഴടക്കാന്‍ ആരംഭിച്ചു കഴിഞ്ഞു. ഈ പരിപാടിക്കെതിരെ പരാതി കൊടുത്തു എന്ന് പറയുന്ന ചില വിദ്യാര്‍ത്ഥികള്‍, വെറും ചില വിദ്യാര്‍ത്ഥികള്‍ അല്ല, കാരണം അതീവ പ്രാധാന്യത്തോടെ ഈ വാര്‍ത്ത കൊടുത്ത ഒരു മാധ്യമം, മീഡിയ വണ്‍ ആണ്. കൂടാതെ ജിഹാദി നെറ്റ്വര്‍ക്കില്‍ ഉള്ള മറ്റ് സോഷ്യല്‍ മീഡിയ ഹാന്‍ഡിലുകളും. അതുകൊണ്ടുതന്നെ ഈ ചില വിദ്യാര്‍ത്ഥികള്‍ ആരാണ് എന്ന കാര്യത്തില്‍ നമുക്ക് കൃത്യമായ ധാരണയുണ്ട്.സ്ത്രീവിരുദ്ധനായ, ഹോമോഫോബിക്കായ, ഭരണഘടന മൂല്യങ്ങള്‍ക്ക് എതിരെ സംസാരിക്കുന്ന, അന്ധവിശ്വാസങ്ങള്‍ പ്രചരിപ്പിക്കുന്ന അബ്ദുള്ള ബാസിലിന് ഈ അടുത്ത ഇടയ്ക്കാണ് കാലിക്കറ്റ് യൂണിവേഴ്സിറ്റിയില് വിദ്യാര്‍ത്ഥികളെ അഭിസംബോധന ചെയ്യാന്‍ അനുവാദം ലഭിച്ചത് (4 ഒക്ടോബര്‍, സി ഇ ടിയില്‍ എസെന്‍സ് ഗ്ലോബല്‍ നടത്താനിരുന്ന പരിപാടി റദ്ദാക്കി; ‘ശാസ്ത്രം പറയുന്നു’ എന്ന പരിപാടിയില്‍ പങ്കെടുക്കേണ്ടിയിരുന്നത് സി രവിചന്ദ്രന്‍ അടക്കമുള്ളവര്‍; പിന്നില്‍ ഇസ്ലാമിസ്റ്റുകളുടെ സമ്മര്‍ദമെന്ന് ആക്ഷേപം; സോഷ്യല്‍ മീഡിയയില്‍ വന്‍ പ്രതിഷേധം; കേരളത്തിലെ കാമ്പസുകളിലും മത രാഷ്ട്രീയം പിടിമുറുക്കുന്നുവോ?, മറുനാടന്‍ മലയാളി).
8. ലീഗ് വിധേയത്വവും ആറാം മന്ത്രിയും
ലീഗ് നേതാവ് എം.കെ. മുനീറിനെ സംസ്ഥാന ഭരണപരിഷ്‌കാര കമ്മീഷന്‍ അധ്യക്ഷനായി ക്യാബിനറ്റ് പദവിയോടെ നിയമിച്ചത് പുതിയൊരു വിവാദത്തിന് കാരണമായി. മുന്‍ മന്ത്രി എം.കെ. മുനീറിന് ക്യാബിനറ്റ് പദവി നല്‍കിയതിലൂടെ മുസ്ലിം ലീഗിന് ആറാം മന്ത്രിയെ സമ്മാനിച്ചിരിക്കുകയാണ് മുഖ്യമന്ത്രി വി.ഡി. സതീശനെന്ന് വി. മുരളീധരന്‍ എംഎല്‍എ ആരോപിച്ചു. കൂട്ടത്തില്‍ ലീഗിനോട് മുഖ്യമന്ത്രിക്ക് വിധേയത്വമുണ്ടെന്നും ആക്ഷേപിച്ചു: മന്ത്രിസഭയില്‍ രമേശ് ചെന്നിത്തലയെ മാറ്റിനിര്‍ത്തി പി.കെ. കുഞ്ഞാലിക്കുട്ടിക്ക് രണ്ടാമന്റെ സ്ഥാനം നല്‍കിയിരിക്കുകയാണ്. ‘കോണ്‍ഗ്രസില്‍ ചോദിക്കുന്നതിന് മുമ്പ് ലീഗില്‍ ചോദിക്കുക’ എന്നതാണ് സതീശന്റെ രീതി. പുതിയ ക്യാബിനറ്റ് പദവികള്‍ സംസ്ഥാനത്തിന് അനാവശ്യ സാമ്പത്തിക ബാധ്യതയാണെന്നും വി. മുരളീധരന്‍ പറഞ്ഞു (2 ഒക്ടോബര്‍, എം.കെ. മുനീറിന് ക്യാബിനറ്റ് പദവി; ലീഗിന് ആറാം മന്ത്രിയെ സമ്മാനിച്ചു വി. മുരളീധരന്‍, സതീശനെതിരെ രൂക്ഷ വിമര്‍ശനം ജന്മഭൂമി).
മതേതര പ്രതിഛായ
എംകെ മുനീറിന് ലഭിച്ച് കാബിനറ്റ് പദവിയുമായി ബന്ധപ്പെട്ട് അഡ്വ ജയശങ്കര്‍ ഏഷ്യാനെറ്റ് ന്യൂസവറില്‍ നടത്തിയ പരാമര്‍ശം: എംകെ മുനീര്‍ മതേതര പ്രതിഛായയുള്ള ആളാണ്. മാത്രമല്ല തീവ്രവാദത്തിനും മൗലികവാദത്തിനുമെതിരായിട്ട്മെതിരെ വളരെ ശക്തമായ നിലപാട് എടുത്തിട്ടുള്ള നേതാവാണ് (1 ഒക്ടോബര്‍, ഏഷ്യാനെറ്റ് ന്യൂസ് ഇന്‍സറ്റഗ്രാം പേജ്).
8.1 കൈകൂപ്പി കോണ്‍ഗ്രസ്
ജനം ടിവി കാര്‍ഡ്: ലീഗിന് മുന്നില്‍ കൈകൂപ്പി കൈപ്പത്തി. ഭരണപരിഷ്‌കാര കമ്മീഷനും വിട്ടുകൊടുത്തു. കോണ്‍ഗ്രസിനെ കാഴ്ചക്കാരാക്കി അജണ്ടകള്‍ (3 ഒക്ടോബര്‍, ജനം ടിവി സോഷ്യല്‍ മീഡിയ പോസ്റ്റര്‍).
മുസ്‌ലിമായ മുനീര്‍
സി.എച്ച് മുഹമ്മദ് കോയയോ സി എച്ച് മുഹമ്മദ് കോയയുടെ മകനെ യോ ഒരു മുസ്‌ലിമായി കാണുന്നവരുടെ മാനസികാവസ്ഥയോട് സഹതപിക്കാന്‍ മാത്രമേ എനിക്ക് സാധിക്കൂ എന്ന് ഷിബു ബേബി ജോണ്‍. കേരളത്തിന്റെ മതേതരത്വം സംരക്ഷിക്കാന്‍ വേണ്ടി മുന്‍പന്തിയില്‍ നിന്നിട്ടുള്ള വ്യക്തിത്വങ്ങളില്‍ ഒരാളായിരുന്നു സി എച്ച്. അതേ പാത പിന്തുടരുന്ന മുനീറിനെ അങ്ങനെ ചുരുക്കി കാണുന്നവര്‍ക്ക് മറുപടി കൊടുക്കാന്‍ ഞാന്‍ ആഗ്രഹിക്കുന്നില്ല (3 ഒക്ടോബര്‍, സി എച്ചിനെയും മകന് മുനീറിനെയും മുസ്‌ലിമായി മാത്രം കാണുന്നവരോട് സഹതാപം മാത്രം, മീഡിയ വണ്‍ ടിവി ലൈവ്, യൂട്യൂബ്)
8.2 സര്‍ക്കാര്‍ മതരാഷ്ട്ര വാദികളുടെ തടവറയില്‍
സര്‍ക്കാര്‍ മതരാഷ്ട്ര വാദികളുടെ തടവറയില്‍ എന്ന് ബിജെപി നേതാവ് കെ സുരേന്ദ്രന്‍: ലീഗിന്റെയും ജമാഅത്തെ ഇസ്ലാമിയുടെയും തടവറയിലാണ് വി ഡി സതീശന് സര്‍ക്കാര്‍. ഞങ്ങള്‍ ആദ്യം മുതലേ പറഞ്ഞു ഈ സര്‍ക്കാര്‍ മതരാഷ്ട്ര വാദികളുടെ മതമാണ് മതമാണ് മതമാണ് പ്രശ്‌നം എന്ന് പറയുന്നവരുടെ കൂടെയാണ്. വി ഡി സതീശന് തലപ്പത്ത് മുഖ്യമന്ത്രിയായി ഇരിക്കുകയാണെങ്കിലും ലീഗിനും ജമാഅത്തെ ഇസ്ലാമിക് മുമ്പിലും ദണ്ഡ നമസ്‌കാരം ചെയ്യുകയാണ്. ഭരണത്തിന്റെ തലപ്പത്തിരിക്കുന്നത് കോണ്‍ഗ്രസുകാരന്‍ ആയിട്ടുള്ള വി ഡി സതീശന് ആണെങ്കിലും ഭരണത്തിലുള്ള സമ്പൂര്‍ണ്ണ നിയന്ത്രണം മുസ്ലിം ലീഗിനും ജമാഅത്തെ ഇസ്ലാമിക്കുമാണ്. കോണ്‍ഗ്രസിന്റെ മന്ത്രിമാരുടെ അടക്കം വകുപ്പുകളിലെ സുപ്രധാനമായ പദവികളില്‍ ജമാഅത്തെ ഇസ്ലാമിയുടെ ഉന്നതരായിട്ടുള്ള നേതാക്കന്മാരാണ്. ലീഗിന് 6 ക്യാബിനറ്റ് പദവി കിട്ടിയിരിക്കുന്നു (3 ഒക്ടോബര്‍, സതീശന് സര്‍ക്കാര്‍ മതരാഷ്ട്ര വാദികളുടെ തടവറയില്‍ എന്ന കെ സുരേന്ദ്രന്‍, മനോരമ ന്യൂസ് യൂട്യൂബ്).
8.3 തങ്ങള്‍ സൂപ്പര്‍ മുഖ്യമന്ത്രി
തദ്ദേശ സ്വയംഭരണ ഉപതെരഞ്ഞെടുപ്പുകളില്‍ കോണ്‍ഗ്രസിന് സീറ്റുകള്‍ കുറഞ്ഞതിന്റെ പശ്ചാത്തലത്തിലും, മുസ്ലിം ലീഗ് നേതാവ് എം.കെ. മുനീറിനെ ഭരണപരിഷ്‌കാര കമ്മീഷന്റെ തലവനായി നിയമിച്ചതിനെത്തുടര്‍ന്നും യുഡിഎഫ് കണ്‍വീനര്‍ അടൂര്‍ പ്രകാശ് അതൃപ്തി പ്രകടിപ്പിക്കുകയും നേതൃത്വത്തിനെതിരെ വിമര്‍ശനങ്ങള്‍ ഉന്നയിക്കുകയും ചെയ്ത സാഹചര്യത്തില്‍ ജന്മഭൂമി ഒരു എഡിറ്റോറിയല്‍ പ്രസിദ്ധീകരിച്ചു. കോണ്‍ഗ്രസിനുള്ളിലെ ആഭ്യന്തര തര്‍ക്കങ്ങളെയും യുഡിഎഫ് ഭരണത്തില്‍ മുസ്ലിം ലീഗ് നടത്തുന്ന രാഷ്ട്രീയ നീക്കങ്ങളെയും കുറിച്ചാണ് ഇതില്‍ വിശദീകരിക്കുന്നത്:
യുഡിഎഫ് സര്‍ക്കാര്‍ അധികാരമേറ്റിട്ട് നാലുമാസം കഴിഞ്ഞിട്ടേയുള്ളൂ. ഈ സര്‍ക്കാരിന്റെ ഘടന എന്തെന്നും, പ്രവര്‍ത്തനരീതി എങ്ങനെയാണെന്നും ഇതിനോടകം തന്നെ എല്ലാവര്‍ക്കും അറിയാവുന്നതാണ്. ഒന്നിലധികം അധികാരമോഹികള്‍ അവകാശവാദം ഉന്നയിച്ച സാഹചര്യത്തില്‍ മുസ്ലിം ലീഗിന്റെ കടുംപിടുത്തം കൊണ്ടാണ് വി.ഡി. സതീശന് മുഖ്യമന്ത്രിയായത്… മന്ത്രിസഭാ രൂപീകരണത്തില്‍ പതിവുപോലെ ലീഗ് ആവശ്യപ്പെട്ട വകുപ്പുകള്‍ അവര്‍ക്ക് നല്‍കുകയും ചെയ്തു. ഉദ്യോഗസ്ഥ തലത്തിലും മുസ്ലിം ലീഗും ഇസ്ലാമിക മതമൗലികവാദികളും ആവശ്യപ്പെടുന്ന പദവികള്‍ വെള്ളിത്തളികയില്‍ വച്ച് നല്‍കാന്‍ മുഖ്യമന്ത്രി നിര്‍ബന്ധിതനാണ്. ഈ സര്‍ക്കാരിന്റെ കാലത്ത് എപ്പോഴെങ്കിലും ഇങ്ങനെ സംഭവിക്കുന്നില്ലെങ്കില്‍ തീരുമാനം ലീഗ് പുനഃപരിശോധിക്കും. സതീശന്റെ മുഖ്യമന്ത്രി പദവി ആ നിമിഷം അസ്ഥിരപ്പെടുകയും ചെയ്യും…സതീശന് മുഖ്യമന്ത്രിയായി തുടരുന്ന കാലത്തോളം മുസ്ലിം ലീഗിന് ചാകരയാണ്. വിഹിതവും അവിഹിതവുമായ കാര്യങ്ങള്‍ അവര്‍ നേടിയെടുക്കും. യുഡിഎഫ് സര്‍ക്കാരില്‍ അഞ്ചാംമന്ത്രിയെന്നത് ലീഗിന്റെ കുറേക്കാലമായുള്ള താല്പര്യമാണ്. കോണ്‍ഗ്രസിന്റെ പല മന്ത്രിമാരും മുസ്ലിം ലീഗിന്റെ താല്പര്യത്തിന് അനുസരിച്ച് പ്രവര്‍ത്തിക്കുന്നവരാണ്. മുഖ്യമന്ത്രി സതീശനും ആരോഗ്യ, ദേവസ്വം മന്ത്രി കെ.മുരളീധരനുമൊക്കെ ഇവരില്‍ ഉള്‍പ്പെടുന്നു. സതീശന് മുഖ്യമന്ത്രിയാണെങ്കില്‍ ലീഗ് പ്രസിഡന്റായ പാണക്കാട് തങ്ങള്‍ സൂപ്പര്‍ മുഖ്യമന്ത്രിയാണ്. ഇതിന്റെ ദുരന്തഫലം കേരളത്തിലെ ജനങ്ങള്‍ അനുഭവിക്കാന്‍ പോകുന്നതേയുള്ളൂ (5 ഒക്ടോബര്‍, കോണ്‍ഗ്രസിലെ തമ്മിലടിയും ലീഗിന്റെ മുതലെടുപ്പും, എഡിറ്റോറിയല്‍, ജന്മഭൂമി).
8.4 ലീഗിന്റെ ബലത്തില്‍ സതീശന്
മാധ്യമപ്രവര്‍ത്തക സുനിതാ ദേവദാസും മാധ്യമപ്രവര്‍ത്തകന്‍ എം ജി രാധാകൃഷ്ണനുമായുള്ള അഭിമുഖം. സതീശന്റെ ശക്തി പി്ന്നില്‍ നില്‍ക്കുന്ന ലീഗാണെന്ന് രാധാകൃഷ്ണന്‍ അഭിപ്രായപ്പെട്ടു: സതീശന്റെ ഇപ്പോഴത്തെ ശക്തി പ്രയോഗത്തിന്റെ ആധാരം മുസ്ലിം ലീഗ് ആണ്. കാരണം മുസ്ലിം ലീഗിന്റെ കറകളഞ്ഞ പിന്തുണ സതീശിന് മുഖ്യമന്ത്രി ആവാന്‍ തന്നെ ഉണ്ടായിരുന്നു നമുക്കറിയാം… വേണുവിനെ പോലെയുള്ള ഒരു ഹൈകമാന്‍ഡിന്റെ മാനസപുത്രനെ പോലും വേണ്ടെന്ന് വെക്കണമെങ്കില്‍ അതിനു കാരണം മുസ്ലിം ലീഗിനെ പറ്റിയുള്ള അവരുടെ ഭയമാണ്. മുസ്ലിം ലീഗിന്റെ പിന്തുണ സതീശിന് തന്നെയാണ്… കോണ്‍ഗ്രസിലറെ ശക്തിയുടെ പ്രധാനപ്പെട്ട ആധാരം ലീഗിന്റെ സപ്പോര്‍ട്ട് ആണ്. സോഷ്യല്‍ മീഡിയ ക്യാമ്പയിന്‍ മുഴുവന് മുസ്ലിം ലീഗുകാരാണ് നടത്തുന്നത്. മുസ്ലിം ലീഗ് ഒന്നാംതരം ഒരു പവര്‍ പാര്‍ട്ടിയാണ് (6 ഒക്ടോബര്‍, ലീഗിന്റെ ബലത്തില്‍ പാര്‍ട്ടിയെ വെല്ലുവിളിച്ച് സതീശന്, എം.ജി രാധാകൃഷ്ണന്‍, സുനിത ദേവദാസ്, ഇന്റര്‍വ്യൂ).
8.5 ആറാം മന്ത്രി: കോണ്‍ഗ്രസ്സില്‍ കലാപമെന്ന് ജന്മഭൂമി
പൊതുമേഖലാ സ്ഥാപനങ്ങള്‍ വീതംവയ്ക്കുന്നത് കോണ്‍ഗ്രസ്സില്‍ അതൃപ്തിക്കിടയാക്കിയതായി ജന്മഭൂമി. അടൂര്‍ പ്രകാശ് നല്‍കിയ പേരുകള്‍ സതീശന് വെട്ടിയതാണ് കാരണം. ലീഗിന് ആറാം കാബിനറ്റ് പദവി നല്‍കിയ തക്കം നോക്കി അടൂര്‍ പ്രകാശ് തുറന്നടിച്ചുവെന്നും പത്രം എഴുതി (20 ഒക്ടോബര്‍, കോണ്‍ഗ്രസ്സിലെ പോരിന് പിന്നില്‍ പൊതുമേഖലാ സ്ഥാപനങ്ങളുടെ വീതംവയ്പ്പും, ജന്മഭൂമി)
9. ജുഡീഷ്യറിയിലെ മുസ്ലിം വനിതകള്‍
രാജ്യത്തിന്റെ മറ്റു മേഖലകളെ അപേക്ഷിച്ച് മുസ്ലിം വിഭാഗം സാമൂഹികമായും വിദ്യാഭ്യാസപരമായും മെച്ചപ്പെട്ടുനില്‍ക്കുന്ന കേരളത്തിലെ ജുഡീഷ്യറിയിലെ മുസ് ലിംവനിതകളുടെ സാന്നിധ്യം:
കേരള ഹൈകോടതിയില്‍ ഇതുവരെ നിയമിക്കപ്പെടുകയോ സ്ഥലംമാറി വരികയോ ചെയ്ത 22 വനിതാ ജഡ്ജിമാര്‍ ഇവരാണ്: അന്ന ചാണ്ടി (195967), പി. ജാനകി അമ്മ (197482),എം.ഫാത്തിമ ബീവി (198389), കെ.കെ. ഉഷ (19912001), സുജാത വി. മനോഹര്‍ (1994 ചീഫ് ജസ്റ്റിസ്), ഡി. ശ്രീദേവി (19972001), ടി.കെ. ലക്ഷ്മിക്കുട്ടി (200004), കെ. ഹേമ (200410), എം.സി. ഹരിറാണി (200811), മഞ്ജുള ചെലൂര്‍ (201114 ചീഫ് ജസ്റ്റിസ്), പി.വി. ആശ (201421), അനു ശിവരാമന്‍ (201524), മേരി ജോസഫ് (2015 മുതല്‍), വി. ഷിര്‍സി (201822), ആനി ജോണ്‍ (201719), എം.ആര്. അനിത (202023), സോഫി തോമസ് (2021 മുതല്‍), സി.എസ്. സുധ (202125), ശോഭ അന്നമ്മ ഈപ്പന്‍ (2022 മുതല്‍), എം.ബി. സ്നേഹലത (2024 മുതല്‍), ജെ. നിഷ ബാനു (2025 മുതല്‍), എ.കെ. പ്രീത (2026 മുതല്‍).
ഈ 22 പേരില്‍ ആകെയുള്ള മുസ്ലിം നാമം ജസ്റ്റിസ് എം. ഫാത്തിമ ബീവിയുടേതാണ്. 1983 ആഗസ്റ്റ് നാലിനാണ് ഫാത്തിമ ബീവി കേരള ഹൈകോടതി ജഡ്ജിയായി നിയമിതയാകുന്നത്. 1984 മാര്‍ച്ച് 14-ന് സ്ഥിരം ജഡ്ജിയായി. 1989 ഏപ്രില്‍ 29-ന് കേരള ഹൈകോടതിയില്‍നിന്ന് വിരമിച്ചശേഷം അതേവര്‍ഷം ഒക്ടോബര്‍ ആറിന് സുപ്രീംകോടതി ജഡ്ജിയായി ചുമതലയേറ്റു. അവര്‍ വിരമിച്ചിട്ട് ഇപ്പോള്‍ നീണ്ട 37 വര്‍ഷങ്ങള്‍ കഴിഞ്ഞു. ശേഷം നിയമിതരായ 19 വനിതാ ജഡ്ജിമാരില്‍ ഒരാള്‍പോലും മുസ്ലിം വിഭാഗത്തില്‍നിന്നുണ്ടായില്ല (2 ഒക്ടോബര്‍, ജുഡീഷ്യറിയിലെ ലിംഗനീതിയും മുസ്ലിം വനിതാ പ്രാതിനിധ്യവും, പ്രൊഫ. എ.എം റഷീദ്, മാധ്യമം).
10. കെ.എം ബഷീറിന്റെ മരണം
മാധ്യമ പ്രവര്‍ത്തകന്‍ കെഎം ബഷീറിനെ കാറിടിച്ച് കൊലപ്പെടുത്തിയ കേസിന്റെ വിചാരണ അട്ടിമറിക്കാന്‍ മുഖ്യമന്ത്രിയും ചീഫ് സെക്രട്ടറിയും ഇടപെട്ടതായി ആരോപണം. സ്‌പെഷ്യല്‍ പ്രോസിക്യൂട്ടറെ നിയമിക്കാനുള്ള ആഭ്യന്തരവകുപ്പിന്റെ തീരുമാനം മുഖ്യമന്ത്രി വി ഡി സതീശന് നേരിട്ട് ഫയല്‍ വിളിച്ചുവരുത്തി റദ്ദാക്കിയെന്ന് സിറാജ് ദിനപത്രം ഡയറക്ടറും കേരള മുസ്ലിം ജമാഅത്ത് സംസ്ഥാന വൈസ് പ്രസിഡണ്ടുമായ സേഫ്റ്റിന്‍ ഹാജി വാര്‍ത്താസമ്മേളനത്തില്‍ പറഞ്ഞു (3 ഒക്ടോബര്‍, കെ.എം ബഷീറിന്റെ മരണം : സ്‌പെഷ്യല്‍ പ്രോസിക്യൂട്ടര്‍ നിയമനം മുഖ്യമന്ത്രി അട്ടിമറിച്ചു, ദേശാഭിമാനി).
11. ശബ്നം നൂര്ജഹാന്-തുടര്‍ച്ച
ശബ്നം നൂര്‍ജഹാനുമായി ബന്ധപ്പെട്ട വിവാദം സെപ്തംബര്‍ മാസത്തില്‍ സജീവമായിരുന്നു. ഒക്ടോബര്‍ ആദ്യ വാരത്തില്‍ കെഇഎന്‍ മാധ്യമം പത്രത്തില്‍ എഴുതിവന്നിരുന്ന കോളം നിര്‍ത്തിവച്ചതും സെപ്തംബര്‍ മാസത്തെ റിപ്പോര്‍ട്ടില്‍ എഴുതിയിരുന്നു.
ശബ്നം നൂര്ജഹാന് സംസാരിക്കട്ടെ
സ്ത്രീയുടെ ശബ്ദത്തെ അംഗീകരിക്കുക എന്നത് അവള്‍ പറയുന്ന ഓരോ കാര്യവും അംഗീകരിക്കുക എന്നല്ല. ആദ്യം അവള്‍ക്ക് സംസാരിക്കാനുള്ള അവകാശം അംഗീകരിക്കണം. എതിര്‍പ്പുകളുണ്ടെങ്കില്‍ അവളോട് ചോദ്യം ചെയ്യാനും തെളിവുകള്‍ ആവശ്യപ്പെടാനും അതിനോട് വിയോജിക്കാനും അവകാശമുണ്ട്. എന്നാല്‍ അവളുടെ ശബ്ദം തന്നെ ഇല്ലാതാക്കുന്നത് സംവാദത്തിന്റെ വഴിയല്ല. ഒരു ആശയത്തെ അംഗീകരിക്കുന്നതും അതിനെ ചോദ്യം ചെയ്യുന്നതും ഒരേ ബൗദ്ധിക സമൂഹത്തില്‍ ഒരേസമയം സാധ്യമാകണം. സമൂഹത്തിന്റെ ബൗദ്ധിക വളര്‍ച്ച അളക്കേണ്ടത് അവിടെ എത്രപേര്‍ ഒരേ അഭിപ്രായം പറയുന്നവെന്നതിനേക്കാള്‍ വ്യത്യസ്ത അഭിപ്രായങ്ങള്‍ എത്രത്തോളം സ്വതന്ത്രമായി കേള്‍ക്കപ്പെടുകയും പരിശോധിക്കപ്പെടുകയും ചെയ്യുന്നു എന്നതിലൂടെയാണ്. വിയോജിപ്പിനെ ഭയക്കുന്ന വിശ്വാസം സംവാദത്തില്‍ നിന്ന് പിന്‍വാങ്ങുമ്പോള്‍, സ്വന്തം ബോധ്യത്തില്‍ ഉറച്ച വിശ്വാസം ചോദ്യങ്ങളെ ഭയപ്പെടുന്നില്ല. അതുകൊണ്ട് ശബ്നം നൂര്ജഹാന് സംസാരിക്കട്ടെ. അവരോട് വിയോജിക്കുന്നവരും അതേ സ്വതന്ത്ര്യത്തോടെ സംസാരിക്കട്ടെ. വാദത്തെ വാദം കൊണ്ടും ആശയത്തെ ആശയകൊണ്ടും ഖണ്ഡിക്കുന്നതിന് പകരം വ്യക്തിയെ തടഞ്ഞു അടച്ചുപൂട്ടുന്നത് സത്യത്തിന്റെ വിജയമല്ല, സംവാദത്തിന്റെ പരാജയമാണ് (5 ഒക്ടോബര്‍, ശബ്നം നൂര്ജഹാന് സംസാരിക്കട്ടെ, ജനയുഗം).
11.1 വിദ്യാര്‍ത്ഥികളുടെ പരാതി
ശബ്നം നൂര്‍ജഹാനെതിരേ നേരത്തെത്തന്നെ വിദ്യാര്‍ത്ഥികള്‍ പരാതി നല്‍കിയിരുന്നെന്ന് മാധ്യമങ്ങള്‍ റിപ്പോര്‍ട്ട് ചെയ്തു: വിശ്വാസവുമായി ബന്ധപ്പെട്ട കാര്യങ്ങളില്‍ അധ്യാപിക ക്ലാസ് മുറികളില്‍ പരിഹാസ രൂപയാണ് പെരുമാറുന്നുവെന്നും പരലോകം സംബന്ധിച്ച് വിശ്വാസത്തെയും മതത്തിന്റെ മറ്റ് ചില അടിസ്ഥാന ആശയങ്ങളെയും വിഡ്ഢിത്തമെന്നും കെട്ടുകഥകള്‍ എന്നും വിശേഷിപ്പിക്കുന്നതായും വിദ്യാര്‍ത്ഥികളുടെ പരാതിയില്‍ പറയുന്നു ശാസ്ത്രം പഠിക്കണമെങ്കില്‍ നിരീശ്വരവാദി ആകണമെന്നുള്ള വാദഗതിയും അധ്യാപികയുടെ ഭാഗത്തുനിന്നുണ്ടായി. ക്ലാസ് മുറിയിലേക്ക് നിഖാബ് മുഖാവരണം ധരിച്ചെത്തിയ വിദ്യാര്‍ഥിനിയെ പരിഹസിച്ചതായും പരാതിയിലുണ്ട്. പ്രിന്‍സിപ്പലിന് നല്‍കിയ പരാതിയുടെ പകര്‍പ്പ് ഫാറൂഖ് കോളേജ് മാനേജ്‌മെന്റ് പ്രതിനിധികള്‍ക്കും കൈമാറിയിട്ടുണ്ട്. പരാതിയില്‍ അധ്യാപികക്കെതിരായ തുടര്‍നടപടി സംബന്ധിച്ച വിവരങ്ങള്‍ ലഭിക്കുന്നതിന് പ്രിന്‍സിപ്പലുമായി ഫോണില്‍ ബന്ധപ്പെടാന്‍ ശ്രമിച്ചെങ്കിലും പ്രതികരണം ഉണ്ടായില്ല (7 ഒക്ടോബര്‍ ‘മതപരമായ വീക്ഷണങ്ങള്‍ അടിച്ചേല്‍പ്പിക്കുന്നു, മറ്റുള്ളവരുടെ വിശ്വാസത്തെ പരിഹസിക്കുന്നു’: ഫാറൂഖ് കോളജ് അധ്യാപിക ശബ്നം നൂര്‍ജഹാനെതിരെ വിദ്യാര്‍ഥികളുടെ പരാതി, മീഡിയാവണ്‍).
ശബ്നം എല്ലാ ആരോപണങ്ങളും നിഷേധിച്ചു.
11.2 ഇസ്ലാമിസ്റ്റുകളുടെ പുതിയ ഇര
ശബനം നൂര്ജഹാന് വിഷയത്തില്‍ സജീവന്‍ അന്തിക്കാടിന്റെ ഫേസ്ബുക്ക് പോസ്റ്റ്:
മുജാഹിദ് പണ്ഡിതനായ ഹുസൈന്‍ മടവൂരിന്റെ മകന്റെ ഭാര്യയാണ് ശബ്നം നൂര്ജഹാന്. കോഴിക്കോട് ഫാറൂഖ് കോളേജിലെ അധ്യാപികയാണവര്‍!
മുജാഹിദ് കുടുംബത്തില്‍ പെട്ടവരായിട്ടും അവരാണ് ഇപ്പോള്‍ ഇസ്ലാമിസ്റ്റുകളുടെ പുതിയ ഇര. രണ്ടു ദിനം മുമ്പ് ഒരു ചാനല്‍ ചര്‍ച്ചയില്‍ ശബ്നം നൂര്ജഹാന് പറയുകയുണ്ടായി അവര്‍ക്കെതിരെ ഫാറൂഖ് കോളേജിലെ വിദ്യാര്‍ത്ഥികള്‍ക്ക് ഒരു പരാതിയുമില്ലെന്ന്! എന്നാല്‍ അവര്‍ക്കെതിരെ പരാതി ഉണ്ടായിരുന്നു എന്നതാണ് സത്യം! പക്ഷേ അവര്‍ അത് അറിഞ്ഞില്ല! അവര്‍ അറിഞ്ഞില്ല എന്ന് കരുതി പരാതി കൊടുത്തവര്‍ക്ക് അക്കാര്യം അറിയാതിരിക്കില്ലല്ലോ! അവര്‍ ആ പരാതി ഇപ്പോള്‍ പുറത്തുവിട്ടിട്ടുണ്ട്. നമുക്കറിയാം. എല്ലാ കോളേജുകളിലും ഞടട ശാഖയില്‍ പോകുന്ന കുട്ടികള്‍ ഉണ്ടായിരിക്കാം, എല്ലാ കോളേജുകളിലും സിപിഎമ്മിന്റെ കേഡര്‍ പരിശീലനം കിട്ടിയ കുട്ടികള്‍ ഉണ്ടായിരിക്കാം എന്നതുപോലെ ഇസ്ലാമിക തീവ്രവാദികളുടെ ശിക്ഷണം കിട്ടിയ കുട്ടികളും ഉണ്ടായിരിക്കാം. മേല്‍പ്പറഞ്ഞ തരം ഗ്രൂപ്പില്‍ പെടുന്ന കുട്ടികള്‍; അതായത് മതവൈറസോ മതം പോലുള്ള പ്രത്യയശാസ്ത്ര വൈറസോ കുത്തിവെക്കപ്പെട്ട കുട്ടികള്‍ ; ഇവരെ വിദ്യാലയങ്ങളിലേക്ക് പറഞ്ഞയക്കുന്നത് പഠിക്കാനാണോ , അതോ മറ്റുള്ളവരെ നിരീക്ഷിക്കാനാണോ അതുമല്ലെങ്കില്‍ ക്രമസമാധാനം തകര്‍ത്തു കലാപം സൃഷ്ടിക്കാനാണോ എന്നൊന്നും നമുക്കറിയില്ല! നമുക്കറിയാവുന്ന ഒരു കാര്യമുണ്ട്, ഇവര്‍ ക്ലാസ് മുറികളില്‍ നിശബ്ദമായി ഇരിക്കുകയും, പുറമേക്ക് ചിരിച്ചു കാണിക്കുകയും ചെയ്യുന്നവരാണ്; അവരുടെ മതത്തിനെതിരെയോ, അവരുടെ തീവ്രവാദ ആശയങ്ങള്‍ക്കെതിരെയൊ അധ്യാപകരില്‍ നിന്നും വല്ല പരാമര്‍ശങ്ങള്‍ ഉണ്ടായാല്‍ തത്സമയം പ്രതികരിക്കാതിരിക്കുകയും എന്നാല്‍ ആ വിവരം കൃത്യമായി അവരുടെ ബന്ധപ്പെട്ട യൂണിറ്റില്‍ പോയി റിപ്പോര്‍ട്ട് ചെയ്യാന്‍ മടികാണിക്കാത്തവരുമാണ് (8 ഒക്ടോബര്‍, ഫേസ്ബുക്ക്/ സജീവന്‍ അന്തിക്കാട്).
11.3 ശബ്നം നൂര്ജഹാന് വിമര്‍ശനം
ശബ്നം നൂര്‍ജഹാനെ വിമര്‍ച്ചുകൊണ്ട് വന്ന ഫേസ്ബുക്ക് പോസ്റ്റില്‍നിന്ന്:
‘ഏഴുപതിലും എണ്‍പതിലുമുള്ള പെണ്‍കുട്ടികളുടെ വസ്ത്രധാരണത്തില്‍ ഒരു പേഴ്‌സണാലിറ്റി ഉണ്ടായിരുന്നുവെന്നും, പിന്നീട് അതിലേക്ക് പര്‍ദ്ദയിങ്ങനെ കയറിവന്നെന്നും ഇപ്പോഴത് നിഖാബ് ആയി മാറിയെന്നും നിഖാബ് ഒക്കെ രാജ്യം നിരോധിക്കണമെന്നും പറഞ്ഞുവെക്കുന്ന ആ തൊലിക്കട്ടിയുണ്ടല്ലോ, അതൊരു വലിയ സംഭവമായി നിങ്ങള്‍ക്ക് തോന്നുന്നുണ്ടെങ്കില്‍ അതില്‍ പുച്ഛം മാത്രമേ നിങ്ങളോട് തോന്നുന്നുള്ളൂ! പര്‍ദ്ദയാണ് ഈ ചിത്രത്തില്‍ ധരിച്ചിരിക്കുന്നത്. 25 വയസ് പ്രായമുള്ള, ഒരു സെന്‍ട്രല്‍ യൂണിവേഴ്സിറ്റിയില് നിന്ന് മാസ്റ്റേഴ്‌സ് പൂര്‍ത്തിയാക്കിയ മുസ്ലിം പെണ്‍കുട്ടിയാണ്, രണ്ട് പുസ്തകങ്ങളുടെ രചയിതാവാണ്. എണ്ണമറ്റ വേദികളില്‍ കയറി പതിനേഴ് വയസ് മുതല്‍ രാഷ്ട്രീയം പറയാന്‍ തുടങ്ങിയ ഒരുവളാണ്. എല്ലാ വസ്ത്രങ്ങളും ഉപയോഗിക്കും പോലെ പര്‍ദ്ദയും ഉപയോഗിക്കുന്നു, അതിലൊരു കൂടുതലോ കുറവോ ഇന്നുവരെ തോന്നിയിട്ടില്ല. പര്‍ദ്ദ പലപ്പോഴും ഉപയോഗിക്കുന്നതും അത്ര കംഫര്‍ട്ടബിള്‍ ആയ വേഷമെന്ന തരത്തിലാണ്. ഈ പര്‍ദ്ധ തന്നെയാണോ പേഴ്‌സണാലിറ്റി ഇല്ലാത്ത വേഷമായി നിങ്ങള്‍ പറയുന്നത്! (10 ഒക്ടോബര്‍, ഫേസ്ബുക്ക്/ ആശിഖാ ഖാനം).
സ്‌നേഹമുള്ളവര്‍ സൂഫികള്‍
ശബ്നം നൂര്‍ജഹാനുമായ ബന്ധപ്പെട്ട വിവാദങ്ങള്‍ക്കിടയില്‍ സൂഫി – സലഫി അവലോകനവുമായി എം എന്‍ കാരശ്ശേരി: ഏറ്റവും ശുദ്ധിയുള്ളതും സ്‌നേഹമുള്ളതും സൂഫികള്‍ക്കാണ്, സലഫികള്‍ ദൈവത്തെ പേടിക്കുന്നു, സൂഫികള്‍ പടച്ചോനെ സ്‌നേഹിക്കുന്നു, സലഫികളും ജമാഅത്തെ ഇസ്ലാമിയും പറയുന്നത് ക്രിസ്ത്യാനിയില്‍ നിന്നും ഹിന്ദുവില്‍ നിന്നും പകര്‍ത്തിയെടുത്തതാണ് സൂഫിസമെന്നാണ് (10 ഒക്ടോബര്‍, പടച്ചോനെ പേടിക്കുന്ന സലഫികളും പടച്ചോനെ സ്‌നേഹിക്കുന്ന സൂഫികളും, എം.എന്‍ കാരശ്ശേരി, ഡൂള്‍ ന്യൂസ്).
11.4 രക്തത്തിനുവേണ്ടി വിറളിപിടിക്കുന്നവര്‍
ശബ്നം നൂര്‍ജഹാനെക്കുറിച്ച് ഹിന്ദു ഐക്യവേദി നേതാവ് ശശികല ടീച്ചറുടെ ഫേസ്ബുക്ക് പോസ്റ്റില്‍നിന്ന്: കേരളത്തിലെ എത്രയോ എയിഡഡ് സര്‍ക്കാര്‍ കോളേജുകളില്‍ ഹിന്ദുവിരുദ്ധരും യുക്തിവാദികളും മതമില്ലാത്ത ജീവനുകളും അധ്യാപകരായി പ്രവര്‍ത്തിക്കുന്നുണ്ട്! അവരെല്ലാം അവരുടെ വിദ്യാര്‍ഥികളോട് അവരുടേതായ ആശയങ്ങള്‍ സംവദിക്കാറുമുണ്ട്! കോളേജ് വിദ്യാഭ്യാസമല്ലേ സ്വന്തമായി ആശയങ്ങള്‍ രൂപപ്പെടാന്‍ തുടങ്ങുന്ന പ്രായമല്ലേ അവര്‍ വ്യത്യസ്തമായ ആശയങ്ങള്‍ കേള്‍ക്കുകയും സംവദിക്കുകയും ഒക്കെ ചെയ്യുന്നത് ആരോഗ്യകരമല്ലേ? പക്ഷേ, ഇവിടെ ഇവരുടെ രക്തത്തിനു വേണ്ടി വിറളി പിടിക്കുന്നു! അവര്‍ സമുദായത്തിന്റെ കോളേജില്‍ പ്രവര്‍ത്തിക്കുന്നു എന്നാണ് ചിലരുടെയൊക്കെ പ്രശ്‌നം? (10 ഒക്ടോബര്‍, ഫേസ്ബുക്ക്/ ശശികല ടീച്ചര്‍).
12. മലപ്പുറം
12.1 മലപ്പുറം മതമൗലികവാദികളുടെ കൂട്
മതമൗലിക വര്‍ഗീയവാദികളുടെ കൂടാണ് മലപ്പുറം എന്ന് സിപിഎം നേതാവും മുന്‍ എംഎല്‍എയുമായ പി നന്തകുമാര്‍. മലപ്പുറമെന്ന് പൊന്നാനിയില്‍ നടന്ന സിപിഎം മലപ്പുറം ജില്ല വിപുലീകൃത കമ്മിറ്റിയുടെ പ്രതിനിധി സമ്മേളനത്തിലായിരുന്നു പരാമര്‍ശം. സമ്മേളനത്തില്‍ സ്വാഗത പ്രസംഗം നടത്തുകയായിരുന്നു അദ്ദേഹം. പ്രതിപക്ഷ നേതാവ് പിണറായി വിജയന്‍, കെ.കെ.ശൈലജ എന്നിവരടക്കമുള്ള മുതിര്‍ന്ന നേതാക്കള്‍ വേദിയില്‍ ഇരിക്കവേയാണ് നന്ദകുമാറിന്റെ അധിക്ഷേപ പരാമര്‍ശം: മലപ്പുറം ജില്ലയെ സംബന്ധിച്ചിടത്തോളം സവിശേഷമായ പല സാഹചര്യങ്ങളും ഉണ്ട്. മതമൗലിക വര്‍ഗീയവാദികളുടെ കൂടാണ് മലപ്പുറം ജില്ല. സ്വാഭാവികമായും അതിനെ പ്രതിരോധിച്ച് മതനിരപേക്ഷ പ്രസ്ഥാനങ്ങളെ യോജിപ്പിച്ച് മുന്നോട്ടുപോകുന്ന കമ്മ്യൂണിസ്റ്റ് പാര്‍ട്ടി പുതിയകാലത്ത് അതിന്റെ രാഷ്ട്രീയ കടമകള്‍ എങ്ങനെ ഏറ്റെടുക്കണമെന്ന് പരിശോധിക്കും. അതിനായാണ് വിപുലീകൃത ജില്ലാ കമ്മിറ്റി യോഗം ചേരുന്നതെന്നും നന്ദകുമാര്‍ പറഞ്ഞു( 3 ഒക്ടോബര്‍, മതമൗലിക വര്‍ഗ്ഗീയവാദികളുടെ കൂടാണ് മലപ്പുറം, തെറ്റ് തിരുത്താന്‍ ഉള്ള വിപുലീകൃത സിപിഎം ജില്ലാ കമ്മിറ്റിയില്‍ അധിക്ഷേപ പരാമര്‍ശവുമായി മുന്‍ എംഎല്‍എ പി നന്ദകുമാര്‍, മീഡിയ വണ്‍ ഇന്‍സ്റ്റഗ്രാം സോഷ്യല്‍ മീഡിയ പോസ്റ്റര്‍; 3 ഒക്ടോബര്‍, മതമൗലികവാദികളുടെ കൂടാണ് മലപ്പുറം, വര്‍ഗീയ പരാമര്‍ശവുമായി സിപിഎം മുന്‍ എംഎല്‍എ പി നന്ദകുമാര്‍, ഏഷ്യാനെറ്റ് സോഷ്യല്‍ മീഡിയ പോസ്റ്റര്‍).
12.2 ആര്‍എസ്എസ് ഭാഷ
മലപ്പുറം ജില്ല മതമൗലികവാദികളുടെ കൂടാരമാണെന്ന തരത്തില്‍ വംശീയ പരാമര്‍ശം നടത്തിയ സിപിഐ(എം) മുന്‍ എം.എല്‍.എ. പി. നന്ദകുമാര്‍ ആര്.എസ്.എസ്. ഭാഷ കടമെടുക്കരുതെന്ന് എസ്.ഡി.പി.ഐ. മലപ്പുറം വെസ്റ്റ് ജില്ല പ്രസിഡന്റ് അരീക്കന്‍ ബീരാന്‍കുട്ടി പത്രപ്രസ്താവനയിലൂടെ ആവശ്യപ്പെട്ടു. നന്ദകുമാര്‍ നടത്തിയ ഇസ്‌ലാമോഫോബിക് പ്രസ്താവന ഉടനടി പിന്‍വലിച്ച് ജില്ലയിലെ ജനങ്ങളോട് മാപ്പ് പറയണമെന്നും അദ്ദേഹം ആവശ്യപ്പെട്ടു. രാഷ്ട്രീയ വിമര്‍ശനങ്ങള്‍ ഉന്നയിക്കാന്‍ ആര്.എസ്.എസിന്റെ വംശീയ യുക്തിയും ശൈലിയും കടമെടുക്കുന്നത് സംഘപരിവാറിന് മാത്രമാണ് നേട്ടമുണ്ടാക്കുക എന്ന യാഥാര്‍ത്ഥ്യം മനസ്സിലാക്കാന്‍ പി. നന്ദകുമാര്‍ തയ്യാറാകണം (3 ഒക്ടോബര്‍, മലപ്പുറം വിരുദ്ധ പ്രസ്താവന. പി നന്ദകുമാര്‍ ആര്‍എസ്എസ് ഭാഷ കടമെടുക്കരുത്, മാപ്പ് പറയണമെന്ന്, എസ്ഡിപിഐ, എസ്ഡിപിഐ ജില്ലാ പ്രസിഡണ്ട് അരീക്കന്‍ ബീരാന്‍ കുട്ടിയുടെ സ്റ്റേറ്റ്‌മെന്റ്)
12.3 മതനിരപേക്ഷ നിലപാടിനെതിരായ വെല്ലുവിളി
ലപ്പുറം ജില്ലയിലെ ജനങ്ങളെ വര്‍ഗീയമായി അധിക്ഷേപിച്ച് സിപിഎം നേതാവ് പി.നന്ദകുമാര്‍ നടത്തിയ പ്രസംഗം കേരളത്തിന്റെ മതനിരപേക്ഷ നിലപാടിനെതിരായ വെല്ലുവിളിയാണെന്ന് മുഖ്യമന്ത്രി വി ഡി സതീശന്: പിണറായി വിജയന്‍ മുഖ്യമന്ത്രിയായിരിക്കെ, മലപ്പുറത്തെ അവഹേളിച്ച് ദേശീയ ദിനപത്രത്തിനു നല്‍കിയ അഭിമുഖത്തിന്റെയും തുടര്‍ന്നു നടത്തിയ അധിക്ഷേപങ്ങളുടെയും തുടര്‍ച്ചയാണിത്. നന്ദകുമാറിന്റെ പരാമര്‍ശത്തില്‍ പ്രതിപക്ഷ നേതാവും സിപിഎം കേന്ദ്ര നേതൃത്വവും നിലപാട് വ്യക്തമാക്കണം. കേരളത്തോട് മാപ്പ് പറയാന്‍ സിപിഎമ്മും നന്ദകുമാറും തയ്യാറാകണം. ആര് വര്‍ഗീയത പറഞ്ഞാലും ശക്തമായ നടപടിയുണ്ടാകും. മതമൗലിക വര്‍ഗീയവാദികളുടെ കൂടാണ് മലപ്പുറമെന്നാണു പുരോഗമന പ്രസ്ഥാനമെന്ന് സ്വയം അവകാശപ്പെടുന്ന സിപിഎമ്മിന്റെ സമുന്നത നേതാവ് പറഞ്ഞത്. പ്രതിപക്ഷ നേതാവ് പങ്കെടുത്ത യോഗത്തിലായിരുന്നു വര്‍ഗീയ അധിക്ഷേപം. നന്ദകുമാറിന്റെ അതേ നിലപാട് തന്നെയാണ് പിണറായി വിജയനും സിപിഎമ്മിനും ഉള്ളതെന്നു വേണം കരുതാന്‍. അതുകൊണ്ടാണു തള്ളിപ്പറയാനോ തിരുത്താനോ തയ്യാറാകാത്തത്. ഒരു പ്രത്യേക മതവിഭാഗത്തില്‍പെട്ടവരെ ഇരുട്ടില്‍നിര്‍ത്തി സിപിഎം കാലങ്ങളായി നടത്തുന്ന ഹീനമായ രാഷ്ട്രീയനയം തന്നെയാണ് ഇപ്പോഴും തുടരുന്നത്. സിപിഎമ്മിന്റെ വര്‍ഗീയ പ്രചാരണത്തിനു തിരഞ്ഞെടുപ്പുകളില്‍ ജനം മറുപടി നല്‍കിയിട്ടും തിരുത്താന്‍ തയ്യാറാകാത്തത് അപലപനീയമാണ്. രാജ്യത്ത് വര്‍ഗീയതയുടെ വിഷവിത്ത് വിതയ്ക്കുന്ന സംഘപരിവാറും കേരളത്തിലെ സിപിഎമ്മും രണ്ടല്ല, ഒന്നുതന്നെയാണ് (4 ഒക്ടോബര്‍, സിപിഎം നേതാവിന്റെ പ്രസംഗം മതനിരപേക്ഷ നിലപാടിനെതിരായ വെല്ലുവിളിയെന്ന് വി.ഡി.സതീശന്, മലയാള മനോരമ).
പറഞ്ഞത് വര്‍ഗീയവാദികളുടെ കൂടാരമാക്കാന്‍ അനുവദിച്ചുകൂടാ എന്ന്
പറഞ്ഞത് മലപ്പുറം ജില്ല മതമൗലിക വര്‍ഗീയവാദികളുടെ കൂടാക്കാന്‍ അനുവദിക്കില്ല എന്നാണെന്ന് പി നന്ദകുമാറിന്റെ വിശദീകരണം: മലപ്പുറം ജില്ല എന്ന് പറയുമ്പോ അത് ഞങ്ങളുടെ കുറച്ചാളുകളുടെ തറവാട്ട് സ്വത്താണെന്ന് ധരിക്കേണ്ട. മതനിരപേക്ഷ രാഷ്ട്രീയം സി.പി.എമ്മിനെ ആരും പഠിപ്പിക്കാന്‍ വരേണ്ട. ഞാനുദ്ദേശിച്ചത് മലപ്പുറം ജില്ല വര്‍?ഗീയ ശക്തികളുടെ കൂടാകാന്‍ അനുവദിക്കില്ല എന്ന ആശയമാണ്. വീണ്ടും ആവര്‍ത്തിക്കുന്നു, മലപ്പുറം ജില്ല വര്‍?ഗീയ ശക്തികളുടെ കൂടാകാന്‍ അനുവദിച്ചു കൂടാ, അതിനുള്ള ശ്രമങ്ങള്‍ നടക്കുന്നുണ്ട്, അതാണ് പ്രമേയത്തിലും പറഞ്ഞിട്ടുള്ളത് (4 ഒക്ടോബര്‍, ‘ഞാന്‍ വീണ്ടും ആവര്‍ത്തിക്കുന്നു; മലപ്പുറം ജില്ലയെ വര്‍ഗീയവാദികളുടെ കൂടാരമാക്കാന്‍ അനുവദിച്ചുകൂടാ എന്നാണ് ഉദ്ദേശിച്ചത്’: പി. നന്ദകുമാര്‍, മീഡിയവണ്‍).
പരാമര്‍ശത്തില്‍ തെറ്റില്ല: താന്‍ മലപ്പുറം ജില്ലയെ വര്‍ഗീയവാദികളുടെ കൂടാക്കാന്‍ അനുവദിക്കില്ലെന്നാണ് ഉദ്ദേശിച്ചതെന്നും തന്റെ പരാമര്‍ശത്തില്‍ തെറ്റില്ലെന്നും നന്ദകുമാര്‍: ജില്ലയെ വര്‍ഗീയവാദികളുടെ കൂടാക്കാന്‍ അനുവദിക്കില്ലെന്ന ആശയമാണ് ഞാന്‍ മുന്നോട്ടുവെച്ചത്. ആ പ്രസ്താവനയിലെ ചില വാക്കുകള്‍ മാത്രം അടര്‍ത്തിയെടുത്തുണ്ടാക്കിയ വിവാദമാണിത്. മലപ്പുറം ജില്ല കുഴപ്പങ്ങളുടേതെന്നു താനൊരിക്കലും പറഞ്ഞിട്ടില്ല. തന്റെ പരാമര്‍ശത്തെ ആരും തള്ളിപ്പറഞ്ഞിട്ടില്ല. പാര്‍ട്ടി സെക്രട്ടറി എന്നെ തള്ളിപ്പറഞ്ഞിട്ടില്ല. സംസ്ഥാന സെക്രട്ടറി പറഞ്ഞതും ഞാന്‍ ഇവിടെ വ്യക്തമാക്കിയതും ഒന്ന്. മുന്‍ മുഖ്യമന്ത്രി പിണറായി വിജയന്‍ ഇവിടെ പറയാന്‍ പോകുന്നതും ഒന്നുതന്നെ (5 ഒക്ടോബര്‍, മലപ്പുറത്തിനെതിരെ പറഞ്ഞിട്ടില്ലെന്ന് ഗോവിന്ദന്‍: പരാമര്‍ശത്തില്‍ തെറ്റില്ലെന്ന് നന്ദകുമാര്‍ ജന്മഭൂമി).
സിപിഎം തന്ത്രം
സിപിഎം നേതാവ് പി. നന്ദകുമാറിന്റെ മലപ്പുറത്തെക്കുറിച്ചുള്ള പരാമര്‍ശം വിദ്വേഷ പ്രതികരണമാണെന്ന് കെപിസിസി പ്രസിഡന്റ് സണ്ണി ജോസഫ്. മുന്‍ മുഖ്യമന്ത്രി പിണറായി വിജയനും സമാനമായ പരാമര്‍ശങ്ങള്‍ നടത്തിയിട്ടുണ്ടെന്നും ഇത്തരം പ്രസ്താവനകള്‍ സിപിഎമ്മിന്റെ രാഷ്ട്രീയ തന്ത്രത്തിന്റെ ഭാഗമാണെന്നും അദ്ദേഹം ആരോപിച്ചു. കണ്ണൂരില്‍ മാധ്യമങ്ങളോട് പ്രതികരിക്കുകയായിരുന്നു അദ്ദേഹം. നന്ദകുമാറിന്റെ പ്രസ്താവന തിരുത്താന്‍ അദ്ദേഹമോ സിപിഎമ്മോ തയ്യാറാകുന്നില്ല. തിരുത്തലിന്റെ പാതയിലല്ല ഇത്തരം പരാമര്‍ശങ്ങള്‍ ആവര്‍ത്തിക്കുന്ന നിലപാടിലാണ് സിപിഎമ്മെന്നും അദ്ദേഹം ആരോപിച്ചു (5 ഒക്ടോബര്‍, നന്ദകുമാറിന്റെ മലപ്പുറം പരാമര്‍ശത്തില്‍ രൂക്ഷവിമര്‍ശനവുമായി സണ്ണി ജോസഫ്, ദീപിക).
വിമര്‍ശിച്ചത് ലീഗിന്റെ വര്‍ഗീയതയെ
മലപ്പുറം ജില്ലയ്‌ക്കെതിരെയോ പാര്‍ട്ടി ഒരിക്കലും വര്‍ഗീയ പരാമര്‍ശങ്ങള്‍ നടത്തിയിട്ടില്ലെന്ന് സിപിഎം സംസ്ഥാന സെക്രട്ടറി എം. വി. ഗോവിന്ദന്‍. മുസ്ലിം ലീഗ് പോലുള്ള രാഷ്ട്രീയ പാര്‍ട്ടികളുടെ ആശയഗതിയില്‍ വരുന്ന വര്‍ഗീയ പൊതുസ്വാധീനത്തെ മാത്രമാണ് വിമര്‍ശിച്ചിട്ടുള്ളതെന്നും അദ്ദേഹം പറഞ്ഞു.അപ്പുറത്തും കേരളത്തിലും ജമാഅത്തെ ഇസ്ലാമിയുടെ സ്വാധീനം മൂലം മുസ്ലിം ലീഗ് പ്രവര്‍ത്തകര്‍ വര്‍ഗീയതയിലേക്ക് തള്ളിപ്പോകുന്നുണ്ടെന്നാണ് പാര്‍ട്ടിയുടെ നിലപാടെന്നും ഗോവിന്ദന്‍ പറഞ്ഞു (5 ഒക്ടോബര്‍, മലപ്പുറത്തിനെതിരെ പറഞ്ഞിട്ടില്ലെന്ന് ഗോവിന്ദന്‍: പരാമര്‍ശത്തില്‍ തെറ്റില്ലെന്ന് നന്ദകുമാര്‍ ജന്മഭൂമി).
മലപ്പുറത്തെ കൊത്തിവലിച്ച് സിപിഎം വര്‍ഗീയത
ഒക്ടോബര്‍ 5ാം തിയ്യതി ചന്ദ്രിക ഒരു ലേഖനം പ്രസിദ്ധീകരിച്ചു. മലപ്പുറത്തെ കൊത്തിവലിച്ച് സി.പി.എം വര്‍ഗീയത എന്നായിരുന്നു ശീര്‍ഷകം: മുന്‍ എം.എല്‍.എയും മുതിര്‍ന്ന സി.പി.എം നേതാവുമായ പി. നന്ദകുമാര്‍ നടത്തിയ വര്‍ഗീയ പരാമര്‍ശം സി.പി.എമ്മിന്റെ മലപ്പുറം വിരുദ്ധതയുടെ തുടര്‍ച്ചയായി മാറി. ‘മലപ്പുറം മതമൗലിക വര്‍ഗീയവാദികളുടെ കൂടാണ്’ എന്ന നന്ദകുമാറിന്റെ പരാമര്‍ശത്തെ സി.പി.എം ഇതുവരെ തള്ളിപ്പറഞ്ഞിട്ടില്ലെന്നു മാത്രമല്ല, അഭിപ്രായത്തെ വക്രീകരിക്കുകയാണുണ്ടായതെന്ന് പറഞ്ഞ് നന്ദകുമാറിനെ പിന്തുണച്ച് പിണറായി വിജയന്‍ രംഗത്തെത്തുകയും ചെയ്തു. നന്ദകുമാറാകട്ടെ തന്റെ പരാമര്‍ശം വളച്ചൊടിച്ചതാണെന്ന് വാദവുമായി ഉറച്ചുനില്‍ക്കുന്നു. പ്രസ്താവനയില്‍ തിരുത്തലോ ഖേദപ്രകടനമോ നടത്താതെയാണ് നന്ദകുമാറിന്റെ പ്രതികരണം. മലപ്പുറത്തെ വര്‍ഗീയ വാദികളുടെ കൂടാക്കാന്‍ ശ്രമം നടക്കുന്നുവെന്നാണ് താന്‍ ഉദ്ദേശിച്ചതെന്നാണ് വിശദീകരണം. താന്‍ പറഞ്ഞതിനെ മാധ്യമങ്ങള്‍ക്ക് എങ്ങനെ വേണമെങ്കിലും വ്യാഖ്യാനിക്കാമെന്നും നന്ദകുമാറിന്റെ വെല്ലുവിളിയുണ്ടായി (5 ഒക്ടോബര്‍, മലപ്പുറത്തെ കൊത്തിവലിച്ച് സിപിഎം വര്‍ഗീയത, ചന്ദ്രിക).
12.4 സിഗരറ്റില്‍ വെടിമരുന്ന് നിറച്ച ചരിത്രം
മലപ്പുറം ജില്ല മതമൗലികവാദികളുടെയും തീവ്രവാദികളുടെയും കൂടാരമാണെന്ന മുന്‍ എംഎല്‍എ പി. നന്ദകുമാറിന്റെ വിവാദ പ്രസ്താവനയെയും, അതിനുപിന്നാലെ തിരുനാവായ മാഘമക മഹോത്സവവുമായി ബന്ധപ്പെടുത്തി നേഷന്‍ ഫസ്റ്റ് യൂട്യൂബ് ചാനലില്‍ നടത്തിയ അഭിമുഖത്തില്‍ തിരൂര്‍ ദിനേശ് മലപ്പുറത്തിനെതരേ കൂടുതല്‍ ആരോപണങ്ങള്‍ ഉന്നയിച്ചു:
നന്ദകുമാര്‍ എംഎല്‍എ ഹിന്ദു മൈന്‍ഡ് ഉള്ള ഒരാളല്ല, അതുപോലെതന്നെ ക്ഷേത്രവിശ്വാസിയല്ല. ഹിന്ദുവിരുദ്ധന്‍ എന്ന് തന്നെയാണ്. മലപ്പുറം ജില്ല ഭീകരവാദികളുടെ, തീവ്രവാദികളുടെ അല്ലെങ്കില്‍ മതമൗലികവാദികളുടെ കൂടാരമാണ് എന്നാണ് പറഞ്ഞത്. അതിന്റെ തൊട്ടുപിന്നാലെ അദ്ദേഹം ഇന്നലെ പറഞ്ഞത്, ഞാന്‍ ഉദ്ദേശിച്ചത് അതൊന്നുമല്ല, തിരുനാവായ കുംഭമേള, ആ കുംഭമേളയുടെ പശ്ചാത്തലത്തിലാണ് ഞാന്‍ അത് പറഞ്ഞത്. മലപ്പുറം ജില്ലയിലുള്ള മുസ്ലിം വിഭാഗത്തില്‍പ്പെട്ട ആളുകള്‍ എന്തു വിചാരിച്ചു? മതമൗലികവാദികള്‍ എന്ന് പറഞ്ഞപ്പോള്‍, എന്നെ കണ്ടാല്‍ കിണ്ണംകെട്ടവനെ പോലെ തോന്നുമോ എന്നൊരു ചോദ്യം കൂടി അവിടെ വന്നിട്ടുണ്ട്. വിവിധ തരത്തിലുള്ള മുസ്ലിം സംഘടനകളുമായി ബന്ധപ്പെട്ടിട്ടുള്ള ആളുകള്‍ എനിക്ക് തോന്നുന്നു അദ്ദേഹത്തിന്റെ വീട്ടിലേക്ക് മാര്‍ച്ച് പോലും നടത്തിയിട്ടുണ്ട്. അപ്പോള്‍ ഇത് സംഘപരിവാറിന്റെ നാവായിട്ട്, സിപിഎമ്മിന്റെ നേതാവായിരിക്കെ സംഘപരിവാറിന്റെ നാവായിട്ടാണ് നന്ദകുമാര്‍ ഈ കാര്യം പറഞ്ഞത് എന്ന് പറഞ്ഞിട്ടാണ് നന്ദകുമാറിനെതിരെ ചന്ദ്രഹാസമിളക്കിക്കൊണ്ടിരിക്കുന്നത്. ഇപ്പോള്‍ യഥാര്‍ത്ഥത്തില്‍ ഇദ്ദേഹത്തെ വ്യക്തമായി അറിയുന്ന ഒരാള്‍ എന്ന നിലയ്ക്ക് ഞാന്‍ പറയും, ഇദ്ദേഹം അഖിലേന്ത്യാ ഇമാം കൗണ്‍സിലിന്റെ അധ്യക്ഷന്റെ നാവാണ് അദ്ദേഹത്തിന്റെ ആ വിവാദ പ്രസ്താവന എന്നാണ് ഞാന്‍ പറയുക.
12.5 മലപ്പുറം രൂപീകരിച്ചത് മുസ്‌ലിംകള്‍ക്കുവേണ്ടി
സിപിഎം ഒരിക്കലും മുസ്‌ലിംകള്‍ക്കെതിരായിട്ട് പറയില്ല, അത് ഹിന്ദുക്കള്‍ക്കെതിരെ തന്നെ പറയുകയുള്ളൂ. മലപ്പുറം ജില്ല തന്നെ രൂപീകരിച്ചു കൊടുത്തത് മുസ്‌ലിംകള്‍ക്ക് വേണ്ടിയിട്ടാണ്. കുട്ടിപ്പാക്കിസ്ഥാന്‍ എന്നൊരു അപരനാമം ഇപ്പോഴും മലപ്പുറം ജില്ലയ്ക്കുണ്ട്. മുസ്ലിം ഭൂരിപക്ഷ പ്രദേശമാണ്.
12.6 തിയ്യറ്ററുകള്‍ കത്തിച്ച മലപ്പുറം:
1921-ലെ മാപ്പിള ലഹളക്കാലം മുതല്‍ ഏറ്റവും ഒടുവില്‍ മലപ്പുറം ജില്ലയില്‍ 13-16 ഓളം തിയേറ്ററുകള്‍ കത്തിച്ചത് വരെയുള്ള സംഭവങ്ങള്‍ മലപ്പുറം ജില്ലയിലുണ്ട്. മലപ്പുറം ജില്ലയില്‍ തന്നെ സമീപകാലത്ത് മാത്രമാണ് ഈ മതതീവ്രവാദവുമായി ബന്ധപ്പെട്ടിട്ടുള്ള കാര്യങ്ങള്‍ പുറത്തേക്ക് വരാതിരിക്കുന്നത്. ഉള്ളില്‍ എത്രത്തോളമുണ്ട് എന്ന് നമുക്ക് പറയാന്‍ സാധിക്കില്ല. പുറത്തേക്ക് വന്നാല്‍ പഴയപോലെയല്ല, ഇപ്പോള്‍ പിടിച്ചാല്‍ അകത്ത് വെളിച്ചം കാണില്ല. ഗണ്യമായി കുറഞ്ഞിട്ടുമുണ്ട്, കാരണം അത്ര ശക്തമായ ഒരു ഭരണസംവിധാനം നമ്മുടെ ഇന്ത്യയില്‍ ഉണ്ടായതുകൊണ്ടാണ് ഇതൊക്കെ സംഭവിച്ചത് (6 ഒക്ടോബര്‍, സിഗരറ്റില്‍ വെടിമരുന്ന് നിറച്ച ചരിത്രം ഉണ്ട് മലപ്പുറത്തിന്, നേഷന്‍ ഫസ്റ്റ് യൂട്യൂബ് ചാനല്‍).
പ്രതിഷേധിച്ച് ജംഇയ്യത്തുല്‍ മുഅല്ലിമീന്‍
മലപ്പുറം ജില്ലയെയും ജനങ്ങളെയും അപകീര്‍ത്തിപ്പെടുത്തുന്ന വ്യാജ പ്രചാരണങ്ങളിലും അധിക്ഷേപരാമര്‍ശങ്ങളിലും സമസ്ത കേരള ജംഇയ്യത്തുല്‍ മുഅല്ലിമീന്‍ സെന്‍ട്രല്‍ കൗണ്‍സില്‍ യോഗം പ്രതിഷേധിച്ചു.നാടിന്റെ മതേതര പാരമ്പര്യത്തെയും സമാധാന അന്തരീക്ഷത്തെയും തകര്‍ക്കാന്‍ ലക്ഷ്യമിട്ടുകൊണ്ടുള്ള ഇത്തരം നീക്കങ്ങളെ പൊതുസമൂഹം തിരിച്ചറിയണമെന്നും യോഗം അഭ്യര്‍ത്ഥിച്ചു.
പ്രതിഷേധിച്ച് സമസ്ത
പി നന്ദകുമാറിന്‍െ പ്രസ്താവന മലപ്പുറത്തെ അവഹേളിക്കുന്നത്: സമസ്തയുടെ പ്രമേയം (7 ഒക്ടോബര്‍, മീഡിയ വണ്‍ ചാനല്‍ ന്യൂസ്).
നന്ദകുമാറിനെ തള്ളി ബിനോയ് വിശ്വം
മലപ്പുറം പരാമര്‍ശ വിവാദം, പി നന്ദകുമാറിനെ പോലൊരു കമ്മ്യൂണിസ്റ്റില്‍ നിന്ന് ഉണ്ടാകാന്‍ പാടില്ലാത്ത പരാമര്‍ശം – ബിനോയ് വിശ്വം (12 ഒക്ടോബര്‍, മലപ്പുറം പരാമര്‍ശ വിവാദം: പി നന്ദകുമാറിനെ തള്ളി ബിനോയ് വിശ്വം, മാതൃഭൂമി).
നന്ദകുമാറിനെതിരേ പരാതി
മലപ്പുറത്തെ വര്‍ഗീയമായി ചിത്രീകരിച്ചെന്ന ആരോപണത്തിന് പിന്നാലെ സിപിഐഎം നേതാവും മുന്‍ എംഎല്‍എയുമായ പി നന്ദകുമാറിനെ തുഞ്ചന്‍ പറമ്പിലെ വിദ്യാരംഭ പരിപാടിയുടെ ചുമതലകളില്‍ നിന്ന് നീക്കം ചെയ്യണമെന്ന ആവശ്യവുമായി യൂത്ത് കോണ്‍ഗ്രസ്. ഇക്കാര്യം ആവശ്യപ്പെട്ട് മന്ത്രി പി സി വിഷ്ണുനാഥിന് യൂത്ത് കോണ്‍ഗ്രസ് പരാതി നല്‍കി (20 ഒക്ടോബര്‍, പി നന്ദകുമാറിനെ തുഞ്ചന്‍ പറമ്പിലെ വിദ്യാരംഭ പരിപാടിയുടെ ചുമതലകളില്‍നിന്ന് നീക്കം ചെയ്യണമെന്ന് യൂത്ത് കോണ്‍ഗ്രസ്, റിപ്പോര്‍ട്ടര്‍).
12.7 മലപ്പുറവും തെരഞ്ഞെടുപ്പും
നടി മല്ലികാ സുകുമാരന്‍ മൂവി വേള്‍ഡ് മലയാളം എന്ന ഓണ്‍ലൈന്‍ ചാനലിന് നല്‍കിയ അഭിമുഖത്തില്‍ മലപ്പുറത്തെക്കുറിച്ചും ചര്‍ച്ചയുണ്ടായി.
അവതാരകന്‍ ചോദിക്കുന്നു: ഇത്രയും കാലത്തെ ജീവിതത്തില്‍ ഏതെങ്കിലും ഒരു കാര്യം തിരുത്താന്‍ അവസരം ലഭിക്കുകയാണെങ്കില്‍ ഏതായിരിക്കും തിരുത്തുക.
മല്ലിക: എന്റെ ആഗ്രഹം എന്താണെന്നറിയോ? മലപ്പുറത്തൊക്കെ ഹിന്ദുക്കളെ നിര്‍ത്തണം. അങ്ങനെ നിര്‍ത്തിയ ഹിന്ദുക്കളെ ജയിപ്പിക്കണം അവര്‍. അതുപോലെ തന്നെ അവിടുന്ന് വരുന്ന സഹോദരങ്ങളെ അതല്ലാത്ത സ്ഥലത്ത് നിര്‍ത്തണം. അങ്ങനെ ഒരൊറ്റ ഇലക്ഷന്‍ അങ്ങനെ നിര്‍ത്തി അങ്ങനെ ജയിക്കുകയാണെങ്കില്‍ ഈ കേരളത്തിലെ എല്ലാ പ്രശ്‌നങ്ങളും അപ്പൊ തീരും. അധ്യാപകന്റെ കൈവിട്ടെറിയുന്നതുവരെ നമ്മള്‍ കണ്ടു. ആര് ചെയ്തു, എപ്പോള്‍ ചെയ്തു, എന്തിന് ചെയ്തു, കാരണങ്ങള്‍ പലതും പലരും പറയും.
ജാതി, മതം ഒക്കെ പറഞ്ഞ് ഇത്രയും മോശമായ ഒരന്തരീക്ഷം ഇതൊക്കെ കൊണ്ടാണ് ഞാന്‍ ഈ പ്രൈം മിനിസ്റ്ററേ… അദ്ദേഹം ഇവിടെ വന്ന് ഒരൊറ്റ ജാതിയേയും വിലവെക്കേണ്ടതില്ല ഹിന്ദുവിനെ വിലവെച്ചാല്‍ മതിയെന്നൊന്നും അദ്ദേഹം പറയുന്നില്ല. ഈ കാവിയുടുത്തവന്മാരൊക്കെ അവിടേം ഇവിടേം ഇരുന്ന് അതും ഇതും പറയുന്നതൊക്കെ അദ്ദേഹത്തിന്റെ വര്‍ത്തമാനം ആണെന്ന് അങ് വ്യാഖ്യാനിക്കരുത്. മോദി ഏസ് എ പേഴ്‌സണ്‍ ഭയങ്കര ബുദ്ധി ആണ്. ഇന്ത്യ വളരുന്നു എന്നത് യുനാനിമസ്ലി ആക്‌സപ്റ്റ് ചെയ്യുന്നുണ്ട് എല്ലാവരും. അത് ഇന്ത്യയില്‍ ഉള്ളവര്‍ മാത്രം ആക്‌സപ്റ്റ് ചെയ്യാതിരിക്കുന്നത് ശരിയല്ല (12 ഒക്ടോബര്‍, നരേന്ദ്ര മോഡി ഇല്ലായിരുന്നേല്‍ ഇന്ത്യയില്‍ പലതും സംഭവിച്ചേനേ മല്ലിക സുകുമാരന്‍ ഇന്റര്‍വ്യൂ പാര്‍ട്ട് 03, യൂട്യൂബ് വീഡിയോ, മൂവി വേള്‍ഡ് മലയാളം).
13. മുസ്ലിം സ്ഥാപനങ്ങളിലെ സംവരണം
സംവരണത്തെക്കുറിച്ച് ശശികല ടീച്ചര്‍: എല്ലാ ഹൈന്ദവ സ്ഥാപനങ്ങളിലും മുസ്ലിം സംവരണമുണ്ട്. എല്ലാ ഹൈന്ദവ സ്ഥാപനങ്ങളിലും ഈ പറഞ്ഞ 12% സംവരണം അവര്‍ക്കുണ്ട്. എന്നാല്‍ മുസ്‌ലിമിന്റെയോ ക്രിസ്ത്യാനിയുടെ ഒരൊറ്റ സ്ഥാപനത്തില്‍ പട്ടികജാതി പട്ടികവര്‍ഗ്ഗ സംവരണം പോലും കൊടുത്തു കൊള്ളണമെന്നില്ല. നിയമപ്രകാരം അവര്‍ക്ക് ബാധ്യതയില്ല (10 ഒക്ടോബര്‍, ഫേസ്ബുക്ക്/ ബിഎന്‍കെ).
14. ജിഹാദികള്‍
വന്ദേമാതരത്തിന്റെ നൂറ്റിഅമ്പതാം വാര്‍ഷികത്തോടനുബന്ധിച്ചു കേന്ദ്ര കേരള സര്‍വകലാ ശാലയില്‍ നടത്തിയ പരിപാടിയില്‍ ആര്‍എസ്എസ് – സംഘപരിവാര്‍ സംഘടനയായ പ്രജ്ഞപ്രവാഹിന്റെ ദേശീയ കണ്‍വീനര്‍ ജെ.നന്ദകുമാര്‍ ആയിരുന്നു മുഖ്യപ്രഭാഷകന്‍. കേന്ദ്ര സര്‍വകലാശാലയും ആര് എസ് എസ് സംഘടനയായ അഖിലഭാരതിയ സാഹിത്യ പരിഷത്തും സാഹിത്യ അക്കാദമിയും ചേര്‍ന്നാണ് സെമിനാര്‍ സംഘടിപ്പിച്ചത്.
വന്ദേമാതരം 150 ആം വാര്‍ഷികം എന്ന പേരിലായിരുന്നു സെമിനാര്‍ സംഘടിപ്പിച്ചത്. ഇതിനെതിരേ എഐഎസ്എഫ് അടക്കം വിദ്യാര്‍ത്ഥി സംഘടനകള്‍ രംഗത്ത് വന്നു. എതിര്‍പ്പുകള്‍ അവഗണിച്ച് സെമിനാര്‍ നടത്തിയതോടെ വിദ്യാര്‍ഥികള്‍ പ്രതിഷേധം കടുപ്പിച്ചു. പ്രതിഷേധം മൂന്നു മണിക്കൂറോളം നീണ്ടു. വിദ്യാര്‍ത്ഥി പ്രതിഷേധത്തില്‍ ഒത്തുതീര്‍പ്പ് ഉണ്ടാക്കാന്‍ സ്റ്റുഡന്‍സ് വെല്‍ഫെയര്‍ ഡീന്‍ പ്രൊഫ.രാജേന്ദ്ര പിലാങ്കട്ടയും, ഇംഗ്ലീഷ് വിഭാഗം അധ്യാപകന്‍ ഡോക്ടര്‍ ഇസ്തികാര്‍ അഹമ്മദും ശ്രമിച്ചെങ്കിലും പരിപാടി സ്ഥലത്തേക്ക് പ്രവേശിക്കാന്‍ ശ്രമിച്ച അവരെയും പോലീസ് തടഞ്ഞു. നന്ദകുമാര്‍ സംസാരിക്കുന്നതിന് മുമ്പ് തന്നെ വൈസ് ചാന്‍സലര്‍ പ്രൊഫ. സിദ്ധു പി അല്‍കൂര്‍ വേദി വിട്ടിരുന്നു. ഉച്ചയ്ക്ക് ഒരു മണിയോടെ വിശിഷ്ടാതിഥികള്‍ വേദി വിട്ടു പോകുമ്പോള്‍ വിദ്യാര്‍ത്ഥികള്‍ വീണ്ടും നന്ദകുമാറിനെതിരെ മുദ്രാവാക്യം മുഴക്കി (07 ഒക്ടോബര്‍, വന്ദേമാതരം സെമിനാര്‍,കേന്ദ്ര സര്‍വ്വകലാശാലയില്‍ വിദ്യാര്‍ത്ഥി പ്രതിഷേധം. ജനയുഗം).
14.1 ഇടത് – വലത് ജിഹാദികള്‍
ഇതേ കുറിച്ച ജന്മഭൂമി വാര്‍ത്തയില്‍ പ്രതിഷേധക്കാരെ ഇടത് – വലതു,ജിഹാദികളെന്നാണ് വിശേഷിപ്പിച്ചത്: വന്ദേമാതരത്തിന്റെ 150 ആം വാര്‍ഷികത്തോടനുബന്ധിച്ച് കാസര്‍ഗോഡ് കേന്ദ്ര സര്‍വകലാശാലയില്‍ ഇന്നലെ ആരംഭിച്ച ദേശീയ സെമിനാര്‍ ഉദ്ഘാടനം അലങ്കോലമാക്കാനുള്ള ഇടത് വലത് ജിഹാദി ശ്രമം പരാജയപ്പെട്ടു. പ്രതിഷേധങ്ങള്‍ക്കിടെ പരിപാടി ഭംഗിയായി നടന്നു. എതിര്‍പ്പിനെ മറികടന്ന് വന്ദേമാതരം പൂര്‍ണമായും ആലപിച്ചായിരുന്നു തുടക്കം. ഉദ്ഘാടന സമ്മേളനത്തിലെ മുഖ്യപ്രഭാഷകന്‍ പ്രജ്ഞപ്രവാഹ് ദേശീയ സംയോജകന്‍ ജെ.നന്ദകുമാറിനെ പരിപാടിയില്‍ പങ്കെടുപ്പിക്കില്ലെന്ന് പറഞ്ഞാണ് ഒരു വിഭാഗം പ്രതിഷേധിച്ചത്. സെമിനാര്‍ ഹാളിലേക്ക് തള്ളിക്കയറാന്‍ എസ് എഫ് ഐ, കെ എസ് യു, എം എസ് എഫ്, ഐ എസ് എഫ്, പ്രവര്‍ത്തകര്‍ ശ്രമിച്ചതോടെ പോലീസുമായി ഉന്തും തള്ളുമുണ്ടായി. ജെ.നന്ദകുമാര്‍ കൃത്യസമയത്ത് എത്തിയതോടെ സമരം ആദ്യഘട്ടത്തില്‍ തന്നെ പരാജയപ്പെട്ടു. മുന്‍കൂട്ടി രജിസ്‌ട്രേഷന്‍ നടത്തിയുള്ള സെമിനാറില്‍ തങ്ങളെയും പങ്കെടുപ്പിക്കണമെന്ന് ആവശ്യപ്പെടുകയായിരുന്നു ഇടത് വലത് ജിഹാദി സംഘം (07 ഒക്ടോബര്‍, ഇടത് – വലതു,ജിഹാദികളുടെ പ്രതിഷേധം ഏറ്റില്ല,കേന്ദ്ര സര്‍വ്വകലാശാലയില്‍ വന്ദേമാതരം മുഴങ്ങി.ജെ നന്ദകുമാര്‍ പ്രഭാഷണം നടത്തി, ജന്മഭൂമി).
15. ശബരിമലയിലെ താജ്മഹല്‍
ശബരിമല ഇടത്താവളത്തില്‍ മാസങ്ങള്‍ക്ക് മുമ്പ് ഒരു വ്യാപാരഫെസ്റ്റ് നടന്നിരുന്നു. കരാറുകാരന്‍ ഒഴിവായിപ്പോയെങ്കിലും അവിടെ പണിതീര്‍ത്ത താജ്മഹലിന്റെ ആകൃതിയിലുള്ള പ്രവേശന കവാടം പൊളിച്ചുനീക്കിയില്ല. സംഘപരിവാര്‍ മാധ്യമങ്ങള്‍ ഇത് വിവാദമാക്കി. അവര്‍ കോടതിയെും സമീപിച്ചു. കോതി പൊളിച്ചുനീക്കാന്‍ ആവശ്യപ്പെട്ടു. പൊളിച്ചുനീക്കാത്തത് ആസൂത്രിതമാണെന്നായിരുന്നു സംഘപരിവാര്‍ സംഘടനകളുടെ വാദം.
15.1 ഇടത്താവളം വികൃതമാക്കി
ശബരിമല തീര്‍ത്ഥാടകരുടെ ഇടത്താവളം വികൃതമാക്കിയെന്ന് വിഎച്ച്പി (07 ഓഗസ്റ്റ്, ശബരിമല ഇടത്താവളത്തില്‍ താജ്മഹല്‍!നഗരസഭ ഇടപെട്ടില്ലെങ്കില്‍ പൊളിച്ചു നീക്കുമെന്ന് വിഎച്പി, ജനം ടിവി കാര്‍ഡ്).
15.2 ആസൂത്രിത നീക്കം
ശബരിമല ഇടത്താവളത്തിലെ താജ്മഹല്‍ പൊളികാത്തത് ഭക്തരെ ബുദ്ധിമുട്ടിക്കാനുള്ള പത്തനംതിട്ട നഗരസഭയുടെ ആസൂത്രിത നീക്കമെന്ന് വിമര്‍ശനം (9 ഒക്ടോബര്‍, ”ശബരിമല ഇടത്താവളത്തിലെ താജ്മഹല്‍ പൊളികാത്തത് ആസൂത്രിത നീക്കമെന്ന് വിമര്‍ശനം”, ജനം ടി.വി).
താമസിയാതെ നിര്‍മിതി നഗരസഭ പൊളിച്ചുനീക്കി (26 ഒക്ടോബര്‍, പ്രതിഷേധങ്ങള്‍ക്ക് ഫലം കണ്ടു, ശബരിമല ഇടത്താവളത്തിലെ താജ്മഹല്‍ പൊളിച്ചു, ജനം ടിവി).
16. ശിവഗിരി പിടിച്ചെടുക്കാന്‍ ജമാഅത്തെ ഇസ്ലാമിയും ഇസ്ലാമിക മതമൗലികവാദ ശക്തികളും
ശ്രീനാരായണ ധര്‍മസംഘം ട്രസ്റ്റിന്റെ ആസ്ഥാനമായ ശിവഗിരി മഠത്തിന്റെ ഭരണം പിടിച്ചെടുക്കാന്‍ ജമാഅത്തെ ഇസ്ലാമിയുടെയും ഇസ്ലാമിക മതമൗലികവാദ ശക്തികളുടെയും നേതൃത്വത്തില്‍ ഗൂഢനീക്കങ്ങള്‍ നടക്കുന്നുവെന്ന ആരോപണങ്ങളില്‍ കേന്ദ്ര ഏജന്‍സികള്‍ അന്വേഷണം ആരംഭിച്ചുവെന്ന് തേഡ് ഐ ന്യൂസ് ലൈവ് വാര്‍ത്ത: ആലുവാ കേന്ദ്രീകരിച്ച് പ്രവര്‍ത്തിക്കുന്ന ചില സന്യാസിമാരെ മുന്‍നിര്‍ത്തിയാണ് നീക്കങ്ങള്‍ പുരോഗമിക്കുന്നത്. ബാഹ്യശക്തികളുടെ സ്വാധീനത്തില്‍ പ്രവര്‍ത്തിക്കുന്ന ഈ സന്യാസിമാരെ മുന്‍നിര്‍ത്തി വരാനിരിക്കുന്ന ശിവഗിരി തെരഞ്ഞെടുപ്പ് അട്ടിമറിക്കാനാണ് ശ്രമം. ദളിത്-മുസ്ലിം ഐക്യമെന്ന മുദ്രാവാക്യം മുന്നോട്ടുവെച്ച് ഹിന്ദു സമൂഹത്തിനുള്ളില്‍ ഭിന്നിപ്പുണ്ടാക്കാനും ശ്രീനാരായണ ഗുരുദേവന്റെ വിശ്വമാനവിക ദര്‍ശനങ്ങളെ രാഷ്ട്രീയ ഇസ്ലാമിന്റെ താല്പര്യങ്ങള്‍ക്കനുസരിച്ച് വ്യാഖ്യാനിക്കാനുമാണ് കേന്ദ്രങ്ങള്‍ ലക്ഷ്യമിടുന്നത്. കേരളത്തിന്റെ സാമൂഹിക രംഗത്തും നവോത്ഥാന പ്രസ്ഥാനങ്ങളിലും ശിവഗിരിക്കുള്ള സ്വാധീനം മുതലെടുത്ത് സ്വന്തം അജണ്ടകള്‍ നടപ്പാക്കാനാണ് ഇത്തരം സംഘടനകള്‍ പദ്ധതിയിടുന്നത് (9 ഒക്ടോബര്‍, ശിവഗിരി ഭരണം പിടിച്ചെടുക്കാന്‍ നീക്കം: ജമാഅത്തെ ഇസ്ലാമിയെയും ഇസ്ലാമിക മതമൗലികവാദികളെയും കേന്ദ്രീകരിച്ച് കേന്ദ്ര ഏജന്‍സികള്‍ അന്വേഷണം ആരംഭിച്ചു, തേഡ് ഐന്യൂസ് ലൈവ്).
17. ഭീകരവാദ ബന്ധം
ബാംഗ്ലൂരില്‍ നടന്ന പാറ്റകളുടെ സമര പരിപാടിയില്‍ ധ്രുവ് റാഠിയോടൊപ്പം യംഗ് ഡെമോക്രാറ്റ്‌സ് കര്‍ണാടക സ്റ്റേറ്റ് കണ്‍വീനര്‍ മുനീഷ് അലിയും പങ്കെടുത്തുവെന്ന് ജനം ടിവി. ഇതേ കുറിച്ച് നല്‍കിയ വാര്‍ത്തയുടെ തലക്കെട്ട് സി.ജെ.പി.ക്ക് ഭീകരവാദ ബന്ധം” എന്നായിരുന്നു. വാര്‍ത്താ കാര്‍ഡിലെ പ്രയോഗങ്ങള്‍ ഇങ്ങനെ: സിജെപിക്ക് ഭീകരവാദ ബന്ധം. ബംഗളൂരുവില്‍ നടന്ന സിജെപി പരിപാടിയില്‍ പിഎഫ്‌ഐ ഭീകരനും. ചിത്രങ്ങള്‍ പുറത്ത്. ബംഗളൂരുവില്‍ നടന്ന സിജെപി പരിപാടിയില്‍ പോപ്പുലര്‍ ഫ്രണ്ട് ഭീകരന്‍ മുനീഷ് അലിയും (9 ഒക്ടോബര്‍, ”സി.ജെ.പി.ക്ക് ഭീകരവാദ ബന്ധം”; ബംഗളൂരുവില്‍ നടന്ന സി.ജെ.പി. പരിപാടിയില്‍ പോപ്പുലര്‍ ഫ്രണ്ട് ഭീകരന്‍ മുനീഷ് അലിയും പങ്കെടുത്തതായി ചിത്രങ്ങള്‍ പുറത്തുവന്നെന്ന് റിപ്പോര്‍ട്ട്, ജനം).
ദൃശ്യങ്ങള്‍ സിജെപി പരിപാടിയുടേതല്ല
സി.ജെ.പി. പരിപാടിയിലേതാണെന്ന് അവകാശപ്പെട്ട് പ്രചരിപ്പിച്ച രണ്ട് വീഡിയോകളെക്കുറിച്ചുള്ള വസ്തുതാപരിശോധന ഓഫ് ബീറ്റ് കണ്‍സേണ്‍സണ്‍ എന്ന യുട്യൂബ് ചാനല്‍ പുറത്തുവിട്ടു. ദൃശ്യങ്ങള്‍ മറ്റുപരിപാടികളില്‍ നിന്നുള്ളതാണെന്നും സി.ജെ.പി.യുമായി ബന്ധപ്പെട്ടതല്ലെന്നും വീഡിയോ പറയുന്നു.
വീഡിയോയിലെ പ്രധാന വിവരങ്ങള്‍: സി.ജെ.പി. പരിപാടിയിലേതാണെന്ന് പ്രചരിപ്പിച്ച രണ്ട് വീഡിയോകളും വ്യാജമാണ്. ദൃശ്യങ്ങളുടെ കീ ഫ്രെയിമുകള്‍ പരിശോധിച്ചു. ഒരു കോളേജ് പരിപാടിയില്‍ നടന്ന നൃത്തത്തിന്റെ ദൃശ്യങ്ങള്‍ സി.ജെ.പി. പരിപാടിയിലേതാണെന്ന രീതിയില്‍ പ്രചരിപ്പിച്ചതായിരുന്നു. മറ്റൊരു കോളേജില്‍ പൊതുമുതല്‍ നശിപ്പിക്കുന്നതായി കാണിക്കുന്ന ദൃശ്യങ്ങള്‍ സി.ജെ.പി. പൊതുമുതല്‍ നശിപ്പിക്കുന്നതാണെന്ന പേരിലും പ്രചരിപ്പിച്ചു. വീഡിയോക്ക് താഴെ മുസ്ലിം സമുദായത്തെ ലക്ഷ്യമിട്ടുള്ള വിദ്വേഷ കമന്റുകള്‍ കണ്ടിരുന്നു (9 ഒക്ടോബര്‍, സിജെപി പരിപാടിയുമായി ബന്ധപ്പെട്ട് പ്രചരിച്ച വീഡിയോകളുടെ വസ്തുതാപരിശോധന, ടൈറ്റിലില്ല, ഓഫ് ബീറ്റ് കണ്‍സേണ്‍സ്).
18. കേരളത്തിലെ ഗുഹാജീവിളും സൗദി അറേബ്യയും
മക്കയിലെ പള്ളിയില്‍ അധാര്‍മിക പ്രവൃത്തിയില്‍ ഏര്‍പ്പെട്ടെന്ന് ആരോപിച്ച് രണ്ട് ബംഗ്ലാദേശികളെ സൗദി അറേബ്യ വധശിക്ഷക്ക് വിധിക്കുകയും ഈ ആഴ്ചയില്‍ നടപ്പാക്കുകയും ചെയ്തു. ഇത് വിവാദങ്ങള്‍ക്ക് വഴി വച്ചു.
ഇത് സംബന്ധിച്ച് മരണമാണോ ശിക്ഷ എന്ന തലക്കെട്ടില്‍ സജീവന്‍ അന്തിക്കാട് പങ്കുവെച്ച ഫേസ്ബുക്ക് കുറിപ്പില്‍നിന്ന്: മരണമാണോ ശിക്ഷ. പണ്ടെപ്പോഴോ വലിയ ഒരു പ്രോപ്പഗണ്ട കേട്ടിരുന്നു, സൗദിയൊക്കെ മൊത്തം മാറി! ഭയങ്കര പുരോഗമനമാ പുതിയ രാജാവിന് / മുഖംമൂടുന്ന നിഖാബ് ഇപ്പോള്‍ സൗദിയില്‍ നിര്‍ബന്ധമല്ല, പെണ്ണുങ്ങള്‍ക്ക് ഡ്രൈവിങ്ങ് ലൈസന്‍സ് വരെ കൊടുത്തു എന്നൊക്കെ. ‘സൗദിക്കാരുടെ മതഭ്രാന്തൊക്കെ മാറി, ഇപ്പോള്‍ ചുംബന സമരം നടത്തിയവരുടെ തലവെട്ടിക്കളിക്കുകയാണ്’ എന്നാണ് വാര്‍ത്തകള്‍ കേട്ടപ്പോള്‍ തോന്നിയത്… അതില്‍ കൂടുതല്‍ വിഷമം തോന്നിയത് ഈ ക്രൂരതയെ സപ്പോര്‍ട്ട് ചെയ്യുന്ന കേരളത്തിലെ ഗുഹാജീവികളടെ കമന്റുകളും പോസ്റ്റുകളും കണ്ടപ്പോഴാണ് / ഈ ഗുഹാജീവികള്‍ ശരീരം കൊണ്ട് ജീവിക്കുന്നത് കൊട്ടാര സദൃശ്യമായ വീടുകളിലാണ്, എന്നാല്‍ അവരിപ്പോഴും ചെയ്തുകൊണ്ടിരിക്കുന്നത് ഒരു പ്രത്യേകതരം മസ്തിഷ്‌ക ശസ്ത്രക്രിയയാണ്, അവര്‍ക്ക് എങ്ങനെയെങ്കിലും അവരുടെ തലച്ചോര്‍ ആറാം നൂറ്റാണ്ടിലേക്ക് തിരിച്ചെത്തിക്കണം, അതിനവര്‍ അവരുടെ ഒന്നര കിലോഗ്രാം ജെല്ലിയിട്ട് കുഴച്ചു മറച്ചു കൊണ്ടിരിക്കുകയാണ് (22 ഒക്ടോബര്‍, ഫേസ്ബുക്ക്/ സജീവന്‍ അന്തിക്കാട്).
18.1 ഖുര്‍ആനും സൗദിരാജാവും
അഞ്ജന ശങ്കര്‍ എന്ന മാധ്യമപ്രവര്‍ത്തകയുടെ ചോദ്യങ്ങള്‍ യുക്തിവാദി സജീവന്‍ അന്തിക്കാട് തന്റെ വാളില്‍ ആവര്‍ത്തിച്ചു :
1 ) ആരാണ് ഇത്തരം നിയമങ്ങള്‍ ഒക്കെ കൊണ്ടുവരുന്നത്?
2 ) അതൊക്കെ മാറ്റി ഈ 21ആം നൂറ്റാണ്ടില്‍ കുറച്ചുകൂടി മനുഷ്യത്വം ഉള്‍ക്കൊള്ളുന്ന നിയമങ്ങള്‍ കൊണ്ടുവരേണ്ട സമയം അതിക്രമിച്ചില്ലേ?
”അല്ലാഹുവിനോടും അവന്റെ ദൂതനോടും യുദ്ധം ചെയ്യുകയും ഭൂമിയില്‍ കുഴപ്പമുണ്ടാക്കാന്‍ ശ്രമിക്കുകയും ചെയ്യുന്നവര്‍ക്കുള്ള ശിക്ഷ, അവര്‍ കൊല്ലപ്പെടുകയോ ക്രൂശിക്കപ്പെടുകയോ അവരുടെ കൈകളും കാലുകളും എതിര്‍വശങ്ങളില്‍നിന്ന് മുറിച്ചുമാറ്റപ്പെടുകയോ അല്ലെങ്കില്‍ നാട്ടില്‍നിന്ന് നാടുകടത്തപ്പെടുകയോ ചെയ്യുക എന്നതല്ലാതെ മറ്റൊന്നുമല്ല. ഇഹലോകത്തില്‍ അത് അവര്‍ക്ക് അപമാനമായിരിക്കും; പരലോകത്തില്‍ അവര്‍ക്ക് കഠിനമായ ശിക്ഷയുമുണ്ടായിരിക്കും.”
അതായത് , ആറാം നൂറ്റാണ്ടില്‍ അള്ളാഹു പറഞ്ഞു എന്ന് മുഹമ്മദ് പറഞ്ഞ കാര്യങ്ങളില്‍ വിശ്വസിച്ചാണ് സൗദിരാജാവ് രണ്ടു പാവങ്ങളെ കഴുത്തു വെട്ടിക്കൊന്നത്.
ഈ ഖുറാന്‍ വചനങ്ങളില്‍ ലാസ്റ്റ് എഴുതിയ 5:33 എന്ന ആയത്ത് മലയാളികള്‍ പ്രത്യേകം ശ്രദ്ധിക്കണേ.
ഇതിലാണ് കൈകാലുകള്‍ വിപരീത വശങ്ങളില്‍ വെട്ടിയെടുക്കുക എന്നുള്ളത്!
19. ഫ്രറ്റേണിറ്റിയുടെ മതബോധവും വിഭാഗീയതയും
‘കോഴിക്കോടും ജന്തര്‍ മന്ദര്‍ ഒരുങ്ങുന്നു’ എന്ന ഫ്രറ്റേണിറ്റി മൂവിമെന്റിന്റെ പോസ്റ്റര്‍ പങ്ക് വെച്ച് കൊണ്ടുള്ള ഫേസ്ബുക് പോസ്റ്റ്: അവസരം മുതലെടുത്ത് നാട്ടില്‍ വിഭാഗിയതയും മതബോധവും ശൃഷ്ടിക്കാനുള്ള ഉള്ള തത്രപാടാണ് ജമായത് ഇസ്ലാമി മൗദൂദി ബാനറില്‍ ഉള്ള ഫ്രറ്റേണിറ്റി എന്ന അവിയല്‍ സംഘത്തിന് ഉള്ളത്. ദില്ലി കത്തിക്കാന്‍ പറ്റിയില്ലങ്കില്‍ തങ്ങളുടെ പറുദീസയായ കോഴിക്കോട് ബീച്ച് എങ്കിലും കത്തിക്കണം. പറ്റുമെങ്കില്‍ പലസ്തീന്‍ തീവ്രവാദികളെ ആരെയെങ്കിലും കടപ്പുറത്ത് എത്തിക്കുകയും വേണം. ഈ ഇസ്ലാമോ ലഫ്റ്റ് തീവ്രവാദികളാണ് ബിജെപിയെ വര്‍ഗീയത ആരോപിച്ച് ജനാധിപത്യത്തിന് വേണ്ടി സമരം ചെയ്യുന്നത് (10 ഒക്ടോബര്‍, ഫേസ്ബുക്ക്/ കെ ടി നിഷാന്ത് പെരുമണ).
20. സമാനസംഭവങ്ങള്‍, വ്യത്യസ്ത നിലപാടുകള്‍
20.1 നെടുമ്പാശ്ശേരി മിനി കൂപ്പര്‍ അപകടം
കൊച്ചി അന്താരാഷ്ട്ര വിമാനത്താവളത്തിന് സമീപം അത്താണി റോഡില്‍ അമിതവേഗതയിലെത്തിയ ആഡംബര കാറായ മിനി കൂപ്പര്‍ സ്‌കൂട്ടറിലേക്ക് ഇടിച്ചുകയറി മൂന്ന് യുവാക്കള്‍ മരണപ്പെട്ടു. ഇയാസ് (കര്‍ണാടക), ദേവിക (വയനാട്), ഗോപിക (പാലക്കാട്) എന്നിവരാണ് മരിച്ചത്. ഇവര്‍ എറണാകുളത്ത് അക്കൗണ്ടിങ് പഠിക്കുന്നതിനൊപ്പം പാര്‍ട്ട് ടൈം ജോലി ചെയ്തുവരികയായിരുന്ന സുഹൃത്തുക്കളായിരുന്നു. കാറോടിച്ചിരുന്ന 19-കാരനായ സുഹൈല്‍ സജീവ് മദ്യപിച്ചിരുന്നതായും, മണിക്കൂറില്‍ 140 കിലോമീറ്ററിലധികം വേഗതയിലാണ് വാഹനം ഓടിച്ചതെന്നും അന്വേഷണത്തില്‍ കണ്ടെത്തി. .
ഇതിനെക്കുറിച്ച് ഷാജന്‍ ചെയ്ത വീഡിയോയുടെ ശീര്‍ഷകം: പിള്ളേരെ മനപ്പൂര്‍വം കൊന്നത് ഇവന്റെ ഉമ്മയും അകത്താക്കണം (12 ഒക്ടോബര്‍, മറുനാടന്‍ മലയാളി)
20.2 ചേരാനല്ലൂര്‍ മെഴ്സിഡസ് ബെന്‍സ് അപകടം
കൊച്ചി ചേരാനല്ലൂര്‍ കണ്ടെയ്‌നര്‍ റോഡില്‍ പുലര്‍ച്ചെ അമിതവേഗതയില്‍ വന്ന മെഴ്സിഡസ് ബെന്‍സ് കാറിടിച്ച് സ്‌കൂട്ടര്‍ യാത്രക്കാരനായ തട്ടുകട ഉടമ കൊല്ലപ്പെട്ടു. ചെറിയാന്‍പമ്പ് സ്വദേശിയായ ജയബാലകൃഷ്ണന്‍ ആണ് അപകടത്തില്‍ മരിച്ചത്. ഒരു അഡീഷണല്‍ ഡിസ്ട്രിക്റ്റ് (എംഎസിടി) ജഡ്ജിയുടെ 17 വയസ്സ് മാത്രമുള്ള മകനാണ് ലൈസന്‍സില്ലാതെ കാറോടിച്ചിരുന്നത്. പ്രതി ജഡ്ജിയുടെ മകനായതിനാല്‍ സ്റ്റേഷന്‍ ജാമ്യം നല്‍കി വിട്ടയച്ചതിലും, പോലീസ് അന്വേഷണത്തില്‍ വീഴ്ച വരുത്തിയതിലും വലിയ രീതിയിലുള്ള പൊതുജനപ്രതിഷേധം ഉയരുകയും തുടര്‍ന്ന് ഹൈക്കോടതി ഇടപെട്ട് ജഡ്ജിയെ സസ്‌പെന്‍ഡ് ചെയ്യുകയും ചെയ്തു.
ഇതിനെക്കുറിച്ച് ഷാജന്‍ ചെയ്ത വീഡിയോയുടെ ശീര്‍ഷകം: തല തെറിച്ച പിള്ളേര് ചെയ്യുന്നതിന് അപ്പന് എന്ത് പിഴച്ചു? (26 ഒക്ടോബര്‍, മറുനാടന്‍ മലയാളി).
21. ക്രിസ്ത്യന്‍ പള്ളിയില്‍ മുസ്ലിം
താമരശ്ശേരി രൂപതയ്ക്ക് കീഴിലുള്ള കരുവാരകുണ്ട് ഫൊറോനാ, ദേവലയത്തില്‍ കുര്‍ബാന നടന്നുകൊണ്ടിരിക്കെ റോഡില്‍ നിന്നും പ്രധാന വാതിലില്‍ കൂടി പള്ളിക്കുള്ളിലേക്ക് കടന്നുവന്ന ഒരാള്‍ അള്‍ത്താരയുടെ മുന്നിലൂടെ നടക്കുകയും കുര്‍ബാന അര്‍പ്പിച്ചു കൊണ്ടിരുന്ന വൈദികനോട് ഇറങ്ങിവരാന്‍ ആവശ്യപ്പെടുകയും ചെയ്തു. തുടര്‍ന്ന് അള്‍ത്താരയ്ക്ക് സമീപം നിലയുറപ്പിച്ചതോടെ വിശ്വാസികള്‍ ഇടപെട്ട് പുറത്തേക്ക് കൊണ്ടുപോവാന്‍ ശ്രമിച്ചതിനെ തുടര്‍ന്ന് അക്രമാസക്തനായി. വിശ്വാസികള്‍ തന്നെ അദ്ദേഹത്തെ കീഴ്‌പ്പെടുത്തി കരുവാരക്കുണ്ട് പോലീസിലേല്‍പ്പിച്ചു. പ്രതി മാനസിക രോഗിയാണെന്ന് പോലിസ് അറിയിച്ചു. .
ഈ വീഡിയോ പങ്കുവച്ചുകൊണ്ട് കാസ നേതാവ് കെവിന്‍ പീറ്റര്‍ തയ്യാറാക്കിയ ഫേസ്ബുക്ക് പോസ്റ്റില്‍നിന്ന്: വൈദികര്‍ ഒന്നു സൂക്ഷിക്കുന്നത് നല്ലതാണ്, ശ്വാസനാളം മുറിഞ്ഞു കഴിയുമ്പോള്‍ അബ്രഹാമിക ഷഹോദരന്മാരാണ് മാനസികരോഗിയാണ് എന്നൊക്കെ പറഞ്ഞിട്ട് ഒരു കാര്യമില്ല! പോസ്റ്റ് – വൈദിക്ര്‍ ഒന്നു സൂക്ഷിക്കുന്നത് നല്ലതാണ്, ശ്വാസനാളം മുറിഞ്ഞു കഴിയുമ്പോള്‍ അബ്രഹാമിക ഷഹോദരന്മാരാണ് മാനസികരോഗിയാണ് എന്നൊക്കെ പറഞ്ഞിട്ട് ഒരു കാര്യമില്ല! ഈയിടെയായി ഇത്തരം വൈറ്റ് കോളര്‍ മാനസികരോഗികളുടെ എണ്ണം വര്‍ദ്ധിച്ചു വരുന്നത് വളരെ ശ്രദ്ധേയമാണ്….. ഭയം വേണ്ട ജാഗ്രത മതി (11 ഒക്ടോബര്‍, ഫേസ്ബുക്ക്/ കെവിന്‍ പീറ്റര്‍).
മറ്റൊരു പോസ്റ്റ്: മുസ്ലിം സമുദായത്തിലെ മാനസിക രോഗികള്‍ എന്തുകൊണ്ടാണ് ക്രിസ്ത്യന്‍ പള്ളികള്‍ മാത്രം ലക്ഷ്യം വയ്ക്കുന്നത് ???
ഹൈന്ദവ സമുദായം ഉള്‍പ്പെടെ എല്ലാ സമുദായങ്ങളിലും മാനസിക രോഗികളുണ്ട് പക്ഷേ എന്തുകൊണ്ടാണ് ഒരു സമുദായത്തിലെ മാനസിക രോഗികള്‍ മാത്രം ക്രിസ്ത്യന്‍ ആരാധനാലയങ്ങളും പള്ളികളും ആരാധനാ വസ്തുക്കളും മാത്രം ലക്ഷ്യം വെച്ച് പ്രശ്നങ്ങള് ഉണ്ടാക്കാനായി വരുന്നത് ???
ഇതിന്റെ കാരണം വ്യക്തമായി അറിയാമായിരുന്നിട്ടും ഇത്തരത്തില്‍ ഉണ്ടാകുന്ന ഓരോ വിഷയങ്ങളെ മൂടിവെക്കുകയും ഒത്തുതീര്‍പ്പാക്കുകയും ചെയ്തു എത്രനാള്‍ മുന്നോട്ടു പോകും ? ഇന്ന് ഒരാള്‍ വെറുംകൈയുമായി അള്‍ത്താരയിലേക്ക് വന്നു. നാളെ കയ്യില്‍ കത്തിയുമായി മറ്റൊരു മാനസരോഗി പള്ളിക്കുള്ളിലേക്ക് കടന്നു വന്നാല്‍ എന്തായിരിക്കുമവസ്ഥ. ??? അനുഭവങ്ങളില്‍ നിന്നും പുനര്‍ചിന്തനം നടത്തുവാന്‍ സഭാ നേതൃത്വം തയ്യാറാവുക (12 ഒക്ടോബര്‍, ഫേസ്ബുക്ക്/ കെവിന്‍ പീറ്റര്‍).
21.1 കമന്റില്‍നിന്ന്:
1. ഇത് വളരെ നിസ്സാരമായാണ് പലരും കണ്ടിരിക്കുന്നതെന്ന് പ്രതികരണങ്ങളില്‍നിന്ന് മനസ്സിലാക്കാം. ആള്‍ മാനസിക രോഗിയാണെങ്കില്‍ എങ്ങനെ ഒരു മസ്ജില്‍ പോയി പ്രശ്‌നമുണ്ടാക്കാതെ, ഭയഭക്തി ബഹുമാനത്തോടെ പിന്‍ഡ്‌പോപ്പ് സൈലന്‍സില്‍ ഒരു ക്രിസ്ത്യന്‍ പള്ളിയില്‍ നടക്കുന്ന കുര്‍ബാനയ്ക്കിടയില്‍ ധൈര്യപൂര്‍വം വന്ന് പ്രശ്‌നമുണ്ടാക്കി? കേരളാ പോലീസും ഗവണ്‍മെന്റും എന്ത് നടപടി സ്വീകരിച്ചു? എന്‍ഐഎയ്ക്ക് റിപ്പോര്‍ട്ട് ചെയ്‌തോ? കേരളത്തിലെ ‘ഖാന്‍ഗ്രസ’് സര്‍ക്കാര്‍ തക്കതായ നടപടി എടുക്കുമെന്ന് പ്രതീക്ഷ വേണ്ട. പള്ളി ഇത് എന്‍ഐഎക്ക് റിപ്പോര്‍ട്ട് ചെയ്യണം. ഇത് കരുവാരക്കുണ്ടിയിലാണ്, നമ്മുടെ കുണ്ടിയിലല്ല, കത്തോലിക്കാ പള്ളിയിലാണ് എന്നൊക്കെ പറഞ്ഞ് മാറിനില്‍ക്കുന്ന മറ്റുള്ളവര്‍…
2. ഭീകരവാദിയുടെ അഴിഞ്ഞാട്ടമാണിത്.
3. പോക്സോ കം വായിച്ചു കാണും. അതാ മാനസിക രോഗിയായത്.
4. അവനെ അപ്പോള്‍ത്തന്നെ തല്ലിക്കൊന്നെങ്കില്‍ പിന്നെ ഒരു മാനസിക രോഗി വീണ്ടും…
5. നല്ല ചുട്ട അടി കൊടുത്താല്‍ തീരും അവന്റെ മതഭ്രാന്ത്. മുഹമ്മദിന് ഉണ്ടായ ഭ്രാന്തില്‍ നിന്ന് ഉണ്ടായതല്ലേ ഇസ്ലാം? പിന്നെ എങ്ങനെ ശരിയാവും ഇവരുടെയൊക്കെ മനസ്സ്? ദൈവമല്ല ഇവരെ നയിക്കുന്നത്, പിശാചാണ്.
6. മാനസിക രോഗി എന്തായാലും ഇത്രയും വൃത്തിയുള്ള വസ്ത്രം ധരിക്കില്ല. നല്ല വെള്ളത്തൊപ്പി. അത്യഹൂദ പുരുഷന്മാര്‍ തലയില്‍ വയ്ക്കുന്നതും മുന്‍ വേദക്കാരില്‍ നിന്ന് കണ്ട് പഠിച്ചതാണ്. തോളില്‍ കഫിയ. ഇത് ഒരു നമ്പര്‍ ഇറക്കിയതാണ്. പള്ളിയുടെ പുറത്തേക്ക് ഇറക്കി മാനസിക രോഗിയുടെ രണ്ടു ചെവിക്കുറ്റിക്കും പൊട്ടിക്കാതിരുന്നത് തെറ്റ്. ഇന്ന് അവിടെ നില്‍ക്കാന്‍ സമ്മതിച്ചാല്‍ നാളെ കൂട്ടത്തോടെ നിസ്‌കരിക്കാന്‍ വരും. 2000-ല്‍ സാത്താന്‍ പണി തുടങ്ങി. 2030-ല്‍ അത്…
7. സംശയം, ഈ നായ്ക്കള്‍ എല്ലാം മാനസിക രോഗികള്‍ തന്നെയാണ്.
8 ഏറ്റവും കൂടുതല്‍ മാനസിക രോഗികളുള്ളത് ഈ ടീമിനാണ്.
9. അന്യദൈവത്തെ ആരാധിക്കുന്നത് സഹിക്കാന്‍ പറ്റാത്ത മാനസിക രോഗമാണിത്. ഇസ്ലാമിക രാജ്യങ്ങളില്‍ ഭൂരിപക്ഷം പേര്‍ക്കും ഈ മാനസിക രോഗമുണ്ട്. നമ്മുടെ രാജ്യത്തുള്ളതുപോലെ സ്വാതന്ത്ര്യത്തോടെ അന്യദൈവങ്ങളെ ആരാധിക്കാന്‍ പല…
10. പള്ളി വാങ്ക് വിളിക്കാന്‍ കൊടുക്കണമെന്ന് അച്ചന്മാര്‍ പലരും പറയുന്നു.
11. അവന് സാത്താന്‍ ആരാധകനാണ്.
12. യൂറോപ്പിലും മറ്റു പല രാജ്യങ്ങളിലുമൊക്കെ ഇത് പതിവാണ്. ഇവിടെയും ആരംഭിച്ചു എന്നേയുള്ളൂ. ഇതിന് വലിയ അത്ഭുതമൊന്നുമില്ല. ഇനിയും ഒരുപാട് കാണാന്‍ കിടക്കുന്നതേയുള്ളൂ. അപ്പോഴും ഈ വരുന്നവര്‍ ഒക്കെ പൊറോട്ടയും ബീഫും വാങ്ങി, മാനസിക രോഗിയെന്ന് പറഞ്ഞ് അവന് ഒരു ഉമ്മയും കൊടുക്കും.
22. നെടുമ്പാശ്ശേരി വാഹനാപകടം
നെടുമ്പാശ്ശേരി അത്താണയില്‍ പാതിരാത്രിയില്‍ മിനി കൂപ്പര്‍ കാറിടിച്ച് മൂന്ന് സ്‌കൂട്ടര്‍ യാത്രികര്‍ മരിച്ചു. സുഹൈല്‍ എന്ന 19കാരനാണ് മദ്യപിച്ച് വാഹനം ഓടിച്ചത്. സുഹൈലിനെക്കൂടാതെ നിനവ്, ജോയല്‍, അമീര്‍ എന്നിവരും കാറിലുണ്ടായിരുന്നു. സ്‌കൂട്ടറില്‍ യാത്ര ചെയ്തിരുന്ന രണ്ട് യുവതികളും യുവാവുമാണ് മിച്ചത്. ഒക്ടോബര്‍ 11 ന് പുലര്‍ച്ചെയാണ് നെടുമ്പാശേരി അത്താണി സിഗ്‌നലിനു സമീപം അപകടമുണ്ടായത്. വയനാട് മടക്കിമല സന്തോഷ് ഭവനില്‍ ദേവിക, മംഗലാപുരം സുള്ള്യ കനകമഞ്ചല്‍ ഇബ്രാഹിമിന്റെ മകന് ഇയാസ്, പാലക്കാട് കരിമ്പ ഇട ക്കുറിശ്ശി മുള്ളന്‍കുഴി പ്രദീപ് കുമാറിന്റെ മകള്‍ ഗോപിക എന്നിവരാണ് മരിച്ചത്. സ്ഥലത്തുനിന്ന് ഓടിരക്ഷപ്പെടാന്‍ ശ്രമിച്ച സുഹൈലിനെ നാട്ടുകാരാണ് പിടികൂടി പൊലീസിനെ ഏല്‍പിച്ചത്. മരിച്ച മൂന്നുപേരും നെടുമ്പാശ്ശേരിയില്‍ ജോലി ചെയ്യുന്നവരാണ്. മൂന്നുപേരും ചായ കുടിക്കാന്‍ പുറത്തിറങ്ങിയതായിരുന്നു. അപകടം പല തരത്തിലുള്ള ചര്‍ച്ചകള്‍ക്ക് കാരണമായി. ഇതിന്റെ പേരില്‍ വിദ്വേഷപ്രചാരണവും നടന്നു.
പിതാവിന്റെ സ്ഥാപനത്തിലേക്ക് മാര്‍ച്ച്
നെടുമ്പാശ്ശേരി വാഹനാപകടത്തില്‍ പ്രതി സുഹൈല്‍ സജീവിന്റെ പിതാവിന്റെ ഉടമസ്ഥതയിലുള്ള ആലപ്പുഴയിലെ ഇഹാ ഡിസൈന്‍സ് എന്ന സ്ഥാപനത്തിലേക്ക് ഡിവൈഎഫ്ഐ മാര്‍ച്ച് നടത്തി. പൊലീസിനെതിരെ സിപിഎമ്മും രംഗത്തെത്തി. നെടുമ്പാശ്ശേരി പൊലീസ് സ്റ്റേഷനിലേക്ക് സിപിഎമ്മും മാര്‍ച്ച് നടത്തി. എഫ്‌ഐആറില്‍ പേര് ചേര്‍ക്കുകയോ കൂടുതല്‍ വകുപ്പുകള്‍ ചുമത്തുകയോ ചെയ്തില്ലെന്ന് ആരോപിച്ചാണ് മാര്‍ച്ച് സംഘടിപ്പിച്ചത്. മന്ത്രി എം. ലിജുവിനെതിരെ ആരോപണവുമായി ഡിവൈഎഫ്ഐ രം?ഗത്തെത്തിയിരുന്നു. പ്രതിക്ക് അനുകൂലമായി മന്ത്രി ഇടപെട്ടുവെന്നായിരുന്നു ആരോപണം. എന്നാല്‍ മന്ത്രി ആരോപണം തള്ളി. ആരോപണം പൂര്‍ണമായി കളവാണെന്ന് മന്ത്രി വിശദീകരിച്ചു (14 ഒക്ടോബര്‍, നെടുമ്പാശേരി വാഹനാപകടം: ഇഹാ ഡിസൈന്‍സിലേക്ക് മാര്‍ച്ച് നടത്തി ഡിവൈഎഫ്ഐ, ഏഷ്യാനെറ്റ് ന്യൂസ്).
അപലപ്പിച്ച് നിയമസഭ(ഒക്ടോബര്‍ 15)
നെടുമ്പാശ്ശേരി അപകടത്തിനുശേഷമുണ്ടായ വര്‍ഗീയ പ്രചാരണങ്ങളെ നിയമസഭ അപലപിച്ചു. ഓരോ സംഭവത്തെയും വര്‍ഗീയ അടിസ്ഥാനത്തിലാക്കിയാല്‍ ഒരു കാര്യവും ചെയ്യാന്‍ കഴിയാത്ത സ്ഥിതിയുണ്ടാവുമെന്ന് സ്പീക്കര്‍ തിരുവഞ്ചൂര്‍ രാധാകൃഷ്ണന്‍ പറഞ്ഞു. മനുഷ്യ സമൂഹത്തിന്റെ സംസ്‌കാരത്തിന് വിരുദ്ധമായ രൂപത്തിലുള്ളതാണിതെന്നും സ്പീക്കര്‍ വ്യക്തമാക്കി. ചിലര്‍ വര്‍ഗീയമായി സമീപിച്ച് അങ്ങേയറ്റം വൃത്തികെട്ട തരത്തിലുള്ള പ്രതികരണം നടത്തിയെന്ന് പ്രതിപക്ഷ നേതാവ് പിണറായി വിജയന്‍ ചൂണ്ടിക്കാട്ടി. വര്‍ഗീയ പ്രചാരണങ്ങള്‍ മനുഷ്യത്വഹിതമാണെന്ന് ആഭ്യന്തരമന്ത്രി രമേശ് ചെന്നിത്തലയും പറഞ്ഞു (15 ഒക്ടോബര്‍, വര്‍ഗീയ പ്രചാരണങ്ങളെ അപലപ്പിച്ച് നിയമസഭ, മാധ്യമം).
മദ്യം നല്‍കിയ ബാറുകളുടെ ലൈസന്‍സ് റദ്ദാക്കി
നെടുമ്പാശ്ശേരി വാഹനാപകടത്തില്‍ പ്രതിയായ 19കാരന്‍ മദ്യപിച്ച മൂന്ന് ബാറുകളുടെ ലൈസന്‍സ് എക്‌സൈസ് വകുപ്പ് സസ്‌പെന്‍ഡ് ചെയ്തു. എക്‌സൈസ് കമ്മീഷണര്‍ ശ്രീറാം സാംബശിവറാവുവാണ് ഇതുസംബന്ധിച്ച് ഉത്തരവിറക്കിയത് (15 ഒക്ടോബര്‍, മൂന്ന് ബാറുകളുടെ ലൈസന്‍സ് സസ്‌പെന്‍ഡ് ചെയ്തു, മാധ്യമം).
കുറ്റപത്രം വൈകിയാല്‍ സമരമെന്ന് ബിജെപി
നെടുമ്പാശ്ശേരി അത്താണയില്‍ മിനി കൂപ്പര്‍ കാറിടിച്ച് മൂന്ന് പേര് മരിച്ച സംഭവത്തില്‍ വേഗത്തില്‍ കുറ്റപത്രം സമര്‍പ്പിച്ച് അതിവേഗ കോടതി സ്ഥാപിച്ച് വിചാരണ പൂര്‍ത്തിയാക്കി പ്രതികള്‍ക്ക് മാതൃകാപരമായ ശിക്ഷ ഉറപ്പാക്കണമെന്ന് ബിജെപി എറണാകുളം നോര്‍ത്ത് ജില്ലാ പ്രസിഡന്റ് എം.എ. ബ്രഹ്‌മരാജ്. കേസില്‍ കുറ്റപത്രം സമര്‍പ്പിക്കാന്‍ നെടുമ്പാശ്ശേരി പോലീസ് വൈകിയാല്‍ ബിജെപി പ്രത്യക്ഷ സമരപരിപാടികളുമായി രംഗത്തിറങ്ങുമെന്നും അദ്ദേഹം മുന്നറിയിപ്പ് നല്‍കി (16 ഒക്ടോബര്‍, കുറ്റപത്രം വൈകിയാല്‍ ബിജെപി സമരത്തിലേക്ക്: എം.എ. ബ്രഹ്‌മരാജ്, ജന്മഭൂമി).
ഡിവൈഎഫ്ഐ നേതാവിനെതിരേ കേസ്
നെടുമ്പാശേരി അപകടവുമായി ബന്ധപ്പെട്ടു പ്രതികളെ സംരക്ഷിക്കാന്‍ ഇടപെട്ടെന്ന ആരോപണത്തിനെതിരെ ഡപ്യൂട്ടി സ്പീക്കര്‍ ഷാനിമോള്‍ ഉസ്മാന്‍ നല്‍കിയ പരാതിയില്‍ പൊലീസ് അന്വേഷണം തുടങ്ങി. ആലപ്പുഴ സൗത്ത് പൊലീസ് സംഘം ഇന്നലെ ഡപ്യൂട്ടി സ്പീക്കറുടെ തിരുവനന്തപുരത്തെ ഔദ്യോഗിക വസതിയിലെത്തി മൊഴിയെടുത്തു. ആരോപണം ഉന്നയിച്ച ഡിവൈഎഫ്ഐ നേതാവ് ജയിംസ് ശാമുവലിനും ഇതു വാര്‍ത്തയാക്കിയ ചാനലിനും റിപ്പോര്‍ട്ടര്‍ക്കുമെതിരെ ഷാനിമോള്‍ ഡിജിപിക്കു പരാതി നല്‍കിയിരുന്നു. നടപടികളുമായി മുന്നോട്ടു പോകുമെന്നു ഷാനിമോള്‍ ഉസ്മാന്‍ പറഞ്ഞു. ജയിംസ് ശാമുവലിന്റെ ആരോപണം നേരിട്ട കെപിസിസി വൈസ് പ്രസിഡന്റ് എ.എ.ഷുക്കൂറും ജില്ലാ പൊലീസ് മേധാവിക്കു പരാതി നല്‍കി. കേസെടുക്കുമെന്നു മറുപടി ലഭിച്ചതായി ഷുക്കൂര്‍ പറഞ്ഞു (17 ഒക്ടോബര്‍, ഷാനിമോള്‍ ഉസ്മാന്‍ നെടുമ്പാശേരി അപകടത്തിലെ പ്രതികളെ സംരക്ഷിക്കാന്‍ ഇടപെട്ടു’: ആരോപണത്തില്‍ ഡിവൈഎഫ്ഐ നേതാവിനെതിരെ കേസ്, മലയാള മനോരമ).
മാധ്യമപ്രവര്‍ത്തകനെതിരേയും കേസ്
ജയിംസ് ശാമുവലിന്റെ പ്രസ്താവന വാര്‍ത്തയാക്കിയ റിപ്പോര്‍ട്ടര്‍ ടിവിയിലെ മനൂഷ് മഹിപാലിനെതിരേയും കേസെടുത്തു (18 ഒക്ടോബര്‍, ഷാനിമോള്‍ ഉസ്മാന്റെ പരാതിയില്‍ ഡിവൈഎഫ്ഐ നേതാവിനും മാധ്യമപ്രവര്‍ത്തകനുമെതിരേ കേസ്, മംഗളം).
തള്ളിപ്പറയാതെ മാതാവ്
അപകടം നടന്ന് ദിവസങ്ങള്‍ക്കുശേഷം മാതാവ് നൂഹ സജീവ് അപകടത്തെക്കുറിച്ച് ഒരു വീഡിയോ ചെയ്തു. നൂഹ സജീവന്റെ ഇന്‍സ്റ്റാഗ്രാം പോസ്റ്റിലെ വാക്കുകള്‍ ഇങ്ങനെ: നെടുമ്പാശ്ശേരിയില്‍ നടന്ന വാഹനാപകടത്തില്‍ മൂന്ന് കുഞ്ഞുങ്ങളുടെ ജീവന്‍ നഷ്ടപ്പെട്ടതില്‍ അനുശോചനം രേഖപ്പെടുത്തുന്നു. വീട്ടുകാരുടെ തീരാദുഃഖം എനിക്കറിയാം. മക്കളെ സ്‌നേഹത്തോടുകൂടി വളര്‍ത്തി വലുതാക്കി ഒരുപാട് സ്വപ്നങ്ങളോടുകൂടി മുന്നോട്ടുപോകുമ്പോള്‍ ഇടയ്ക്ക് വെച്ച് അവരെ നഷ്ടപ്പെടുന്നതിന്റെ വേദന ചിന്തിക്കാന്‍ കഴിയുന്നതിന് അപ്പുറമാണെന്ന് എനിക്കറിയാം. എന്റെ വാക്കുകള്‍ മക്കളെ നഷ്ടപ്പെട്ട ആ മാതാപിതാക്കളുടെ വേദനയ്ക്ക് ഒരു കുറവും നല്‍കില്ലെന്ന് അറിയാം. ആ കുഞ്ഞുങ്ങളുടെ വീട്ടുകാരോടുള്ള അനുശോചനം രേഖപ്പെടുത്തുന്നു.
ഇതേ കുറിച്ച് മറുനാടന്‍ മലയാളിയുടെ വീഡിയോ തലക്കെട്ട് ഇങ്ങനെയായിരുന്നു: ഒന്ന് വിതുമ്പി കരയാന്‍ പരമാവധി ശ്രമിക്കുന്നുണ്ട് പക്ഷെ പറ്റുന്നില്ല; വെറും സെക്കന്‍ഡുകളുടെ വ്യത്യാസത്തില്‍ മൂന്ന് പേരുടെ ജീവനെടുത്ത ആ മകനെ പൂര്‍ണമായി തള്ളിപ്പറയാതെ ഉരുണ്ടുകളിക്കുന്ന ഒരു അമ്മ; ഇന്‍സ്റ്റഗ്രാമില്‍ കണ്ണീര്‍ പോസ്റ്റുമായി എത്തിയ നൂഹ സജീവിന് പൂര്‍ണ പിന്തുണയോ? കമന്റ് ബോക്‌സ് കണ്ട് ഞെട്ടി മലയാളികള്‍; ഇനി എന്തിന് ന്യായികരിക്കുന്നു ? പ്രതി സുഹൈലിന്റെ മാതാവ് മൗനം വെടിയുമ്പോള്‍ (19 ഒക്ടോബര്‍, മറുനാടന്‍ മലയാളി).
സുഹൈലിന്റെ മൊഴിയെടുക്കാന്‍ പോലിസ്
പോലിസ് മാതാവ് നൂഹയുടെ മൊഴിയെടുക്കാന്‍ തീരുമാനിച്ചു. പ്രായപൂര്‍ത്തിയാവാത്ത മകന് വാഹനം വാങ്ങിക്കൊടുത്തതാണ് കാരണം. വാഹനം വാങ്ങിയതായി സോഷ്യല്‍മീഡിയയില്‍ നൂഹ തന്നെ പോസ്റ്റ് ഇട്ടിരുന്നു (19 ഒക്ടോബര്‍, സുഹൈലിന്റെ അമ്മയുടെ മൊഴിയെടുക്കാന്‍ പോലിസ്, മലയാള മനോരമ).
23. ചാലക്കുടിയിലെ ലൗജിഹാദ്
തൃശൂര്‍ ചാലക്കുടിയില്‍ ഭര്‍തൃഗൃഹത്തില്‍ ക്രിസ്ത്യന്‍ യുവതി തൂങ്ങിമരിച്ചു. ഭര്‍ത്താവ് അഫ്‌സലിനെതിരേ പ്രേരണാകുറ്റം ചുമത്തി കേസെടുത്തു. ഇവര്‍ക്ക് ഒന്നര വയസ്സുള്ള മകനുണ്ട്. മകന്റെ മുന്നില്‍വച്ചാണ് ജനാലയില്‍ തുണി ചുറ്റി യുവതി ആത്മഹത്യക്ക് ശ്രമിച്ചത്. ഒക്ടോബര്‍ ആറിനാണ് യുവതിയെ ആത്മഹത്യക്ക് ശ്രമിച്ചുവെന്ന് പറഞ്ഞ് ആശുപത്രിയിലെത്തിച്ചത്. പിന്നീട് മരിച്ചു. മരിക്കും മുമ്പ് യുവതി കൂട്ടുകാരിക്ക് സന്ദേശം അയച്ചിരുന്നു. യുവതി അനുഭവിച്ച മാനസിക പീഡനം പുറത്തറിഞ്ഞത് അങ്ങനെയാണ്. മെച്ചപ്പെട്ട സാമ്പത്തിശേഷിയുള്ള എമില്‍ഡയുടെ കുടുംബം ഇതരമതസ്ഥനായ അഫ്‌സലുമായുള്ള ബന്ധം അംഗീകരിക്കാന്‍ തയാറായിരുന്നില്ല. എന്നാല്‍ വേര്‍പിരിയാന്‍ പറ്റാത്ത സാഹചര്യത്തില്‍ എമില്‍ഡ അഫ്‌സലിനൊപ്പം പോവുകയായിരുന്നു. ഐസിഎസ്ഇ സ്‌കൂളില്‍ പഠിച്ചിരുന്ന എമില്‍ഡ പഠിക്കാന്‍ മിടുക്കിയായിരുന്നു, കുടുംബത്തിലെ ഏകമകള്‍. പഠിക്കുന്ന കാലത്താണ് അഫ്‌സലിനെ പരിചയപ്പെടുന്നതും പ്രണയത്തിലാകുന്നതും. ഇതേ കുറിച്ച് കാസ തൃശ്ശൂരിന്റെ ഫേസ്ബുക് പോസ്റ്റില്‍ നിന്ന്:
ഇതര മതസ്തരായ പെണ്‍കുട്ടികളെ പ്രണയം വഴി ചതികുഴിയില്‍ ഇറക്കി കുട്ടി എന്ന പൂട്ട് ഇട്ട് അവരെ ഒരു വരുമാന മാര്‍ഗ്ഗമായി മാറ്റുക എന്ന ഈ പ്രവണതയാണ് ഈ കേസില്‍ കണുന്നത്. അതിന്റെ ഭാഗമായാണ് എമില്‍ഡയുടെ കുടുംബ സ്വത്തിനായി അഫ്‌സല്‍ ഉപദ്രവിച്ചത്. എന്നാല്‍ കുടുംബത്തെ ധിക്കരിച്ച് ഇറങ്ങിപോയതിനാല്‍ സ്വന്തം വീട്ടുകാരെ ഫെയ്‌സ് ചെയ്യാന്‍ എമില്‍ഡക്ക് കഴിഞ്ഞില്ല. ഇരുകുടുംബങ്ങളുടേയും പിന്തുണയില്ലാതിരുന്ന എമില്‍ഡ തീര്‍ത്തും ഒറ്റപ്പെട്ട അവസ്ഥയിലായിരുന്നു. ജീവിക്കാനുള്ളന്ന പണം കണ്ടെത്താന്‍ കൂലിപ്പണിക്ക് പോവേണ്ട അവസ്ഥയിലായ എമില്‍ഡ നിര്‍മാണജോലി ഉള്‍പ്പെടെ ചെയ്തിരുന്നു.
ഭര്‍തൃ വീട്ടില്‍ നിന്നുള്ള നിരന്തര പീഡനം മൂലം പലതവണ സ്വന്തം വീട്ടിലേക്ക് തിരിച്ചുപോകാന്‍ ആഗ്രഹിച്ചിരുന്നു. പ്രണയം കാരണം കുടുംബക്കാരെ വെറുപ്പിച്ചത് കൊണ്ട് എങ്ങനെ മടങ്ങിപോകാന്‍ പറ്റുമെന്ന് എമില്‍ഡ ആശങ്കപ്പെട്ടിരുന്നു. അതിനാല്‍ തന്നെ പ്രണയത്തില്‍ വിശ്വസിച്ച് ഇറങ്ങിവന്ന എമില്‍ഡ അങ്ങേയറ്റത്തെ മാനസിക സമ്മര്‍ദത്തിലൂടെയാണ് കടന്നുപോയത്. പണം ലഭിക്കാതെ വന്നതിനെ തുടര്‍ന്ന് ലൗ ജിഹാദിന്റെ സമ്മര്‍ദ്ദ തന്ത്രമാണ് അഫ്‌സല്‍ പുറത്ത് എടുത്തത്. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല എന്നത് പോലീസ് നടപടികളില്‍ നിന്നും രക്ഷപ്പെടാന്‍ ഉണ്ടാക്കിയ വ്യാജ റിപ്പോര്‍ട്ടാണോ എന്ന സംശയം നിലനില്‍ക്കുന്നു.
ക്രിസ്ത്യന്‍ പെണ്‍കുട്ടികളെ പ്രണയം നടിച്ച് യൗവനവും പണവും അപഹരിക്കുന്ന ഒരു സംസ്‌കാരം നമ്മുടെ ഇടയില്‍ ഉണ്ട് എന്ന് അവരെ ബോധ്യപ്പെടുത്തേണ്ടത് ആവശ്യമാണ്. നിക്കാഹിലൂടെ ഒരു ലൈംഗിക അടിമയായി ജീവിതം ഹോമിക്കണമോ അതോ സമുദായം ഉറപ്പ് നല്‍കുന്ന പവിത്രമായ വിവാഹത്തിലൂടെ ജീവിതം സുരക്ഷിതമാക്കണമോ എന്ന് പെണ്‍കൂട്ടികള്‍ പുനര്‍വിചിന്തനം ചെയ്യുക (12 ഒക്ടോബര്‍, ഫേസ്ബുക്ക്/കാസ).
24. സിനഗോഗിന് നേരെയുണ്ടായ തീവെപ്പ്
2026 ഒക്ടോബര്‍ മാസത്തില്‍ ഏറെ ചര്‍ച്ച ചെയ്യപ്പെട്ട സംഭവമാണ് ജൂതപ്പള്ളിക്ക് മുന്നിലെ തീവെപ്പ് കേസ്. ഒക്ടോബര്‍ 13ാം തിയ്യതി ജന്മഭൂമി ഒരു വാര്‍ത്ത പ്രസിദ്ധീകരിച്ചിരുന്നു. മട്ടാഞ്ചേരിയിലെ ജൂതപ്പള്ളിക്കു നേരെ ബോംബ് ഭീഷണിയുണ്ടെന്നും പള്ളിയടച്ചു എന്നുമായിരുന്നു വാര്‍ത്ത. മറ്റു വിവരങ്ങള്‍ ഇതാണ്: മട്ടാഞ്ചേരി പള്ളി ബേംബ് വച്ചുതകര്‍ക്കുമെന്ന് പോലിസിന് ഇ മെയില്‍ സന്ദേശം ലഭിച്ചു. ജ്യൂ ടൗണ്‍ പരിസരിസരത്ത് പോലിസ് പരിശോധന നടത്തി. ഒന്നും കണ്ടെത്തിയില്ല. ഒടുവില്‍ പോലിസ് കാവല്‍ ഏര്‍പ്പെടുത്തി. പള്ളി അധികൃതരോട് സന്ദര്‍ശകവിലക്കേര്‍പ്പെടുത്താന്‍ പോലിസ് നിര്‍ദേശിച്ചു. മെയില്‍ എവിടെനിന്നാണെന്ന് പോലിസ് വെളിപ്പെടുത്തിയില്ല (13 ഒക്ടോബര്‍, ബോംബ് ഭീഷണി: കൊച്ചി ജൂതപ്പള്ളി അടച്ചു; ജന്മഭൂമി).
പശ്ചിമേഷ്യന്‍ സംഘര്‍ഷത്തിന്റെ പശ്ചാത്തലത്തില്‍ എറണാകുളം മാര്‍ക്കറ്റ് റോഡിലെ കടവുംഭാഗം ജൂതപ്പള്ളിക്കും പോലിസ് കാവല്‍ ഏര്‍പ്പെടുത്തിയിരുന്നു. 12ാം തിയ്യതി പുലര്‍ച്ചെ ജൂതപ്പള്ളിക്കു മുന്നിലെ ബാനറിനും ഫ്‌ളക്‌സിനും ഒരു യുവാവ് തീയിട്ടു. പുലര്‍ച്ചെ 2.30നായിരുന്നു സംഭവം. ഒരു കാറിലായിരുന്നു യുവാവ് പള്ളിക്കു മുന്നിലെത്തിയത്. പെട്രോള് ഒഴിച്ചാണ് ബാനറുകള്‍ കത്തിച്ചത്. ഇത് പള്ളിവളപ്പിലുണ്ടായിരുന്ന പോലിസുകാരുടെ ശ്രദ്ധയില്‍പെട്ടില്ല. സമീപത്തുള്ള ഹോര്‍ട്ടി കള്‍ച്ചര്‍ നഴ്‌സറിയുടെ ബാനറാണ് കത്തിച്ചത്. കത്തിയ വിവരം രാവിലെയാണ് പള്ളി ജീവനക്കാരന്‍ കണ്ടത്. സിസിടിവി വഴി കാറിന്റെ നമ്പര്‍ പോലിസുകാര്‍ കണ്ടെത്തി. യുവാവിനെ കസ്റ്റഡിയിലെടുത്തു. ആ സമയത്ത് കാറ് യുവാവിന്റെ കൈവശമുണ്ടായിരുന്നില്ല. മറ്റൊരാളുടെ നിര്‍ദേശപ്രകാരമാണ് തീയിട്ടത് എന്ന് ഇയാള്‍ മൊഴി നല്‍കി. കേന്ദ്ര ഏജന്‍സികള്‍ യുവാവിനെ ചോദ്യം ചെയ്തു. സമീപത്തെ പെട്രോള് പമ്പില്‍നിന്നാണ് യുവാവ് ഇന്ധനം ശേഖരിച്ചത്. ആലുവ റൂറല്‍ പരിധിയിലാണ് യുവാവ് താമസിക്കുന്നത്. ഭീകരബന്ധമുണ്ടെന്ന് പോലിസ് കരുതുന്നതായി കേരള കൗമുദി റിപ്പോര്‍ട്ട് ചെയ്തു (13 ഒക്ടോബര്‍, എറണാകുളം നഗരത്തിലെ ജൂതപ്പള്ളിക്ക് നേരെ ആക്രമണം: യുവാവ് കസ്റ്റഡിയില്‍, കേരള കൗമുദി).
മൂവാറ്റുപുഴ കുന്നത്തുനാട് കുഴിക്കാട്ടുകുഴി വീട്ടില്‍ എബിന് ബി പോളാണ് പ്രതിയെന്ന് പിന്നീട് മാധ്യമങ്ങള്‍ റിപ്പോര്‍ട്ട് ചെയ്തു.
24.1 ബോംബ് ഭീഷണിയും കശ്മീരി വില്‍പ്പക്കാരും
ബോംബ് ഭീഷണിയെക്കുറിച്ച് ജന്മഭൂമി നല്‍കിയ വാര്‍ത്ത അവസാനിപ്പിച്ചത് ഇങ്ങനെയാണ്: ജ്യൂ ടൗണിനു സമീപം എണ്‍പതിലേറെ കശ്മീരി കരകൗശല വില്‍പ്പനശാലകളുണ്ട്. ഇവിടങ്ങളില്‍ ചിലര്‍ ജോലിക്കായി നില്‍ക്കുന്നുണ്ട് (13 ഒക്ടോബര്‍, ബോംബ് ഭീഷണി: കൊച്ചി ജൂതപ്പള്ളി അടച്ചു; ജന്മഭൂമി).
24.2 പാക്ബന്ധവും സ്‌ഫോടനപദ്ധതിയും
എറണാകുളം കടവുംഭാഗം ജൂതപ്പള്ളിക്കുനേരെയുണ്ടായ ആക്രമണത്തിന് പിന്നില്‍ പാകിസ്താന്‍ ആസ്ഥാനമായ ഭീകരസംഘടനയ്ക്ക് ബന്ധമുണ്ടെന്ന സൂചന ലഭിച്ചതായി ജന്മഭൂമി ആരോപിച്ചു. മറ്റു ചില ആരോപണങ്ങളും വാര്‍ത്തയിലുണ്ടായിരുന്നു: അറസ്റ്റിലായ കുന്നത്തുനാട് സ്വദേശി എബിന് ബി. പോളിന്റെ മൊബൈല്‍ ഫോണില്‍നിന്ന് ഇതുമായി ബന്ധപ്പെട്ട നിര്‍ണായക വിവരങ്ങള്‍ ലഭിച്ചു. ഭീകരര്‍ക്ക് തത്സമയം കാണാനാകുന്ന വിധത്തില്‍ ആക്രമണത്തിന്റെ ദൃശ്യങ്ങള്‍ ഇയാള്‍ പകര്‍ത്തിയെന്നും സംശയമുണ്ട്. ബോസ് നല്‍കിയ നിര്‍ദേശപ്രകാരമാണ് ആക്രമണം നടത്തിയതെന്നും നിര്‍ദേശം നല്‍കിയ വ്യക്തിയെ നേരിട്ട് കണ്ടിട്ടില്ലെന്നും പ്രതി പറഞ്ഞു. ആക്രമണം വിജയിച്ചാല്‍ ഉത്തര്‍പ്രദേശ്, ഡല്‍ഹി, മുംബൈ, അമൃത്സര്‍ എന്നിവിടങ്ങളിലും എബിനെക്കൊണ്ട് സ്‌ഫോടനങ്ങള്‍ നടത്തിക്കാന്‍ ഭീകരസംഘടന പദ്ധതിയിട്ടിരുന്നു. ‘ബോസ്’ അയച്ച സന്ദേശം എബിന്റെ മൊബൈല്‍ ഫോണില്‍നിന്ന് കേന്ദ്ര-സംസ്ഥാന രഹസ്യാന്വേഷണ ഏജന്‍സികള്‍ക്ക് ലഭിച്ചു. ടെലഗ്രാം, ഇന്‍സ്റ്റഗ്രാം പ്ലാറ്റ്ഫോമുകളിലൂടെയാണ് ജൂതപ്പള്ളിയില്‍ ‘ഫയര്‍ ഇന്‍സിഡന്റ്’ നടത്താന്‍ നിര്‍ദേശം ലഭിച്ചത്. ആക്രമണത്തിന് മുമ്പ് മൂവാറ്റുപുഴയിലെ ഒരു കടയില്‍ പ്രതി ഇതിന്റെ റിഹേഴ്‌സല്‍ നടത്തി. ആ ദൃശ്യങ്ങള്‍ പകര്‍ത്തി ഭീകരസംഘടനയ്ക്ക് കൈമാറി. ഇയാളുടെ താമസസ്ഥലത്ത് നടത്തിയ പരിശോധനയില്‍ കൂടിയ അളവില്‍ രാസലഹരിയും പിടിച്ചെടുത്തു. സിനഗോഗ് ആക്രമണത്തില്‍ എറണാകുളം സെന്‍ട്രല്‍ പൊലീസും ലഹരി മരുന്ന് പിടികൂടിയതില്‍ പുത്തന്‍കുരിശ് പൊലീസും കേസെടുത്തു (14 ജൂണ്‍, കടവുംഭാഗം ജൂതപ്പള്ളി ആക്രമണം: പാക് ഭീകരസംഘടനയ്ക്ക് ബന്ധമെന്ന് സംശയം; പ്രതിയുടെ ഫോണില്‍ നിര്‍ണായക വിവരങ്ങള്‍; ഡല്‍ഹി, മുംബൈ ഉള്‍പ്പെടെ നാല് നഗരങ്ങള്‍ ലക്ഷ്യമിട്ടെന്ന് സൂചന, ജന്മഭൂമി).
ക്രിപ്‌റ്റോകറന്‍സിയുടെ ഇടപാടുകളുമായി ബന്ധപ്പെട്ട സംശയാസ്പദ ആശയവിനിമയങ്ങളും കണ്ടെത്തിയിട്ടുണ്ടെന്ന് മനോരമയും റിപ്പോര്‍ട്ട് ചെയ്തു.
24.3 പിന്നില്‍ ജൂതവിരോധം
തീവെപ്പിന് പിന്നില്‍ ജൂതവിരോധമെന്ന് മറുനാടന്‍ മലയാളി: വീഡിയോയുടെ ആരംഭത്തില്‍ കേരളത്തില്‍ അടുത്തിടെയായി നടന്നിട്ടുള്ള ജൂത ആരാധനാലയത്തിന് നേരെയുള്ള ആക്രമണങ്ങളുടെ ലിസ്റ്റ് മുന്നോട്ടുവെക്കുകയാണ് ഷാജന്‍ സക്കറിയ. തുടര്‍ന്നാണ് തീവെപ്പിന്റെ കാര്യം ഷാജന്‍ സൂചിപ്പിക്കുന്നത്. ജൂതന്മാര്‍ നമ്മുടെ നാട്ടില്‍ നിലവില്‍ ഇല്ലെങ്കിലും ആ പാരമ്പര്യം നമ്മള്‍ നിലനിര്‍ത്തുന്നുണ്ട്. ‘പക്ഷേ ആ പാരമ്പര്യവും ആ സ്മരണയും പോലും ഇവിടെ ചിലര്‍ക്ക് അതൃപ്തിയാണ്.’ തുടര്‍ന്ന് സക്കറിയ പൊന്‍കുന്നം എന്ന വ്യക്തിയുടെ ഒരു ഓഡിയോ സന്ദേശം ഷാജന്‍ കേള്‍പ്പിക്കുന്നു, സിനഗോഗിന് നേരെയുണ്ടായ ആക്രമണം നല്ല ഒന്നാന്തരം അട്ടിമറിയാണെന്നും ജൂതന്‍മാരുടെ കൂടാര പെരുന്നാളിന്റെ അന്ന് സിനഗോഗ് ആക്രമിച്ചത് അവരുടെ ഓര്‍മ മായിച്ച് കളയാനാണെന്നും ഇത് പൊലീസ് അന്വേഷിച്ചാല്‍ പോരെന്നും കേന്ദ്ര ഏജന്‍സികള്‍ അന്വേഷിക്കണമെന്നുമാണ് സക്കറിയ പൊന്‍കുന്നം ആവശ്യപ്പെടുന്നത് (14 ഒക്ടോബര്‍, കൊച്ചിയിലെ സിനഗോഗിന് തീയിട്ടവന്റെ ബോസ് പാക്കിസ്ഥാനി, മറുനാടന്‍ മലയാളി യൂട്യൂബ് ചാനല്‍).
24.4 പാക് ബന്ധം:
പ്രതിയായ എബിന് പി പോളിന്റെ ഫോണ്‍ പരിശോധിച്ചപ്പോള്‍ ബോസ് എന്ന നമ്പറുമായി നിരന്തരം ബന്ധപ്പെട്ടിരുന്നതായും അത് പാകിസ്ഥാനിലാണ് രെജിസ്റ്റര്‍ ചെയ്തിരിക്കുന്നതാണെന്നും പൊലീസ് കണ്ടെത്തി, ഇത് പോലെ ഡല്‍ഹി, അമൃത്സര്‍, മുംബൈ തുടങ്ങിയ ഇടങ്ങളിലും അക്രമണ പദ്ധതികള്‍ ഏറ്റെടുത്തിരുന്നു.
24.5 അക്രമണം നടത്തിയത് പേറോളിലുള്ളവര്‍:
ആക്രമണത്തിനു പിന്നില്‍ ഇസ്ലാമിക ഭീകരരുടെ പേറോളിലുള്ളവരെന്ന് ഷാജന്‍: അക്രമി എബിന് പി പോള്‍ ആയതുകൊണ്ട് ആഹ്ലാദിക്കുന്നവരുണ്ടാകും. എന്നാല്‍ അതില്‍ കാര്യമില്ല. ‘ഭീകരവാദികള്‍ക്ക് മതമൊന്നുമില്ല. പ്രത്യേകിച്ച് ഇസ്ലാമിക ഭീകരവാദികള്‍ക്ക്. അവര്‍ അവരുടെ പേ റോളില്‍ എല്ലാവിധത്തിലുമുള്ള ക്രിമിനലുകളെ ഉള്‍പ്പെടുത്തും. മുസ്ലിം നാമധാരികള്‍ തന്നെ ഇത് ചെയ്യുമ്പോള്‍ അത് സമുദായത്തിന് എതിരായുള്ള ഒരു വികാരമായി മാറുമ്പോള്‍ അവര്‍ കണ്ടെത്തിയിട്ടുള്ള ഒരു എളുപ്പവഴിയാണ് മറ്റ് സമുദായത്തിലുള്ളവരെ വിലക്കെടുക്കുക എന്നത്. അതിപ്പോള്‍ സോഷ്യല്‍ മീഡിയയിലും അങ്ങനെ തന്നെയാണ്. കേരളം ഭീകരവാദികളുടെ സ്ലീപ്പര്‍ സെല്ലാണ് എന്ന് എന്‍ഐഎ പറഞ്ഞു. മറ്റനേകം രാജ്യത്തെ ഭീകരവാദികള്‍ മതസംരക്ഷണയില്‍ ഒളിഞ്ഞുകഴിയുന്നത് ഇവിടെയാണ്. ഇവരുടെ വിശ്വാസം എന്തെന്നാല്‍ അന്യമതസ്ഥരെ ഇല്ലാതാക്കിയാല്‍ വേഗത്തില്‍ സ്വര്‍ഗത്തില്‍ പോകാമെന്നതാണ്.
24.6 സംസാരിക്കുന്നവരെ സംഘികളാക്കുന്നു:
കേരളത്തില്‍ താമസിക്കുന്ന ഭീകരവാദികള്‍ക്കെതിരെ ആര്‍ക്കും ഒന്നും സംസാരിക്കാന്‍ സാധിക്കുന്നില്ല. ഇസ്രയേലില്‍ വെച്ച് കൊല്ലപ്പെട്ട സൌമ്യ എന്ന നേഴ്‌സിനെക്കുറിച്ചോ സ്മിത്ത് മച്ചാറിന്റെ ധീരതയെ അഭിനന്ദിക്കാനോ കഴിയില്ല. അങ്ങനെ ചെയ്താല്‍ സംഘികളാകും. രാഷ്ട്രീയക്കാര്‍ അങ്ങനെ ചെയ്യാത്തത് അവര്‍ക്ക് ഭീകരവാദികളെ പേടിയായത് കൊണ്ടല്ല. പകരം അവര്‍ മതത്തിന്റെ ഒരു പുതപ്പിന്റെ അടിയില്‍ ഇരുന്ന് കാട്ടിക്കൂട്ടുന്ന വിക്രിയകള്‍ക്കെതിരെ പ്രതികരിച്ചാല്‍ പ്രതികരിക്കുന്നവര്‍ മുസ്ലീം വിരോധികളായി മാറും എന്നുള്ളത് കൊണ്ടാണ്.
24.7 വംശഹത്യ തെറ്റായ ആരോപണം:
(മറ്റുള്ളവരെ സംഘികളാക്കുന്നവരുടെ) ഇവരുടെ ടൂള്‍ വംശഹത്യയാണ്. ഇന്ത്യയില്‍ മുസ്‌ലിംകള്‍ വംശഹത്യ നേരിടുന്നുവെന്നാണ് ഇവര്‍ പറയുന്നത്. എന്നാല്‍ ഇവര്‍ ജനസംഖ്യ പരിശോധിക്കുന്നില്ല. ഇതേസമയം പാകിസ്ഥാനിലും ബംഗ്ലാദേശിലും ന്യൂനപക്ഷങ്ങള്‍ ഇല്ലാതായികൊണ്ടിരിക്കുകയാണ്. അതേകൂട്ടര്‍ തന്നെ ജൂതന്‍മാരെ വംശഹത്യ ചെയ്യാന്‍ അഹ്വാനം ചെയ്യുകയും ചെയ്യും. അവരുടെ സ്മാരകം പോലും തകര്‍ക്കാന്‍ അവര്‍ ശ്രമിക്കുകയാണ്. പിടിയിലായത് ക്രിസ്ത്യന്‍ നാമധാരി ആണെന്നത് ഒരു എക്‌സ്‌ക്യൂസ് എല്ല. എല്ലാ നാമത്തിലുള്ളവരും ഇതിന്റെ ഭാഗമാണ്. അവരെ നിയന്ത്രിക്കുന്നത് പാകിസ്ഥാനില്‍ നിന്നുള്ളവരാണ്. നമ്മുടെ നാട്ടില്‍ തീവ്രവാദം തഴച്ചുവളരുന്നുണ്ട് (14 ഒക്ടോബര്‍, കൊച്ചിയിലെ സിനഗോഗിന് തീയിട്ടവന്റെ ബോസ് പാക്കിസ്ഥാനി, മറുനാടന്‍ മലയാളി യൂട്യൂബ് ചാനല്‍).
24.8 പോലീസുകാര്‍ക്ക് സസ്‌പെന്‍ഷന്‍
പശ്ചിമേഷ്യന്‍ സംഘര്‍ഷങ്ങളുടെ പശ്ചാത്തലത്തില്‍ 24 മണിക്കൂറും സംരക്ഷണം ഏര്‍പ്പെടുത്തിയ സിനഗോഗിനുനേരെയുള്ള ആക്രമണം സിറ്റി പോലീസിനുണ്ടായ ഗുരുതര വീഴ്ചയാണെന്ന് പോലീസ് കരുതുന്നതായി മനോരമ. ഡ്യൂട്ടിയിലുണ്ടായിരുന്ന രണ്ട് സിപിയോമാരെ സസ്‌പെന്‍ഡ് ചെയ്തു (15 ഒക്ടോബര്‍, സിനഗോഗിനുനേരെ ആക്രമണം: 2 പോലീസുകാര്‍ക്ക് സസ്‌പെന്‍ഷന്‍, മലയാള മനോരമ).
24.9 അന്താരാഷ്ട്ര ബന്ധമെന്ന് മനോരമ
മൂവാറ്റുപുഴ പേഴക്കാടില്‍ യൂസ്ഡ് കാര്‍ ഷോ റൂമിന് തീയിട്ട സംഭവത്തില്‍ തനിക്ക് ബന്ധമുള്ളതായി എബിന് പോള്‍ സിറ്റി പോലീസിന്റെ ചോദ്യം ചെയ്യലില്‍ സമ്മതിച്ചതായി മനോരമ. സംഭവത്തില്‍ അന്താരാഷ്ട്രബന്ധമുണ്ടെന്ന് സംശയിക്കുന്നുവെന്നും പത്രം റിപ്പോര്‍ട്ട് ചെയ്തു: മൂവാറ്റുപുഴയിലേത് ഇത് ഇയാള്‍ നടത്തിയ പരീക്ഷണമാണെന്നാണ് പോലീസ് സംശയിക്കുന്നു. പ്രതിയുടെ മൊബൈല്‍ ഫോണില്‍നിന്ന് മൂവാറ്റുപുഴ തീവെപ്പിന്റെ ദൃശ്യങ്ങള്‍ കണ്ടെത്തി. ഇതിന്റെ വീഡിയോ ‘ബോസ്’ എന്നറിയപ്പെടുന്നയാള്‍ക്ക് അയച്ചുകൊടുത്തുവെന്ന് സംശയിക്കുന്നു. പ്രതിയുടെ ഫോണിലെ വിവരങ്ങളില്‍ യഹൂദ ആരാധനാലയങ്ങള്‍ ഉള്‍പ്പെടെയുള്ളവയുടെ പരാമര്‍ശമുണ്ട്. രാജ്യത്തെ വിവിധ നഗരങ്ങളില്‍ ആക്രമണങ്ങള്‍ നടത്തുന്നതുമായി ബന്ധപ്പെട്ട സന്ദേശങ്ങളും കണ്ടെത്തി (15 ഒക്ടോബര്‍, മൂവാറ്റുപുഴയില്‍ നടന്നത് പരീക്ഷണം; അന്വേഷണം അന്താരാഷ്ട്ര ബന്ധങ്ങളിലേക്ക്, മലയാള മനോരമ).
24.10 ലക്ഷ്യം പ്രതിഫലം
‘ബോസ്’ എന്നയാളുടെ നിര്‍ദേശപ്രകാരമാണ് പ്രതി പുത്തന്‍കുരിശ് ഐക്കരനാട് കുന്നത്ത് കാവലുഴി വീട്ടില്‍ എബിന് ബി. പോള്‍ കൃത്യം നടത്തിയതെന്ന് അന്വേഷണസംഘം: നിര്‍ദേശിക്കപ്പെട്ട കേന്ദ്രങ്ങളില്‍ ആക്രമണം നടത്തുക, അതിന്റെ ദൃശ്യങ്ങള്‍ പകര്‍ത്തി അയച്ചുകൊടുക്കുക, ഇതിന് പ്രതിഫലം കൈപ്പറ്റുക എന്നതായിരുന്നു പ്രതിയുടെ ദൗത്യം. ക്രിപ്റ്റോകറന്സി മുഖേന പ്രതിക്ക് പ്രതിഫലം ലഭിച്ചതിന്റെ സൂചന ലഭിച്ചു. എന്‍.ഐ.എ. അടക്കം കേന്ദ്ര ഏജന്‍സികള്‍ പ്രതിയില്‍നിന്ന് വിവരങ്ങള്‍ ശേഖരിച്ചു. സാമ്പത്തിക ഇടപാടുകളും തീവ്രവാദ ബന്ധങ്ങള്‍ ഉള്‍പ്പെടെയുള്ള കാര്യങ്ങളുടെ നിഗൂഢതയും മറ്റ് കൂട്ടുകാരുമായുള്ള ബന്ധവും കണ്ടെത്താന്‍ വിശദ അന്വേഷണം തുടരും (15 ഒക്ടോബര്‍, ‘സിനഗോഗിനു സമീപം തീയിട്ടത് ‘ബോസി’ന്റെ നിര്‍ദേശപ്രകാരം’, കേന്ദ്ര ഏജന്‍സികള്‍ വിവരം ശേഖരിച്ചു, മാധ്യമം).
ലക്ഷ്യം പണമെന്ന് നാട്ടുകാര്‍, വസ്തുത പുറത്തുവരട്ടെയെന്ന് കുടുംബം (ഒക്ടോബര്‍ 15)
എബിന് ഇത് ചെയ്തത് പണത്തിനുവേണ്ടിയെന്ന് നാട്ടുകാര്‍: പിന്നില്‍ ലഹരിയുടെ സ്വാധീനമുണ്ട്. ഇയാളെ ഏറെ നാള്‍ ലഹരിമുക്ത കേന്ദ്രത്തില്‍ ചികിത്സിച്ചിരുന്നു. ജോലിക്ക് പോയിരുന്നില്ല. നാട്ടുകാരുമായി കാര്യമായ സൗഹൃദമില്ല. വില്ലയില്‍ തനിച്ചാണ് താമസിച്ചിരുന്നത്. ഇടക്ക് കാറുമായി പുറത്തുപോയിരുന്നു. ലഹരിടിമയായിരുന്നുവെന്നും നാട്ടുകാരില്‍ ചിലര്‍ പറഞ്ഞു.
തീവ്രവാദ സംഘടനകളുമായി ബന്ധമുണ്ടെന്നതടക്കമുള്ള കാര്യങ്ങള്‍ പൊലീസ് അന്വേഷണത്തിലുടെ പുറത്തുവരട്ടെയെന്ന് കുടുംബം (15 ഒക്ടോബര്‍, സിനഗോഗ് ആക്രമണം, അറസ്റ്റില്‍ അമ്പരന്ന് നാട്ടുകാര്‍, വസ്തുത പുറത്തുവരട്ടെയെന്ന് കുടുംബം, മാധ്യമം).
ശൃംഖലയുണ്ടോ എന്ന് അന്വേഷിക്കും
പ്രതി എബിന് ബി. പോളിന് കൃത്യം ചെയ്യാന്‍ പണം ലഭിച്ചിട്ടുണ്ടെന്നും ഇതിനു പിന്നില്‍ വലിയ ശൃംഖലയുണ്ടോ എന്ന് അന്വേഷിച്ചു വരികയാണെന്നും കൊച്ചി സിറ്റി പൊലീസ് ഡെപ്യൂട്ടി കമ്മീഷണര്‍ അരുണ്‍ കെ. പവിത്രന്‍. ക്രിപ്റ്റോ കറന്‍സി വഴിയാണ് പണം കൈപ്പറ്റിയതെന്നും കണ്ടെത്തി. പ്രതി നിരവധി ഗ്രൂപ്പുകളില്‍ അംഗമാണ്. ചില ഗ്രൂപ്പുകള്‍ക്ക് ആക്രമണവുമായി ബന്ധമുണ്ട്. സിനഗോഗിന് സമീപം തീയിട്ട ദൃശ്യങ്ങള്‍ മൊബൈലില്‍ പകര്‍ത്തി ബോസിന് അയച്ചനല്‍കിയതായും കണ്ടെത്തിയിട്ടുണ്ട് (15 ഒക്ടോബര്‍, പ്രതിക്ക് പണം ലഭിച്ചു; പിന്നില്‍ ശൃംഖലയുണ്ടോ എന്ന് അന്വേഷിക്കുന്നു -ഡി.സി.പി, മാധ്യമം).
24.11 പിന്നില്‍ പാകിസ്താനി ‘ബോസ്’
എറണാകുളം സിനഗോഗ് ആക്രമണത്തിന്റെ ആസൂത്രകന്‍ പാകിസ്താനിയായ ‘ബോസ്’ ആണെന്നും ആയുധം എത്തിച്ചുകൊടുക്കാന്‍ ശ്രമിച്ചെന്നും മാധ്യമം: രാജ്യത്തെ സുപ്രധാന കേന്ദ്രങ്ങള്‍ ആക്രമിക്കാനായിരുന്നു ആയുധങ്ങള്‍ എത്തിക്കാന്‍ ശ്രമിച്ചത്. ആയുധം വാങ്ങുന്നതിനെക്കുറിച്ചുള്ള ചാറ്റുകള്‍ എബിന്റെ ഫോണില്‍ പൊലീസ് കണ്ടെത്തി. ആയുധം വാങ്ങാനായി ഓണ്‍ലൈന്‍ ലിങ്ക് ‘ബോസ്’ നല്‍കി. എറണാകുളം മാര്‍ക്കറ്റിലെ കടവുംഭാഗം സിനഗോഗ് കത്തിക്കാന്‍ 10 ലക്ഷം രൂപയായിരുന്നു വാഗ്ദാനം. മുന്‍കൂറായി രണ്ടു ലക്ഷം നല്‍കി. യു.പി, ഡല്‍ഹി, മുംബൈ എന്നിവിടങ്ങളിലായിരുന്നു അടുത്ത ലക്ഷ്യങ്ങള്‍. പ്രതിയുടെ ഫോണിലെ ടെലിഗ്രാം ആപ്പില്‍ കണ്ടെത്തിയ ആശയവിനിമയങ്ങളില്‍ ജൂത ആരാധനാലയങ്ങള്‍ ഉള്‍പ്പെടെയുള്ള ലക്ഷ്യങ്ങളെക്കുറിച്ചുള്ള വിവരങ്ങളുണ്ട്. ബോസിന്റെ വിവരങ്ങള്‍ ആവശ്യപെട്ട് ടെലിഗ്രാമില്‍ നോട്ടിസ് നല്‍കി.
എബിന്റെ വീട്ടില്‍ കണ്ടെത്തിയ മയക്കുമരുന്ന് ശേഖരം സംബന്ധിച്ചും അന്വേഷണം ഉണ്ടാകും. അതേസമയം സിനഗോഗിന് നേരേയുണ്ടായ ആക്രമണത്തിന്റെ പശ്ചാത്തലത്തില്‍ ഫോര്‍ട്ട്‌കൊച്ചിയിലെ യൂതസമൂഹമായി കണക്കാക്കുന്ന കോഡര്‍ ഹൗസില്‍ സെപ്തംബര്‍ 29ന് ഉണ്ടായ തീപിടിത്തവും പൊലീസ് അന്വേഷിച്ചു. . തീപിടിത്തം ഷോര്‍ട്ട്‌സര്‍ക്യൂട്ട് മൂലമാണെന്നതായിരുന്നു കരുതിയിരുന്നത്. 1809ല്‍ കൊച്ചിലെ ജൂതന്മാരില്‍ പ്രധാനിയായിരുന്ന കോഡര്‍ കുടുംബം നിര്‍മിച്ച കോഡര്‍ ഹൗസ് ഹെറിട്ടേജ് ഹോട്ടലായി പ്രവര്‍ത്തിച്ചിരുന്നത്. അഗ്‌നിബാധയില്‍ വലിയ കേടുപാടുകള്‍ കെട്ടിടത്തിനുണ്ടായി.മൂവാറ്റുപുഴയിലെ കാര്‍ ഷോറൂം തീയിട്ടതിനുസമാനമായ മറ്റൊരു കൃത്യം നടത്തിയായി സൂചന ലഭിച്ചിട്ടുണ്ട് (15 ഒക്ടോബര്‍, എറണാകുളം സിനഗോഗ് ആക്രമണം, എബിന് ആയുധമെത്തിക്കാനും പാകിസ്താനി ‘ബോസ്’ ഒരുങ്ങി, മാധ്യമം).
പ്രതി കാനഡയില്‍ ഉണ്ടായിരുന്നു
പ്രതി കുറച്ചുനാള്‍ കാനഡയില്‍ ഉണ്ടായിരുന്നു. അവിടെവെച്ച് തീവ്രവാദ ഗ്രൂപ്പുകളുമായി അടുപ്പം ബന്ധം ബോസിലെക്കെത്തി. നാടിലെത്തിയശേഷവും തുടര്‍ന്നു. നിരോധിക്കപ്പെട്ട അശ്ലീലസൈറ്റുകള്‍ എബിന് പതിവായി സന്ദര്‍ശിച്ചിരുന്നു. ലൈവ് വീഡിയോ കാളിംഗില്‍ കുരുക്കി ബ്ലാക്‌മെയിലിംഗിലൂടെ കുറ്റകൃത്യം ചെയ്യിപ്പിക്കുന്നതാകാം. പൂനെയില്‍ ഡിസൈനിംഗ് കോഴ്‌സിന് പഠിക്കുമ്പോഴാണ് ലഹരി ഇടപാടുകാരിലേക്ക് അടുക്കുന്നത് ലഹരി വാങ്ങാന്‍ ടെലിഗ്രാംവഴിയുള്ള സൌഹൃദങ്ങളാകാം ബോസിലേക്ക് എത്തിച്ചത് (15 ഒക്ടോബര്‍, എറണാകുളം സിനഗോഗ് ആക്രമണം, എബിന് ആയുധമെത്തിക്കാനും പാകിസ്താനി ‘ബോസ്’ ഒരുങ്ങി, മാധ്യമം).
എന്‍.ഐ.എ. ഏറ്റെടുത്തേക്കും
തീവെപ്പ് കേസിന്റെ അന്വേഷണം ദേശീയ അന്വേഷണ ഏജന്‍സി (എന്‍.ഐ.എ) ഏറ്റെടുത്തേക്കുമെന്ന് റിപ്പോര്‍ട്ട്. രാജ്യന്തര തീവ്രവാദ ബന്ധവും ക്രിപ്റ്റോകറന്സി ഫണ്ടിങ്ങും സ്ഥിരീകരിച്ച സാഹചര്യത്തിലാണ് ഇത് (15 ഒക്ടോബര്‍, എറണാകുളം സിനഗോഗ് ആക്രമണം, എബിന് ആയുധമെത്തിക്കാനും പാകിസ്താനി ‘ബോസ്’ ഒരുങ്ങി, മാധ്യമം).
ചങ്ങാത്തം എഐയോട്
നാട്ടില്‍ അധികം സൗഹൃദങ്ങളില്ലാത്ത പ്രതി വീടിന് പുറത്തിറങ്ങുന്നത് വിരളമായി. മനസ്സിലുള്ള സംശയങ്ങള്‍ ചോദിച്ചറിയാന്‍ പോലും സുഹൃത്തുക്കളെ തേടിയില്ല. പകരം, ആശയവിനിമയത്തിന് ആര്‍ട്ടിഫിഷ്യല്‍ ഇന്റലിജന്‍സിന്റെ സഹായം തേടി (15 ഒക്ടോബര്‍, എബിന്റെ ചങ്ങാതം ഐ.എയോട്, ജീവിതം തകര്‍ത്തത് രാസലഹരി, കേരള കൗമുദി).
മാനസിക അസ്വസ്ഥള്‍ നേരിടുന്നയാള്‍
സാമ്പത്തികമായി ഉയര്‍ന്ന കുടുംബപശ്ചാത്തലത്തില്‍ വളര്‍ന്ന എബിന് പഠനത്തില്‍ മിടുക്കനായിരുന്നു. പുത്തൂരില്‍ ഹൗസ്ബില്‍ഡിംഗ് പഠിക്കാന്‍ പോയതോടെയാണ് മാറ്റങ്ങളുമുണ്ടായതെന്ന് ബന്ധുക്കള്‍ പറയുന്നു. അവിടെവെച്ച് രാസലഹരിക്ക് അടിമയായതോടെ പണവും വ്യക്തിജീവിതവും താളംതെറ്റി. എബിന്റെ ലഹരി ഉപയോഗം തിരിച്ചറിഞ്ഞതോടെ പല സ്ഥലങ്ങളിലെത്തിച്ച് ചികിത്സ നല്‍കി. ദീര്‍ഘകാലം ചികിത്സകള്‍ നല്‍കിയിട്ടും പ്രതീക്ഷിച്ച മാറ്റം ഉണ്ടായില്ലെന്നു അവര്‍ പറയുന്നു. ഐ.ടി മേഖലയില്‍ ജോലി ചെയ്യുന്ന സഹോദരിയുള്‍പ്പെടെയുള്ള കുടുംബങ്ങള്‍ എബിന്റെ അവസ്ഥയില്‍ ആശങ്കപ്പെട്ടിരുന്നു. ചികിത്സയുംപരിചരണവും നല്‍കി ജീവിതത്തിലേക്ക് തിരിച്ചുകൊണ്ടുവരാനുള്ള ശ്രമങ്ങള്‍ നടന്നിരുന്നെങ്കിലും പുരോഗതിയുണ്ടായില്ല (15 ഒക്ടോബര്‍, എബിന്റെ ചങ്ങാതം ഐ.എയോട്, ജീവിതം തകര്‍ത്തത് രാസലഹരി, കേരള കൗമുദി).
24.12 നിയന്ത്രണം പാകിസ്താനില്‍ നിന്ന്
ആക്രമണത്തിന് പിന്നില്‍ പാകിസ്ഥാനില്‍ നിന്നുള്ള സ്മാര്‍ട്ട് ഡയറക്ടര്‍ എന്ന് ജന്മഭൂമി: സംഭവത്തിന് പിന്നാലെ ഉത്തര്‍പ്രദേശ്, അസം, ദില്ലി, മുംബൈ എന്നിവിടങ്ങളില്‍ ഭീകരവാദ ബന്ധം നടത്തിയ സംശയ വിവരങ്ങള്‍ പുറത്തുവന്നു. പ്രതിക്ക് വേണ്ട നിര്‍ദേശങ്ങള്‍ നല്‍കിയ ‘ബോസ്’ എന്ന് വിളിക്കുന്നയാളെ കണ്ടെത്താനുള്ള ശ്രമത്തിലാണ് പൊലീസ്. ഇയാള്‍ ടെലിഗ്രാം വഴിയാണ് പ്രതിക്ക് വേണ്ട നിര്‍ദേശങ്ങള്‍ നല്‍കിയിരുന്നത്. പ്രതിയിരിക്കുന്ന ഓണ്‍ലൈന്‍ ചാറ്റുകള്‍ എല്ലാം പാകിസ്ഥാനിലെ ആളുകളുടേതാണെന്നും കണ്ടെത്തിയിട്ടുണ്ട്. ക്രിപ്റ്റോ കറന്‍സി രൂപത്തിലാണ് പ്രതിഫലം നല്‍കിയിരുന്നതെന്നും ഫോണില്‍ കണ്ടെത്തിയ ആശയവിനിമയങ്ങളില്‍ ദേശവിരുദ്ധരായ ആശയങ്ങള്‍ ഉള്‍ക്കൊള്ളുന്ന വിരുദ്ധ ലക്ഷ്യങ്ങളെക്കുറിച്ചും പരാമര്‍ശങ്ങളുണ്ട് (15 ഒക്ടോബര്‍, ജൂതപ്പള്ളിക്ക് നേരെ അക്രമണം, നിയന്ത്രണം പാകിസ്ഥാനില്‍ നിന്ന്, ജന്മഭൂമി).
എന്‍ഐഎ ചോദ്യം ചെയ്തു
കൊച്ചി മാര്‍ക്കറ്റിലെ സിനഗോഗിന് നേരെയുള്ള ആക്രമണത്തില്‍ പ്രതി പുത്തന്‍കുരിശ് സ്വദേശി എബിന് പോളിനെ എന്‍ഐഎ സംഘം ചോദ്യം ചെയ്തു. സംഭവത്തില്‍ തീവ്രവാദ ബന്ധം സ്ഥിരീകരിച്ചിച്ച സാഹചര്യത്തില്‍ നിര്‍ദേശം നല്‍കിയ സംഘത്തെ കണ്ടെത്തുകയാണ് പ്രധാന ലക്ഷ്യം (15 ഒക്ടോബര്‍, ജൂതപ്പള്ളിക്ക് നേരെ അക്രമണം, നിയന്ത്രണം പാകിസ്താനില്‍ നിന്ന്, ജന്മഭൂമി).
യുഎപിഎ ചുമത്താന്‍ തീരുമാനം
പ്രതിക്കെതിരേ യുഎപിഎ ചുമത്തിയേക്കുമെന്ന് മാധ്യമങ്ങള്‍ റിപ്പോര്‍ട്ട് ചെയ്തു. എറണാകുളം മജിസ്‌ട്രേറ്റ് കോടതി 5 ദിവസത്തെ കസ്റ്റഡിയില്‍ വിട്ട എന്‍ബിന്‍ പോളിനെ ദേശീയ അന്വേഷണ ഏജന്‍സിയും ഇന്റലിജന്‍സ് ബ്യൂറോ ഉദ്യോഗസ്ഥരും ചോദ്യം ചെയ്തു. ‘ബോസ്’ എന്ന വിളിപ്പേരുള്ളയാള്‍ നല്‍കിയ നിര്‍ദേശപ്രകാരമാണു എബിന് തീയിട്ടതെന്നും പ്രതിഫലമായി 2 ലക്ഷത്തോളം രൂപയ്ക്കുള്ള ക്രിപ്റ്റോ കറന്‍സി എബിന്റെ വാലറ്റില്‍ എത്തിയതായും പോലീസ് കണ്ടെത്തി. സ്ഥലവും ടാസ്‌കും നിര്‍ദേശിച്ചത് ബോസ് തന്നെയാണ്. ടാസ്‌ക് ചെയ്യുന്ന സ്ഥലത്തിന്റെ ഫോട്ടോയും പിന്നീട് തീയിടുന്നതിന്റെ ദൃശ്യങ്ങളും, ബോസിന് എബിന് അയച്ചു കൊടുത്തിട്ടുണ്ട് (16 ഒക്ടോബര്‍, സിനഗോഗിലെ തീവയ്പ്: യു.പി.എ ചുമത്തും, തീയിട്ടതിന് പ്രതിഫലം രണ്ടു ലക്ഷത്തോളം രൂപ ക്രിപ്റ്റോ കറന്‍സിയായി, മലയാള മനോരമ).
സിനഗോഗ് തിരഞ്ഞെടുത്തത് ശ്രദ്ധ ലഭിക്കാന്‍
കൂടുതല്‍ ശ്രദ്ധിക്കപ്പെടും എന്നതിനാലാണ് കൊച്ചിയിലെ സിനഗോഗ് തന്നെ ‘ബോസ്’ തിരഞ്ഞെടുത്തെതെന്ന് പോലീസ്. 2 ലക്ഷം രൂപ നല്‍കിയത്, എബിനു പ്രോത്സാഹനം നല്‍കാന്‍ വേണ്ടിയാണെന്നാണ് അവര്‍ കരുതുന്നത്. (16 ഒക്ടോബര്‍, സിനഗോഗിലെ തീവയ്പ്: യു.പി.എ ചുമത്തും, തീയിട്ടതിന് പ്രതിഫലം രണ്ടു ലക്ഷത്തോളം രൂപ ക്രിപ്റ്റോ കറന്‍സിയായി, മലയാള മനോരമ)
24.13 മാള സിനഗോഗിന് പോലീസ് കാവല്‍
ജൂത സിനഗോഗിന് പോലീസ് പ്രത്യേക കാവല്‍ ഏര്‍പ്പെടുത്തി. എറണാകുളത്തെ സിനഗോഗ് പരിസരത്ത് തീയിട്ടയാള്‍ക്ക് തീവ്രവാദ ബന്ധമുണ്ടെന്ന് പോലീസിന്റെ സംശയമാണ് ഈ നീക്കത്തിനു പിന്നിലെന്ന് മലയാളമനോരമ (16 ഒക്ടോബര്‍, സിനഗോഗിലെ തീവയ്പ്: യു.പി.എ ചുമത്തും, തീയിട്ടതിന് പ്രതിഫലം രണ്ടു ലക്ഷത്തോളം രൂപ ക്രിപ്റ്റോ കറന്‍സിയായി, മലയാള മനോരമ).
24.14 രഹസ്യ ആപ്പുകളിലൂടെ നുഴഞ്ഞു കയറുന്ന തീവ്രവാദികള്‍
രഹസ്യ ആപ്പുകളും ഡാര്‍ക്ക്‌നെറ്റും വഴി യുവാക്കള്‍ക്കിടയിലേക്ക് തീവ്രനിലപാടുകാര്‍ നുഴഞ്ഞുകയറുന്നുവെന്ന് രഹസ്യാന്വേഷണ ഏജന്‍സികളെ ഉദ്ധരിച്ച് മാതൃഭൂമി: ഡാര്‍ക്ക്‌നെറ്റിലെ സന്ദര്‍ശകരും രഹസ്യ ആപ്പുകളിലെ അംഗങ്ങളുമാണ് വലയില്‍ വീഴുന്നത്. അന്വേഷണ സംഘങ്ങള്‍ക്ക് വേഗം കടന്നുകയല്ലാന്‍ കഴിയാത്ത പൂര്‍ണ സുരക്ഷിതത്വമുള്ള രഹസ്യ ആപ്പുകളു ഒട്ടേറെയാണ്. സുരക്ഷാ കാരണങ്ങളാല്‍ ചിലത് നിരോധിക്കുമെങ്കിലും പുതിയത് വീണ്ടും പ്രത്യക്ഷപ്പെടും. ഐ.പി. അഡ്രസും ലൊക്കേഷനും ഒളിപ്പിച്ച്, എന്‍ക്രിപ്റ്റഡ് ആയി ഇന്റര്‍നെറ്റ് ഉപയോഗിക്കാന്‍ സഹായിക്കുന്ന ആപ്പുകളിലൂടെ ഇത്തരം സംഘടനാം നൂറുകണക്കിന് ആളുകളുമായി സൗഹൃദമുണ്ടാക്കുകയും വലയില്‍ വീഴുന്നവരെ കൃത്യത്തിന് ഉപയോഗിക്കുകയുമാണ് ചെയ്യുന്നത് (16 ഒക്ടോബര്‍, രഹസ്യ ആപ്പുകളിലൂടെ നുഴഞ്ഞുകയറി തീവ്രഗ്രൂപ്പുകള്‍, അന്വേഷണ ഏജന്‍സികള്‍ക്ക് വെല്ലുവിളി, മാതൃഭൂമി).
തീയിട്ടത് ലഹരിക്കും തോക്കിനും
ലഹരി വാങ്ങാന്‍ എബിന് ഡാര്‍ക്ക് വെബില്‍ നിരന്തരം തപ്പിയിയതായായി പോലീസ്. ഈ ഇടപാടുകളാണ് എബിനെ തീവ്രവാദികളിലേക്ക് നയിച്ചത്. ലഹരിവാങ്ങാന്‍ ഡാര്‍ക്ക് വെബിലൂടെ പണം അയച്ചെങ്കിലും സാധനം കിട്ടിയില്ലെന്ന് എബിന് പോലീസിനോട് പറഞ്ഞു. തോക്കിനു വേണ്ടിയും എബിന് ഡാര്‍ക്ക് വെബില്‍ സര്‍ച്ച് ചെയ്തു. ഇതെല്ലാം നിരീക്ഷിച്ച ശേഷമാണ് ബോസും സംഘവും സമൂഹമാധ്യമങ്ങളിലൂടെ എബിനെ ബന്ധപ്പെട്ടത്.
പലയിടങ്ങളിലായി തീയിട്ടു
ജൂതപ്പള്ളിക്ക് നേരെയുണ്ടായ ആക്രമണക്കേസിലെ പ്രതി എബിന് ബി. പോള്‍ നിരവധിയിടങ്ങളില്‍ പെട്രോള് ഉപയോഗിച്ച് തീയിട്ടു. കോടമ്പുഴയിലെ യൂസ്ഡ് കാര്‍ ഷോറൂമിന് തീവെപ്പ് നടത്തുന്നതിന് മുന്‍പ് ആള്‍ താമസമില്ലാത്ത വീട്ടില്‍ രണ്ടുതവണ തീവെപ്പ് നടത്തി. കോടമ്പുഴ അമ്പാട്ടുപടി വിനോദ് ഭാസ്‌കരന്റെ സംരംഭന മന്ദിരം എന്ന വീട്ടിലായിരുന്നു ആക്രമണം. ജനുവരി അഞ്ചിനും മാര്‍ച്ച് എട്ടിനുമായിരുന്നു സംഭവം. രണ്ട് തവണയായി നടന്ന തീവെപ്പില്‍ വീടിന്റെ മുന്‍ വശത്തെ വീട്ടുപകരണങ്ങളും കത്തിനശിച്ചിരുന്നു (16 ഒക്ടോബര്‍, ജൂതപ്പള്ളി ആക്രമണം: പ്രതി പലയിടങ്ങളിലും തീവെച്ചു, ജന്മഭൂമി)
24.15 ഭീകരബന്ധം സ്ഥിരീകരിച്ചു
കേസില്‍ ഭീകര ബന്ധം സ്ഥിരീകരിച്ചതായി ജന്മഭൂമി (16 ഒക്ടോബര്‍, ജൂതപ്പള്ളി ആക്രമണം: പ്രതി പലയിടങ്ങളിലും തീവെച്ചു, ജന്മഭൂമി).
പിടിയിലായ പുത്തന്‍കുരിശ് സ്വദേശി എബിന് പോളിന്റെ ഫോണ്‍ വിവരങ്ങള്‍ പരിശോധിച്ചപ്പോള്‍ ഇയാള്‍ പാകിസ്ഥാനില്‍ ഉള്ളവരുമായി നിരന്തരം ബന്ധപ്പെട്ടിരുന്നതിന്റെ തെളിവുകള്‍ പോലീസിന് ലഭിച്ചുവെന്നും ജന്മഭൂമി
24.16 പ്രതിഷേധിച്ച് ബിജെപി
എറണാകുളം കടവന്ത്രഭാഗം ജൂതപ്പള്ളിക്ക് രാജ്യവിരുദ്ധ ശക്തികളില്‍ നിന്നുണ്ടായ ആക്രമണത്തിനെതിരെ ബിജെപി എറണാകുളം സൗത്ത് മണ്ഡലം കമ്മിറ്റിയുടെ നേതൃത്വത്തില്‍ പ്രതിഷേധ ധര്‍ണ നടത്തി. സാധാരണ ഷോര്‍ട്ട് സര്‍ക്യൂട്ട് അപകടമെന്നു രീതിയില്‍ അവഗണിക്കപ്പെട്ട കൊച്ചി കോര്‍പ്പറേഷനിലെ തീപിടിത്തം, മട്ടാഞ്ചേരി ജൂതപ്പള്ളിയിലുണ്ടായ തീപിടിത്തം എന്നിവയെക്കുറിച്ച് അന്വേഷിക്കണമെന്നും ബിജെപി ആവശ്യപ്പെട്ടു (16 ഒക്ടോബര്‍, ജൂതപ്പള്ളി ആക്രമണം; ബിജെപി പ്രതിഷേധിച്ചു, ജന്മഭൂമി).
24.17 ഇസ്ലാമിക ഭീകരവാദത്തിന്റെ കേന്ദ്രമായി കേരളം
എറണാകുളം മഹാനഗരത്തിലെ ജൂതപ്പള്ളിക്കു നേരെ നടന്ന ആക്രമണം, ഇസ്ലാമിക ഭീകരവാദത്തിന്റെ കൈനിലമായി കേരളം തുടരുന്നു എന്നതിലേക്കാണ് വിരല്‍ ചൂണ്ടുന്നതെന്ന് ജന്മഭൂമി: മനോനില തെറ്റിയ ഒരാളുടെ പ്രവൃത്തിയായി സംഭവത്തെ ചിത്രീകരിക്കാന്‍ ഒരു വിഭാഗവും ചില മാധ്യമങ്ങളും ശ്രമങ്ങള്‍ നടത്തുന്നു. പിടിയിലായ പുത്തന്‍കുരിശ് സ്വദേശി എബിന് പോളിന്റെ ഫോണ്‍ വിവരങ്ങള്‍ പരിശോധിച്ചപ്പോള്‍ ഇയാള്‍ പാകിസ്ഥാനില്‍ ഉള്ളവരുമായി നിരന്തരം ബന്ധപ്പെട്ടിരുന്നതിന്റെ തെളിവുകള്‍ പോലീസിന് ലഭിച്ചു. പിടിയിലായ വ്യക്തി വലിയൊരു സംഘത്തില്‍ ഉള്‍പ്പെടുന്ന ആളാണെന്നും, ഉത്തര്‍പ്രദേശിലും അമൃത്സറിലും ന്യൂദല്‍ഹിയിലും മുംബൈയിലുമൊക്കെ ആക്രമണം നടത്താന്‍ പദ്ധതിയിട്ടിരുന്നതായും പോലീസിന് സൂചന ലഭിച്ചിട്ടുണ്ട്. ബോസ് എന്നു വിളിക്കുന്നയാളാണ് ഇതിനുവേണ്ട നിര്‍ദ്ദേശങ്ങള്‍ നല്‍കിയിരുന്നത്. ജൂതപ്പള്ളിക്ക് തീയിട്ടത് ചെറിയൊരു സംഭവമായി ചിത്രീകരിക്കാനുള്ള ശ്രമങ്ങള്‍ ഇസ്ലാമിക മതമൗലികവാദികളുടെ മാധ്യമങ്ങള്‍ നടത്തുന്നുണ്ട്. തീയിട്ടത് ജൂതപ്പള്ളിക്ക് സമീപമാണെന്ന് വരുത്തി തീര്‍ക്കാനും ശ്രമം നടക്കുന്നു. സംഭവത്തോട് പ്രതികരിക്കാന്‍ ഇടത്-വലത് മുന്നണികളുടെ നേതാക്കളോ സംസ്ഥാന സര്‍ക്കാരോ തയ്യാറാവാത്തതും ശ്രദ്ധേയമാണ്.
ഇസ്ലാമിക ഭീകരവാദവുമായി ബന്ധപ്പെട്ട നിരവധി സംഭവങ്ങള്‍ കേരളത്തില്‍ ഉണ്ടായിട്ടുണ്ട്. വിദേശ രാജ്യങ്ങളില്‍ പ്രവര്‍ത്തിക്കുന്ന ഇസ്ലാമിക ഭീകര സംഘടനകളുമായി ഈ സംഭവങ്ങള്‍ക്ക് ബന്ധമുള്ളതായി കണ്ടെത്തിയിട്ടുള്ളതാണ്. പക്ഷേ അന്വേഷണം അട്ടിമറിച്ച് യഥാര്‍ത്ഥ പ്രതികളായ പലരെയും രക്ഷപ്പെടുത്തുകയാണ് ചെയ്തിട്ടുള്ളത്. ഇസ്ലാമിക ഭീകരവാദം നടത്തിയതായി തെളിഞ്ഞതിനെ തുടര്‍ന്ന് പോപ്പുലര്‍ ഫ്രണ്ട് എന്ന സംഘടനയെ കേന്ദ്ര സര്‍ക്കാര്‍ നിരോധിക്കുകയുണ്ടായി. എന്നിട്ടും മതതീവ്രവാദം കേരളത്തില്‍ ശക്തമാണെന്ന് ജൂതപ്പള്ളിക്ക് തീയിട്ട സംഭവം തെളിയിക്കുന്നു. ഇതര മതസ്ഥരെ ഉപയോഗിച്ച് തീവ്രവാദം നടത്തുകയും, തങ്ങള്‍ക്ക് അതില്‍ ഉത്തരവാദിത്വമില്ലെന്ന് പ്രചരിപ്പിക്കുകയും ചെയ്യുന്ന രീതി ഇസ്ലാമിക സംഘടനകള്‍ക്കുണ്ട്. ചില ആഗോള ഇസ്ലാമിക സംഘടനകള്‍ പുലര്‍ത്തുന്ന അന്ധമായ ജൂത വിരോധമാണ് എറണാകുളത്തെ ജൂതപ്പള്ളി ആക്രമണത്തിനു പിന്നിലും ഉള്ളതെന്ന് സംശയിക്കാന്‍ കാരണങ്ങളുണ്ട്. പ്രതിയുടെ വിദേശ ബന്ധവും വിവര കൈമാറ്റങ്ങളും ക്രിപ്റ്റോ കറന്‍സി ഇടപാടുകളും ഇതാണ് കാണിക്കുന്നത്. അതിനാല്‍ കേന്ദ്ര അന്വേഷണ ഏജന്‍സികള്‍ അന്വേഷിച്ചാല്‍ മാത്രമേ ഇത് സംബന്ധിച്ച വിവരങ്ങള്‍ പൂര്‍ണമായും പുറത്തു വരികയുള്ളൂ (16 ഒക്ടോബര്‍, ജൂതപ്പള്ളി ആക്രമണം രാജ്യാന്തര തീവ്രവാദം, ജന്മഭൂമി).
ബന്ധങ്ങള്‍ അന്വേഷിക്കണം
എറണാകുളം മാര്‍ക്കറ്റിലെ പ്രസിദ്ധമായ കടവന്ത്രഭാഗം സിനഗോഗിന് സമീപം നടന്ന തീവെപ്പ് സംഭവത്തില്‍ അറസ്റ്റിലായ ഐക്കരനാട് സ്വദേശി എബിന് പി. പോളിന്റെ പിന്നിലെ ബന്ധങ്ങളും സംഭവത്തിന്റെ യഥാര്‍ത്ഥ ലക്ഷ്യവും സമഗ്രമായി അന്വേഷിക്കണമെന്ന് എസ്ഡിപിഐ എറണാകുളം ജില്ലാ സെക്രട്ടറി അലോഷ്യസ് കൊളനൂര്‍: ജൂത സിനഗോഗുകള്‍ക്ക് പോലീസ് സംരക്ഷണം ഏര്‍പ്പെടുത്തിയിരിക്കെയാണ് ഇത്തരമൊരു സംഭവം നടന്നത് എങ്ങനെ എന്നത് ഏറെ ഗൗരവകരമാണ്. കേരളത്തിലെ സമാധാനന്തരീക്ഷം തകര്‍ത്ത് രാഷ്ട്രീയ നേട്ടങ്ങളോ മറ്റ് നേട്ടങ്ങളോ കൊയ്യാന്‍ ശ്രമിക്കുന്ന ശക്തികള്‍ ഇതിനു പിന്നിലുണ്ടോയെന്ന് അന്വേഷണത്തിലൂടെ കണ്ടെത്തണം. സംഭവത്തിന് പിന്നില്‍ പ്രവര്‍ത്തിച്ച മുഴുവന് പേരെയും നിയമത്തിന് മുന്നില്‍ കൊണ്ടുവരണം (16 ഒക്ടോബര്‍, എബിന് പോളിന്റെ ദുരൂഹ ബന്ധങ്ങള്‍ അന്വേഷിക്കണം; എസ്ഡിപിഐ, മംഗളം).
ബോസിനെ കണ്ടെത്താന്‍ ശാസ്ത്രീയ പരിശോധന
ബോസിനെ അറിയില്ലെന്ന് പറഞ്ഞ സാഹചര്യത്തില്‍ കണ്ടെത്താന്‍ ശാസ്ത്രീയപരിശോധന നടത്തുമെന്ന് പോലീസ്: ബോസിനെ നേരില്‍ അറിയി ല്ലെന്നാണ് ഇയാള്‍ അന്വേഷണ സംഘത്തിന് നല്‍കിയിട്ടുള്ള മൊഴി. ശാസ്ത്രീയ തെളിവുക ളുടെ പിന്‍ബലത്തോടെ ഇത് കണ്ടെത്താനാകുമെന്ന പ്രതീക്ഷയിലാണ് അന്വേഷണസംഘം. ഇതിന്റെ ഭാഗമായി പ്രതിയുടെ പക്കല്‍ നിന്നു പിടികൂടിയ ഇല ക്ട്രോണിക് വസ്തുക്കള്‍ ശാസ്ത്രീയ പരിശോധനയ്ക്ക് വിധേയമാക്കും. പ്രതി എബിന് പോള്‍ ആയുധങ്ങള്‍ തെരഞ്ഞതായി കണ്ടെത്തി. ഇയാളില്‍നിന്നു പിടിച്ചെടുത്ത മൊബൈല്‍ ഫോണ്‍ പരിശോധിച്ചതില്‍ നിന്നാണ് പൊലീസ് ഇത് കണ്ടെത്തിയിട്ടുള്ളത് (17 ഒക്ടോബര്‍, ‘ബോസി’നെ കണ്ടെത്താന്‍ ശാസ്ത്രീയ പരിശോധന, ദീപിക).
ക്വട്ടേഷന്‍ സാമൂഹിക മാധ്യമങ്ങള്‍ വഴി
ആര്‍ക്കെങ്കിലും ക്വട്ടേഷനുകള്‍ ഏല്‍പ്പിക്കാനുണ്ടെങ്കില്‍ ഏറ്റെടുക്കാമെന്ന് വ്യക്തമാക്കി സാമൂഹിക മാധ്യമ പ്ലാറ്റ്‌ഫോമുകള്‍ വഴി സന്ദേശങ്ങള്‍ അയക്കുന്ന രീതി ഇയാള്‍ക്കുണ്ടായിരുന്നുവെന്ന് പോലീസ്: ഇത്തരത്തിലുള്ള സന്ദേശം ശ്രദ്ധയില്‍പ്പെട്ടവരാണോ തീവെപ്പിന് നിര്‍ദേശം നല്‍കിയതെന്നും അന്വേഷിക്കുന്നുണ്ട്. അക്കൗണ്ട് പരിശോധിച്ചതില്‍ വലിയ സാമ്പത്തിക ഇടപാടുകളൊന്നും കണ്ടെത്തിയിട്ടില്ല. മറ്റേതെങ്കിലും അക്കൗണ്ടുകള്‍ ഇയാള്‍ കൈകാര്യം ചെയ്യുന്നുണ്ടോയെന്നും പരിശോധിക്കുന്നുണ്ട് (17 ഒക്ടോബര്‍, ‘ക്വട്ടേഷന്‍ ഏറ്റെടുക്കാം…’, എബിന് പോളിന്റെ സാമൂഹിക മാധ്യമ ചാറ്റുകള്‍ കണ്ടെത്തി, മാതൃഭൂമി).
യുഎപിഎക്ക് തെളിവ് ലഭിച്ചില്ല
പ്രതിക്കെതിരേ യു.എ.പി.എ. വകുപ്പുകള്‍ ചുമത്തിയിട്ടില്ലെന്നും അതിന് തക്കതായ തെളിവുകള്‍ നിലവില്‍ ലഭിച്ചിട്ടില്ലെന്നും പോലീസ് (17 ഒക്ടോബര്‍, ‘ക്വട്ടേഷന്‍ ഏറ്റെടുക്കാം…’, എബിന് പോളിന്റെ സാമൂഹിക മാധ്യമ ചാറ്റുകള്‍ കണ്ടെത്തി, മാതൃഭൂമി).
ഫോണ്‍ വിവരങ്ങള്‍ ലഭിച്ചു
ബ്രോഡ്വേയിലെ സിനഗോഗിനു തീയിടാന് ശ്രമിച്ച കേസിലെ പ്രതി എബിന് പോളിന്റെ മൊബൈല്‍ ഫോണിലെ വിവരങ്ങള്‍ പൊലീസ് വീണ്ടെടുത്തു. പ്രതിയോടു സിനഗോഗില്‍ ആക്രമണം നടത്താന്‍ നിര്‍ദേശം നല്‍കിയ ‘ബോസ്’ എന്നു വിശേഷിപ്പിക്കുന്ന വ്യക്തിയെപ്പറ്റിയുള്ള കൂടുതല്‍ വിവരങ്ങള്‍ നിലവില്‍ ലഭ്യമായ ഡിജിറ്റല്‍ ഡേറ്റയില്‍ നിന്നു ലഭിക്കുമെന്ന പ്രതീക്ഷയിലാണു പൊലീസ്. മുവാറ്റുപുഴയിലെ കാര്‍ ഷോറൂമിനു തീയിട്ടതു പരിശീലനമെന്ന വിലയിരുത്തലിലാണ് അന്വേഷണ സംഘം (18 ഒക്ടോബര്‍, സിനഗോഗിലെ തീവയ്പ്: പ്രതിയുടെ ഫോണിലെ വിവരങ്ങള്‍ വീണ്ടെടുത്തു, മലയാള മനോരമ).
24.18 ലക്ഷ്യമിട്ടത് വന്‍സ്‌ഫോടനം: പാകിസ്ഥാനി ‘ ബോസിന്റെ നിര്‍ദ്ദേശപ്രകാരം (ഒക്ടോബര്‍ 19)
ലക്ഷ്യം വന്‍സ്‌ഫോടനമാണെന്ന് പ്രതി സമ്മതിച്ചതായി കേരളകൗമുദി. ലക്ഷ്യമിട്ടത് പാകിസ്ഥാനി ‘ ബോസിന്റെ നിര്‍ദ്ദേശപ്രകാരം ഉഗ്ര സ്‌ഫോടനം. പള്ളിവളപ്പിലേക്ക് എറിഞ്ഞ പെട്രോള് ബോംബ് അബദ്ധത്തില്‍ ഗേറ്റില്‍ തട്ടി ഫ്‌ലക്‌സിനും ബാനര്‍കള്‍ക്കും തീപിടിച്ചതാണ് (19 ഒക്ടോബര്‍, ജൂതപ്പള്ളി വളപ്പില്‍ ലക്ഷ്യമിട്ടത് വന്‍ സ്‌ഫോടനമെന്ന് എബിന്: കൈവിലങ്ങ് അഴിക്കാതെ തെളിവെടുപ്പ്. കേരളാ കൗമുദി).
യുഎപിഎ ചുമത്തിയേക്കും
സിനഗോഗിനു മുന്നിലെ തീവയ്പ്പ് കേസില്‍ പ്രതി എബിന് പോളിനെതിരേ യു.എ.പി.എ. ചുമത്തിയേക്കുമെന്ന് മംഗളം: എബിന് പോളിന്റെ പണമിടപാടുകളുടെ കൂടുതല്‍ വിവര ങ്ങള്‍ പോലീസിന് ലഭിച്ചു. മുവാറ്റുപുഴയിലെ യൂസ്ഡ് കാര്‍ഷോറും തീയിട്ടതിന് എബിന് പണം ലഭിച്ചതായാണ് കണ്ടെത്തല്‍. ആക്രമണത്തിന് നിര്‍ദേശം നല്‍കിയ ‘ബോസെ’ന്ന് വിശേഷിപ്പിക്കുന്ന വ്യക്തിയെക്കുറിച്ചുള്ള വിശദാംശങ്ങള്‍ കണ്ടെത്താന്‍ പോലീസ് അന്വേഷണം തുടങ്ങിയിട്ടുണ്ട്. മൂന്നു കേന്ദ്രങ്ങളില്‍ പരിശീലനം നടന്നു. വാളകം പഞ്ചായത്തിലെ അമ്പലം പടിയിലുള്ള ആള്‍താമസമില്ലാത്ത വീട്ടിലും കൊച്ചി – ധനുഷ്‌കോടി ദേശീയ പാതയില്‍ മേക്കടമ്പ് മൈ കാര്‍ ഷോറൂമിലും സമീപത്തുള്ള ബേക്കറിയിലുമാണ് അവ (19 ഒക്ടോബര്‍, സിനഗോഗിന് മുന്നിലെ തീവയ്പ്പ്: യു.എ.പി.എ. ചുമത്തിയേക്കും. മംഗളം).
ബിഷണോയി സംഘമെന്ന് സംശയം
പ്രതി എബിന് ലോറന്‍സ് ബിഷ്ണോയി സംഗവുമായി ബന്ധമുള്ളതായി സംശയം. ലോറന്‍സ് ബിഷ്ണോയി ഗ്രൂപ്പിന്റെ പേരിലുള്ള ടെലിഗ്രാം ഗ്രൂപ്പ് അംഗമാണ് എബിന്. ഗ്രൂപ്പിലെ ‘ബോസ്’ എന്ന ഐഡിയില്‍ നിന്നുള്ള നിര്‍ദേശ തുടര്‍ന്നാണ് സിനഗോഗിന് മുന്നില്‍ തീയിട്ടത്. ബോസ് ആരാണെന്നത് സംബന്ധിച്ച് പോലീസിന് ഇതുവരെ കണ്ടെത്താനായിട്ടില്ല. ബോസിന് ബിഷ്ണോയി സംഘവുമായി ബന്ധമുണ്ടെന്നാണ് സംശയിക്കുന്നത്. ബോസ് നല്‍കിയ നിര്‍ദേശപ്രകാരമാണ് എബിന് പോള്‍ സിനഗോഗിന് മുന്നില്‍ തീയിട്ടത്. കേസില്‍ കൂടുതല്‍ അന്വേഷണത്തിലാണ് പോലീസ് (19 ഒക്ടോബര്‍, സിനഗോഗ് തീയിട്ടതിന് പിന്നില്‍ ബിഷ്ണോയ് സംഘമോ? എബിന് പോള്‍ ‘ലോറന്‍സ് ബിഷ്ണോയി’ ഗ്രൂപ്പംഗമെന്ന് സൂചന, റിപ്പോര്‍ട്ടര്‍).
പിന്നില്‍ ബോസും വിക്രമും അതോ ബിഷ്ണോയി സംഘമോ?
എബിന് പോളിന്റെ യഥാര്‍ഥ ലക്ഷ്യം എന്നായിരുന്നുവെന്ന് ഇതുവരെ വ്യക്തമായിട്ടില്ല. തനിക്കു നിര്‍ദേശം നല്‍കിയവരുടെ പേരുകള്‍ വിക്രം എന്നും എസ്ആര്‍ എന്നും ആണെന്ന് ചോദ്യം ചെയ്യലിനിടെ എബിന് പറഞ്ഞിട്ടുണ്ട്. ബോസും എസ്ആസ്സും വിക്രമും ഒരാളാണോ എന്ന് വ്യക്തമായില്ല. രാജ്യാന്തര ബന്ധമുള്ളള്ള കേസാണെന്നു പോലീസ് കരുതുന്നു. പക്ഷേ, കൂടുതല്‍ തെളിവില്ല. ബിഷ്ണോയ് സംഘത്തെക്കുറിച്ച് പ്രതി തിരഞ്ഞിട്ടുണ്ട്. ചാറ്റുകളിലും ബിഷ്ണോയ് സംഘത്തെ പരാമര്‍ശിച്ചു (20 ഒക്ടോബര്‍, സിനഗോഗിനു തീയിട്ട കേസ്; ബോസ് ആരെന്നറിയാതെ പൊലീസ്,മലയാള മനോരമ).
പോലീസ് പൂണെയിലേക്ക്
പ്രതി എബിന് പോള്‍ ഇന്റീരിയര്‍ ഡിസൈനിങ് പഠിച്ച പുണെയിലെ സിംബയോസിസ് കല്‍പിത സര്‍വകലാശാലയിലേക്ക് പോലീസ് സംഘം അന്വേഷണത്തിനായി പോയി. പ്രതിയുടെ പശ്ചാത്തലം സംബന്ധിച്ച സമഗ്രമായ അന്വേഷണമാണ് ലക്ഷ്യമിടുന്നത് (22 ഒക്ടോബര്‍, സിനഗോഗിനു തീയിട്ട കേസ്: അന്വേഷണം പുണെയിലേക്ക്, മലയാള മനോരമ).
മൂന്ന് കേസുകള്‍
ഇയാള്‍ക്കെതിരേ മൂന്ന് കേസുകള്‍ ചുമത്തിയതായി മനോരമ: കടവു ഭാഗം സിനഗോഗിന് മുന്നില്‍ തീയിട്ട കേസ്, അമ്പലം പടിയിലെ നാരായണ മന്ദിരം വീട്ടില്‍ 2 തവണ (ജനുവരിയിലും മാര്‍ച്ചിലും ) പെട്രോള് ഒഴിച്ച് തീയിട്ട കേസ്, വാളകം മേക്കടമ്പിലെ യൂസ്ഡ് കാര്‍ ഷോറൂമില്‍ മാര്‍ച്ച് 18 നു തീയിടാന് ശ്രമിച്ച കേസ്. ഭീകരപ്രവര്‍ത്തനവുമായി ബന്ധപ്പെട്ട വകുപ്പുകള്‍ കൂടി ചുമത്താനുള്ള നീക്കത്തിലാണ് പൊലീസെന്നും വാര്‍ത്തയില്‍ പറയുന്നു (23 ഒക്ടോബര്‍, സിനഗോഗ് കേസ് : പ്രതി എബിന് എതിരെ 3 കേസ് കൂടി, മനോരമ).
പ്രതിക്കെതിരേ യുഎപിഎ
പ്രതി എബിന് പോളിനെതിരെ യുഎപിഎ ചുമത്തി. കേസ് അന്വേഷണം വൈകാതെ എന്‍ഐഎ ഏറ്റെടുക്കും. നിലവില്‍ നാല് കേസുകളിലാണ് എബിന് പോളിനെതിരെ പൊലീസ് അന്വേഷണം നടക്കുന്നതെന്ന് റിപ്പോര്‍ട്ടര്‍ (23 ഒക്ടോബര്‍, കൊച്ചിയില്‍ സിനഗോഗിന് മുന്നില്‍ തീയിട്ട സംഭവം; പ്രതി എബിന് പോളിനെതിരെ യുഎപിഎ ചുമത്തി, റിപ്പോര്‍ട്ടര്‍ ടിവി).
രാജ്യാന്തരബന്ധമെന്ന് ആഭ്യന്തര മന്ത്രി
പ്രതിക്കെതിരേ യുഎപിഎ ചുമത്തിയെന്ന് നിയമസഭയില്‍ ആഭ്യന്തര മന്ത്രി രമേശ് ചെന്നിത്തല. നിയമസഭയില്‍ ടി.ജെ. വിനോദ് എം.എല്‍.എയുടെ സബ്മിഷന് മറുപടിയായാണ് അദ്ദേഹം ഇക്കാര്യം വ്യക്തമാക്കിയത്: മറ്റാരുടെയോ പ്രേരണയെത്തുടര്‍ന്ന് സാമ്പത്തിക ലാഭം കൈപ്പറ്റി ഇന്ത്യയുടെ വിദേശരാജ്യങ്ങളുമായുള്ള നയതന്ത്രബന്ധം തകര്‍ക്കുന്നതിനും രാജ്യത്ത് താമസിക്കുന്ന വിദേശ പൗരന്മാര്‍ക്കിടയില്‍ ഭീതി സൃഷ്ടിക്കുന്നതിനുമുള്ള ലക്ഷ്യത്തോടെയാണ് ആക്രമണം നടത്തിയത്. പ്രതിക്ക് തീവ്രവാദ ബന്ധമുണ്ടെന്ന് സംശയിക്കത്തക്ക വിവരങ്ങള്‍ ലഭിച്ചതിനെത്തുടര്‍ന്ന് യു.എ.പി.എയിലെ 15, 16 വകുപ്പുകള്‍ കൂടി കേസില്‍ ഉള്‍പ്പെടുത്തി. പ്രതിയുടെ ഐക്കരനാട്ടുള്ള വീട്ടില്‍ നടത്തിയ പരിശോധനയില്‍ നിരോധിത രാസലഹരി വസ്തുക്കള്‍ കണ്ടെത്തി. പുത്തന്‍കുരിശ് പോലീസ് സ്റ്റേഷനില്‍ മറ്റൊരു കേസും രജിസ്റ്റര്‍ ചെയ്തിട്ടുണ്ട്. ക്രിപ്റ്റോകറന്സി ഇടപാടുകളും സംസ്ഥാനത്തിന് പുറത്തുനിന്ന് പ്രവര്‍ത്തിക്കുന്ന ഹാന്‍ഡ്ലര്‍മാരും ഉള്‍പ്പെട്ട വലിയ ഗൂഢാലോചനയുടെ ഭാഗമാണ് സംഭവമെന്നാണ് പോലീസ് സംശയിക്കുന്നത്. കൂടുതല്‍ ആളുകള്‍ ഉള്‍പ്പെട്ട വലിയ ഗൂഢാലോചനയുടെ സൂചനകള്‍ ഇതുവരെ നടത്തിയ അന്വേഷണത്തില്‍ ലഭിച്ചിട്ടുണ്ട്. സംസ്ഥാനത്തിന് പുറത്തുള്ള ഹാന്‍ഡ്ലര്‍മാരുടെ നിര്‍ദേശപ്രകാരമാണ് ഇയാള്‍ തീവയ്പ്പുകള്‍ നടത്തിയത്.
സാമ്പത്തികമായി മെച്ചപ്പെട്ട കുടുംബത്തില്‍നിന്നുള്ള എബിന് കുടുംബാംഗങ്ങളുമായി അകന്നുകഴിയുകയായിരുന്നു. വാടകവീട്ടില്‍ ഒറ്റയ്ക്കായിരുന്നു താമസം. പൂനെയിലെ ഒരു കോളജില്‍നിന്ന് ബിരുദം നേടിയ ഇയാള്‍ അവിടെവെച്ച് മയക്കുമരുന്നിന് അടിമയായിരുന്നു (30 ഒക്ടോബര്‍, സിനഗോഗിന് മുന്നിലെ തീവെപ്പ് കേസ്; പ്രത്യേക അന്വേഷണ സംഘം രൂപീകരിക്കും, അന്വേഷണം ഊര്‍ജിതമാക്കുമെന്ന് രമേശ് ചെന്നിത്തല, ന്യൂഇന്ത്യന്‍ എക്‌സ്പ്രസ്).
25. കൊടും ഭീകരന്‍
വാഗമണ്‍ സിമി കേസില്‍ അറസ്റ്റിലായ അബ്ദുള്‍ സുബ്ഹാന്‍ ഖുറേഷിക്ക് തടവുശിക്ഷ ലഭിച്ചതുമായി ബന്ധപ്പെട്ട് ജനം ടിവിയിലെ വാര്‍ത്ത:
വാഗമണ്‍ സിമി കേസ്, ആയുധ പരിശീലനത്തില്‍ കുറ്റം സമ്മതിച്ച് കൊടുംഭീകരന്‍ അബ്ദുള്‍ സുബ്ഹാന്‍ ഖുറേഷി, 25 വര്‍ഷം തടവുശിക്ഷ, കുറ്റം സമ്മതിച്ച ഖുറേഷിക്ക് കൊച്ചി ചകഅ കോടതി 25 വര്‍ഷം തടവുശിക്ഷ വിധിച്ചു. ശിക്ഷ ഒരുമിച്ച് അനുഭവിക്കണം (15 ഒക്ടോബര്‍, ആയുധ പരിശീലനത്തില്‍ കുറ്റം സമ്മതിച്ച് കൊടുംഭീകരന്‍ അബ്ദുള്‍ സുബ്ഹാന്‍ ഖുറേഷി, ജനം ടിവി).
26. ബംഗ്ലാദേശിലെ ഇസ്ലാം തീവ്രവാദികള്‍
ബംഗ്ലാദേശില്‍ നടന്ന ജെന്‍സി പ്രക്ഷോഭമാണ് തന്റെ ആവേശവും മാതൃകയും എന്ന നേഹ ബോറയുടെ പരാമര്‍ശം കേരളത്തിലും ചര്‍ച്ചയായി.
26.1 ഇസ്ലാമിക കലാപത്തിന് അര്‍ബന്‍ നക്‌സല്‍
ഇതേ കുറിച്ച ജനം ടി വി വാര്‍ത്തയില്‍ ഇസ്ലാമിക കലാപത്തിന് അര്‍ബന്‍ നക്‌സല്‍ ആഹ്വാം ചെയ്തു എന്നാണ് എഴുതിയിരുന്നത്.ശീര്‍ഷകം ഇങ്ങനെ: ഭാരതത്തില്‍ ബംഗ്ലാദേശ് മോഡലിന് ആഹ്വാനം ചെയ്ത് അര്‍ബന്‍ നക്‌സല്‍ നേഹ ബോറ (15 ഒക്ടോബര്‍, ജനം ടിവി).
26.2 തലയറുക്കുന്ന ഇസ്ലാമിക തീവ്രവാദികള്‍
ബംഗ്ലാദേശില്‍ നടന്ന ജെന്‍സി പ്രക്ഷോഭമാണ് എന്റെ ആവേശവും മാതൃകയും എന്ന നേഹ ബോറയുടെ പരാമര്‍ശത്തെ യുക്തിവാദി സജീവന്‍ അന്തിക്കാട് വിമര്‍ശിച്ചു. ഇതേ കുറിച്ച് സജീവന്‍ തന്റെ എഫിബി പേജില്‍ പങ്കുവച്ച കുറിപ്പില്‍നിന്ന്: ആരാണ് ബംഗ്ലാദേശില്‍ കലാപം നടത്തിയ ജെന്‍സി? ബംഗ്ലാദേശിലെ പാക് അനുകൂലികളുടെ കുത്തിത്തിരിപ്പില്‍ പെട്ട് കലാപത്തിന് ഇറങ്ങിയ ഒരു സംഘം. സ്വതന്ത്രചിന്തകരെയും ശാസ്ത്രവാദികളെയും തലയറുത്ത് കൊന്നിരുന്ന ഇസ്ലാം തീവ്രവാദികള്‍ പിന്തുണച്ചിരുന്ന ഒരു സംഘം. വരാനിരിക്കുന്ന ഇസ്ലാമിക രാഷ്ട്രത്തിന്റെ സൂചന എന്ന നിലയില്‍ തസ്ലീമ നസ്രീന്‍ എന്ന എക്‌സ് മുസ്‌ലിമായ എഴുത്തുകാരിയെ ഇന്ത്യയിലേക്ക് ഓടിച്ചവര്‍ പിന്തുണച്ച സംഘം…. ലിബറലുകള്‍ക്ക് വഴിതെറ്റിയാല്‍ കണ്ണടച്ച് തുറക്കും മുമ്പ് മതതീവ്രവാദം തല്‍സ്ഥാനം കയ്യടക്കും. ഇന്ത്യയില്‍ 2014 ല്‍ എങ്ങനെയാണോ ഒരു ഹിന്ദുമത തീവ്രവാദ പിന്തുണയുള്ള ഒരു സര്‍ക്കാര്‍ അധികാരത്തിലെത്തിയത് അതുപോലെ തന്നെയാണ് 2024 ല്‍ ഇസ്ലാമിക തീവ്രവാദ പിന്തുണയുള്ള ഒരു സര്‍ക്കാര്‍ ബംഗ്ലാദേശിലും എത്തിയത്! (16 ഒക്ടോബര്‍, ഫേസ്ബുക്ക്/ സജീവന്‍ അന്തിക്കാട്).
26.3 ജിഹാദി മനസ്സുള്ള മാവോവാദി
ജനം ടിവി നേഹ ബോറയെ ജിഹിദി മനസ്സുള്ള മാവോവാദിയെന്ന് ആക്ഷേപിച്ചു. നേഹ ഒരു മോഡലാണെന്ന് ചില സിനിമാ നടന്മാര്‍ പറഞ്ഞ സാഹചര്യത്തിലാണ് വാര്‍ത്ത തയ്യാറാക്കിയത്. നേഹയും പിതാവും തമ്മില്‍ ആത്മബന്ധമില്ലെന്ന പോയിന്റാണ് ജന്മഭൂമി ഉപയോഗപ്പെടുത്തിയത്:
”ഞാന്‍ ഇടതുപക്ഷ രാഷ്ട്രീയവുമായി ബന്ധപ്പെട്ട് പ്രവര്‍ത്തിക്കുന്നതിനാല്‍ വര്‍ഷങ്ങളായി എന്റെ അച്ഛന്‍ എന്നോട് സംസാരിച്ചിട്ടില്ല” എന്നു പറഞ്ഞിട്ടുള്ളത് നേഹ ബോറ തന്നെയാണ്. എന്തുകൊണ്ടാണ് ഉത്തരാഖണ്ഡ് സ്വദേശിയും മുന്‍ സൈനികനുമായ ഈ അച്ഛന്‍ മകളോട് മിണ്ടാത്തത്? ഈ യുവതി മറ്റുള്ളവരെ തെറ്റിദ്ധരിപ്പിക്കുന്നതുപോലെ ഇടതുപക്ഷ രാഷ്ട്രീയം പിന്‍പറ്റുന്നത് കൊണ്ടാണോ?… ഈ ചോദ്യങ്ങള്‍ക്ക് ഉത്തരം തേടുമ്പോള്‍ നേഹ ബോറ എന്ന ജിഹാദി മനസ്സുള്ള മാവോയിസ്റ്റിന്റെ ചിത്രം തെളിഞ്ഞുവരും.
ദല്‍ഹി യൂണിവേഴ്സിറ്റിയില് പഠിച്ച, ജെഎന്‍യുവില്‍ ഗവേഷണം ചെയ്യുന്ന നേഹ ഒരു കറകളഞ്ഞ മാവോയിസ്റ്റാണ്. … നീറ്റ് പരീക്ഷയുടെ പേരില്‍ പാറ്റ പാര്‍ട്ടിക്കാര്‍ ദല്‍ഹിയില്‍ നടത്തിയ സമരത്തില്‍ നേഹ പങ്കാളിയായിരുന്നു. ഈ സമരത്തിനിടയിലും നേഹയെ പോലുള്ളവര്‍ ഉയര്‍ത്തിയത് ആസാദി മുദ്രാവാക്യമാണ്. ചോദ്യപേപ്പര്‍ ചോര്‍ച്ചയും കശ്മീരിലെ ഇസ്ലാമിക ഭീകരവാദവും തമ്മില്‍ എന്താണ് ബന്ധം? വിദ്യാര്‍ഥികളുടെ പ്രശ്നങ്ങള് ഉന്നയിക്കുന്നതിന്റെ മറവില്‍ എഐഎസ്എ തങ്ങളുടെ അക്രമാസക്തവും ദേശവിരുദ്ധവുമായ അജണ്ടകള്‍ മുന്നോട്ടുവയ്ക്കുന്നു എന്നത് രഹസ്യമല്ല. വിദ്യാഭ്യാസ സമ്പ്രദായത്തിലെ പരിഷ്‌കാരങ്ങളുടെയും വിദ്യാര്‍ഥികളുടെ അവകാശങ്ങളുടെയും പ്രശ്നങ്ങളെ ഇസ്ലാമിക തീവ്രവാദികളും യുഎപിഎ കേസില്‍ പ്രതികളുമായ ഉമര്‍ ഖാലിദ്, ഷര്‍ജീല്‍ ഇമാം എന്നിവരുമായി ബന്ധപ്പെടുത്തിയാണ് നേഹ മാധ്യമങ്ങളോട് സംസാരിച്ചത്…. കശ്മീരിലെ പഹല്‍ഗാമില്‍ പാക് ഇസ്ലാമിക ഭീകരര്‍ മതം നോക്കി നിരപരാധികളെ വെടിവച്ചു കൊന്നപ്പോള്‍ അതിനെ അപലപിക്കാനോ ഇരകള്‍ക്ക് ആദരാഞ്ജലി അര്‍പ്പിക്കാനോ, ഓപ്പറേഷന്‍ സിന്ദൂര്‍ എന്നു പേരിട്ട് പാകിസ്ഥാന് തിരിച്ചടി നല്‍കിയ ഭാരത സൈന്യത്തോട് ഐക്യം പ്രഖ്യാപിക്കാനോ നേഹ തയ്യാറായില്ല. പാകിസ്ഥാന് തിരിച്ചടിച്ചാല്‍ കൊല്ലപ്പെടാവുന്ന നിരപരാധികളെക്കുറിച്ചായിരുന്നു ഈ യുവതിയുടെ ആശങ്ക! (16 ഒക്ടോബര്‍, നേഹ ബോറയെ അറിയാത്ത മാതാപിതാക്കളോട്, ജന്മഭൂമി).
27. മുസ്ലിം സംവരണം പരിശോധിക്കണം
മതംമാറിയവര്‍ക്ക് സംവരണത്തിന് അനുമതിയില്ല എന്ന സുപ്രീംകോടതിയുടെ ശരിവെച്ചതില്‍ രാജീവ് ചന്ദ്രശേഖറിന്റെ ഫേസ്ബുക്ക് പോസ്റ്റ്: പിന്നാക്ക ഹിന്ദു സമൂഹങ്ങള്‍ക്ക് ഭരണഘടനാപരമായി ഉറപ്പുനല്‍കിയിരുന്ന പട്ടികജാതി, ഇതര പിന്നാക്ക വിഭാഗ സംവരണങ്ങള്‍ കഴിഞ്ഞ കുറച്ചുകാലമായി ന്യൂനപക്ഷ പ്രീണനത്തിനുള്ള ആയുധങ്ങളായി ദുരുപയോഗം ചെയ്യപ്പെടുകയായിരുന്നു. കേരളത്തിലുള്‍പ്പെടെ രാജ്യത്തുടനീളമുള്ള പട്ടികജാതി വിഭാഗങ്ങളുടെ അവകാശങ്ങള് സംരക്ഷിക്കുന്നതില്‍ ഇത് വളരെ പ്രധാനപ്പെട്ട ഒരു ചുവടുവയ്പ്പാണ്. വികസന-അവസര സൂചികകളില്‍ കേരളത്തിലെ പട്ടികജാതിക്കാര്‍ ഇപ്പോഴും ഏറെ പിന്നിലാണ് എന്നത് ഒരു യാഥാര്‍ത്ഥ്യമാണ്. കേരളത്തിലെ ഒ.ബി.സി വിഭാഗത്തില്‍ ഉള്‍പ്പെടുത്തിയിട്ടുള്ള മുസ്ലിം സംവരണത്തെക്കുറിച്ച് വസ്തുതാപരമായ ഒരു പുനഃപരിശോധന അടിയന്തരമായി ആവശ്യമാണ്. പിന്നാക്കാവസ്ഥയിലുള്ളവര്‍ക്ക് മാത്രം അര്‍ഹതപ്പെട്ട ഈ ആനുകൂല്യം, ഇന്ന് കേരളത്തില്‍ എല്ലാ മുസ്‌ലിംകള്‍ക്കും ലഭ്യമാകുന്ന തരത്തിലേക്ക് മാറിയിരിക്കുകയാണ്. ഇത് യഥാര്‍ത്ഥ ഒ.ബി.സി വിഭാഗങ്ങളുടെ അവകാശങ്ങളാണ് കവര്‍ന്നെടുക്കുന്നത്. സാമൂഹിക നീതി എന്നത് യഥാര്‍ത്ഥ നീതിയായിരിക്കണം. അതിന് അര്‍ഹതയുള്ളവര്‍ക്ക് വേണം അത് ആദ്യം ലഭിക്കേണ്ടത് (15 ഒക്ടോബര്‍, ഫേസ്ബുക്ക്/ രാജീവ് ചന്ദ്രശേഖര്‍).
28. സിജെപി സമരം ഹൈജാക്ക് ചെയ്യുന്ന എട്ടുകാലി മമ്മൂഞ്ഞുമാര്‍
ഡല്‍ഹിയില്‍ നടക്കുന്ന സിജെപി സമരത്തെ കുറിച്ച് റിപ്പോര്‍ട്ടര്‍ ടി വി മാധ്യമപ്രവര്‍ത്തകന്‍ ആദില്‍ പാലോട് ഫേസ്ബുക്കില്‍ പങ്കുവെച്ച പോസ്റ്റില്‍ മുസ്ലിം വിദ്യാര്‍ത്ഥി സംഘടനകളിലെ പോരാളികളെ എട്ടകാലി മമ്മൂഞ്ഞുമാര്‍ എന്ന് ആക്ഷേപിച്ചു:
ദില്ലിയിലെ എട്ടുകാലി മമ്മൂഞ്ഞുമാരെ കുറിച്ചാണ്. മോദി സര്‍ക്കാരിനെതിരായ ഒരു സമരത്തെയും ഇകഴ്ത്തിക്കാട്ടാന്‍ ഉദ്ദേശ്യമില്ല. ചിലര്‍ക്ക് വിഷമം തോന്നാം, എന്നാല്‍ പറയാതെ തരമില്ല. രണ്ടാഴ്ചയിലേറെയായി ദില്ലി സമരമുഖരിതമാണ്. ഇടവേളയില്ലാതെ ഓരോ സമരവും സംഘര്‍ഷവും റിപ്പോര്‍ട്ട് ചെയ്യുകയാണ് ഞങ്ങള്‍. മാധ്യമങ്ങള്‍ക്ക് പോലും പരിചിതരല്ലാത്ത ചില മുഖങ്ങളെ സമരത്തിന്റെ അടയാളമാക്കി മാറ്റാനുള്ള ശ്രമം, രാവ് പകലാക്കി തെരുവില്‍ കഴിയുന്നവരോടുള്ള ക്രൂരതയാണ്. ഈ ശ്രമം ആകസ്മികമോ, അപൂര്‍വ്വമോ അല്ല. പതിവ് തന്ത്രം മാത്രം!
റിപ്പോര്‍ട്ടര്‍മാര്‍ ലൈവ് തുടങ്ങുന്ന സമയം നോക്കി സ്‌ക്രീന്‍ സ്‌പേസ് കവര്‍ന്നെടുക്കാന്‍ ഉത്സാഹിക്കുന്ന ഒരു സംഘത്തെ നേരില്‍ കണ്ടു കഴിഞ്ഞ ദിവസം. പ്രതിപക്ഷത്തിന്റെ സുപ്രീം കോടതി മാര്‍ച്ചിനിടെ മുദ്രാവാക്യത്തിന് നേരെ മൈക്ക് നീട്ടിയപ്പോള്‍ അടുത്തേക്ക് വന്ന് പ്രസംഗിച്ചു തുടങ്ങി അക്കൂട്ടത്തിലെ ഒരു അല്‍പേഷ്. ഒടുവില്‍ മൈക്ക് വലിക്കേണ്ടി വന്നു. തെരുവിലെ സമരമല്ല, ക്യാമറ പ്രസന്‍സ് മാത്രം ആഗ്രഹിക്കുന്ന ഒരു സംഘം ദില്ലി യില്‍ കറങ്ങി നടക്കുന്നുണ്ട്. അതെ, മതമൗലിക സംഘം തന്നെ. വെറും ഇത്തിള്‍കണ്ണികള്‍. എന്നിട്ടോ നേഹയ്ക്കും ഐഷി ഘോഷിനുമൊപ്പം പേര് ചേര്‍ത്ത് വെക്കുന്നു. ഒന്നേ പറയാനുള്ളു. അല്പം ഉളുപ്പ് ആകാം (16 ഒക്ടോബര്‍, ഫേസ്ബുക്ക്/ ആദില്‍ പാലോട്).
ഈ ഫേസ്ബുക്ക് പോസ്റ്റിന് ശേഷം ആദില്‍ പാലോട് തന്നെ കമന്റായി ഇങ്ങനെ എഴുതി ചേര്‍ക്കുന്നു: ‘ജോണ്‍ ബ്രിട്ടാസും, എഎ റഹീമും, നേഹയും, ഐഷിയും, ഉദയ് ഭാനു ചിബ്ബും റോഡില്‍ അടികൊണ്ട് വീഴുമ്പോഴാണ് അവന്മാരുടെ ഒരു വൈഫൈ യും മഹ്ദി യും ഒഞ്ഞ് പോടെ’
28.1 നുഴഞ്ഞ്കയറ്റക്കാരും ഫ്രോഡുകളും അല്പന്മാരും
ഇതേ വിദ്യാര്‍ത്ഥികളെക്കുറിച്ച് മാധ്യമപ്രവര്‍ത്തകന്‍ ശ്രീജിത്ത് ദിവാകരനും എഴുതി. ഇടതുപക്ഷവും കോണ്‍ഗ്രസും സിജെപിയും ഈ സമരത്തില്‍ എത്രമാത്രം നിര്‍ണായകമാണെന്നായിരുന്നു പോസ്റ്റിന്റെ വിഷയം. അതിലെ ഒരു ഖണ്ഡിക താഴെ നല്‍കുന്നു: നേഹയും ഓയ്ഷിയും വാര്‍ത്തകളില്‍ നിറഞ്ഞതോടെ എല്ലാവര്‍ക്കും തങ്ങളുടെ ഐകണ്‍സ് വേണമെന്നുണ്ട്. അതൊന്നും ലാര്‍ജര്‍ ശ്രമങ്ങളെ ബാധിക്കേണ്ട കാര്യമില്ല. ഇന്ത്യന്‍ സ്വാതന്ത്ര്യസമരം മുതല്‍ ലോകത്തുള്ള ഏത് മുന്നേറ്റങ്ങളിലും നുഴഞ്ഞ് കയറ്റക്കാരും ഫ്രോഡുകളും അല്പന്മാരും എല്ലാം ഉണ്ടായിരുന്നു. പക്ഷേ അവരുടെ അജണ്ടകളിലൊന്നും വീഴാതെ പോരാടി മുന്നേറിയാണ് എല്ലാസമരങ്ങളും വിജയിച്ചിട്ടുള്ളത്. അഥവാ ഈ സമരം ഒരു ആശയവിഭാഗവും ഒറ്റയ്ക്ക് ചെയ്യുന്നതല്ല. ഇത് ഫാഷിസം ഇന്ത്യയില്‍ വേണ്ട എന്ന് ആശിക്കുന്നവരുടെ പോരാട്ടമാണ്. ഇതില്‍ പണിയെടുക്കുന്ന മനുഷ്യരെ നെഗേറ്റ് ചെയ്യാന്‍ ശ്രമിക്കുന്ന സംഘപരിവാരിന്റെ ഒറ്റുകാരുടെ ഭാഗമല്ല നമ്മള്‍. ഇത് ജനാധിപത്യ വിശ്വാസികളുടെ സമരമാണ്. ഇതില്‍ പരസ്പരം എതിര്‍ക്കുന്ന പലരും ഉണ്ട്. പക്ഷേ ഒറ്റ ലക്ഷ്യമാണ്. ഫാഷിസം തകരണം. ഗോദി മീഡിയ തകരണം (16 ഒക്ടോബര്‍, ഫേസ്ബുക്ക്/ ശ്രീജിത്ത് ദിവാകരന്‍).
ഇത് മാധ്യമപ്രവര്‍ത്തനമല്ല
മാധ്യമപ്രവര്‍ത്തകന്‍ അസ്ഹ് കയ്യാലകത്ത് ഇതിന് മറുപടി പറഞ്ഞു. സമരത്തില്‍ പങ്കെടുക്കുന്നവരുടെ പേരുകള്‍ വക്രീകരിച്ചു വിളിക്കുന്നതും, അവരെ ഫ്രോഡുകളെന്നും മമ്മൂഞ്ഞുമാരെന്നും വിളിക്കുന്നതും നോക്കുകൂലികാരെന്നു അധിക്ഷേപിക്കുന്നതും ആരായാലും (അത് അഴിമുഖം എഡിറ്റര്‍ ശ്രീജിത്തായാലും റിപ്പോര്‍ട്ടറിലെ റിപ്പോര്‍ട്ടര്‍ ആദിലായാലും മാധ്യമത്തിലെ സൈഫുദ്ധീനായാലും) ചെയ്യുന്നത് ഒറ്റുകാരുടെ പണിയാണ്. എന്തായാലും മാധ്യമപ്രവര്‍ത്തനമല്ല. അദ്ദേഹം തുടരുന്നു:
ആരൊക്കെയാണ് നിങ്ങള്‍ക്ക് നേതാക്കള്‍? ആരുടെ മുദ്രാവാക്യങ്ങള്‍ക്കാണ് നിങ്ങള്‍ മാര്‍ക്കിടുന്നത്? ആരുടെ നേര്‍ക്കാണ് നിങ്ങള്‍ മൈക്ക് നീട്ടുക? ആര്‍ക്ക് മുന്നില്‍ നിന്നാണ് നിങ്ങള്‍ മൈക്ക് വലിച്ചുകളയുക. രണ്ട് ദിവസം മുമ്പ് ഡല്‍ഹി യൂനിവേഴ്സിറ്റി ബാഫഖി സ്റ്റഡി സര്‍ക്കിളിന്റെ ഉത്തരവാദിത്തമുള്ള റിയാന എന്ന വിദ്യാര്‍ത്ഥിനിയോട് സംസാരിച്ചിരുന്നു. അന്താരാഷ്ട്ര മാധ്യമങ്ങള്‍ അവളെ ഡല്‍ഹി പോലീസ് വലിച്ചിഴക്കുന്ന ചിത്രങ്ങള്‍ പ്രസിദ്ധീകരിച്ചത് കണ്ടിട്ടാണ് സംസാരിച്ചത്…. റിയാന ഉള്‍പ്പടെയുള്ളവരെ നിങ്ങള്‍ക്ക് ഇനിയും പരിഹസിക്കാന്‍ പറ്റുന്നുണ്ടെങ്കില്‍ നിങ്ങളുടെ സ്ഥാനം ഇന്നലെ പ്രസ്സ് ക്ലബില്‍ കണ്ട ആ കുത്തിത്തിരുപ്പ് മാധ്യമപ്രവര്‍ത്തകരുടെ കൂടെയാണ് (16 ഒക്ടോബര്‍, ഫേസ്ബുക്ക്/ അസ്ഹ് കയ്യാലകത്ത്).
28.2 മൗദൂദിണികള്‍ ഇപ്പൊ എവിടെ?
സി.എ.എ സമരകാലത്തെ മൗദൂദി പ്രസ്ഥാനങ്ങളുടെ ഇടപെടലുകളെയും നിലവിലെ രാഷ്ട്രീയ സാഹചര്യങ്ങളെയും വിമര്‍ശിച്ചുകൊണ്ട് ശങ്കര്‍ ദാസ് പങ്കുവെച്ച ഫേസ്ബുക്ക് കുറിപ്പില്‍നിന്ന്: സിഎഎ സമരകാലത്ത് അത് ഹൈജാക്ക് ചെയ്ത് മത പ്രശ്‌നം മാത്രം ആക്കി എടുക്കാന്‍ മുന്‍ നിരയില്‍ ഉണ്ടായിരുന്ന ഈ മൗദൂദിണികള്‍ ഇപ്പൊ എവിടെ ആണ്? ഡല്‍ഹി പോലീസ് എന്ന കൊടും ക്രിമിനലുകള്‍ അപ്പുറം ഉണ്ടായിരുന്നത് കൊണ്ട് ഇവര്‍ക്ക് ആ സമയത്ത് നല്ല പിന്തുണയും കിട്ടിയിരുന്നു. ഇടക്ക് കേരളത്തില്‍ ഇടതുപക്ഷത്തിന് എതിരായി ഇറങ്ങിയത് കണ്ടിരുന്നു. ഹൈദരാബാദില്‍ ഒവൈസിയുടെ കൂടെയും കണ്ടിരുന്നു. പിന്നെ ഒരു വിവരവും ഇല്ലല്ലോ? (21 ഒക്ടോബര്‍, ഫേസ്ബുക്ക്/ ശങ്കര്‍ ദാസ്).
29. ഷാജന്‍ സ്കറിയയുടെ വീട്ടില്‍ സന്ദര്‍ശനം
വിദ്വേഷ പരാമര്‍ശങ്ങള്‍ക്കൊണ്ട് കുപ്രസിദ്ധി നേടിയ ചാനലായ മറുനാടന്‍ മലയാളിയുടെ ചീഫ് എഡിറ്റര്‍ ഷാജന്‍ സ്കറിയയുടെ പിതാവ് കെ.ടി സ്‌കറിയ അന്തരിച്ചു. അദ്ദേഹത്തിന് അന്ത്യാഞ്ജലി അര്‍പ്പിക്കാനായി കേരള മന്ത്രിസഭയിലെ മുഖ്യമന്ത്രി അടക്കം 13 മന്ത്രിമാരും എംപിമാരും അദ്ദേഹത്തിന്റെ വീട് സന്ദര്‍ശിച്ചു. സിപിഎമ്മിന്റെ ജില്ലാ സെക്രട്ടറി, സിപിഐയില്‍ നിന്നുള്ള മുന്‍മന്ത്രി എന്നിവരും സന്ദര്‍ശിച്ചു (22 ഒക്ടോബര്‍, നൊകാപ്പ്, ഫേസ്ബുക്ക് കാര്‍ഡ്).
ഷാജന്‍ സ്‌കറിയ നല്‍കിയ പട്ടിക: മുഖ്യമന്ത്രി വി.ഡി സതീശന്, റവന്യൂമന്ത്രി പി.കെ അനില്‍ കുമാർ, വൈദ്യുതി മന്ത്രി സണ്ണി ജോസഫ്, ഗതാഗത മന്ത്രി സി.പി ജോണ്‍, എക്‌സൈസ് മന്ത്രി എം ലിജു, സാംസ്‌കാരിക വകുപ്പ് മന്ത്രി പി.സി വിഷ്ണുനാഥ്, ജലസേചന വകുപ്പ് മന്ത്രി മോന്‍സ് ജോസഫ്, വനംവകുപ്പ് മന്ത്രി് ഷിബു ബേബി ജോണ്‍, സ്പീക്കര്‍ തിരിവഞ്ചൂര്‍ രാധാകൃഷ്ണന്‍, സിപിഐഎം പത്തനംതിട്ട ജില്ലാ സെക്രട്ടറി രാജു അബ്രഹാം, റാന്നി എംഎല്‍എ പഴകുളം മധു, മന്ത്രി അനൂപ് ജേക്കബ്, മന്ത്രി കെ മുരളീധരന്‍, മന്ത്രി ബിന്ദു കൃഷ്ണന്‍, എം.പി ജോസ് കെ മാണി, എം.പി കൊടിക്കുന്നില്‍ സുരേഷ്, എം.പി ആന്റോ ആന്റണി, കേരള കോണ്‍ഗ്രസ് എംഎല്‍എമാരായിരുന്ന സെബാസ്റ്റ്യന്‍ കുളത്തുങ്കല്‍, പ്രമോദ് നാരായണൻ, ഫ്രാന്‍സിസ് ജോര്‍ജ്, എം.ജെ സെബാസ്റ്റ്യന്‍, അബിന്‍ വര്‍ക്കി എം.എൽ.എ, കെ.എസ് ശബരിനാഥൻ, വി മുരളീധരന്‍, ശോഭാ സുരേന്ദ്രന്‍, ഷോണ്‍ ജോര്‍ജ്, സിപിഐ നേതാവ് പി പ്രസാദ്, രാഹുല്‍ മാങ്കൂട്ടത്തില്‍, എല്‍ദോസ് കുന്നപ്പള്ളി (21 ഒക്ടോബര്‍, സതീശന് മുതല്‍ ശോഭാ സുരേന്ദ്രന്‍ വരെ… സംഭവിച്ചത് ഇങ്ങനെ, മറുനാടന്‍ മലയാളി).
29.1 സത്യത്തിന്റെ അംഗീകാരം
മന്ത്രിമാരുടെ കൂട്ടത്തോടുള്ള സന്ദര്‍ശനം വിവാദമായപ്പോള്‍ അത് സത്യത്തിന്റെ അംഗീകാരമായി കാണാനാണ് താന്‍ ഇഷ്ടപ്പെടുന്നതെന്ന് ഷാജന്‍ ഫേസ്ബുക്കില്‍ എഴുതി: സാധാരണക്കാരനായ ഒരു മനുഷ്യന്‍ ആയിരുന്നു ഞങ്ങളുടെ പിതാവ്. 91 വര്‍ഷം ജീവിച്ച് മരിച്ച അപ്പന് ഞങ്ങള്‍ സന്തോഷത്തോടെയാണ് യാത്ര അയപ്പ് നല്‍കിയത്. കാഴ്ച്ചയും കേള്‍വിയും നഷ്ടപ്പെട്ട പിതാവ് ഏറെ കഷ്ടപ്പെടാതെ കടന്ന് പോയതില്‍ സന്തോഷിക്കണ്ടേ? ഏഴ് മക്കളും ഒപ്പം നിന്നാണ് യാത്ര അയപ്പ് നല്‍കിയത്. മുഖ്യമന്ത്രി അടക്കം 12 മന്ത്രിമാര്‍, സ്പീക്കര്‍, അനേകം എംഎല്‍എമാര്‍, എംപിമാര്‍, നേതാക്കള്‍, ഏഷ്യാനെറ്റ് പ്രസിഡന്റ് ആയിരുന്ന മാധവന്‍, മുരളിയ മുരളീധരന്‍, രവി ഡിസി, കിറ്റക്‌സ് ബോബി, ജോസ് പട്ടാറ തുടങ്ങിയ അനേകം ബിസിനെസ്സ് പ്രമുഖര്‍ തുടങ്ങിയവരും എനിക്ക് ഒരു പരിചയവും ഇല്ലാത്ത അനേകം സാധാരണ മനുഷ്യരും അച്ചാച്ചന് അന്ത്യാഞ്ജലി അര്‍പ്പിക്കാന്‍ എത്തിയത് സത്യത്തിനുള്ള അംഗീകാരമായി കരുതാന്‍ ആണെനിക്കി (20 നവംബര്‍, ഫേസ്ബുക്ക്/ ഷാജന്‍ സ്‌കറിയ; 22 ഒക്ടോബര്‍, നൊകാപ്പ്, ഫേസ്ബുക്ക് കാര്‍ഡ്).
29.2 മാതാപിതാക്കളുടെ ഗുണം
ഷാജനെ ന്യായീകരിച്ചുകൊണ്ട് ക്രിസ്ത്യന്‍ ഡിഫന്‍ഡേഴ്‌സ് എഫ്ബി പേജ്:
ഷാജന്‍ സ്കറിയയുടെ പിതാവിന്റെ മരണ വാര്‍ത്തക്ക് അടിയില്‍ വന്നു മോശം കമന്റ് ഇട്ട ചുരുക്കം ചിലര്‍ സംസ്‌കാരം ഇല്ലാത്ത മാതാപിതാക്കള്‍ക്ക് ജനിച്ച ഗുണം ആണ് കാണിച്ചത്. ഷാജന്‍ സ്‌കറിയ പറയുന്ന അപ്രിയ സത്യങ്ങള്‍ ഹിന്ദു ക്രിസ്ത്യന്‍ സമൂഹങ്ങളില്‍ സ്വാധീനം ചെലുത്തുന്നുണ്ട് എന്നത് മനസ്സിലാകുന്ന കൊണ്ടാണ് വിവിധ രാഷ്ട്രീയ നേതാക്കള്‍ ഷാ ജന് വില കല്‍പ്പിക്കുന്നത് .ഈ പറഞ്ഞ കോണ്‍ഗ്രസ് നേതാക്കള്‍ക്ക് ഒന്നും മലപ്പുറത്ത് വന്നു മുസ്ലിം ലീഗിന്റെ സീറ്റില്‍ മത്സരിക്കാന്‍ കഴിയില്ലല്ലോ. അപ്പോള്‍ അവര്‍ പ്രവര്‍ത്തിക്കുന്ന നാട്ടിലെ സാഹചര്യം അനുസരിച്ച് രാഷ്ട്രീയ പ്രവര്‍ത്തനം നടത്തട്ടെ… (22 ഒക്ടോബര്‍, ഫേസ്ബുക്ക്/ ക്രിസ്ത്യന്‍ ഡിഫന്‍ഡേഴ്‌സ്).
29.3 വര്‍ഗീയപ്രസ്താവന ചൂണ്ടിക്കാട്ടാമോ?
വിവാദം കനത്തപ്പോള്‍ താന്‍ പറഞ്ഞ ഒരു വര്‍ഗീയ പ്രസ്താവന ചൂണ്ടിക്കാട്ടാമോ എന്ന് അദ്ദേഹം ചോദിച്ചു (25 ഒക്ടോബര്‍, നൊകാപ്പ്). സുദേഷ് എം രഘുവും ഇസ്‌ലാമോഫോബിയ റിസര്‍ച്ച് കളക്റ്റീവും വെല്ലുവിളി ഏറ്റെടുക്കുകയും പ്രസ്താവനകള്‍ ക്രോഡീകരിച്ച് സമര്‍പ്പിക്കുകയും ചെയ്തു.
ഇതാ മറുനാടന്റെ മുസ്ലിം വിരുദ്ധതയുടെ തെളിവ് എന്ന ശീര്‍ഷകത്തില്‍ മറുനാടന്‍ ഒരു മറുപടി വീഡിയോ ചെയ്തു. സുദേഷ് എം രഘു അദ്ദേഹത്തിന്റെ പോസ്റ്റില്‍ വിദ്വേഷപരാമര്‍ശങ്ങളുടെ ഒരു പട്ടിക നിരത്തയതിനോടുള്ള പ്രതികരണമായാണ് വീഡിയോ ചെയ്തിരിക്കുന്നത്. താന്‍ പറഞ്ഞതൊന്നും ഇസ്‌ലാമോഫോബിയ അല്ല എന്നാണ് ഷാജന്‍ ആ വീഡിയോയില്‍ അഭിപ്രായപ്പെട്ടത് (30 ഒക്ടോബര്‍, ഇതാ മറുനാടന്റെ മുസ്ലിം വിരുദ്ധതയുടെ തെളിവ്, മറുനാടന്‍ മലയാളി).
ഷാജന്‍ സ്കറിയയുടെ മറുപടി
തിരുവനന്തപുരം വിമാനത്താവളം വഴി യൂസുഫലി അനധികൃതമായി സ്വര്‍ണം കടത്തിയെന്ന ആരോപണം 2020 നവംബറിലാണ് ഷാജന്‍ സ്‌കറിയ ഉന്നയിച്ചത്. ഇതിനെതിരേ യൂസുഫലി എറണാകുളം സബ് കോടതിയില്‍ അപകീര്‍ത്തിക്കേസ് ഫയല്‍ ചെയ്തു. അടിസ്ഥാനരഹിതമായ വാര്‍ത്തകളിലൂടെ യൂസഫലിയെ അപകീര്‍ത്തിപ്പെടുത്താന്‍ ഉദ്ദേശ്യമില്ലെന്നും ഷാജന്‍ സ്‌കറിയ പുതിയ വീഡിയോയിലൂടെ വ്യക്തമാക്കി (31 ഒക്ടോബര്‍, തിരുവനന്തപുരം വിമാനത്താവളം വഴി സ്വര്‍ണം കടത്തിയെന്ന ആരോപണം; നിയമനടപടി ആരംഭിച്ചതിന് പിന്നാലെ യുസുഫലിയോട് മാപ്പ് പറഞ്ഞ് ഷാജന്‍ സ്‌കറിയ, മറുനാടന്‍ മലയാളി). എന്നാല്‍ താന്‍ മാപ്പ് പറഞ്ഞിട്ടില്ലെന്ന് അവകാശപ്പെട്ട് വരും ദിവസങ്ങളില്‍ വീഡിയോ ചെയ്തു.
29.4 എക്‌സ് ആന്റ് വൈ ലേണിങ്ങിനെതിരെ
ഷാജന്‍ സ്കറിയയുടെ വിദ്വേഷപരാമര്‍ശം ചര്‍ച്ചയായപ്പോള്‍ അതില്‍ നേരിട്ട് ഇടപെട്ടത് അബ്ദുല്ല ബാസില്‍ സിപി, നാസറുദ്ദീ്ന്‍ മണ്ണാര്ക്കാട്, സുദേഷ് എം രഘു എന്നവരാണ്. അതില്‍ അബ്ദുല്ല ബാസില്‍ സിപി ഒരുഡോക്ടറും എക്‌സ് ആന്റ് വൈ ലേണിങ്ങ് എന്ന സ്ഥാപനത്തില്‍ അധ്യപകനുമാണ്. ബാസില്‍ ജോലി ചെയ്യുന്ന സ്ഥാപനത്തിനെതിരേയും മറുനാടന്‍ വീഡിയോ ചെയ്തു: ഈ അബ്ദുല്‍ ബാസിലിനെ നമുക്കറിയാം. അപര്‍ണ കുറുപ്പ് ഒരു ചാനല്‍ ചര്‍ച്ചയില്‍ ഒരു അബദ്ധം പറഞ്ഞപ്പോള്‍ അതിന്റെ പേരില്‍ ബഹളം വയ്ക്കുകയും വര്‍ഗീയ വിഷം അഴിച്ചുവിട്ട് കുഴപ്പം ഉണ്ടാക്കുകയും ചെയ്ത ആളാണ്. എക്‌സ് ആന്‍ഡ് വൈ എന്ന പേരില്‍ ഒരു ലേണിങ് സെന്റര്‍ തുടങ്ങി ആണ്‍കുട്ടികളെയും പെണ്‍കുട്ടികളെയും മതില്‍കെട്ട് വേര്‍തിരിച്ചു നിര്‍ത്തി പൊതുവിദ്യാഭ്യാസത്തിലെ മതേതരത്വം മാറ്റിവെച്ച് ഇസ്ലാമിക രീതിയില്‍ കുട്ടികളുടെ മനസ്സിലേക്ക് വിദ്യാഭ്യാസം നല്‍കാന്‍ ശ്രമിക്കുന്ന വ്യക്തി… (26 ഒക്ടോബര്‍, ‘മറുനാടനെ കൊണ്ട് പൊറുതി മുട്ടി; കിളി പറന്ന് മൗദൂദികള്‍’, മറുനാടന്‍ മലയാളി).
ഷാജനെതിരേ ചന്ദ്രിക
സമൂഹത്തില്‍ നിരന്തരം വിദ്വേഷം നിറയ്ക്കുന്ന യൂട്യൂബര്‍ ഷാജന്‍ സക്‌റിയയുടെ വസതി സന്ദര്‍ശിച്ച മുഖ്യമന്ത്രിയടക്കമുള്ള കോണ്‍ഗ്രസ് മന്ത്രിമാരുടെയും സ്പീക്കറുടെയും നടപടിക്കെതിരെ ചന്ദ്രിക ഓണ്‍ലൈന്‍. ‘വിദ്വേഷം ചീറ്റി മറുനാടന്‍ മലയാളി’ എന്ന പേരിലായിരുന്നു വാര്‍ത്ത. കേരള മനസാക്ഷിയെ ഞെട്ടിച്ച രണ്ട് വാഹനാപകടങ്ങളുടെ പശ്ചാത്തലത്തില്‍ ‘മറുനാടന്‍ മലയാളി’ ചാനലും ഷാജന്‍ സ്‌കറിയയും സ്വീകരിച്ച സമീപനത്തിന്റെ പശ്ചാത്തലത്തിലായിരുന്നു ചന്ദ്രികയുടെ വിമര്‍ശനം:
നെടുമ്പാശ്ശേരി അപകട വാര്‍ത്ത കൈകാര്യം ചെയ്തുകൊണ്ട് ‘പിള്ളേരെ മനഃപൂര്‍വം കൊന്നതാണ്, ഇവന്റെ ഉമ്മയെയും അകത്താക്കണം’ എന്നായിരുന്നു വീഡിയോക്ക് കൊടുത്ത തലക്കെട്ട്. അതേസമയം ചേരാനല്ലൂര്‍ അപകടത്തില്‍ കൊടുത്തതാകട്ടെ തല തെറിച്ച പിള്ളേര് ചെയ്യുന്നതിന് അപ്പന് എന്ത് പിഴച്ചു എന്നായിരുന്നു. മറുനാടന്‍ വീഡിയോകള്‍ വിദ്വേഷം വമിപ്പിക്കുന്നതാണെന്ന വിമര്‍ശനം നേരത്തെ തന്നെയുണ്ട്. ദുരന്തങ്ങളുടെ ആഘാതത്തില്‍ കഴിയുന്ന കുടുംബങ്ങളെ പോലും അങ്ങേയറ്റം അപമാനിക്കുന്ന രീതിയിലുള്ള വാര്‍ത്താ അവതരണമാണ് ഇവര്‍ നടത്തുന്നതെന്ന ഗുരുതരമായ ആരോപണമാണ് ഉയര്‍ന്നു വന്നിരിക്കുന്നത്. ഒരു അപകടത്തിന്റെ പേരില്‍ കുടുംബാംഗങ്ങളെയും അമ്മമാരെയും ലക്ഷ്യമിട്ടുള്ള ഇത്തരം ആക്രോശങ്ങള്‍ മാധ്യമധാര്‍മ്മികതയുടെ എല്ലാ സീമകളും ലംഘിക്കുന്നതാണ്. ഒരേ മാധ്യമം തന്നെ രണ്ട് വ്യത്യസ്ത സംഭവങ്ങളില്‍ രണ്ട് അളവുകോലുകള്‍ പ്രയോഗിക്കുകയും, സ്വാധീനമുള്ള വ്യക്തികളുടെ കാര്യത്തില്‍ സംരക്ഷണാത്മകമായ നിലപാട് സ്വീകരിക്കുകയും ചെയ്യുമ്പോള്‍, അവിടെ യഥാര്‍ത്ഥത്തില്‍ നടക്കുന്നത് വിദ്വേഷ പ്രചാരണവും വ്യക്തിപരമായ അജണ്ടകളാണെന്ന് വ്യക്തമാവുന്നുണ്ട്. സമൂഹത്തില്‍ വര്‍ഗീയ ചേരിതിരിവുകളും വിദ്വേഷവും വളര്‍ത്തുന്ന രീതിയില്‍ വാര്‍ത്തകളെ വളച്ചൊടിക്കുക എന്നത് മറുനാടന്‍ മലയാളിയുടെ സ്ഥിരം ശൈലിയായി മാറിയിരിക്കുകയാണ്. ദുരന്തങ്ങളെ പോലും സ്വന്തം താല്‍പ്പര്യങ്ങള്‍ക്കും റേറ്റിങ്ങിനും വേണ്ടി ഉപയോഗപ്പെടുത്തുന്ന ഇത്തരം വ്യാജ മാധ്യമപ്രവര്‍ത്തനത്തിനെതിരെ കേരളീയ സമൂഹം ജാഗ്രത പാലിക്കേണ്ടതുണ്ട്. ഇതിനെതിരെ ശക്തമായ നിയമനടപടികള്‍ ഉണ്ടാകണം (28 ഒക്ടോബര്‍, കോണ്‍ഗ്രസ് മന്ത്രിമാരും സ്പീക്കറും ഷാജന്‍ സ്കറിയയുടെ വീട്ടില്‍; വിഷം ചീറ്റുന്ന യൂട്യൂബറെന്ന് ലീഗ് മുഖപത്രം, മീഡിയാവണ്‍; 29ഒക്ടോബര്‍, ഫേസ്ബുക്ക്/ ചന്ദ്രിക ഡെയ്‌ലി).
വിമര്‍ശനവുമായി യൂത്ത് ലീഗ് നേതാവ്
വിവാദ യൂട്യൂബര്‍ ഷാജന്‍ സ്‌കറിയയെ മുഖ്യമന്ത്രിയും മന്ത്രിമാരും വീട്ടിലെത്തി സന്ദര്‍ശിച്ചതിനെ വിമര്‍ശിച്ച് മുസ്ലിം ലീഗ് കോഴിക്കോട് ജില്ലാ സെക്രട്ടറി പി.കെ ഷറഫുദ്ദീന്‍. മാധ്യമപ്രവര്‍ത്തകരെയും വിദ്വേഷ പ്രചാരകരെയും വേര്‍തിരിച്ചറിയാനും അതിനനുസരിച്ച് സമീപനം സ്വീകരിക്കാനും രാഷ്ട്രീയ, ഭരണ നേതൃത്വത്തിലുള്ളവര്‍ക്ക് സാധിക്കണം. സാഹചര്യം എന്തുതന്നെയായാലും വിദ്വേഷ പ്രചാരകരെ കാറില്‍ കയറ്റുന്നതുപോലെതന്നെ അവരെ വീട്ടില്‍ ചെന്ന് സന്ദര്‍ശിക്കുന്നതും അപരാധമാണെന്ന് ഷറഫുദ്ദീന്‍ ഫേസ്ബുക്കില്‍ കുറിച്ചു (29 ഒക്ടോബര്‍, ‘വിദ്വേഷ പ്രചാരകരെ കാറില്‍ കയറ്റുന്നതുപോലെ തന്നെ അവരെ വീട്ടില്‍ സന്ദര്‍ശിക്കുന്നതും അപരാധമാണ്’; വിമര്‍ശനവുമായി ലീഗ് ജില്ലാ സെക്രട്ടറി, മീഡിയാവണ്‍).
യുഡിഎഫിലും ലീഗിലും ഭിന്നത രൂക്ഷം
വിദ്വേഷ യൂട്യൂബര്‍ ഷാജന്‍ സ്‌കറിയയോടുള്ള കോണ്‍ഗ്രസ് നേതാക്കളുടെ സമീപനത്തെ ചൊല്ലി യുഡിഎഫില്‍ ഭിന്നത. മുസ്‌ലിംകളെ നിരന്തരം അധിക്ഷേപിക്കുന്ന വിവാദങ്ങളൊഴിയാത്ത യൂട്യൂബര്‍ കൂടിയായ ഷാജന്‍ സ്കറിയയുടെ വീട്ടിലേക്ക് മുഖ്യമന്ത്രിയും മന്ത്രിമാരുമടക്കം മന്ത്രിസഭയുടെ ഭൂരിഭാഗവും പോയതിലാണ് മുസ്ലിം ലീഗില്‍ കടുത്ത അതൃപ്തി പുകയുന്നത്. മുഖ്യമന്ത്രി വി.ഡി സതീശന്, മന്ത്രിമാരായ സി.പി ജോണ്‍, സണ്ണി ജോസഫ്, മോന്‍സ് ജോസഫ്, പിസി വിഷ്ണുനാഥ്, എം ലിജു എന്നിവരായിരുന്നു ഷാജന്‍ സ്കറിയയുടെ പിതാവ് അന്തരിച്ച വേളയില്‍ വീട്ടിലെത്തിയത്. ഇതില്‍ മുസ്ലിം ലീഗിന്റെ മന്ത്രിമാര്‍ ആരും ഉണ്ടായിരുന്നില്ല.
പിഎംശ്രീ വിഷയത്തിലടക്കമുള്ള സര്‍ക്കാറിന്റെ മലക്കം മറിച്ചിലില്‍ ഇതിനകം പ്രയാസപ്പെട്ടിരിക്കുന്ന ലീഗിന് വീണ്ടും പ്രഹരമാവുകയാണ് വി.ഡി സതീശന്റെയും മറ്റ് മന്ത്രിമാരുടെയും ഈ സമീപനം. ഷാജന്‍ സ്‌കറിയയെ മുഖ്യമന്ത്രിയും മന്ത്രിമാരും വീട്ടിലെത്തി സന്ദര്‍ശിച്ചതില്‍ രൂക്ഷ വിമര്‍ശനവുമായി മുസ്ലിം ലീഗ് കോഴിക്കോട് ജില്ലാ സെക്രട്ടറി പി.കെ ഷറഫുദ്ദീന്‍ കഴിഞ്ഞ ദിവസം രംഗത്തെത്തിയിരുന്നു. ഇസ്‌ലാമോഫോബിയ റിസര്‍ച്ച് കലക്റ്റീവ് ഷാജന്‍ സ്കറിയയുടെ 261 വിദ്വേഷ പരാമര്‍ശങ്ങള്‍ സമാഹരിച്ച് പ്രസിദ്ധീകരിച്ചതിന് പിന്നാലെയാണ് ലീഗ് നേതാവിന്റെ പരസ്യപ്രതികരണം (30 ഒക്ടോബര്‍, വിദ്വേഷ യൂട്യൂബറോടുള്ള കോണ്‍ഗ്രസ് സമീപനം; ലീഗിന് കടുത്ത അതൃപ്തി, യുഡിഎഫില്‍ ഭിന്നത പുകയുന്നു, റിപ്പോര്‍ട്ടര്‍ ടിവി).
29.5 മുസ്ലിം സുഹൃത്തുക്കളുടെ സഹായം
തനിക്കെതിരേ എതിര്‍പ്പ് വര്‍ധിച്ചപ്പോള്‍ മുസ്ലിം സുഹൃത്തുക്കളുടെ സഹായം അദ്ദേഹം തേടി:
ധാരാളം മുസ്‌ളീം സുഹൃത്തുക്കള്‍ എനിക്കുണ്ട്. അവരാരും ഒരിക്കലും പറയില്ല, ഞാന്‍ മുസ്‌ളീം വിരോധിയാണ് എന്ന്. എന്നാല്‍ അവര്‍ക്ക് പോലും സമ്മര്‍ദമുണ്ട്, യഥാര്‍ത്ഥ മുസ്ലിം ആണ് എന്ന തെളിയിക്കാന്‍ എന്നെ തള്ളിപ്പറയാന്‍. അവരില്‍ ചിലരെങ്കിലും ഇപ്പോഴത്തെ സ്‌ക്രീന്‍ ഷോട്ട് വിദ്വേഷ പ്രചാരണത്തില്‍ ആശങ്കാകുലരായിട്ടുണ്ട് എന്നത് ദുഖകരമാണ്. ഇപ്പോഴാണ് എന്നെ അറിയാവുന്ന, വാര്‍ത്തയിലൂടെ മറുനാടന്റെ സഹായം ലഭിച്ചിട്ടുള്ളവര്‍, ഞങ്ങളെ പിന്തുണച്ചു കൊണ്ട് രംഗത്ത് വരേണ്ടത്. അതിന് ആര്‍ക്കെങ്കിലും ധൈര്യം ഉണ്ടോ എന്നറിയാനാണ് ഞാന്‍ കാത്തിരിക്കുന്നത് (4 നവംബര്‍, ഫേസ്ബുക്ക്/ ഷാജന്‍ സ്‌കറിയ).
താമസിയാതെ ഞങ്ങള്‍ അറിയുന്ന മറുനാടന്‍ മുസ് ലിം വിശ്വാസികള്‍ രംഗത്ത് എന്ന ശീര്‍ഷകത്തില്‍ മറുനാടന്‍ മറ്റൊരു വീഡിയോചെയ്തു (6 നവംബര്‍, മറുനാടനായി മുസ് ലിം വിശ്വാസികള്‍, മറുനാടന്‍ മലയാളി).
മറുനാടനായി അണിനിരന്നവരെന്ന് അദ്ദേഹം അവകാശപ്പെട്ടവര്‍: ജാസ്മിന്‍ഷാ, സിറാജ് ഹസന്‍ പിള്ളി, എസ് ഷജഹാന്‍, ഡോ. മുഹമ്മദ് അഷ്റഫ്…
29.6 സുഡാപ്പികള്‍ നല്‍കുന്ന അപ്പക്കഷ്ണം
ചേരാനെല്ലൂരിലെ അപകടത്തെക്കുറിച്ച് നെടുമ്പാശ്ശേരി അപകടത്തിലുണ്ടായത്രെ വിദ്വേഷ ആക്രമണമുണ്ടായിരുന്നില്ല. ഇതേ കുറിച്ച് കോണ്‍ഗ്രസ് നേതാവ് ജിന്റോ ജോണ്‍ ഒരു ഫേസ്ബുക്ക് കുറിപ്പെഴുതി. മാധ്യമം അത് വാര്‍ത്തയാക്കി. പാതിരാത്രി ആ ചെറുക്കന്‍ എവിടെപ്പോയി എന്ന് ചോദിക്കാന്‍ ഒരു വര്‍ഗീയ വിഷവൃദ്ധകളെയും കാണുന്നില്ല, ചേരാനെല്ലൂര്‍ വാഹനാപകടത്തില്‍ പ്രതികരണവുമായി ഡോ. ജിന്റോ ജോണ്‍ (26 ഒക്ടോബര്‍, മാധ്യമം).
ഇതിനോടുള്ള ശശികല ടീച്ചറുടെ പ്രതികരണം:
പൂക്കിച്ചെക്കന്‍ ഉദ്ദേശിച്ച വൃദ്ധ സോണിയാ മാം ആകും. അത്രയും വൃദ്ധയായവര്‍ രാഷ്ട്രീയത്തില്‍ വേരെ ആരുമില്ലല്ലോ. പോപ്പിന്റെ മാനസപുത്രി ആയതുകൊണ്ട് ആദ്യം പറഞ്ഞ വിശേഷണവും ചേരും. പൂക്കി ചെക്കന്‍ സുഡാപ്പികള്‍ ഇട്ടു തരുന്ന തുണ്ട് കഷണങ്ങള്‍ മാത്രമേ കാണുന്നുളളു എന്നി മനസ്സിലായി! (26 ഒക്ടോബര്‍, ഫേസ്ബുക്ക്/ ശശികല ടീച്ചര്‍).
30. കാഫിര്‍ സ്‌ക്രീന്‍ ഷോട്ട്
കഴിഞ്ഞ ലോക്സഭ തെരഞ്ഞെടുപ്പില്‍ കോളിളക്കം സൃഷ്ടിച്ച കാഫിര്‍ സ്‌ക്രീന്‍ ഷോട്ട് കേസില്‍ മൂന്ന് ഡി.വൈ.എഫ്.ഐ പ്രവര്‍ത്തകരെകൂടി പ്രത്യേക അ ന്വേഷണ സംഘം (എസ്.ഐ.ടി) പ്രതിചേര്‍ത്തു. കാഫിര്‍ സ്‌ക്രീന്‍ ഷോട്ട് ഫേസ്ബുക്കില്‍ ഷെയര്‍ ചെയ്ത തൃശൂര്‍ സ്വദേശിയും സി.പി.എം അനുകൂല സൈബര്‍ ഗ്രൂപ്പാ യ പോരാളി ഷാജിയുടെ അഡ്മിനുമായ വഹാബ്, നാദാപുരം സ്വദേശി അതുല്‍, തിരുവള്ളൂര്‍ സ്വദേശി അതുല്‍ പ്രസാദ് എന്നിവരെയാണ് പ്രതിചേര്‍ത്തത്. കാഫിര്‍ സ്‌ക്രീന്‍ഷോട്ട് കേസില്‍ ജിതിന്‍ ഭാസ്‌കരനാണ് ഒന്നാം പ്രതി. രണ്ടാംപ്രതി റിബേഷ് രാമകൃ ഷ്നാണ്. ഒന്നാംപ്രതി നിര്‍മിച്ച കാഫിര്‍ സ്‌ക്രീന്‍ഷോട്ട് റെഡ് എന്‍കൗണ്ടര്‍ എന്ന വാട്സ്ആപ് കൂട്ടായ്മയില്‍ പോസ്റ്റുചെയ്തത് റിബേഷാണെന്ന് എസ്.ഐ.ടി കണ്ട ത്തിയിരുന്നു. പിന്നാലെ അമ്പാടി മുക്ക് സഖാക്കള്‍ ഉള്‍പ്പെടെ സി.പി.എം അനുകൂല ഗ്രൂപ്പുകളിലേക്ക് പ്രചരിക്കുകയായിരുന്നു (17 ഒക്ടോബര്‍, കാഫിര്‍ സ്‌ക്രീന്‍ഷോട്ട് കേസ്; പോരാളി ഷാജി അഡ്മിന്‍ ഉള്‍പ്പെടെ മൂന്ന് ഡിവൈഎഫ്ഐ പ്രവര്‍ത്തകര്‍കൂടി പ്രതികള്‍, മാധ്യമം)
31. മലബാറിന്റെ സാംസ്‌കരിക ചരിത്രത്തില്‍ മുസ്‌ലിംകള്‍
കേരളത്തിന്റെ വിശിഷ്യാ മലബാറിന്റെ സാംസ്‌കാരിക സാമൂഹിക ചരിത്രത്തില്‍ തങ്ങള്‍ക്ക് കാര്യമായ സ്ഥാനമില്ലെന്ന തിരിച്ചറിവ് ഇസ്ലാമിക ബുദ്ധിജീവികള്‍ക്ക വന്നുതുടങ്ങിയിട്ട് കാലം കുറച്ചായി. ആ കുറവ് പരിഹരിക്കാന്‍ അവര്‍ ചരിത്രരചനയില്‍ ഇടപെടുകയും, വ്യാജ ചരിത്രനിര്‍മ്മിതി സജീവമാക്കുകയും ചെയ്തിട്ടുണ്ട്. അതിന് ഏറ്റവും വലിയ ദൃഷ്ടാന്തമാണ്’മാനാഞ്ചിറ ചരിത്രം!- മമ്പുറം തങ്ങളെക്കുറിച്ച ഒരു പുസ്തകത്തില്‍ മാനാഞ്ചിറയെക്കുറിച്ച പരാമര്‍ശത്തെ വിമര്‍ശിക്കുന്നതിനിടയില്‍ വന്ന അഭിപ്രായം (18 ഒക്ടോബര്‍, മാനാഞ്ചിറ വളച്ചൊടിക്കലിന്റെ ചരിത്രഭീകരത, ഡോ. ദീപേഷ് വി.കെ, ജന്മഭൂമി).
32. ഫലസ്തീനും രവിചന്ദ്രനും
പാലസ്തീനുമായി ബന്ധപ്പെട്ട് രവിചന്ദ്രന്‍: മാനവികതയുടെ പക്ഷത്ത് നില്‍ക്കുന്ന ആരും ഫലസ്തീനെ അനുകൂലിക്കില്ല. തണ്ണിമത്തനുമായി നടക്കുന്നവര്‍ വര്‍ഗീയ രാഷ്ട്രീയത്തിന് ഓശാന പാടുകയാണ് ചെയ്യുന്നത്; മുസ്‌ലിംകള്‍ ലൗലി ആണെങ്കിലും ഇസ്ലാം ടോക്സിക് ആണ് (19 ഒക്ടോബര്‍, മാനവികതയുടെ പക്ഷത്ത് നില്‍ക്കുന്ന ആരും ഫലസ്തീനെ അനുകൂലിക്കില്ല, ദര്‍ശന ന്യൂസ്).
32.1 യുക്തിവാദി സമ്മേളനത്തില്‍ സംഘികള്‍
യുക്തിവാദ സമ്മേളനവുമായി ബന്ധപ്പെട്ട് രവിചന്ദ്രനെയും എസ്സന്‍സ് ഗ്ലോബലിനെയും വിമര്‍ശിച്ചുകൊണ്ട് ബിബിത് കോഴിക്കലാത്തില്‍ പങ്കുവെച്ച ഫേസ്ബുക്ക് കുറിപ്പില്‍നിന്ന്: ലോകത്തിലെ ഏറ്റവും വലിയ യുക്തിവാദ സമ്മേളനത്തില്‍ പങ്കെടുത്തത് മുഴുവന് കേരളത്തിലെ സംഘികളാണ്. ഈശ്വരാനുഗ്രഹംകൊണ്ടാണ് ഈ പരിപാടി വിജയിക്കുന്നതെന്നുവരെ രവിചന്ദ്രനെ ഊക്കിവിട്ടിട്ടുണ്ട് ബിജെപി നേതാവ്. ഇവറ്റകള്‍ മുഴുവന് ഇസ്ലാംവിരുദ്ധതയാണ് പറയുന്നത്. പാരീസിലെ കലാപത്തിനു പിന്നില്‍ മുസ്ലീംങ്ങളാണെന്ന നുണകള്‍ ആവര്‍ത്തിക്കുന്ന പരമനാറികളാണ് കേരളത്തിലെ റിച്ചാര്‍ഡ് ഡോക്കിന്‍സെന്ന ക്രിസ്ത്യന്‍ സ്വത്വവാദിയുടെ അനുയായിയും ഹിന്ദുസ്വത്വവാദിയുമായ രവിചന്ദ്രന്റെ പരിപാടിക്ക് ആളെക്കൂട്ടുന്നത് (22 ഒക്ടോബര്‍, ഫേസ്ബുക്ക്/ ബിബിത് കോഴിക്കളത്തില്‍).
33. ഫ്രാന്‍സിലെ കലാപം
ഫ്രാന്‍സ് വിദ്യാര്‍ത്ഥി പ്രക്ഷോബാവുമായി ജനം ടിവി ഇറക്കിയ പോസ്റ്റര്‍: കലാപകാരികളെ അടിച്ചൊതുക്കി പൊലീസ്. ഇസ്ലാമിക കലാപകാരികള്‍ക്കെതിരെ നടപടി കടുപ്പിച്ച് ഫ്രാന്‍സും ഇറ്റലിയും (19 ഒക്ടോബര്‍, കലാപകാരികളെ അടിച്ചൊതുക്കി പൊലീസ്, ജനം ടിവി പോസ്റ്റര്‍).
33.1 പണി കൊടുത്ത് ഇസ്ലാമിക കുടിയേറ്റക്കാര്‍
ഫ്രാന്‍സിന് പണി കൊടുത്ത് ഇസ്ലാമിക കുടിയേറ്റക്കാര്‍ സര്‍ക്കാര്‍ ഓഫീസുകളും വ്യാപാരസ്ഥാപനങ്ങളും അഗ്‌നിക്കിരയാക്കി അക്രമികള്‍. 1800 പേര് അറസ്റ്റില്‍ (19 ഒക്ടോബര്‍, ഫ്രാന്‍സിന് പണി കൊടുത്ത് ഇസ്ലാമിക കുടിയേറ്റക്കാര്‍, ജനം ടിവി).
33.2 ഫ്രാന്‍സിന് പിഴച്ചത്
ഫ്രാന്‍സിലെ കലാപത്തെ കുടിയേറ്റക്കാരുമായി ബന്ധപ്പെടുത്തി ഹിന്ദു ഐക്യവേദി നേതാവ് ശശികല ടീച്ചര്‍:
എവിടെയാണ് ഫ്രാന്‍സിന് പിഴച്ചത്??? കേറി വരുന്ന എല്ലാവര്‍ക്കും അഭയം കൊടുത്ത നന്മമരങ്ങള്‍ ആയി വാഴ്ത്തുകള്‍ കേള്‍ക്കാന്‍ അവരാഗ്രഹിച്ചു!
യാഥാര്‍ത്ഥ്യങ്ങള്‍ക്ക് നേരെ കണ്ണടച്ചു! സിഎഎയും എസ്‌ഐആറും എന്‍പിആറുംം ഒക്കെ എതിര്‍ക്കുന്നവര്‍ ഇവിടെയും ആഗ്രഹിക്കുന്നത് ഇതൊക്കെ തന്നെയാണ്
നീയല്ലെങ്കില്‍ നിന്നുടെ തള്ള എന്ന ചെന്നായയുടെ നയം പിന്‍പറ്റിക്കൊണ്ട് ഓരോ വിഷയങ്ങള്‍ എടുത്ത് തെരുവിലിറങ്ങിയവര്‍ ഇതിനുള്ള വഴി മരുന്നിടുകയാണ്
സൂക്ഷിച്ചാല്‍ ദുഃഖിക്കേണ്ട. അടിച്ചമര്‍ത്തിയാല്‍ തല്‍ക്കാലം ചീത്ത പേരുണ്ടാകും! ഉണ്ടാകട്ടെ ഇവരൊക്കെ നല്‍കുന്ന സല്‍പ്പേര് ആര്‍ക്കുവേണം????
രാഷ്ട്രമല്ലേ വലുത് ചുമരുണ്ടെങ്കിലേ ചിത്രം എഴുതാന്‍ പറ്റു! (19 ഫേസ്ബുക്ക്/ ശശികല ടീച്ചര്‍).
33.3 ഭീഷണി മുഴക്കി ശശികലടീച്ചര്‍
ഇന്ത്യ ഫ്രാന്‍സാകില്ല, കാരണം പുറത്ത് 5 കോടി ദണ്ഡകളുണ്ടെന്ന് ശശികല ടീച്ചര്‍: ഇന്ത്യ ഫ്രാന്‍സ് ആകില്ല. ആ ധൈര്യം നമുക്കെല്ലാമുണ്ട്. ഇവിടെ പോലീസും പട്ടാളവും മാത്രമല്ലല്ലോ ഉള്ളത്. ഏറ്റവും ചുരുങ്ങിയത് അഞ്ച് കോടിയോളം ദണ്ഡകള്‍ പുറത്തുണ്ട്. രാഷ്ട്രത്തിനു വേണ്ടി എന്ന് വന്നാല്‍ 80 കാരനും എട്ടുവയസ്സുകാരനും ആ ദണ്ഡ എടുക്കാന്‍ മടിയുണ്ടാകില്ല. അതു കൊള്ളാന്‍ മാത്രമുള്ള ചന്തികള്‍ ഇവിടെ ഉണ്ടോ എന്നത് മാത്രമാണ് സംശയം??? (19 ഫേസ്ബുക്ക്/ ശശികല ടീച്ചര്‍).
33.4 ഫ്രാന്‍സിലെ കലാപങ്ങളും ഇന്ത്യയിലെ ജിഹാദികളും
ഫ്രാന്‍സിലെ കലാപങ്ങളില്‍ അഭയാര്‍ത്ഥികള്‍ പങ്കുവഹിച്ചുവെന്നും ഇക്കാര്യത്തില്‍ ഇന്ത്യക്ക് ഏറെ പഠിക്കാനുണ്ടെന്നും ജന്മഭൂമി എഡിറ്റോറിയല്‍:
മ്പത്തികവും വിദ്യാഭ്യാസപരവുമായ പ്രശ്നങ്ങള് പരിഹരിക്കണമെന്ന് ആവശ്യപ്പെട്ടാണ് ഈ രാജ്യങ്ങളില്‍ പ്രതിഷേധക്കാര്‍ രംഗത്തിറങ്ങിയതെങ്കിലും ഇതിന് അന്തര്‍ധാരയായി വര്‍ത്തിക്കുന്നത് നിയന്ത്രണാതീതമായ കുടിയേറ്റമാണ്. ആഫ്രിക്കന്‍ രാജ്യങ്ങളില്‍ നിന്നുള്ള കുടിയേറ്റത്തെ യൂറോപ്യന്‍ രാജ്യങ്ങള്‍ ആദ്യം സ്വാഗതം ചെയ്തിരുന്നു. ഇവരെ സ്വീകരിക്കാതിരിക്കുന്നത് തങ്ങളുടെ ലിബറല്‍ മൂല്യങ്ങള്‍ക്ക് നിരക്കുന്നതല്ലെന്ന മനോഭാവമാണ് യൂറോപ്പിലെ പല രാജ്യങ്ങളിലെയും ഭരണാധികാരികള്‍ പുലര്‍ത്തിയത്. കുടിയേറുന്നവര്‍ക്ക് തദ്ദേശീയര്‍ക്ക് ഇല്ലാത്ത പലതരം ആനുകൂല്യങ്ങളും നല്‍കി. ഇത് സാമൂഹ്യ സാഹചര്യങ്ങളുടെ താളം തെറ്റിച്ചു. അനിയന്ത്രിതമായ കുടിയേറ്റങ്ങള്‍ക്കെതിരെ പലരും മുന്നറിയിപ്പ് നല്‍കിയെങ്കിലും അവഗണിക്കപ്പെട്ടു. ചില രാജ്യങ്ങള്‍ നടപടി എടുത്തു തുടങ്ങിയപ്പോഴേക്കും വൈകിപ്പോയിരുന്നു.
ഏറെക്കുറെ സമാനമായ സംഭവ പരമ്പരകളാണ് ദല്‍ഹിയില്‍ അരങ്ങേറിയത്. പരീക്ഷാ ക്രമക്കേടിന്റെ പേരിലും, തെരഞ്ഞെടുപ്പ് കമ്മിഷനെതിരെ അടിസ്ഥാന രഹിതമായ ആരോപണങ്ങള്‍ ഉന്നയിച്ചും പാറ്റ പാര്‍ട്ടിക്കാരുടെയും കോണ്‍ഗ്രസിന്റെയും ഇടതു പാര്‍ട്ടികളുടെയും പങ്കാളിത്തത്തോടെ നടന്ന പ്രതിഷേധങ്ങള്‍ കേന്ദ്രസര്‍ക്കാര്‍ കരുതലോടെ കൈകാര്യം ചെയ്യുകയായിരുന്നു. ഈ സമരങ്ങളിലെല്ലാം പൊതുവായ ഘടകം ഇസ്ലാമിക മതമൗലികവാദികളുടെയും ജിഹാദി ശക്തികളുടെയും സാന്നിധ്യമായിരുന്നു. കുടിയേറ്റക്കാരുടെ ലേബലില്‍ ജിഹാദി ശക്തികള്‍ അക്രമാസക്തരാവുന്ന യൂറോപ്പ്യന്‍ രാജ്യങ്ങളിലെ സാഹചര്യവുമായി ഇതിന് സാമ്യമുണ്ട്. ഇക്കാര്യത്തില്‍ ഭാരതത്തില്‍ നിന്ന് യൂറോപ്യന്‍ രാജ്യങ്ങള്‍ക്കും, അവിടെ നിന്ന് ഭാരതത്തിനും ഏറെ പഠിക്കാനുണ്ട് (20 ഒക്ടോബര്‍, ഫ്രാന്‍സിലെ കലാപങ്ങള്‍ നമ്മോട് പറയുന്നത്, എഡിറ്റോറിയല്‍, ജന്മഭൂമി).
34. ഡല്‍ഹിയില്‍ ഇടതു-ജിഹാദി അക്രമം
ഡല്‍ഹിയില്‍ യുവാക്കളുടെ പേരില്‍ നടന്നത് ഇടതു-ജിഹാദി അക്രമണമാണെന്ന് പ്രമുഖ നാടകകൃത്ത് ഫ്രാന്‍സിസ് ടി. മാവേലിക്കര.
ഇടത് സഹയാത്രികനായിരുന്ന താന്‍ ഇപ്പോള്‍ നരേന്ദ്ര മോദിയുടെ ആരാധകനായി മാറി. കഴിഞ്ഞ 12 വര്‍ഷത്തെ ഭാരതത്തിന്റെ മാറ്റങ്ങള്‍ എടുത്തു പരിശോധിച്ചാല്‍ രാജ്യത്തുണ്ടായിരിക്കുന്ന വികസനവും പുരോഗതിയും ആര്‍ക്കും ബോധ്യപ്പെടും. വര്‍ത്തമാനകാല ഇടതുപക്ഷം യഥാര്‍ത്ഥ ഫാസിസ്റ്റുകളാണ്. കമ്മ്യൂണിസ്റ്റ് പ്രസ്ഥാനത്തിനകത്ത് ബുദ്ധിയും ബോധവുമുള്ളവര്‍ വളരെ കുറഞ്ഞുപോയിരിക്കുന്നു. പാര്‍ട്ടി എന്ത് അഭിപ്രായം പറയുന്നുവോ അത് മാത്രം ഏറ്റുപറയാന്‍ വിധിക്കപ്പെട്ട അടിമകളായ മാറി പാര്‍ട്ടി പ്രവര്‍ത്തകര്‍.
സിപിഎം നേതാക്കളായ ജോണ്‍ ബ്രിട്ടാസ്, എ. റഹീം അവര്‍ വെറും ചെണ്ടകള്‍ മാത്രമാണെന്ന് അദ്ദേഹം വിശേഷിപ്പിച്ചു.അവരുടെ നാവില്‍ നിന്ന് കാമ്പുള്ള സംസാരങ്ങള്‍ ഒന്നും ഇതുവരെ കേട്ടിട്ടില്ലെന്നും,നാസിക് ഡോളിട്ട് ശബ്ദം ഉണ്ടാക്കുന്നത് പോലെ വെറുതെ കുറെ ശബ്ദങ്ങള്‍ ഉണ്ടാക്കുന്ന ഒരു ഉപകരണം മാത്രമായെന്നും, അദ്ദേഹം തുറന്നടിച്ചു (22 ഒക്ടോബര്‍, ബ്രിട്ടാസും റഹീമും വെറും ചെണ്ടകള്‍; വിരിയില്ല എന്ന് ഉറപ്പുള്ള ചീമുട്ടകള്‍ക്ക് മുകളില്‍ അടയിരിക്കുന്നവരാണ് കമ്യൂണിസ്റ്റുകള്‍; ഇടത് അനുഭാവിയായിരുന്ന ഞാന്‍ ഇന്ന് മോദിയുടെ ആരാധകന്‍: ഫ്രാന്‍സിസ് ടി. മാവേലിക്കര, ജനം ടിവി).
34.1 ബംഗ്ലാദേശികള്‍ വോട്ടര്‍ പട്ടികയില്‍
ബംഗ്ലാദേശികളെ വോട്ടര്‍പട്ടികയില്‍ ചേര്‍ക്കണെന്ന് ആര്‍ക്കാണ് ഇത്ര നിര്‍ബന്ധമെന്നും അദ്ദേഹം ചോദിച്ചു (22 ഒക്ടോബര്‍, പിന്നിലെ രാഷ്ട്രീയം ഓരോ തെരുവുകളിലും ചര്‍ച്ച ചെയ്യണം: ഫ്രാന്‍സിസ് ടി മാവേലിക്കര, ജന്മഭൂമി).
35. പിന്നാക്ക മുസ്ലിം പ്രാതിനിധ്യം
സംസ്ഥാനത്തെ ആസൂത്രബോര്‍ഡിലും സാംസ്‌കാരിസ്ഥാപനങ്ങൡലേക്കും പ്രതിനിധികളെ നിശ്ചയിച്ചപ്പോള്‍ ദലിത് പിന്നാക്ക-മുസ് ലിംപ്രാതിനിധ്യം അസാമാന്യമായി കുറവനുഭവപ്പെട്ടതായി കണക്കുകള്‍ സൂിപ്പിക്കുന്നു. വിവിധ സര്‍വകലാശാലാ സിന്‍ഡിക്കേറ്റുകളിലും മന്ത്രിമാരുടെ പേഴ്‌സണല്‍ സ്റ്റാഫ് നിയമനങ്ങളിലും അവര്‍ണ വിവേചനം പ്രകടമാണ്. മറ്റ് സാംസ്‌കാരിക സ്ഥാപനങ്ങള്‍, വിവിധ ബോര്‍ഡുകള്‍, കോര്‍പ്പറേഷനുകള്‍ എന്നിവയിലെങ്കിലും ജനസംഖ്യയില്‍ മഹാഭൂരിപക്ഷം വരുന്ന സമുദായങ്ങള്‍ക്ക് സാമൂഹിക നീതി ഉറപ്പാക്കുന്ന തരത്തില്‍ പ്രാതിനിദ്ധ്യം നല്‍കണമെന്ന ആവശ്യം ശക്തമാണ്. സംസ്ഥാനത്തിന്റെ സാമ്പത്തിക സ്ഥിതി നിര്‍ണയിക്കുന്നതിലും, വിഭവങ്ങള്‍ പങ്കുവയ്ക്കുന്നതിലും നിര്‍ണായക പങ്കാണ് ആസൂത്രണ ബോര്‍ഡിനുള്ളത്. അവഗണിക്കപ്പെട്ട ജനകോടികള്‍ക്ക് പദ്ധതി വിഹിതത്തില്‍ അര്‍ഹമായ ഫണ്ടും, വിഭവങ്ങളുടെ നീതിപൂര്‍വമായ വിതരണവും ഉറപ്പാക്കുന്നതില്‍ ബോര്‍ഡിന് വലിയ അധികാരമുണ്ട്. ബോര്ഡ് ചെയര്‍മാന്റെയും നാല് വിദഗ്ദ്ധാംഗങ്ങളുടെയും നിയമനങ്ങളില്‍ തങ്ങളെ പാടെ തഴഞ്ഞതായി പിന്നാക്ക സംഘടനകളുടെ നേതാക്കള്‍ ആരോപിക്കുന്നു. പിന്നാക്ക- പട്ടിക- മുസ്ലിം ജനവിഭാഗങ്ങളില്‍ നിന്ന് ഒരാള്‍ പോലുമില്ല. മുഖ്യമന്ത്രിയുടെയും 20 മന്ത്രിമാരുടെയും പേഴ്‌സണല്‍ സ്റ്റാഫിലും സിന്‍ഡിക്കേറ്റുകളിലേക്കുള്ള നാമനിര്‍ദ്ദേശങ്ങളിലും പിന്നാക്ക-പട്ടിക വിഭാഗക്കാര്‍ വിരലിലെണ്ണാവുന്നവര്‍ മാത്രം.
സാംസ്‌കാരിക സ്ഥാപനങ്ങള്‍ (ഇതു വരെ നിയമിച്ചത്) മുന്നാക്ക പ്രാതിനിദ്ധ്യം:
സാഹിത്യ അക്കാഡമി പ്രസിഡന്റ്, സംഗീത നാടക അക്കാഡമി ചെയര്മാന്, ലളിതകലാ അക്കാഡമി ചെയര്മാന്, സംസ്ഥാന ചലച്ചിത്ര അക്കാഡമി ചെയര്മാന്, വൈസ് ചെയര്‍പേഴ്‌സണ്‍, സാംസ്‌കാരിക പ്രവര്‍ത്തക ക്ഷേമനിധി ചെയര്മാന്.
പിന്നാക്ക പ്രാതിനിദ്ധ്യം: ചലച്ചിത്ര വികസന കോര്‍പ്പറേഷന്‍ ചെയര്മാന്, സാഹിത്യ അക്കാഡമി സെക്രട്ടറി.
ആസൂത്രണ ബോര്‍ഡിലും വിവിധ ബോര്ഡ്, കോര്‍പ്പറേഷന്‍ നിയമനങ്ങളിലും അര്‍ഹമായ പരിഗണന ആവശ്യപ്പെട്ട് വിവിധ പിന്നാക്ക-പട്ടിക വിഭാഗങ്ങളുടെ നേതാക്കളും, മുസ്ലിം എംപ്‌ളോയീസ് കള്‍ച്ചറല്‍ അസോസിയേഷനും സാമൂഹിക, സാംസ്‌കാരിക രംഗത്തെ പ്രമുഖരും ഉള്‍പ്പെടെ മുപ്പതിലേറെപ്പേര്‍ ഒപ്പിട്ട സംയുക്ത നിവേദനം മുഖ്യമന്ത്രി വി.ഡി സതീശന് സമര്‍പ്പിച്ചു. ഡോ.ജി. മോഹന്‍ ഗോപാല്‍, വി.ആര്. ജോഷി, ഡോ.എ. നീലലോഹിത ദാസ്, ഡോ.എം. ശാര്‍ങ്ഗധരന്‍, എസ്. കുട്ടപ്പന്‍ ചെട്ടിയാര്‍ തുടങ്ങിയവര്‍ നേതൃത്വം നല്‍കി (22 ഒക്ടോബര്‍, ആസൂത്രണ ബോര്ഡ്,സാംസ്‌കാരിക സ്ഥാപനങ്ങള്‍, പിന്നാക്ക- പട്ടിക വിഭാഗങ്ങളെ തഴഞ്ഞതില്‍ പ്രതിഷേധം ശക്തം, കേരള കൗമുദി).
35.1 സര്‍ക്കാര്‍ സ്വീകരിച്ച തിരുത്തല്‍ നടപടി
വ്യാപകമായ പ്രതിഷേധം ഉയര്‍ന്നതിനെത്തുടര്‍ന്ന് സര്‍ക്കാര്‍ തങ്ങളുടെ തെറ്റ് തിരുത്തുകയും പിന്നാക്ക-പട്ടിക വിഭാഗക്കാരെയും വനിതകളെയും ഉള്‍പ്പെടുത്തിക്കൊണ്ട് ആസൂത്രണ ബോര്ഡ് പുനഃസംഘടിപ്പിക്കുകയും വിപുലീകരിക്കുകയും ചെയ്തു. ബോര്‍ഡില്‍ വനിതാ പ്രാതിനിധ്യം ഉറപ്പാക്കാന്‍ മന്ത്രിമാരായ ബിന്ദു കൃഷ്ണ, കെ.എ. തുളസി എന്നിവരെ പുതുതായി ഉള്‍പ്പെടുത്തി. സോഷ്യല്‍ അഡ്വാന്‍സ്മെന്റ് ഫൗണ്ടേഷന്‍ ഓഫ് ഇന്ത്യ ചെയര്മാന് അബ്ദുള്‍ റഹീം, ഡോ. എസ്.എസ്. ലാല്‍ എന്നിവരെയും ബോര്‍ഡിലേക്ക് നാമനിര്‍ദ്ദേശം ചെയ്തു. ഇതോടെ ആസൂത്രണ ബോര്‍ഡിലെ ആകെ അംഗങ്ങളുടെ എണ്ണം 15 ആയി (6 നവംബര്‍, സര്‍ക്കാര്‍ തെറ്റ് തിരുത്തി, പിന്നാക്ക പട്ടിക വിഭാഗവും ആസൂത്രണ ബോര്‍ഡില്‍, കേരള കൗമുദി).
36. കെട്ടിക്കാന്‍ കാത്തുനില്‍ക്കുന്നവര്‍
24 ന്യൂസിന്റെ തമ്മില്‍ തമ്മില്‍ എന്ന ഷോയില്‍ മാധ്യമപ്രവര്‍ത്ത മലബാറിലെ പെണ്‍കുട്ടികളെക്കുറിച്ച് സ്വന്തം അനുഭവത്തിന്റെ വെളിച്ചത്തില്‍ സംസാരിക്കുന്നു: സ്വന്തം പാരന്റ്‌സ് പറയണം എന്റെ മകള്‍ക്ക് ഒരു സ്വപ്‌നമുണ്ട്. മകള്‍ക്ക് ഇത്രയും കപാസറ്റിയുണ്ട്. ടാലന്‍ഡ് ഉണ്ട് എന്നത് ജനിപ്പിച്ച രക്ഷിതാക്കള്‍ക്ക് തോന്നണം. എന്നിട്ടുവേണമല്ലോ കെട്ടിച്ചുവിട്ടവര്‍ക്ക് തോന്നാന്‍. ഇത് അതുംഇല്ല. ഇപ്പോള്‍ പതിനെട്ടാവാന്‍ കാത്തുനില്‍ക്കുകയാണ്. എന്റെ അനിയത്തിയെയും ഉമ്മയെയും വീട്ടുകാരും 18 ആവാന്‍ കാത്തുനിന്നിട്ടുണ്ട് പിടിച്ച് കെട്ടിക്കാന്‍. ഫുഡ്‌ബോള്‍ കൡക്കുന്ന കുട്ടിയായിരുന്നു. 19 -20 ആകുമ്പോഴേക്കും ഒക്കത്ത് കുട്ടിയുണ്ട്. ഞാനാണ് ഇപ്പോള്‍ അവരെ പൊളിറ്റിക്കല്‍ സയന്‍സിന് ചേര്‍ത്തത്. അതും കുറേ ഇഷ്യുസ് ആയിരുന്നു (മാധ്യമപ്രവര്‍ത്തക, ആമി ബെല്ലാ ജോയ്‌സ്, തമ്മില്‍ തമ്മില്‍, 24ന്യൂസ്).
37. മലപ്പുറത്തെ മതേതരത്വം
മുഹമ്മദ് നബീല്‍ എന്ന യുവാവിനൊപ്പം ആരതിയെന്ന യുവതിയെ ലഹരിമരുന്നു കേസില്‍ അറസ്റ്റുചെയ്‌തെന്ന് ജന്മഭൂമി ഒരു വാര്‍ത്ത നല്‍കിയിരുന്നു (18 ഒക്ടോബര്‍, ലഹരിമരുന്നുമായി മുഹമ്മദ് നബീലിനൊപ്പം പിടിയിലായത് 22 കാരി, ജന്മഭൂമി).
ഇതേക്കുറിച്ച് ശശികല ടീച്ചർ:
ശശികലമാര്‍ നാണിക്കട്ടെ! ഇതുകേരളമാണ്. പോരാത്തതിന് മലപ്പുറവും. ഇവിടുത്തെ മതേതരത്വം തകര്‍ക്കാമെന്ന് ഒരു സംഘി’യും സ്വപ്നം കാണണ്ട (18 ഒക്ടോബര്‍, ഫേസ്ബുക്ക്/ശശികല ടീച്ചര്‍).
38. കൊടും ഭീകരന്‍ സാക്കിര്‍ നായിക്
കോണ്‍ഗ്രസ് അധികാരത്തില്‍ എത്തിയാല്‍ ഇന്ത്യയിലേക്ക് തിരിച്ചുവരുമെന്ന് ‘കൊടും ഭീകരന്‍ സാക്കിര്‍ നായിക്’ പറഞ്ഞതായി ജനം ടി.വി പുറത്തിറക്കിയ സോഷ്യല്‍ മീഡിയ കാര്‍ഡ് (22 ഒക്ടോബര്‍, ജനം ടി.വി സോഷ്യല്‍ മീഡിയ കാര്‍ഡ്).
39. കേരളം അപകടത്തില്‍
ലിറ്റിചോക അപ്പ് എന്ന ഇന്‍സ്റ്റഗ്രാം അക്കൗണ്ടിലൂടെ അമൃത് സിങ് ഡാരന്‍ എന്നയാള്‍ ഒക്ടോബര്‍ 22-ന് പ്രസിദ്ധീകരിച്ച വീഡിയോ കേരള അപകീര്‍ത്തിപ്പെടുത്തുന്നതായിരുന്നു. ഫോര്‍ട്ട് കൊച്ചി നിറയെ മുസ്ലീങ്ങളാണെന്നും കേരളം അപകടത്തിലാണെന്നും കേന്ദ്ര സര്‍ക്കാര്‍ ഉടന്‍ ഇടപെടണമെന്നുമാണ് വീഡിയോയിലൂടെ ഇന്ഫ്ളുവന്സര് പറയുന്നത്. ലിറ്റിചോക അപ്പ് എന്ന ഇന്‍സ്റ്റഗ്രാം അക്കൗണ്ടിലൂടെയാണ് വിവാദ വീഡിയോ പോസ്റ്റ് ചെയ്തിരിക്കുന്നത്. താന്‍ നിലവില്‍ ഫോര്‍ട്ട് കൊച്ചിയിലാണ് താമസിക്കുന്നതെന്നും ഈ വീഡിയോയ്ക്ക് ശേഷം തനിക്ക് എന്തെങ്കിലും സംഭവിച്ചാല്‍ അതിന്റെ പൂര്‍ണ ഉത്തരവാദിത്തം കേരള സര്‍ക്കാരിനായിരിക്കും എന്നും ഇന്ഫ്ളുവന്സര് വീഡിയോയിലൂടെ പറയുന്നുണ്ട്. ഫോര്‍ട്ട് കൊച്ചിയിലെ കാശി ആര്‍ട്ട് കഫേയില്‍ ബീഫ് വില്‍ക്കുന്നുണ്ടെന്നും ഒരു ന്യൂനപക്ഷ മതവിഭാഗം കൂടുതലായി പ്രദേശത്ത് താമസിക്കുന്നത് കൊണ്ടാണ് ഇതെന്നും വീഡിയോയിലുണ്ട്. ഗാന്ധിജിയുടെ പ്രതിമക്കൊപ്പം ജിന്നയുടെ പ്രതിമയും ഇവിടെയുണ്ടെന്ന് വീഡിയോവില്‍ പറയുന്നു (24 ഒക്ടോബര്‍, കേരളത്തെപ്പറ്റി വിദ്വേഷ പരാമര്‍ശ വീഡിയോ; യൂട്യൂബര്‍ അമൃത് സിംഗ് ഡാരനെതിരെ കേസെടുത്തു, ഏഷ്യാനെറ്റ്).
കൂടുതല്‍ വിവരങ്ങള്‍:
‘ഈ വീഡിയോ ചെയ്തതിന് ശേഷം എനിക്ക് എന്തെങ്കിലും സംഭവിച്ചാല്‍, അതിന്റെ പൂര്‍ണ ഉത്തരവാദിത്തം കേരള സര്‍ക്കാരിനായിരിക്കും. കാരണം ഇപ്പോള്‍ ഞാന്‍ കേരളത്തിലാണ് ഉള്ളത്, ഫോര്‍ട്ട് കൊച്ചിയിലാണ് താമസിക്കുന്നത്. ഫോര്‍ട്ട് കൊച്ചിയെക്കുറിച്ച് എനിക്ക് ഒരുപാട് കാര്യങ്ങള്‍ പറയാനുണ്ട്.
ഇവിടെ നിന്ന് കൃത്യം 10 മിനിറ്റ് നടന്നാല്‍ എത്തുന്ന ദൂരത്തില്‍ ഒരു കഫേയുണ്ട്, ‘കാശി ആര്‍ട്ട് കഫേ’ എന്നാണ് അതിന്റെ പേര്. കാശി എന്ന പേര് കേള്‍ക്കുമ്പോള്‍ മഹാദേവനുമായും ബനാറസുമായും ബന്ധപ്പെട്ട എന്തെങ്കിലും ആയിരിക്കും എന്ന് നിങ്ങള്‍ കരുതിയേക്കാം, എന്നാല്‍ ഈ കാശി തികച്ചും വ്യത്യസ്തമായിരുന്നു. ഞാന്‍ ആ കഫേയ്ക്കുള്ളില്‍ കയറിയപ്പോള്‍ ഞെട്ടിപ്പോയി. ഇന്ത്യയില്‍ ആദ്യമായാണ് ഞാന്‍ ഗാന്ധിക്കൊപ്പം ജിന്നയുടെ ചിത്രം ചുവരില്‍ കാണുന്നത്. 50-ലധികം വെള്ളി പൂശിയ (സില്‍വര്‍ കോട്ടഡ്) ചിത്രങ്ങളാണ് കാശി ആര്‍ട്ട് കഫേയുടെ ഉടമ അവിടെ വെച്ചിരിക്കുന്നത്.
തുടര്‍ന്ന് ഭക്ഷണം ഓര്‍ഡര്‍ ചെയ്യാനായി ഞാന്‍ മെനു കാര്‍ഡ് വാങ്ങി. മെനുവില്‍ മുഴുവന് ബീഫ് വിഭവങ്ങളായിരുന്നു. മുഴുവനായും ബീഫ് വിഭവങ്ങള്‍ മാത്രം. പേര് കാശി എന്നാണ്, ജിന്നയുടെ ഫോട്ടോകള്‍ വെച്ചിരിക്കുന്നു, പരസ്യമായി ബീഫും വില്‍ക്കുന്നു. വര്‍ക്കലയെക്കുറിച്ച് ഞാന്‍ മുമ്പ് ചെയ്ത ഒരു വീഡിയോയ്ക്കെതിരെ കേരള ആഭ്യന്തര വകുപ്പ് രംഗത്ത് വന്നിരുന്നു, അത് വ്യാജമാണെന്ന് അവര്‍ പറഞ്ഞു. എന്ത് വ്യാജമാണെന്നാണ് പറയുന്നത്? ഞാന്‍ ഇപ്പോള്‍ ചെയ്യുന്ന ഈ വീഡിയോയില്‍, ഇവിടെ ജിന്നയ്ക്ക് എന്താണ് കാര്യം? നമ്മുടെ ഭാരതത്തില്‍ ജിന്നയ്ക്ക് എന്താണ് കാര്യം? ജിന്ന ഭാരതത്തോട് എന്താണ് ചെയ്തതെന്ന് അറിയാമോ? ജിന്ന ഗാന്ധിക്കും നെഹ്‌റുവിനുമൊപ്പം ചേര്‍ന്ന് ഭാരതത്തെ വെട്ടിമുറിച്ചു. ജിന്നയും ഗാന്ധിയും നെഹ്‌റുവും കാരണം ലക്ഷക്കണക്കിന് ഹിന്ദുക്കള്‍ക്കും സിഖുകാര്‍ക്കും ജീവന്‍ നഷ്ടപ്പെട്ടു, സ്ത്രീകള്‍ പീഡിപ്പിക്കപ്പെട്ടു. എന്നിട്ട് ആ ജിന്നയ്ക്ക് ഭാരതത്തില്‍ എന്താണ് കാര്യം?
കേരളത്തില്‍ ഇസ്ലാം പ്രചരിപ്പിക്കുന്നതിനായി അറബ് രാജ്യങ്ങളില്‍ നിന്ന് നിങ്ങള്‍ക്ക് വന്‍തോതില്‍ ഫണ്ട് ലഭിക്കുന്നുണ്ടോ? നിങ്ങള്‍ സൃഷ്ടിക്കുന്നത് തികച്ചും ഒരുപക്ഷീയമായ സാഹചര്യമാണ്. കാശി ആര്‍ട്ട് കഫേയുടെ ഉടമയോടായി ഞാന്‍ പറയുകയാണ്: ഇതിന്റെ പേര് മാറ്റി ‘കറാച്ചി ആര്‍ട്ട് കഫേ’ എന്നാക്കൂ. കാരണം നിങ്ങള്‍ ജിന്നയെ മഹത്വവല്‍ക്കരിക്കുകയും ബീഫ് വില്‍ക്കുകയുമാണ് ചെയ്യുന്നത്.
കാശിയുടെ അര്‍ഥം എന്താണെന്ന് നിങ്ങള്‍ക്കറിയാമോ? ഭൂമിയിലെ ഏറ്റവും പവിത്രവും പുരാതനവുമായ നഗരമാണ് കാശി. ഇവിടുത്തെ ജനസംഖ്യയും ചുറ്റുപാടുകളും കണ്ട് ഞാന്‍ ശരിക്കും അമ്പരന്നുപോയി. ഫോര്‍ട്ട് കൊച്ചിയില്‍ ഇപ്പോള്‍ പൂര്‍ണമായും ഇസ്ലാമിക അന്തരീക്ഷമാണ്. 95% ബിസിനസ് ഉടമകളും, ടാക്സി ഡ്രൈവര്‍മാരും, റിക്ഷാ ഡ്രൈവര്‍മാരും, ചെറിയ കച്ചവടങ്ങള്‍ ചെയ്യുന്നവരും, കമ്മലുകള്‍ വില്‍ക്കുന്നവരും, പഞ്ചര്‍ ഒട്ടിക്കുന്നവരും, പച്ചക്കറികളും പഴങ്ങളും വില്‍ക്കുന്നവരുമെല്ലാം… എല്ലാവരും മുസ്‌ലിംകളാണ്, ഇവിടെ എല്ലാവരും മുസ്‌ലിംകളാണ്!
ഇവിടുത്തെ സര്‍ക്കാരാകട്ടെ കൈയും കെട്ടി നോക്കി നില്‍ക്കുകയാണ്. നിങ്ങള്‍ക്ക് വിശ്വസിക്കാന്‍ കഴിയില്ല, ഞാന്‍ ഇവിടുത്തെ നാട്ടുകാരായ വലതുപക്ഷ ചിന്താഗതിക്കാരുമായി സംസാരിച്ചു; അവരെല്ലാവരും ഭയന്ന് മിണ്ടാതിരിക്കുകയാണ്. അവര്‍ എന്നോട് പറയുകയായിരുന്നു, ”സഹോദരാ, ദയവായി നിങ്ങള്‍ വീഡിയോ ചെയ്യുമ്പോള്‍ നിങ്ങളുടെ ലൊക്കേഷന്‍ വെളിപ്പെടുത്തരുത്. തികച്ചും ഏകപപക്ഷീയമായാണ് കാര്യങ്ങള്‍ നീക്കുന്നത്” ഇവിടുത്തെ സര്‍ക്കാരിന് ഇസ്ലാം മതം പ്രചരിപ്പിക്കുന്നതിനായി അറബ് രാജ്യങ്ങളില്‍ നിന്ന് വന്‍തോതില്‍ ഫണ്ട് ലഭിക്കുന്നുണ്ടെന്ന് ഇവിടുത്തെ ആളുകള്‍ എന്നോട് പറഞ്ഞു.
ഇത് അവിശ്വസനീയമാണ്. കേരളത്തില്‍ നടക്കുന്നത് അതീവ അപകടകരമായ കാര്യങ്ങളാണ്. കേന്ദ്ര സര്‍ക്കാര്‍ ഇതില്‍ ശ്രദ്ധിച്ചില്ലെങ്കില്‍ കേരളം പൂര്‍ണമായും നഷ്ടപ്പെടും. കേരളം നമ്മുടെ കൈകളില്‍ നിന്ന് പോയിക്കഴിഞ്ഞു. ഇവിടുത്തെ വലതുപക്ഷ ചിന്താഗതിക്കാര്‍ക്കും ഹിന്ദുക്കള്‍ക്കും ഇവിടെ തുറന്നു സംസാരിക്കാന്‍ പോലും സാധിക്കുന്നില്ല”- തുടങ്ങിയ കാര്യങ്ങളാണ് ഇന്ഫ്ളുവന്സര് വീഡിയോയില്‍ പറയുന്നത് (24 ഒക്ടോബര്‍, ‘ഫോര്‍ട്ട് കൊച്ചി നിറയെ മുസ്‌ലിംകള്‍, കേരളം അപകടത്തില്‍’; വിദ്വേഷ വീഡിയോയുമായി ഉത്തരേന്ത്യന്‍ ഇന്ഫ്ളുവന്സര്, മീഡിയാ വണ്‍)
എംഎല്‍എയുടെ പരാതി
മീഡിയ ഇന്‍ഫ്‌ലുവന്‍സര്‍ക്കെതിരെ നടപടി ആവശ്യപ്പെട്ട് കൊച്ചി എംഎല്‍എ മുഹമ്മദ് ഷിയാസ് ഫോര്‍ട്ട് കൊച്ചി സര്‍ക്കിള്‍ ഇന്‍സ്‌പെക്ടര്‍ക്ക് പരാതി നല്‍കി. കേരളത്തിലെ യുഡിഎഫ് സര്‍ ക്കാരിനെയും ആഭ്യന്തരമന്ത്രി രമേശ് ചെന്നിത്തലയെയും ലക്ഷ്യമിട്ട് അടിസ്ഥാനരഹിതമായ ആരോപണങ്ങള്‍ ഉന്നയിച്ചു. ചരിത്രവസ്തുതകളെ വളച്ചൊടിക്കുന്ന പരാമര്‍ശങ്ങള്‍ നടത്തി. ഫോര്‍ട്ട് കൊച്ചിയിലെ കാശി ആര്‍ട്ട് കഫേയുടെ പേരിനെ അധിക്ഷേപിക്കുന്ന തരത്തില്‍ പ്രതികരിച്ചു. ഇത്തരം ഉഉള്ളടക്കങ്ങള്‍ മതസൗഹാര്‍ദം തകര്‍ക്കാനും പൊതുസമാധാനത്തിന് ഭീഷണിയാകാനും ഇടയാക്കും. വീഡിയോയുടെ ഉള്ളടക്കം പരിശോധിച്ച് ഭാരതീയ ന്യായ സംഹിതയിലെ 196, 299, 353, 356 വകുപ്പുകള്‍ പ്രകാരവും വിവരസാങ്കേതിക നിയമത്തിലെ പ്രസക്തമായ വകുപ്പുകള്‍ പ്രകാരവും കേസെടുക്കണം. വീഡിയോ അപ്ലോഡ് ചെയ്തയാളുടെ വ്യക്തിത്വവും സ്ഥാനവും കണ്ടെത്തി അന്വേഷണം നടത്തണം. വീഡിയോ നീക്കം ചെയ്യുന്നതിനോ തടയുന്നതിനോ നടപടി സ്വീകരിക്കണം. സമാധാനാന്തരീക്ഷം സംരക്ഷിക്കാന്‍ ആവശ്യമായ മുന്‍കരുതലുകള്‍ സ്വീകരിക്കണം- എന്നിവയാണ് പരാതിയിലെ പ്രധാന ആവശ്യങ്ങള്‍ (27 ഒക്ടോബര്‍, മതസ്പര്‍ധ: സോഷ്യല്‍ മീഡിയ ഇന്‍ഫ്‌ളുവന്‍സര്‍ക്കെതിരേ പരാതി, മെട്രോ വാര്‍ത്ത).
39.1 സാഡ് റിയാലിറ്റി
കേരളത്തെക്കുറിച്ചുള്ള ഉത്തരേന്ത്യന്‍ വ്ളോഗറുടെ വിദ്വേഷ പോസ്റ്റില്‍ നടി ദിയ കൃഷ്ണ കമന്റ് ചെയ്തു. വിഡിയോയ്ക്ക് താഴെ ‘സാഡ് റിയാലിറ്റി’ എന്നായിരുന്നു കമന്റ്. അത് വിവാദമായതോടെ അവര്‍ കൂടുതല്‍ വിശദീകരണം നല്‍കി: വിഡിയോയുടെ ആദ്യ പകുതി മാത്രമേ താന്‍ കണ്ടിട്ടുള്ളൂ. കേരളത്തിലെ കഫേയില്‍ ജിന്നയുടെ ഫോട്ടോ വച്ചതിനെക്കുറിച്ചായിരുന്നു തന്റെ കമന്റ്. മുസ്ലീമുകളോട് വിരോധമില്ലെന്നും അവര്‍ കേരളം വിടണമെന്ന് ഒരിക്കലും പറയില്ലെന്നും ദിയ പ്രതികരിച്ചു (24 ഒക്ടോബര്‍, ‘ജിന്നയുടെ ഫോട്ടോ കണ്ടാണ് കമന്റിട്ടത്; കേരളത്തിലെ മുസ്ലീങ്ങള്‍ ഇറങ്ങിപ്പോകണമെന്ന് പറഞ്ഞിട്ടില്ല’; വിശദീകരണവുമായി ദിയ കൃഷ്ണ, സമകാലിക മലയാളം).
വിവാദമായതോടെ തനിക്ക് ഒരുപാട് മുസ് ലിംസ്ത്രീകള്‍ സുഹൃത്തുക്കളുണ്ടെന്ന വാദവുമായി ദിയ കൃഷ്ണ വന്നു: ‘എനിക്ക് ഒരുപാട് മുസ്ലിം സുഹൃത്തുക്കള്‍ ഉണ്ട്, തന്റെ കൂടെ സെല്‍ഫി എടുക്കുന്നതില്‍ കൂടുതല്‍ മുസ്ലിം സ്ത്രീകള്‍’. സാഡ് റിയാലിറ്റി കമന്റിട്ടത് വിവാദ വീഡിയോ മുഴുവന് കാണാതെയെന്നും ദിയ കൃഷ്ണ പറഞ്ഞു (24 ഒക്ടോബര്‍, മക്തൂബ് മീഡിയ).
ഇന്‍സ്റ്റലേഷന്‍
ഷക്കീല്‍ മുഹമ്മദ് ഇന്‍സ്റ്റലേഷനെക്കുറിച്ച് ഒരു കുറിപ്പ് തയ്യാറാക്കി ഫേസ്ബുക്കില്‍ പോസ്റ്റ് ചെയ്തു: കൊച്ചിയിലെ ഫോര്‍ട്ട് കൊച്ചിയിലുള്ള പ്രശസ്തമായ കാഷി ആര്‍ട്ട് കഫേയുടെ നിലവിലെ ഉടമ എഡ്ഗര്‍ പിന്റോ (ആണ്. 2012-ലാണ് അദ്ദേഹം കഫേ ഏറ്റെടുത്തത്. 1997-ല്‍ അനൂപ് സ്‌കറിയയും ഭാര്യ ഡോറി യംഗറും ചേര്‍ന്നാണ് ഈ കഫേയും ആര്‍ട്ട് ഗാലറിയും സ്ഥാപിച്ചത്. 2018-ല്‍ അനൂപ് സ്‌കറിയ അന്തരിച്ചു. കലയും ഭക്ഷണവും ഒത്തുചേരുന്ന ഫോര്‍ട്ട് കൊച്ചിയുടെ സാംസ്‌കാരിക ഇടങ്ങളില്‍ ശ്രദ്ധേയമായ ഒന്നാണ് കാഷി ആര്‍ട്ട് കഫേ. കഫേ നടത്തുന്നത് അച്ചായന്മാര്‍, ഉടമസ്ഥതയും നടത്തിപ്പുമായി ബന്ധപ്പെട്ട് മുസ്ലീങ്ങള്‍ക്ക് യാതൊരു ബന്ധവുമില്ല. എന്നിട്ടും പഴി കേള്‍ക്കേണ്ടത് മുസ്ലീങ്ങള്‍ തന്നെ! കുറ്റം ആരുടേതായാലും പഴി ഒരു പ്രത്യേക സമുദായത്തിന് എന്തൊരു നീതിബോധം! (24 ഒക്ടോബര്‍, ഫേസ്ബുക്ക്/ ബഷീര്‍ മിസ്അബ്)
മുഖമന്ത്രി വി.ഡി സതീശന്
‘കേരളം ഒറ്റക്കെട്ടായി നില്‍ക്കുന്നു. വര്‍ഗീയ വിദ്വേഷത്തിന് ഇവിടെ സ്ഥാനമില്ല. ഫോര്‍ട്ട് കൊച്ചിയെക്കുറിച്ച് തെറ്റായ വിവരങ്ങള്‍ പ്രചരിപ്പിക്കാനും, നമ്മുടെ സംസ്ഥാനത്തെ നെഗറ്റീവ് വെളിച്ചത്തില്‍ ചിത്രീകരിക്കാനും, സമൂഹങ്ങളെ ഭിന്നിപ്പിക്കാനും ശ്രമിക്കുന്ന, സംസ്ഥാനത്തിന് പുറത്തുനിന്നുള്ള ഒരു വ്ളോഗര്‍ അടുത്തിടെ ഇന്‍സ്റ്റാഗ്രാമില്‍ പോസ്റ്റ് ചെയ്ത വീഡിയോ അംഗീകരിക്കാനാവില്ല,’ (25 ഒക്ടോബര്‍, ഹിന്ദു മതകേന്ദ്രമായ ജിന്നയുടെ പേരിലുള്ള കഫേയില്‍ ബീഫ് വിളമ്പുന്നത് എങ്ങനെയെന്ന് തുറന്നുകാട്ടിയതിന് ശേഷം കേരള മുഖ്യമന്ത്രി വ്ളോഗറെ വേട്ടയാടി: വിശദാംശങ്ങള്‍, ഒപി ഇന്ത്യ).
പോലീസ് കേസ്
കാശി ആര്‍ട്ട് കഫേ എന്ന ഭക്ഷണശാലയെ പരാമര്‍ശിച്ച് ഇന്‍സ്റ്റഗ്രാം വീഡിയോയിട്ട വ്‌ളോഗര്‍ക്കെതിരെ ഫോര്‍ട്ട്കൊച്ചി പൊലീസ് കേസെടുത്തു. ‘ലിറ്റിചോക അപ്പ് ‘ എന്ന അക്കൗണ്ടിലിട്ട വീഡിയോയിലാണ് കലാപാഹ്വാനത്തോടെയുള്ള വിദ്വേഷ പരാമര്‍ശം. ഉത്തരേന്ത്യക്കാരനായ അമൃത് സിങ് ഡാരന്‍ എന്ന വ്‌ളോഗര്‍ക്കെതിരെയാണ് കേസ് (25 ഒക്ടോബര്‍, വിദ്വേഷ പ്രചാരണം: ഉത്തരേന്ത്യന്‍ വ്‌ളോഗര്‍ക്കെതിരെ കേസെടുത്തു, ദേശാഭിമാനി).
39.2 ജിന്ന: സംഘവീരപുത്രന്‍
ജിന്നയെക്കുറിച്ച് യുക്തിവാദി പ്രശാന്ത് ഗീത അപ്പുല്‍: ‘ഇന്ത്യയില്‍ ഒരേ സമയം ഒരുമിച്ച് ജീവിക്കുന്ന രണ്ട് വിരുദ്ധ രാഷ്ട്രങ്ങളുണ്ട്. …ഹിന്ദുക്കളും മുസ്‌ലിംകളും.’
1937 അഹമ്മദാബാദില്‍ നടന്ന 13-ാമത് ഹിന്ദുമഹാസഭ സമ്മേളനത്തില്‍ സവര്‍ക്കര്‍ പറഞ്ഞതാണ് ഇത്. അതായത് ദ്വിരാഷ്ട വാദം ഹിന്ദുക്കളുടെ ഭാഗത്ത് നിന്ന് പറഞ്ഞത് സവര്‍ക്കര്‍ സമാനമായി മുസ്‌ലിംകളുടെ ഭാഗത്ത് നിന്ന് പറഞ്ഞത് മുഹമ്മദലി ജിന്ന ആയിരുന്നു. അങ്ങനെ ജിന്നയുടെ വാശി കൂടിയാണ് ഇന്ത്യ വിഭജനം നടന്നത്, ഇന്നും തങ്ങള്‍ക്ക് ഇഷ്ടമില്ലാത്തവരെ പാകിസ്ഥാനില്‍ പോടാ എന്നല്ലേ ഇവര്‍ പറയുന്നത്. ആ നിലക്ക് സവര്‍ക്കര്‍ക്കൊപ്പം സംഘികള്‍ ആരാധിക്കേണ്ട സംഘവീരപുത്രനാണ് മുഹമ്മദലി ജിന്ന (25 ഒക്ടോബര്‍, ഫേസ്ബുക്ക്/ പ്രശാന്ത് ഗീത അപ്പുല്‍).
39.3 വ്‌ലോഗറെ തള്ളി ബിജെപി സംസ്ഥാന അധ്യക്ഷന്‍
കാശി ആര്‍ട്ട് കഫേ വിവാദത്തില്‍ പ്രതികരണവുമായി ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍. എന്ത് കഴിക്കണമെന്ന് തീരുമാനിക്കേണ്ടത് മലയാളികളാണെന്നും ഏതെങ്കിലും ഉത്തരേന്ത്യക്കാരനല്ലെന്നും രാജീവ് ചന്ദ്രശേഖര്‍ പറഞ്ഞു. ആ വീഡിയോയുടെ പുറകെ നടക്കേണ്ട കാര്യവുമില്ല. പക്ഷേ ഇതില്‍ മുഖ്യമന്ത്രിയുടെ ഇരട്ടത്താപ്പാണ് ചര്‍ച്ച ചെയ്യേണ്ടതെന്നും രാജീവ് ചന്ദ്രശേഖര്‍ പറഞ്ഞു.മതേതരത്തെ സെലക്ടീവായി കാണരുത്. സവര്‍ക്കറെ അപമാനിച്ചപ്പോള്‍ മുഖ്യമന്ത്രി എവിടെയായിരുന്നു. ഹിന്ദുവികാരം വ്രണപ്പെട്ടപ്പോള്‍ ഒരു പ്രതികരണവും മുഖ്യമന്ത്രി നടത്തിയില്ല. ജിന്ന കേരളത്തില്‍ ആരുടെ റോള്‍ മോഡല്‍ എന്ന് മുഖ്യമന്ത്രി പറയണമെന്നും രാജീവ് ചന്ദ്രശേഖര്‍ പറഞ്ഞു (25 ഒക്ടോബര്‍, കാശി ആര്‍ട്ട് കഫേ വിവാദം; എന്ത് കഴിക്കണമെന്ന് തീരുമാനിക്കേണ്ടത് മലയാളികള്‍, ഏതെങ്കിലും ഉത്തരേന്ത്യക്കാരനല്ലെന്ന് രാജീവ് ചന്ദ്രശേഖര്‍, ഏഷ്യാനെറ്റ്).
39.4 സതീശന് വേട്ടയാടുന്നു
മുഖ്യമന്ത്രി വി.ഡി സതീശന് വ്ളോഗറെ വേട്ടയാടുന്നുവെന്ന് ഒപി ഇന്ത്യ: സംസ്ഥാനത്ത് ഇന്ത്യന്‍ യൂണിയന് മുസ്ലീം ലീഗിന്റെ പിന്തുണ സതീശന്റെ പാര്‍ട്ടിക്ക് ലഭിക്കുന്നതിനാല്‍ ഈ വിഷയത്തില്‍ അദ്ദേഹത്തിന്റെ നിലപാട് ഒട്ടും ആശ്ചര്യകരമല്ല. രാഷ്ട്രീയ സഖ്യകക്ഷിയായ ഐയുഎംഎല്ലിന്റെ സമ്മര്‍ദ്ദത്തിന് വഴങ്ങി മുസ്ലീം പ്രീണനത്തില്‍ ഏര്‍പ്പെടുന്നതായി അദ്ദേഹത്തിന്റെ സര്‍ക്കാരിനെതിരേ ആരോപണമുയര്‍ന്നിട്ടുണ്ട്. ഇന്ത്യാ വിഭജനത്തില്‍ നേതൃപരമായ പങ്കുവഹിച്ച ജിന്നയുടെ നേതൃത്വത്തിലുള്ള മുസ്ലീം ലീഗിന്റെ ഒരു ശാഖയാണ് ഐയുഎംഎല്‍ എന്നത് സത്യമാണ്. കേരളത്തില്‍ തീവ്രവാദം പ്രചരിപ്പിക്കുന്നതായി ദേശീയ അന്വേഷണ ഏജന്‍സി ആരോപിക്കുന്ന ജമാഅത്തെ ഇസ്ലാമിയുമായും സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യയുമായും പാര്‍ട്ടിക്ക് ബന്ധമുണ്ട് (25 ഒക്ടോബര്‍, ഹിന്ദു മതകേന്ദ്രമായ ജിന്നയുടെ പേരിലുള്ള കഫേയില്‍ ബീഫ് വിളമ്പുന്നത് എങ്ങനെയെന്ന് തുറന്നുകാട്ടിയതിന് ശേഷം കേരള മുഖ്യമന്ത്രി വ്ളോഗറെ വേട്ടയാടി: വിശദാംശങ്ങള്‍, ഒപി ഇന്ത്യ).
39.5 പിന്നില്‍ ഇന്ത്യ ലോബി
വര്‍ക്കലയെയും ഫോര്‍ട്ട് കൊച്ചിയെയും കുറിച്ച് വ്യാജപ്രചാരണങ്ങള്‍ നടത്തി വര്‍ഗീയ സംശയവും വിദ്വേഷവും വളര്‍ത്താനുള്ള ശ്രമങ്ങള്‍ ഗൗരവത്തോടെയാണ് കാണുന്നതെന്ന് ആഭ്യന്തരമന്ത്രി രമേശ് ചെന്നില്ല. നിയമം ലംഘിക്കുന്നവര്‍ക്കെതിരെ കര്‍ശന നടപടി ആഭ്യന്തര വകുപ്പ് സ്വീകരിക്കുമെന്നും അദ്ദേഹം പറഞ്ഞു. കേരളത്തിന് എതിരായ നോര്‍ത്ത് ഇന്ത്യന്‍ ലോബിയുടെ പ്രചാരണമെന്ന് പുതിയ വിവാദമെന്ന് ഹൈബി ഈഡന്‍ എംപിയും പറഞ്ഞു (25 ഒക്ടടോബര്‍, വര്‍ക്കലയെയും ഫോര്‍ട്ട് കൊച്ചിയെയും കുറിച്ച് വ്യാജപ്രചാരണങ്ങള്‍ നടത്തി വര്‍ഗീയ സംശയവും വിദ്വേഷവും വളര്‍ത്താനുള്ള ശ്രമങ്ങള്‍ ഗൗരവത്തോടെയാണ് കാണും; നിയമം ലംഘിക്കുന്നവര്‍ക്കെതിരെ കര്‍ശന നടപടി ആഭ്യന്തര വകുപ്പ് സ്വീകരിക്കുമെന്ന് ചെന്നിത്തല; കേരളത്തിന് എതിരായ നോര്‍ത്ത് ഇന്ത്യന്‍ ലോബിയുടെ പ്രചാരണമെന്ന് ഹൈബി ഈഡന്‍ എംപിയും, മറുനാടന്‍ മലയാളി).
39.6 രാജ്യദ്രോഹ കേസെടുക്കണം
കാശി ആര്‍ട്ട് കഫേക്കെതിരേ രാജ്യദ്രോഹത്തിന് കേസെടുക്കണമെന്ന് ജന്മഭൂമി. അങ്ങനെ ആവശ്യം ഉയര്‍ന്നുവെന്നാണ് വാര്‍ത്തയില്‍ പറയുന്നത് (26 ഒക്ടോബര്‍, കാശി ആര്‍ട്ട്കഫേ, ജിന്ന പ്രതിമ വെള്ളപൂശാൻ ശ്രമം, വിവാദമായപ്പോള്‍ നീക്കം ചെയ്തു, ജന്മഭൂമി).
39.7 ശശികല ടീച്ചറുടെ അല്‍കേരള
ഈ പ്രശ്‌നത്തെ ശശികല ടീച്ചര്‍ ചോദ്യപേപ്പറില്‍ സവര്‍ക്കറെക്കുറിച്ച് ചോദ്യം ഉള്‍പ്പെടുത്തിയ അധ്യാപകനുമായി ചേര്‍ത്തുവച്ചു:
വീര സവര്‍ക്കറുടെ പേര് ഉത്തരമായി വരുന്ന ഒരു ചോദ്യം ചോദിച്ചതിന്റെ പേരില്‍ ഒരധ്യാപകനെ സസ്‌പ്പെന്റ് ചെയ്തതും പോരാതെ നാടടക്കി ബഹളം വെച്ചവന്മാരുടെ നാട്ടില്‍ വിഘടനവാദി ജിന്നയുടെ പടം വെച്ച് കഫേ നടത്തുന്നത്രെ! നോ പ്ലോബ്ലം! ഇതാണ് അല്‍ കേരള (24 ഒക്ടോബര്‍, ഫേസ്ബുക്ക്/ശശികല ടീച്ചര്‍).
40. ലീഗ് ദുര്‍ബലമായാല്‍ തീവ്രസംഘടനകള്‍ കൈയടക്കും: വി.ഡി സതീശന്
കേരളത്തില്‍ ഇന്ത്യന്‍ യൂണിയന് മുസ്ലിം ലീഗ് ദുര്‍ബലമായാല്‍ ആ സ്ഥാനം തീവ്ര സ്വഭാവമുള്ള സംഘടനകള്‍ കൈയടക്കുമെന്ന് മുഖ്യമന്ത്രി വി ഡി സതീശന്. ഡല്‍ഹിയില്‍ ‘ദി ന്യൂ ഇന്ത്യന്‍ എക്‌സ്പ്രസി’ന്റെ ‘എക്‌സ്പ്രസ് അഡ്ഡ എന്ന പരിപാടിയില്‍ സംസാരിക്കുകയായിരുന്നു അദ്ദേഹം: യുഡിഎഫ് സര്‍ക്കാരിന് പാര്‍ട്ടിക്കുള്ളില്‍ നിന്നോ മുന്നണിക്കുള്ളില്‍ നിന്നോ യാതൊരു സമ്മര്‍ദ്ദവുമില്ല. അത്തരം വാര്‍ത്തകള്‍ എല്ലാം മാധ്യമസൃഷ്ടിയാണ്. മുസ്ലിം ലീഗ് തനിക്കുമേല്‍ ഒരു സമ്മര്‍ദ്ദവും ചെലുത്തുന്നില്ല. മുസ്ലിം ലീഗ് ദുര്‍ബലമായാല്‍ കേരളത്തില്‍ ആ ഇടം തീവ്രശക്തികള്‍ പിടിച്ചെടുക്കും. 1940-കളിലെ മുസ്ലിം ലീഗല്ല കേരളത്തിലുള്ളത്. ദില്ലിയില്‍ ഇന്ത്യന്‍ എക്‌സ്പ്രസ് സംഘടിപ്പിച്ച പരിപാടിയില്‍ സംസാരിക്കുകയായിരുന്നു മുഖ്യമന്ത്രി. യുഡിഎഫ് ഒറ്റക്കെട്ടായി ഒരു പാര്‍ട്ടിയായി പ്രവര്‍ത്തിച്ചതാണ് കേരളത്തിലെ വിജയത്തിലേക്ക് നയിച്ചത്. ഇപ്പോഴും അത് തുടരുന്നു (23 ഒക്ടോബര്‍, ‘ലീഗ് ദുര്‍ബലമായാല്‍ ആ ഇടം തീവ്രശക്തികള്‍ പിടിച്ചെടുക്കും’; 1940കളിലെ ലീഗല്ല ഇപ്പോഴെന്ന് വി.ഡി സതീശന്, ഏഷ്യാനെറ്റ് ന്യൂസ്).
40.1 സതീശന് മുസ്‌ലിംകളെ അപമാനിച്ചു
കേരളത്തില്‍ ഇന്ത്യന്‍ യൂണിയന് മുസ്ലിം ലീഗ് ദുര്‍ബലമായാല്‍ ആ സ്ഥാനം തീവ്ര സ്വഭാവമുള്ള സംഘടനകള്‍ കൈയടക്കുമെന്ന പ്രസ്താവന മുസ്ലീം സമുദായത്തെ അപമാനിക്കുന്നതും സംസ്ഥാനത്തിന്റെ മതേതര സ്വഭാവത്തെ വെല്ലുവിളിക്കുന്നതുമാണെന്ന് സി.പി.എം ആരോപിച്ചു. മുസ്ലീങ്ങളെക്കുറിച്ച് സതീശന് നടത്തിയ പരാമര്‍ശത്തെ വിമര്‍ശിച്ച സി.പി.എം മലപ്പുറം ജില്ലാ സെക്രട്ടേറിയറ്റ്, ലീഗ് ഇല്ലെങ്കില്‍ എല്ലാ മുസ്ലീങ്ങളും തീവ്രവാദികളായി മാറുമെന്ന സതീശന്റെ അഭിപ്രായത്തോട് കോണ്‍ഗ്രസും മുസ്ലീം ലീഗും യോജിക്കുന്നുണ്ടോ എന്ന് ചോദിച്ചു. മുസ്ലീങ്ങള്‍ തീവ്രവാദത്തിലേക്ക് മാറാന്‍ കാത്തിരിക്കുകയാണെന്ന തരത്തിലുള്ള പരാമര്‍ശം മുസ്ലീം സമുദായത്തെയും മൊത്തത്തില്‍ കേരളത്തെയും അപമാനിക്കുന്നതാണ് (27 ഒക്ടാബര്‍, സിപിഎം അക്യൂസ്സ് സതീശന് ഓഫ് ഇന്‌സല്‍റ്റിംഗ് മുസ്‌ലിംസ്, എക്‌സ്പ്രസ്സ് ന്യൂസ് സര്‍വീസ്).
41. മോദിച്ചിത്രത്തില്‍ ചവിട്ടിയവര്‍ക്കെതിരെ കേസ്
പ്രധാനമന്ത്രി നരേന്ദ്ര മോദിയുടെ ചിത്രത്തില്‍ ചവിട്ടി എന്നാരോപിച്ച് ബിജെപി നല്‍കിയ പരാതിയില്‍ മണ്ണാര്ക്കാട് എംഇഎസ് കല്ലടി കോളജിലെ എംഎസ്എഫ്, എസ്എഫ്ഐ പ്രവര്‍ത്തകരെ മണ്ണാര്ക്കാട് പോലീസ് കേസെടുത്തു. കലാപത്തിന് ആഹ്വാനം ചെയ്തുവെന്നാണ് എഫ്‌ഐആറില്‍ സൂചിപ്പിച്ചിട്ടുള്ളത് (23 ഒക്ടോബര്‍, മോദി ചിത്രത്തില്‍ ചവിട്ടിയെന്ന് പരാതി; 15 വിദ്യാര്‍ത്ഥികള്‍ക്കെതിരേ കേസ്, സുപ്രഭാതം).
42. ലോക്ഭവന്‍ അടുക്കളയില്‍ നോണ്‍വെജിന് വിലക്ക്
ലോക്ഭവന്‍ അടുക്കളയില്‍ മാംസവും മത്സ്യവും നിരോധിച്ച് ഗവര്‍ണര്‍ ഓം പ്രകാശ് മാഥൂര്‍ ഉത്തരവിറക്കി. കോണ്‍ഗ്രസ് നേതാവ് കെ.സി വേണുഗോപാല്‍ വിമര്‍ശിച്ചു.
43. ലീഗിന്റേത് ‘ആര്‍എസ്എസ്-ബിജെപി മാതൃക
എസ്കെഎസ്എസ്എഫ് മട്ടന്നൂര്‍ മേഖല കൗണ്‍സില്‍ തെരഞ്ഞെടുപ്പുമായി ബന്ധപ്പെട്ടാണ് സമസ്ത കേരള ജംഇയ്യത്തുല്‍ ഉലമ ജില്ല ആസ്ഥാനത്ത് തര്‍ക്കവും സംഘര്‍ഷവും ഉണ്ടായത്. സംഘര്‍ഷത്തിനിടെ ഒരുവിഭാഗം ഓഫിസിലെ ജനല്‍ ഗ്ലാസ് ചില്ലുകള്‍ ഉള്‍പ്പെടെ അടിച്ചു തകര്‍ത്തു. സമസ്ത ആസ്ഥാന മന്ദിരമായ താണ ട്രെയിനിങ് സ്‌കൂള്‍ സമീപത്തെ ഇസ്ലാമിക് സെന്ററിലാണ് സംഭവം- അതേ കുറിച്ച് സിപിഎം നേതാവ് പി ജയരാജന്റെ അഭിപ്രായം:
ആര്.എസ്.എസും ബിജെപിയും എന്താണോ അവലംബിക്കുന്നത് അതേ മാതൃകയാണ് ലീഗുകാര്‍ ഇവിടെ സ്വീകരിക്കുന്നതെന്ന് സിപിഎം നേതാവ് പി. ജയരാജന്‍: ആര്.എസ്.എസും ബിജെപിയും എന്താണോ അവലംബിക്കുന്നത് അതേ മാതൃകയാണ് ലീഗുകാര്‍ ഇവിടെ സ്വീകരിക്കുന്നത്. ‘ലീഗിലെ എല്ലാവരും തീവ്രവാദികളാണൊന്നും ഞങ്ങള്‍ പറയുന്നില്ല. അതേസമയം, ലീഗിനകത്ത് ഒരു വിഭാഗം തീവ്ര നിലപാടുള്ളവരാണ്. അവര്‍ ജനാധിപത്യ മൂല്യങ്ങളെ മാനിക്കണം. ജനാധിപത്യ മൂല്യങ്ങള്‍ മാനിക്കാത്ത ക്രിമിനലുകള്‍ ലീഗിനകത്തുണ്ടെങ്കില്‍ പാര്‍ട്ടി നേതാക്കള്‍ അവരെ തടയണം. മുസ്ലിം ലീഗിന്റെ ഉത്തരവാദിത്വപ്പെട്ട നേതാക്കള്‍ എസ്.കെ.എസ്.എസ്.എഫിന്റെ കണ്ണൂര്‍ ഓഫിസിനു നേരെയുണ്ടായ അക്രമത്തെ തള്ളിപ്പറയാന്‍ തയാറുണ്ടോ എന്നാണ് ചോദിക്കാനുള്ളത്. ആര്.എസ്.എസിന്റെയും ബി.ജെ.പിയുടെയും അതേ മാതൃക പിന്തുടര്‍ന്നാണ് ഇവിടെ ലീഗുകാര്‍ അക്രമം നടത്തുന്നതെന്ന്’ (24 ഒക്ടോബര്‍, ‘ആര്‍എസ്എസ്-ബിജെപി മാതൃകയാണ് ലീഗ് സ്വീകരിക്കുന്നത്’; എസ്കെഎസ്എസ്എഫ് കണ്ണൂര്‍ ഓഫിസ് സംഘര്‍ഷത്തില്‍ പി. ജയരാജന്‍, മാധ്യമം).
44. പുരോഗതി പ്രത്യേകത വിഭാഗത്തിന്
കേരളത്തില്‍ കഴിഞ്ഞ കാല്‍നൂറ്റാണ്ടിലെ കേരളത്തിന്റെ വികസനം പരിശോധിക്കുമ്പോള്‍ സാമ്പത്തികം,തൊഴില്‍, ഭൂമി, വീട്, വിദ്യാഭ്യാസം തുടങ്ങിയ മേഖലകളില്‍ നേട്ടമുണ്ടാക്കിയത് ഒരു പ്രത്യേക വിഭാഗമാണെന്ന് ബിജെപി നേതാവ് രാജീവ് ചന്ദ്രശേഖര്‍. തിരുവനന്തപുരത്ത് മാരാര്‍ജി ഭവനില്‍ ചാത്തന്‍ മാസ്റ്റര്‍ സ്മൃതിസഭ സംഘാടക സമതി ഉദ്ഘാടനം ചെയ്യുകയായിരുന്നു അദ്ദേഹം (25 ഒക്ടോബര്‍, കേരളത്തില്‍ കാല്‍ നൂറ്റാണ്ടിനിടെ സാമ്പത്തിക പുരോഗതി ഒരു വിഭാഗത്തിന്: രാജീവ് ചന്ദ്രശേഖര്‍, ജന്മഭൂമി).
ചാത്തന്‍മാസ്റ്ററുടെ പേര് ദുരുപയോഗിക്കരുതെന്ന് സിപിഐ മുന്നറിയിപ്പ് നല്‍കി (25 ഒക്ടോബര്‍, ചാത്തന്‍മാസ്റ്ററുടെ പേര് ദുരുപയോഗപ്പെടുത്തരുത്: ബിജെപിയോട് സിപിഐ, ജനയുഗം).
45. നിരോധിത സംഘടയുമായി പള്ളിവികാരിയുടെ ചര്‍ച്ച
മലയാറ്റൂര്‍ നീലേശ്വരം പഞ്ചായത്തിലെ ഒമ്പതാം വാര്‍ഡില്‍ ആര്‍എസ്എസ് ശാഖ ആരംഭിക്കുന്നതുമായി ബന്ധപ്പെട്ട് ഒരു സംഘര്‍ഷം രൂപംകൊണ്ടു. ഈ സാഹചര്യത്തില്‍ എസ്ഡിപിഐ സംഘം മലയാറ്റൂര്‍ പള്ളിവികാരിയുമായി കൂടിക്കാഴ്ച നടത്തി. ഇതിനെക്കുറിച്ച് ജനം ടി വി വാര്‍ത്ത: മലയാറ്റൂരില്‍ ആര്‍എസ്എസ് ശാഖ ആക്രമിച്ച സംഭവത്തില്‍ എസ്ഡിപിഐയെ കൂട്ടുപിടിച്ച് വര്‍ഗീയ ധ്രുവീകരണ നീക്കം ശക്തം. നിരോധിത ഭീകര സംഘടന പിഎഫ്‌ഐയുടെ രാഷ്ട്രീയ രൂപമായ എസ്ഡിപിഐയുടെ നേതാക്കളുമായി ചര്‍ച്ച നടത്തി മലയാറ്റൂര്‍ പള്ളിവികാരി. സമാധാന ചര്‍ച്ചകള്‍ക്കുള്ള ആര്‍എസ്എസ് ശ്രമങ്ങളോട് മുഖം തിരിച്ച ശേഷമാണ് പള്ളി നടത്തിപ്പുകാര്‍ എസ്ഡിപിഐയുടെ നേതാക്കളെ പച്ചപ്പരവതാനി വിരിച്ച് സ്വീകരിച്ചിരിക്കുന്നത്. എസ്ഡിപിഐ സംസ്ഥാന ജനറല്‍ സെക്രട്ടറി റോയ് അറക്കല്‍, ജില്ലാ പ്രസിഡണ്ട് അജ്മല്‍ കെ മുജീബ്, ജില്ലാ സെക്രട്ടറി ബാബു മാത്യു, ജില്ലാ കമ്മിറ്റി അംഗങ്ങളായ സഈദ് വാഴക്കുളം, കെ.കെ. സിദ്ദീഖ് എന്നിവരാണ് പള്ളിയില്‍ എത്തിയത്.കേരളത്തില്‍ നിലവില്‍ പൊതുശ്രദ്ധ നേടുന്ന എന്തു വിഷയങ്ങള്‍ വരുന്ന സമയത്തും എസ്ഡിപിഐ അവിടെ കൃത്യമായ മുതലെടുപ്പ് നടത്താറുണ്ട്. അടുത്ത കാലത്ത് തന്നെ ഇതേ തരത്തില്‍ നിരവധി സംഭവങ്ങളുണ്ടായിട്ടുണ്ട്. ഇതിന്റെ ഒടുവിലത്തെ ഉദാഹരണമാണ് മലയാറ്റൂരിലെ സംഭവം (25 ഒക്ടോബര്‍, എസ്ഡിപിഐയെ കണ്ട് പള്ളിവികാരി; മലയാറ്റൂര്‍ ആര്‍എസ്എസ് ശാഖാ ആക്രമണത്തില്‍ വര്‍ഗീയ ധ്രുവീകരണത്തിന് നീക്കം, ജനം ടിവി).
നിഷേധിച്ച് പള്ളിവികാരി
മധുരിമ കവലയില്‍ ആര്‍എസ്എസ് ശാഖയുമായി ബന്ധപ്പെട്ട് ഉണ്ടായ പ്രശ്‌നങ്ങളുടെ പശ്ചാത്തലത്തില്‍ മലയാറ്റൂര്‍ പള്ളി എസ്ഡിപിഐയുമായി ചര്‍ച്ച നടത്തിയെന്ന തരത്തില്‍ പ്രചരിക്കുന്ന വാര്‍ത്തകള്‍ വസ്തുതാവിരുദ്ധമാണെന്ന് മലയാറ്റൂര്‍ സെന്റ്. തോമസ് പള്ളി വികാരി ഫാ.ജോസ് ഓഴലക്കാട്ട്. എസ്ഡിപിഐ എറണാകുളം ജില്ലാ കമ്മിറ്റിയുടെ ഫെയ്‌സ്ബുക്ക് പേജില്‍ പ്രസിദ്ധീകരിച്ച വാര്‍ത്തയും ഫോട്ടോയും തുടര്‍ന്ന് ജനം ടി വി നല്‍കിയ വാര്‍ത്തയും തെറ്റിദ്ധാരണ സൃഷ്ടിക്കുന്നതാണെന്നും അദ്ദേഹം അറിയിച്ചു. പ്രചരിക്കുന്ന ഫോട്ടോയില്‍ കാണുന്നത് മലയാറ്റൂര്‍ പള്ളി വികാരിയല്ല. ഫോട്ടോയും വാര്‍ത്തയും കൂട്ടിച്ചേര്‍ത്ത് തെറ്റായ ധാരണ സൃഷ്ടിക്കുന്ന രീതിയിലാണ് പ്രചാരണം നടക്കുന്നതെന്നും വിശദീകരണക്കുറിപ്പില്‍ വികാരി ചൂണ്ടി ക്കാട്ടുന്നു (27 ഒക്ടോബര്‍, എസ്ഡിപിഐയുമായി ചര്‍ച്ച നടത്തിയെന്ന പ്രചാരണം അടിസ്ഥാനരഹിതം: മലയാറ്റൂര്‍ വികാരി, മംഗളം).
എസ്ഡിപിഐയുമായി ചര്‍ച്ച
ആര്.എസ്.എസ്. ശാഖയുമായി ബന്ധപ്പെട്ട തര്‍ക്കത്തില്‍ മലയാറ്റൂര്‍ സെന്റ് തോമസ് പള്ളി വികാരി എസ്.ഡി.പി.ഐ യുമായി ചര്‍ച്ച നടത്തിയെന്ന തരത്തില്‍ പ്രചരിക്കുന്ന വാര്‍ത്തകള്‍ അടിസ്ഥാനരഹിതമാണെന്ന് വികാരി ഫാ. ജോസ് ഒഴലക്കാട്ട്. സംഭവവുമായി ബന്ധപ്പെട്ട് പ്രചരിക്കുന്ന വാര്‍ത്തകളും ചിത്രവും വസ്തുതാവിരുദ്ധമാണ്. എസ്.ഡി.പി.ഐ. എറണാകുളം ജില്ലാ കമ്മിറ്റിയുടെ ഫെയ്‌സ്ബുക്ക് പേജില്‍ പ്രസിദ്ധീകരിച്ച വാര്‍ത്തയും ചിത്രവും തുടര്‍ന്ന് ജനം ടി.വി.യില്‍ വന്ന വാര്‍ത്തയും വസ്തുതകള്‍ക്ക് നിരക്കാത്തതാണ് (27 ഒക്ടോബര്‍, എസ്ഡിപിഐയുമായി ചര്‍ച്ച നടത്തിയെന്ന പ്രചാരണം അടിസ്ഥാനരഹിതം: മലയാറ്റൂര്‍ വികാരി, മംഗളം).
46. പകൽ കമ്മ്യൂണിസ്റ്റും രാത്രി ജിഹാദിയും
എടപ്പാള്‍ മലബാര്‍ കോളേജ് യൂണിയന് ചെയര്‍മാനായയി വിജയിച്ചത് എസ്എഫ്‌ഐയില്‍നിന്നുള്ള വിദ്യാര്‍ത്ഥിയാണ്. പിന്നീട് വിദ്യാര്‍ത്ഥിക്ക് എസ്ഡിപിഐ സ്വീകരണംനല്‍കി. ഇതേകുറിച്ച് ജനംടി വി വാര്‍ത്ത നല്‍കി: കുട്ടി സഖാക്കളുടെ ഭീകരബന്ധം: എസ്എഫ്ഐ ചെയര്മാന് പാതിരാത്രി എസ്ഡിപിഐ സ്വീകരണം, മറുപടിയില്ലാതെ സ്വീകരണം എന്നായിരുന്നു ശീര്‍ഷകം (25 ഒക്ടോബര്‍, ജനം ടിവി).
പകല് കമ്മ്യൂണിസ്റ്റും രാത്രി ജിഹാദിയുമാണ് എസ്എഫ്‌ഐയില്‍ നിന്ന് മല്‍സരിച്ച ജയിച്ചതെന്ന് ശശികല ടീച്ചർ (25 ഒക്ടോബര്‍, പകല് കമ്മ്യൂണിസ്റ്റും രാത്രി ജിഹാദിയും-ശശികല ടീച്ചര്‍, ജനം ടിവി).
47. മഹാമാഘ മഹോത്സവം
47.1 കുളംകളക്കി മൂന്‍പിടിക്കുന്നു
കഴിഞ്ഞ വര്‍ഷം മഹാമാഘ മഹോല്‍സവം മലപ്പുറം കുംഭമേള എന്നിങ്ങനെ പേരുകളില്‍ ഒരു ഉല്‍സവം നടന്നു. ജുന അഘാഡയില്‍ ഉള്‍പ്പെട്ട ആനന്ദവനം ഭാരതിയുടെ നേതൃത്വത്തിലാണ് അത് നടന്നത്. ഇത്തവണ പക്ഷേ, അതില്‍ ചില തര്‍ക്കങ്ങളുണ്ടായി. കുംഭമേള ആഘോഷക്കമ്മറ്റി രണ്ടായി പിരിഞ്ഞു. ഈ സാഹചര്യത്തില്‍ ജുന അഘാഡ മഹാമണ്ഡലേശ്വര്‍ ആനന്ദവനം ഭാരതി സ്വാമിയെ തിരൂര്‍ എംഎല്‍എ സി കുറുക്കോളി മൊയ്തീന്‍ മാലയിട്ട് സ്വീകരിച്ചു. ഇതിനെ വിമര്‍ശിച്ചുകൊണ്ട് ബിജെപി സംസ്ഥാന ഉപാധ്യക്ഷന്‍ ഉണ്ണികൃഷ്ണന്‍ മാസ്റ്റര്‍ രംഗത്തുവന്നു. യുഡിഎഫും സര്‍ക്കാറും കുളം കലക്കി മീന്‍ പിടിക്കാന്‍ ശ്രമിക്കുകയാണെന്നായിരുന്നു വാദം. ഇത്തവണത്തെ മഹാമാഘ നടത്തിപ്പില്‍ ഭിന്നത ഉണ്ടെന്നറിഞ്ഞ് അത് മുതലെടുക്കാനാണ് ഇവരുടെ ശ്രമം. കഴിഞ്ഞതവണ തിരിഞ്ഞു നോക്കാത്ത എംഎല്‍എ ഇത്തവണ ആനന്ദവനത്തെ സ്വീകരിക്കാന്‍ എത്തിയത് ഈ ഉദ്ദേശം ഉള്ളതുകൊണ്ടാണ്. കഴിഞ്ഞതവണ ഒട്ടേറെ പ്രശ്നങ്ങള് ഉണ്ടായപ്പോള്‍ ഒന്നിലും സഹായിക്കാത്ത ഇടപെടാത്ത എംഎല്‍എമാരാണ് ഇവിടെ ഉള്ളത്. ഇത്തവണ അഭിപ്രായ വ്യത്യാസങ്ങള്‍ എല്ലാം പരിഹരിച്ച് എല്ലാം ഐക്യത്തോടെ നന്നായിട്ട് തന്നെ നടക്കുമെന്നും ഉണ്ണികൃഷ്ണന്‍ മാസ്റ്റര്‍ പറഞ്ഞു (25 ഒക്ടോബര്‍, ഒരു ജനപ്രതിനിധി എന്ന നിലയില്‍ തന്നാല്‍ ആകുന്ന സഹായം ചെയ്യും, ന്യൂസ് 18).
സര്‍ക്കാര്‍ സഹകരണം: അന്നും ഇന്നും
കുംഭമേളയിലെ സര്‍ക്കാന്‍ സമീപനത്തെക്കുറിച്ച് മാധ്യമപ്രവര്‍ത്തകന്‍ മാധവന്‍കുട്ടി:
വി ഡി സതീശന് സര്‍ക്കാരുമായി പാലം പണിത് രണ്ടാം തിരുനാവായ കുഭമേള വിജയിപ്പിക്കാന്‍ സ്വാമി ആനന്ദവനം ഭാരതി. ഭാരതിയെ പച്ച പരവതാനി വിരിച്ച് സ്വീകരിക്കാന്‍ ഭരണ മുസ്ലീം ലീഗിന്റെ മലപ്പുറം ജില്ല നേതാവ്. അപ്പോള്‍ പാലം ആരെന്നു വ്യക്തം. ആനന്ദവനീസ്വാമിയും ചിദാനന്ദസ്വാമിയുമായുള്ള ചക്കളത്തി പോര് വരാനിരിക്കുന്ന ഡീലിനുമറയായാലും അത്ഭുതപ്പെടരുത്. ഇവരുടെ ഒന്നാം സംയുക്ത തിരുനാവായ കുഭമേളയുടെ സംഘാടന സമിതി രക്ഷാധികാരി അന്നത്തെ സിപിഐഎം ദേവസ്വം മന്ത്രി സഖാവ് വാസവന്‍. മേളക്കു പ്രത്യേക കെഎസ്ആര്‍ടിസി റൂട്ട് ഇട്ടുനല്‍കി അന്നത്തെ ഗതാഗത മന്ത്രി ഗണേഷ് കുമാര്‍. ഇത്തവണ അതുക്കും മേലെയാകും സംസ്ഥാന സര്‍ക്കാര്‍ സഹകരണമെന്ന് സ്വാമി ആനന്ദവനം ഭാരതി (25 ഒക്ടോബര്‍, ഫേസ്ബുക്ക്/ മാധവന്‍ കുട്ടി നന്ത്യേലത്ത്).
48. വിഗ്രഹത്തിലെ ഐഎസ്ഐഎസ്
വിഗ്രഹത്തില്‍ ഐഎസ്ഐഎസ് എന്ന് എഴുതിയെന്ന് ജനം ടിവി ആരോപണം. വാര്‍ത്തയില്‍ നിന്ന്:
തിരുവിതാംകൂര്‍ ദേവസ്വം ബോര്‍ഡിന് കീഴിലുള്ള പുരാതന ക്ഷേത്രത്തില്‍ കടന്നുകയറി മതസൗഹാര്‍ദം തകര്‍ക്കാന്‍ ബോധപൂര്‍വ്വമായ ശ്രമം. തിരുവനന്തപുരം പോത്തന്‍കോട് മോഹനപുരം മഹാദേവ വേണുഗോപാല സ്വാമി ക്ഷേത്രത്തിലെ ബ്രഹ്‌മരക്ഷസ്സ് വിഗ്രഹത്തില്‍ ഐഎസ്ഐഎസ് എന്ന ഭീകരസംഘടനയുടെ പേര് എഴുതിയ നിലയില്‍ കണ്ടെത്തി. സമാനമായ രീതിയില്‍ രണ്ടാം തവണയും വിഗ്രഹം വികൃതമാക്കാന്‍ ശ്രമിച്ചതോടെ പ്രതിഷേധം ശക്തമാക്കിയിരിക്കുകയാണ് ഭക്തര്‍. കഴിഞ്ഞ വെള്ളിയാഴ്ച ക്ഷേത്രത്തിലെത്തിയ പൂജാരിയാണ് ബ്രഹ്‌മരക്ഷസ് പ്രതിഷ്ഠയില്‍ ഐഎസ്ഐഎസ് എന്ന് എഴുതിയിരിക്കുന്നത് ആദ്യം ശ്രദ്ധിച്ചത്. വിഗ്രഹത്തിന്റെ പീഠത്തില്‍ അറബി അക്ഷരങ്ങളും എഴുതിയിരുന്നു. തുടര്‍ന്ന് ക്ഷേത്രസമിതി പോത്തന്‍കോട് പോലീസില്‍ പരാതി നല്‍കി. പോലീസ് സ്ഥലത്തെത്തി പരിശോധന നടത്തിയെങ്കിലും ആദ്യഘട്ടത്തില്‍ കേസ് രജിസ്റ്റര്‍ ചെയ്തിരുന്നില്ല. എന്നാല്‍, ശനിയാഴ്ച രാത്രിയിലും സമാനമായ രീതിയില്‍ എഴുത്തുകള്‍ പ്രത്യക്ഷപ്പെട്ടതോടെ സംഭവം കൂടുതല്‍ ഗൗരവമായി. ഞായറാഴ്ച ഇത് ശ്രദ്ധയില്‍പ്പെട്ടതിനെത്തുടര്‍ന്ന് ക്ഷേത്രസമിതിയും വിശ്വാസികളും വീണ്ടും പോലീസിനെ സമീപിച്ചു. തുടര്‍ന്ന് പോലീസ് സ്ഥലത്തെത്തി പരിശോധന നടത്തുകയും ഫോറന്‍സിക് വിദഗ്ധര്‍ തെളിവുകള്‍ ശേഖരിക്കാന്‍ ശ്രമിക്കുകയും ചെയ്തു. മഴ കാരണം ശാസ്ത്രീയ പരിശോധനയ്ക്ക് ആവശ്യമായ തെളിവുകള്‍ ലഭിക്കുന്നതില്‍ ബുദ്ധിമുട്ടുണ്ടായെന്നാണ് റിപ്പോര്‍ട്ട്. (26 ഒക്ടോബര്‍, ക്ഷേത്രത്തിലെ വിഗ്രഹത്തില്‍ ഭീകര സംഘടനയായ ഐഎസ്ഐഎസ് എന്ന് എഴുതി; പ്രകോപനം തിരുവിതാംകൂര്‍ ദേവസ്വം ബോര്‍ഡിന് കീഴിലുള്ള പുരാതന ക്ഷേത്രത്തില്‍; ശക്തമായ പ്രതിഷേധം, ജനം ടിവി).
49. പള്ളികൂദാശയില്‍ പാണക്കാട് തങ്ങള്‍ വേണ്ട
ചങ്ങനാശേരി പാറേല്‍ മരിയന്‍ തീര്‍ത്ഥാടന കേന്ദ്രത്തിലെ പുതിയ പള്ളിയുടെ കൂദാശ ചടങ്ങിലേക്ക് മുസ്ലിം ലീഗ് സംസ്ഥാന അധ്യക്ഷന്‍ പാണക്കാട് സാദിഖലി ശിഹാബ് തങ്ങളെ മുഖ്യാതിഥിയായി ക്ഷണിച്ചു. നവംബര്‍ 21-ന് നടക്കാനിരിക്കുന്ന പള്ളി കൂദാശ ചടങ്ങിലേക്ക് ചങ്ങനാശേരിയില്‍ നിന്നുള്ള നാല് വൈദികരടങ്ങുന്ന അഞ്ചംഗ സംഘം പാണക്കാട്ടെത്തിയാണ് ക്ഷണിച്ചത്. ചിലര്‍ ഇതിനെതിരേ രംഗത്തുവന്നു.
പാണക്കാട് തങ്ങള്‍ തുര്‍ക്കിയിലെ ഹാഗിയ സോഫിയ ക്രൈസ്ത ദേവാലയവുമായി ബ്ന്ധപ്പെട്ട എഴുതിയ ലേഖനം ചൂണ്ടിക്കാട്ടിയാണ് എതിരാളികള്‍ സംസാരിച്ചത് (26 ഒക്ടോബര്‍, പാറേല്‍ പള്ളി കൂദാശയ്ക്ക് പാണക്കാട് തങ്ങള്‍ക്ക് ക്ഷണം; പ്രതിഷേധവുമായി വിശ്വാസികള്‍; പള്ളി നിര്‍മാണ കമ്മിറ്റിയില്‍നിന്ന് രാജിവെച്ചും പ്രതിഷേധം, ജനം ടിവി).
50. എസ്ഡിപിഐ സഖ്യം
തൊടുപുഴ അല്‍ അസര്‍ ലോ കോളേജില്‍ വിദ്യാര്‍ത്ഥി യൂണിയന് പിടിക്കാന്‍ എസ്ഡിപിഐയുമായി കൈകോര്‍ത്ത കെഎസ്യു നടപടി മതനിരപേക്ഷ മൂല്യങ്ങളോടുള്ള വെല്ലുവിളിയാണെന്ന് എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ്. ക്ലാസ് തെരഞ്ഞെടുപ്പ് കഴിഞ്ഞപ്പോള്‍ 12 സീറ്റില്‍ എസ്എഫ്ഐ ജയിച്ചു. 10 സീറ്റില്‍ കെഎസ്യുവും രണ്ടിടത്ത് എസ്ഡിപിഐയുടെ യങ് ഡെമോക്രാറ്റ്സും ജയിച്ചു. ഇരുകൂട്ടരും സഖ്യചേര്‍ന്ന് യൂണിയന് പിടിച്ചു. വര്‍ഗീയവാദികളുടെ വോട്ട് വാങ്ങാന്‍ കെഎസ്‌യുവിന് എല്ലാ അനുവാദവും നല്‍കിയിരിക്കുകയാണ് കെപിസിസി (01 ഒക്ടോബര്‍, കെഎസ്യു-എസ്ഡിപിഐ സഖ്യം: വെല്ലുവിളിക്കുന്നത് മതനിരപേക്ഷതയെ: പി.എസ് സഞ്ജീവ്, ദേശാഭിമാനി).
51. കാസര്‍കോട്ടെ കൊലക്കേസുകളുടെ ‘വിധി’
കാസര്‍കോഡ് നഗരത്തില്‍വച്ച് 2014ലാണ് എസ്ഡിപിഐ നേതാവ് സൈനുല്‍ ആബിദീന്‍ കൊലചെയ്യപ്പെട്ടത്. ഹിന്ദുത്വരായിരുന്നു കൊലപാതകത്തിനു പിന്നില്‍. ഒക്ടോബര്‍ 19ാം തിയ്യതി ഈ കേസില്‍ വിധി പുറപ്പെടുവിച്ചു. മുഴുവന് പ്രതികളെയും വെറുതെ വിട്ടു. ഇതിനെക്കുറിച്ച് ഡി.വൈ.എസ്.പിയും കാസര്‍കോട് ചെമനാട് സ്വദേശിയുമായ അബ്ദുറഹീം ഫേസ്ബുക്കില്‍ ഒരു കുറിപ്പ് പ്രസിദ്ധീകരിച്ചു. റിയാസ് മൗലവി വധത്തിന്റെ വിധി പോലെത്തന്നെയായിരുന്നു സൈനുല്‍ ആബിദീന്റെ വിധിയെന്നായിരുന്നു അബ്ുറഹിമിന്റെ അഭിപ്രായം. പോസ്റ്റിലെ ചില നിരീക്ഷണങ്ങള്‍:
(വിധി) തീര്‍ത്തും നിരാശാജനകമായിരുന്നു. ഇതേ തരത്തിലുള്ള വിധിയായിരുന്നു റിയാസ് മൗലവി കേസിലും നാം കണ്ടത്. വര്‍ഷങ്ങള്‍ നീണ്ട നിയമ പോരാട്ടത്തിനൊടുവില്‍ സമാധാനം കാംക്ഷിക്കുന്ന എല്ലാവരെയും അസ്വസ്ഥപ്പെടുത്തുന്ന വിധികളാണ് കാസര്‍കോട്ട് കോടതികള്‍ ചുട്ടെടുക്കുന്നത്. ഒരാളുമായും പ്രശ്‌നമുണ്ടാക്കാത്ത റിയാസ് മൗലവി പള്ളിയില്‍ കിടന്നുറങ്ങുമ്പോളാണ് തീവ്ര ഹിന്ദു വര്‍ഗീയവാദികളാല്‍ കൊല ചെയ്യപ്പെടുന്നത്. കേസിലെ ഗൂഢാലോചന പോലും അന്വേഷിക്കാതെ, എന്നാല്‍ ‘കുറ്റമറ്റ’ രീതിയില്‍ കേസ് അന്വേഷണം പൂര്‍ത്തീകരിച്ച് കോടതി മുമ്പാകെ കുറ്റപത്രം സമര്‍പ്പിച്ച അന്വേഷണ സംഘം കാത്തിരുന്നത് പ്രതികള്‍ക്കൊക്കെയും കൃത്യമായ ശിക്ഷ നിയമ വ്യവസ്ഥ വിധിക്കുമെന്നായിരുന്നു. അന്വേഷണ സംഘത്തില്‍ നിന്നും മാറ്റി നിര്‍ത്താന്‍ കാണിച്ചിരുന്ന ഊര്‍ജ്ജമൊന്നും റിയാസ് മൗലവി കേസിലെ പ്രതികളെ വെറുതെ വിട്ടപ്പോള്‍ കണ്ടില്ല.
…സ്വന്തം കണ്‍മുന്നില്‍ വച്ച് ഹിന്ദുത്വ ക്രിമിനലുകള്‍ മകനെ കുത്തിക്കൊലപ്പെടുത്തുമ്പോള്‍ ദൃക്‌സാക്ഷിയാകാന്‍ വിധിക്കപ്പെട്ട ഉപ്പയ്ക്ക്, പക്ഷേ ആ പ്രതികളെയൊക്കെയും വെറുതെ വിടുന്ന വിധി കേള്‍ക്കാനുളള അവസരം നല്‍കാത്തത് ദൃക്‌സാക്ഷികള്‍ ഇല്ല എന്നതുകൊണ്ട് മാത്രം കേസ് വിട്ടു പോകാറില്ല. ദൃക്‌സാക്ഷികള്‍ ഇല്ലാത്ത എത്രയോ കേസുകള്‍ ശിക്ഷിക്കപ്പെട്ടത് നമ്മുടെ കണ്‍മുമ്പിലുണ്ട്…. ദൃക്‌സാക്ഷി മരണപ്പെട്ട ഈ കേസില്‍ സാക്ഷികള്‍ പ്രോസിക്യൂഷനോടൊപ്പം നില്‍ക്കാത്തതാണ് കോടതിയെ ഇത്തരം വിധിയിലേക്ക് നയിച്ചത് എന്ന് പറയേണ്ടിവരും…
കാസര്‍കോട് നടക്കുന്ന പല കേസുകളിലും സാക്ഷികള്‍ പൊലീസിന് നല്‍കിയ മൊഴി പിന്നീട് കോടതികളില്‍ പറയുന്നതില്‍ വിമുഖത കാണിക്കുന്നത് പലപ്പോഴും കണ്ടിട്ടുണ്ട്. സാക്ഷികള്‍ കൂറുമാറുന്നത് തടയാന്‍ പൊലീസിന് കഴിയില്ല. ഈ കേസില്‍ ഇത്തരം സാക്ഷികള്‍ പൂര്‍ണ്ണമായും കൂറുമാറി എന്ന് പറയാന്‍ കഴിയില്ലെങ്കിലും പൊലീസിന് നല്‍കിയ മൊഴികളില്‍ കുറച്ചു മാത്രമാണ് അവര്‍ കോടതിയില്‍ സമ്മതിച്ചിട്ടുള്ളത് എന്ന് കോടതിവിധി വായിച്ചു നോക്കിയാല്‍ മനസ്സിലാക്കാം… ഡസന്‍ കണക്കിന് കേസുകളുള്ള കൊടുംക്രിമിനലുകളാണ് ഈ വിധികളിലൂടെ മഹത്വവല്‍ക്കരിക്കപ്പെടുന്നത്. കാസര്‍കോടിന്റെ സോഷ്യല്‍ ഫാബ്രിക്കിന് ഇത്രത്തോളം പരിക്കേല്‍പ്പിച്ച വേറെ ക്രിമിനലുകള്‍ ഉണ്ടോ എന്നത് സംശയമാണ്. അവരുടെ ക്രിമിനല്‍ പശ്ചാത്തലവും, ദുര്‍നടപ്പും കണക്കിലെടുത്തെങ്കിലും ഇത്തരം ക്രിമിനലുകള്‍ക്ക് കര്‍ശന ശിക്ഷ ഉറപ്പാക്കാന്‍ നിയമ സംവിധാനങ്ങള്‍ മുന്നോട്ടുവരണമായിരുന്നു (19 ഒക്ടോബര്‍, ‘കാസര്‍കോട്ടെ കൊലക്കേസുകളുടെ വിധി’; സൈനുല്‍ ആബിദീന്‍ വധക്കേസില്‍ ആര്.എസ്.എസുകാരെ വെറുതെ വിട്ടതിനെതിരെ മുന്‍ ഡിവൈഎസ്പി. മാധ്യമം ഓണ്‍ലൈന്‍).
52. വംശീയ-ലൈംഗികാധിക്ഷേപവുമായി വിമല്‍ ശിവശക്തി
സാമൂഹിക മാധ്യമങ്ങളിലൂടെ ബാലികയ്‌ക്കെതിരേ ലൈംഗിക അധിക്ഷേപവും വിദ്വേഷവും നടത്തിയ ആര്‍എസ് എസ് പ്രവര്‍ത്തകന്‍ വിമല്‍ ശിവശക്തിയെ മുഴക്കുന്ന് പോലീസ് അറസ്റ്റ് ചെയ്തു. ഇയാളെ പിന്നീട് കോടതി റിമാന്റ് ചെയ്തു. കണ്ണൂര്‍ അഴിയൂര്‍ സ്വദേശിയായ വിമല്‍ ശിവശക്തി എന്ന ആര്‍എസ്എസ് പ്രവര്‍ത്തകനാണ് വംശീയ-ലൈംഗികാധിക്ഷേപം നടത്തിയത്. എസ് ഡി പി ഐ മുഴക്കുന്ന് പഞ്ചായത്ത് ജോയിന്റ് സെക്രട്ടറി യൂനുസ് വിളക്കോട് നല്‍കിയ പരാതിയിലാണ് നടപടി ഉണ്ടായത്.
സാമൂഹികമാധ്യമത്തില്‍ പോസ്റ്റ് ചെയ്ത പെണ്‍കുട്ടിയുടെ ഫോട്ടോയ്ക്ക് താഴെയാണ് ഇയാള്‍ വംശീയവും ലൈംഗിക അധിക്ഷേപകരവുമായ കമന്റിട്ടത്. അബാക്കസ് പരീക്ഷയില്‍ ഉന്നത വിജയം നേടിയ ബാലികയെ എസ് ഡി പി ഐ അനുമോദിച്ചതിന്റെ ചിത്രം ഫേസ്ബുക്കില്‍ പോസ്റ്റ് ചെയ്തപ്പോഴായിരുന്നു അധിക്ഷേപം. ഇതേ തുടര്‍ന്നാണ് മുഴക്കുന്ന് പഞ്ചായത്ത് ജോയിന്റ് സെക്രട്ടറി യങ് ഡെമോക്രാറ്റ് പേരാവൂര്‍ മണ്ഡലം കമ്മിറ്റി അംഗവുമായ യൂനുസ് വിളക്കോട് പരാതി നല്‍കിയിത്. പ്രതിയെ കോടതി രണ്ടാഴ്ചത്തേക്ക് റിമാന്റ് ചെയ്തു (27 ഒക്ടോബര്‍, സാമൂഹികമാധ്യമങ്ങളിലൂടെ ബാലികയ്‌ക്കെതിരേ വര്‍ഗീയ- ലൈംഗിക അധിക്ഷേപം; ആര്‍എസ്എസ് പ്രവര്‍ത്തകന്‍ അറസ്റ്റില്‍, തേജസ് ന്യൂസ്).
53. ബോര്ഡ് ഓഫ് സ്റ്റഡീസില്‍ ചരിത്രപ്രാതിനിധ്യം: അന്നും ഇന്നും
കാലിക്കറ്റ് സര്‍കലാശാല പുനഃസംഘടിപ്പിച്ച ബോര്ഡ് ഓഫ് സ്റ്റഡീസില്‍ മുസ് ലിംപ്രാതിനിധ്യം ചരിത്രത്തില്‍ ഏറ്റവും ഉയര്‍ന്ന തലത്തിലെന്ന് സുപ്രഭാതം പത്രം. 967 പേരുടെ പട്ടികയില്‍ 325 പേരാണ് മുസ് ലിംകള്‍. ഇടതുസര്‍ക്കാരിന്റെ കാലത്ത് ഇത് കേവലം 160 ല്‍താഴെ മാത്രമായിരുന്നു. പത്ത് സമിതികളുടെ അധ്യക്ഷസ്ഥാനം മുസ് ലിംസമുദായത്തില്‍നിന്നാവാന്‍ സാധ്യതയുള്ള അറബിക്, ഉറുദു, അഫ്‌സലുല്‍ ഉലമ, ഇസ്ലാമിക് ഹിസ്റ്ററി എന്നീ വിഷയങ്ങളിലെ യുജി, പിജി വിഭാഗങ്ങളുടെ ചെയര്‍മാന്‍ഷിപ്പ് ഉള്‍പ്പെടേയായിരുന്നു ഇത്. പുതിയ പട്ടികയില്‍ 33 ബോര്‍ഡുകളഉടെ അധ്യക്ഷസ്ഥാനത്തും ഈ സമുദായക്കാരാണ്. ബോര്ഡ് ഓഫ് സ്റ്റഡീസില്‍ 32 പേര് ബിജെപിഅനുകൂല അംഗങ്ങളാണെന്ന് ഒരു വിഭാഗം മാധ്യമങ്ങള്‍ റിപ്പോര്‍ട്ട് ചെയ്യുന്നു (28 ഒക്ടോബര്‍, കാലിക്കറ്റില്‍ ബോര്ഡ് ഓഫ് സ്റ്റഡീസ്, മുസ് ലിംസമുദായത്തിന് ചരിത്രപ്രാതിനിധ്യം, സുപ്രഭാതം).
54. ലീഗിന് കോണ്‍ഗ്രസ് കീഴടങ്ങുന്നു
അധികാരത്തിലെത്തി അഞ്ചു്മാസമായിട്ടും കോര്‍പറേഷനുകളിലും ബോര്‍ഡുകളിലും മേധാവികളെ നിയമിക്കാന്‍ കഴിയാത്തതിനെക്കുറിച്ച് ദേശാഭിമാനി വാര്‍ത്തയില്‍ തീരുമാനമെടുക്കുമ്പോള്‍ മുസ് ലിംലീഗിന് കോണ്‍ഗ്രസ് വഴങ്ങുന്നുവെന്ന ആരോപണവും കണക്കിലെടുക്കുന്നുണ്ടെന്ന് നിരീക്ഷിക്കുന്നു. ഈ ആരോപണം ആരാണ് ഉന്നയിച്ചതെന്ന് വാര്‍ത്തയിലില്ല (28 ഒക്ടോബര്‍, കോര്‍പറേഷനിലും ബോര്‍ഡിലും തര്‍ക്കം തുടരുന്നു, ദേശാഭിമാനി).
55. മതവിഷം കുത്തിവയ്ക്കുന്ന ഖാഇദേ മില്ലത്ത് അംഗന്‍വാടി
മലപ്പുറത്തെ വാഴക്കാട് അംഗനവാടിക്ക് ഖാഇദേ മില്ലത്ത് അംഗന്‍വാടിയെന്ന് പേരിട്ടു. ഇന്ത്യയുടെ ഭരണഘടനാ ഡ്രാഫ്റ്റ് കമ്മിറ്റി അംഗവും മദ്രാസ് അസംബ്ലിയിലും പാര്‍ലിമെന്റിലും അംഗമായിരുന്ന ആളാണ് ഖാഇദേ മില്ലത്ത് മുഹമ്മദ് ഇസ്മായില്‍ സാഹിബ്.
ഇതിനെതിരേ ശശികല ടീച്ചര്‍ രംഗത്തുവന്നു. പോസ്റ്റില്‍ നിന്ന്:
ഭാരതത്തിന്റെ വിഭജനാനന്തരം, 1947 ഡിസംബര്‍ 14-15 തീയതികളില്‍ പാക്കിസ്ഥാന്റെ ഗവര്‍ണര്‍ ജനറല്‍ മുഹമ്മദാലി ജിന്നയുടെ കറാച്ചിയിലെ വീട്ടില്‍ സര്‍വേന്ത്യ മുസ്ലിം ലീഗിനെ രണ്ടായി പിരിച്ചു രണ്ടു കണ്‍വീനര്‍മാരെ തീരുമാനിച്ചു. ജിന്ന ഇന്ത്യയില്‍ നിന്ന് ചെന്ന മുസ്ലിം ലീഗ് നേതാക്കളോട് പറഞ്ഞു.
‘ഹിന്ദുസ്ഥാനില്‍ ഒരു മുസ്ലിം ലീഗ് ഉണ്ടായിരിക്കണം. നിങ്ങള്‍ മറ്റെന്തെങ്കിലും ആലോചിക്കുകയാണെങ്കില്‍, നിങ്ങളുടെ കാര്യം കഴിഞ്ഞു. ലീഗ് പിരിച്ചുവിടാന്‍ നിങ്ങള്‍ ആഗ്രഹിക്കുന്നുവെങ്കില്‍ അങ്ങനെ ചെയ്യാം. എന്നാല്‍ അതൊരു വലിയ തെറ്റായിരിക്കുമെന്നാണ് എന്റെ അഭിപ്രായം.’ പാകിസ്താനിലെ മുസ്ലിം ലീഗിന്റെ കണ്‍വീനര്‍ ലിയാഖത് അലി ഖാന്‍. ഇന്ത്യന്‍ യൂണിയനിലെ മുസ്ലിം ലീഗിന്റെ കണ്‍വീനര്‍ മുഹമ്മദ് ഇസ്മായില്‍ എന്ന മദ്രാസിലെ ഇസ്മായില്‍ സേട്ട്.
രണ്ടുപേരെയും ലീഗ് അണികള്‍ വിളിച്ച പേരാണ് ‘ഖഇദെ മില്ലത്ത്’. അങ്ങനെ ഇന്ത്യയ്ക്കും പാകിസ്ഥാനും ഓരോ ഖാഇദെ മില്ലത്തുകളെ വീതം കിട്ടി.. ഒന്നു സര്‍വ്വേന്ത്യാ മുസ്ലിം ലീഗിന്റെ പാകിസ്ഥാന് കണ്‍വീനറും രണ്ടാമന്‍ ഇന്ത്യന്‍ യൂണിയന്റെ കണ്‍വീനറും.
ഇനി ഈ മാന്യദേഹം മഞ്ചേരിയിലെ മുന്‍ എംപിയായിരുന്നു. കേരളത്തിന്റെ സാമുദായിക നേതാവായിരുന്നു
എന്നൊക്കെ പറഞ്ഞു ഞങ്ങളെ പാഠം പഠിപ്പിക്കുന്നവരോട് ചില ചോദ്യങ്ങള്‍!
1) കേരളത്തില്‍ 20 ലോക്‌സഭമണ്ഡലങ്ങള്‍ ഇല്ലേ?
അവിടെയൊക്കെ എംപിമാരും മുന്‍ എംപിമാരും ഇല്ലേ?
അവരില്‍ ആരുടെയൊക്കെ പേരില്‍ കേരളത്തില്‍ അംഗന്‍വാടികള്‍ പ്രവര്‍ത്തിക്കുന്നുണ്ട്?
2)സഖാക്കളോടാണ് ഒരു ചോദ്യം
മുന്‍ എംപിയും പ്രതിപക്ഷ നേതാവും സാമൂഹ്യ പരിഷ്‌കര്‍ത്താവും ഒക്കെയായ സഖാവ് എകെജിയുടെ പേരില്‍ കേരളത്തില്‍ എത്ര അംഗന്‍വാടികള്‍ പ്രവര്‍ത്തിക്കുന്നു?
3) കോണ്‍ഗ്രസുകാരോട് ഒരു ചോദ്യം
കൊള്ളാവുന്ന ആരും നിങ്ങളുടെ കൂട്ടത്തില്‍ നിന്ന് മുന്‍ എംപിമാരായി ഉണ്ടായിരുന്നില്ലേ?
അതില്‍ ആരുടെയൊക്കെ പേരില്‍ കേരളത്തില്‍ അംഗന്‍വാടികള്‍ പ്രവര്‍ത്തിക്കുന്നുണ്ട്? (28 ഒക്ടോബര്‍, ഫേസ്ബുക്ക്/ ശശികല ടീച്ചര്‍).
55.1 മതവിഷവും രാഷ്ട്രവിഭജനവാദവും
പിഞ്ചുകുട്ടികളിലും കുത്തിവയ്ക്കുന്നോ മതവിഷം? എന്നായിരുന്നു ജനം ടിവി വാര്‍ത്തയുടെ ടൈറ്റില്‍: മലപ്പുറത്ത് രാഷ്ട്രവിഭജനവാദിക്ക് ആദരമൊരുക്കി അങ്കണവാടി, സ്ഥാപനത്തിന്റെ പേര് ഖാഇദെ മില്ലത്ത് (28 ഒക്ടോബര്‍, പിഞ്ചുകുട്ടികളിലും കുത്തിവയ്ക്കുന്നോ മതവിഷം? -ജനം ടി വി).
56. കലയിലെ മറയിലെ തീവ്രവാദ അജണ്ടകള്‍
കലയിലും കലാലയ കലോല്‍സവങ്ങളിലും സാംസ്‌കാരിക കൂട്ടായ്മകളിലും തീവ്രവാദ, രാജ്യദ്രോഹചിന്തകളും ചിഹ്നങ്ങളും ഇടംപിടിക്കുന്നുവെന്ന് ജന്മഭൂമി ലേഖനം: കേരള ആരോഗ്യശാസ്ത്ര സര്‍വ്വകലാശാലയുടെ (കെയുഎച്ച്എസ്) സെന്‍ട്രല്‍ സോണ്‍ കലോത്സവത്തിന് ‘ഇന്‍സാഫ്’ എന്ന പേര് നല്‍കി. കലോത്സവ വേദികള്‍ക്ക് ‘പുന്നപ്ര-വയലാര്‍’ പോലുള്ള രക്തരൂക്ഷിത വിപ്ലവസ്മരണകള്‍ ഉണര്‍ത്തുന്ന പേരുകളും വാരിക്കുന്തമേന്തിയ പ്രതീകാത്മക ചിത്രങ്ങളും നല്‍കുന്നു. ‘നീതി’ എന്ന് അര്‍ത്ഥം വരുന്ന ഉര്‍ദു/അറബിക് വാക്കാണ് ‘ഇന്‍സാഫ്’. ലോകമെമ്പാടുമായി ഏകദേശം 4.75 കോടിയിലധികം ആളുകള്‍ സംസാരിക്കുന്ന, ഇന്ത്യയിലെ 22 ഷെഡ്യൂള്‍ഡ് ഭാഷകളില്‍ ഒന്നായ മലയാളം അല്ലെ നമ്മള്‍ എല്ലാ മേഖലകളിലും ഉയര്‍ത്തിപ്പിടിക്കേണ്ടത്. ഭാഷാപരമായ ഈ മാറ്റം യാദൃശ്ചികമല്ല. ആഗോളതലത്തിലും പ്രാദേശികമായും ജനങ്ങളില്‍ നിന്നും ചിന്താശേഷിയുള്ള സമൂഹത്തില്‍ നിന്നും നാശോന്മുഖമായിക്കൊണ്ടിരിക്കുന്ന പ്രത്യേക പ്രത്യയശാസ്ത്രത്തെയും രാഷ്ട്രീയ അജണ്ടകളെയും കലാലയങ്ങളില്‍ നിര്‍ബന്ധപൂര്‍വ്വം പിടിച്ചു നിര്‍ത്താനുള്ള വ്യവസ്ഥാപിത ശ്രമമാണിതെന്ന് വ്യക്തം. തീവ്ര ചിന്താഗതി പുലര്‍ത്തുന്നവരും അര്‍ബന്‍ നക്‌സല്‍ സ്വാധീനമുള്ളവരും നമ്മുടെ കലാലയങ്ങളെ തങ്ങളുടെ ആശയപ്രചാരണ വേദിയാക്കി മാറ്റാന്‍ ശ്രമിക്കുന്നതായി ചൂണ്ടിക്കാണിക്കപ്പെടുന്നു. ഭാരതത്തിന് പുറത്തുനിന്ന് എത്തുന്ന സാമ്പത്തിക സ്രോതസ്സുകളുടെയും വിദേശ ഫണ്ടിങ്ങിന്റെയും ബലത്തില്‍, ഇത്തരം ശക്തികള്‍ യുവതലമുറയെ സ്വാധീനിക്കാന്‍ ശ്രമിക്കുന്നു (30 ഒക്ടോബര്‍, കലയിലെ മറയിലെ തീവ്രവാദ അജണ്ടകള്‍, സന്തോഷ്‌കുമാര്‍ ഇലവുംതിട്ട, ജന്മഭൂമി).
57. കാലിക്കറ്റ് സര്‍വകലാശാല ക്യാമ്പസ് യൂണിയന്: പിന്നില്‍ എസ്ഡിപിഐ
2026 ഒക്ടോബര്‍ അവസാന വാരത്തില്‍ നടന്ന കാലിക്കറ്റ് സര്‍വകലാശാല ക്യാമ്പസ് യൂണിയന് തെരഞ്ഞെടുപ്പുമായി ബന്ധപ്പെട്ട് വിദ്യാര്‍ത്ഥി സംഘടനകള്‍ തമ്മില്‍ ഏറ്റുമുട്ടലുണ്ടായി. വോട്ടെണ്ണലിനിടെയും അതിനുശേഷവും എസ്എഫ്ഐയും, എംഎസ്എഫ്-കെഎസ്യു സഖ്യമായ യുഡിഎസ്എഫും തമ്മില്‍ കനത്ത സംഘര്‍ഷമുണ്ടായി. പരിക്കേറ്റ് ആശുപത്രിയില്‍ പ്രവേശിപ്പിക്കപ്പെട്ട എസ്എഫ്ഐ പ്രവര്‍ത്തകരെയും നേതാക്കളെയും എംഎസ്എഫ് സംഘം അവിടെയെത്തിയും മര്‍ദിച്ചു എന്ന് എസ്എഫ്ഐ ആരോപിച്ചിരുന്നു.
57.1 എസ്ഡിപിഐക ഒക്കെ ആയിട്ടാണല്ലോ എംഎസ്എഫിന് കൂട്ട്
ഈ ചര്‍ച്ചയില്‍ ഇടപെട്ടുകൊണ്ട് തെരഞ്ഞെടുപ്പില്‍ പരാജയപ്പെട്ടതിന്റെ അസഹിഷ്ണുത കാരണം ഭീകര സംഘടനകളുടെ പ്രവര്‍ത്തന രീതിക്ക് സമാനമായാണ് എംഎസ്എഫ് മാരകായുധങ്ങളുമായി അക്രമം നടത്തുന്നതെന്ന് പി.എസ്. സഞ്ജീവ് കുറ്റപ്പെടുത്തി:
ഇന്ന് സംസ്ഥാന വ്യാപകമായി എസ്എഫ്ഐ ഈ വിഷയത്തില്‍ പ്രതിഷേധ പ്രകടനങ്ങള്‍ സംഘടിപ്പിക്കുകയാണ്. കാസര്‍ഗോഡ് മുതല്‍ തിരുവനന്തപുരം വരെയുള്ള സംസ്ഥാനത്തെ മുഴുവന് യൂണിറ്റുകളിലും എംഎസ്എഫിന്റെ നടപടികള്‍ക്കെതിരെ പ്രതിഷേധം സംഘടിപ്പിക്കും. ഭീകരവാദ സംഘടനകളെ അനുസ്മരിപ്പിക്കുന്ന രീതിയിലാണ് ഇവരുടെ പ്രവര്‍ത്തനങ്ങള്‍. എസ്ഡിപിഐ ഉള്‍പ്പെടെയുള്ളവരുമായി പ്രഖ്യാപിതമായും അപ്രഖ്യാപിതമായും ഇവര്‍ക്ക് ബന്ധമുണ്ടോ എന്നതും പരിശോധിക്കേണ്ടതാണ്. അത്തരം പരിശീലനങ്ങള്‍ ലഭിക്കുന്നുണ്ടെങ്കില്‍ അത് ക്യാമ്പസുകളില്‍ നടപ്പാക്കാന്‍ ശ്രമിക്കരുത്. ക്യാമ്പസുകളില്‍ ഇത്തരം പ്രവര്‍ത്തനങ്ങള്‍ നടത്താനാണ് ഉദ്ദേശിക്കുന്നതെങ്കില്‍ അതിനെ പ്രതിരോധിക്കും. നടത്തിയിട്ടുള്ള തെറ്റായ നടപടികളെ തള്ളിപ്പറഞ്ഞ് ആവശ്യമായ നടപടികള്‍ കൈക്കൊള്ളണമെന്ന് ലീഗിനോടും സര്‍ക്കാരിനോടും ആവശ്യപ്പെടുകയാണ് (30 ഒക്ടോബര്‍, എസ്ഡിപിഐക ഒക്കെ ആയിട്ടാണല്ലോ എംഎസ്എഫിന് കൂട്ട്, അവരുടെ കോച്ചിങ് കിട്ടുന്നുണ്ടെങ്കില്‍ അത് കയ്യില്‍വെച്ചാല്‍ മതി, ക്യാമ്പസിലെടുക്കേണ്ട’; പി.എസ് സഞ്ജീവ്, റിപ്പോര്‍ട്ടര്‍ ടിവി).
57.2 മയ്യിത്താവാന്‍ മൂരിക്കുട്ടികള്‍
ഈ സംഭവത്തെക്കുറിച്ച് ഇടതു ഹാന്‍ഡിലായ ഷെമീര്‍ ടിപി ഫേസ്ബുക്കില്‍ പ്രതികരിച്ചത് ഇങ്ങനെയായിരുന്നു: നിന്നെയൊക്കെ പുതപ്പിച്ച് കിടത്തുമ്പോഴെങ്കിലും ഇവിടത്തെ മാധ്യമങ്ങള്‍ വാര്‍ത്തയാക്കട്ടെ മൂരിക്കുട്ടികളെ!! ഇന്നാലില്ലാഹി വ ഇന്നാ ഇലൈഹി രാജിഊന്‍…! ഈ കുറിപ്പ് പിന്നീട് ഡിലീറ്റ് ചെയ്തു (30 ഒക്ടോബര്‍, മയ്യിത്താവാന്‍ റെഡിയായി നിന്നോളൂ’, ‘നിന്നെയൊക്കെ പുതപ്പിച്ച് കിടത്തുമ്പോഴെങ്കിലും ഇവിടുത്തെ മാധ്യമങ്ങള്‍ വാര്‍ത്തയാക്കട്ടെ’: ആശുപത്രിയില്‍ കയറി എസ്എഫ്ഐ നേതാക്കളെ തല്ലിയെന്ന പേരില്‍ എം.എസ്.എഫുകാര്‍ക്കെതിരെ കൊലവിളിയുമായി സഖാക്കള്‍; വിവാദം മൂത്തപ്പോള്‍ പോസ്റ്റ് മുക്കി ഒറ്റപ്പാലത്തെ നേതാവ്; കാലിക്കറ്റ് സര്‍വകലാശാലയിലെ ക്യാമ്പസ് പോര് സോഷ്യല്‍ മീഡിയയിലും, മറുനാടന്‍ മലയാളി).
57.3 ഭീകരവാദ പ്രസ്ഥാനം
പോരാളി ഷാജി എന്ന ഗ്രൂപ്പില്‍ ഒരു പോസ്റ്റ്:
അധികാരത്തിന്റെ തണലില്‍ എംഎസ്എഫ് തനി ഭീകരവാദ പ്രസ്ഥാനമായി മാറിയിരിക്കുന്നു… ആര്‍എസ്എസ്, വിഎച്ച്പി, ഗോരക്ഷക് സേന, എന്‍ഡിഎഫ്, കാമ്പസ് ഫ്രണ്ട്, എസ്ഡിപിഐ… ഈ പട്ടികയില്‍ ഉള്‍പ്പെടേണ്ട പ്രസ്ഥാനമാണ് എംഎസ്എഫ്.
അധികാരം പിടിക്കാന്‍ മതത്തെ ഉപയോഗിക്കുകയും, അത് കിട്ടിയിലെങ്കില്‍ ഭീകരമായി എതിരാളികളെ അക്രമിക്കുകയും, വിമര്‍ശനം ഉയരുമ്പോള്‍ മതത്തെ കവചമായി ഉപയോഗിക്കുകയും ചെയുന്ന ഈ കൂട്ടമാണ് ഇന്ന് ക്യാമ്പസുകളിലെ സമാധാന അന്തരീക്ഷത്തിന്റെ അന്ധകര്‍. മലപ്പുറം ജില്ലയില്‍ എസ്എഫ്ഐ ഉണ്ടായ മുന്നേറ്റം കണ്ട് വിരളി പൂണ്ട് ജില്ലാ ഭാരവാഹികള്‍ തന്നെ ഇല്ലാതാക്കണമെന്ന് ഉദ്ദേശത്തോടുകൂടിയാണ് ഇപ്പോള്‍ ഈ ഭീകരവാദികള്‍ അക്രമം അഴിച്ചുവിടുന്നത്. അധികാരത്തിനു വേണ്ടി എന്തുചെയ്യാനും മടിയില്ലാത്ത, അത് നഷ്ടപ്പെട്ടാല്‍ ഭ്രാന്ത് ഇളകുന്ന ഈ ഭീകരവാദികളെ ഒറ്റപെടുത്തുക… (30 ഒക്ടോബര്‍, ഫേസ്ബുക്ക്/ ഷാജു വെങ്കുലം).
57.4 കശ്മീര്‍ഭീകരെപ്പോലെ
കാലിക്കറ്റ് സര്‍വകലാശാല ക്യാമ്പസ് യൂനിയന്‍ തെരഞ്ഞെടുപ്പ് വോട്ടെണ്ണലിനിടെ എസ്എഫ്ഐ – യുഡിഎസ്എഫ് (കെഎസ്യു – എംഎസ്എഫ്) പ്രവര്‍ത്തകര്‍ തമ്മിലുണ്ടായ സംഘര്‍ഷത്തെക്കുറിച്ച് സിപിഎം സംസ്ഥാന സെക്രട്ടേറിയറ്റ് അംഗം പി. ജയരാജന്‍: അതി മൃഗീയമായാണ് എംഎസ്എഫ് ക്രിമിനലുകള്‍ ആയുധങ്ങളുമായി അഴിഞ്ഞാടിയത്. സംഭവത്തില്‍ പാണക്കാട് തങ്ങള്‍ നിലപാട് വ്യക്തമാക്കണം. ഇത്തരം ക്രിമിനലുകളെ ആണോ മുസ്ലിം ലീഗ് വിദ്യാര്‍ഥി സംഘടന എന്ന പേരില്‍ വളര്‍ത്തുന്നത് എന്നറിയാന്‍ പൊതുസമൂഹത്തിന് താല്പര്യമുണ്ട്. ‘ജനാധിപത്യ വ്യവസ്ഥയില്‍ പ്രവര്‍ത്തിക്കുമ്പോള്‍ പരാജയമായാലും വിജയം ആയാലും അത് അംഗീകരിക്കണം. ഇവിടെ ക്യാമ്പസ് വിദ്യാര്‍ഥി യൂനിയന്‍ തെരഞ്ഞെടുപ്പില്‍ യുഡിഎസ്എഫ് പരാജയപ്പെട്ടു. അതാണ് ഹീനമായ ഈ അക്രമത്തിന്റെ പിന്നിലുള്ളത്. ഇത് എംഎസ്എഫും കെ.എസ്.യുവും വിദ്യാര്‍ഥികളില്‍ നിന്ന് ഒറ്റപ്പെടുന്നതിന്റെ തെളിവാണ്. ആശുപത്രിയില്‍ അതിക്രമിച്ചു കടന്ന് കാശ്മീര്‍ ഭീകരന്മാരെ പോലെ മുഖം മറച്ചു നടത്തിയ ആക്രമണം അങ്ങേയറ്റം അപലപനീയമാണ് (31 ഒക്ടോബര്‍, ‘കാശ്മീര്‍ ഭീകരന്മാരെ പോലെ മുഖം മറച്ചെത്തി’; കാലിക്കറ്റ് സര്‍വകലാശാല സംഘര്‍ഷത്തില്‍ പാണക്കാട് തങ്ങള്‍ നിലപാട് വ്യക്തമാക്കണമെന്ന് പി. ജയരാജന്‍, മാധ്യമം).
57.5 ലാല്‍സലാം വേണോ അസ്ലാം വേണമോ
മലപ്പുറത്തെ മലബാര്‍ കോളേജില്‍ എസ്എഫ്ഐ പാനലില്‍ വിജയിച്ച വിദ്യാര്‍ത്ഥിയെ എസ്ഡിപിഐ നേതാക്കള്‍ സന്ദശിച്ചതിനെക്കുറിച്ച് ശശികല ടീച്ചര്‍:
മലപ്പുറത്തെ മലബാര്‍ കോളേജിലെ എസ്.എഫ്.ഐ ചെയര്മാന്. എസ്എഫ്ഐ ആണോ. എസ്ഡിപിഐ ആണോ എന്ന് കണ്ടെത്തുന്നവര്‍ക്ക്
ഒരു സലാം സമ്മാനം. അത് ലാല്‍സലാം വേണോ. അസ്ലാം വേണമോ എന്ന് ഈ ചെയര്മാന് തീരുമാനിക്കും! (24 ഒക്ടോബര്‍, ഫേസ്ബുക്ക്/ശശികല ടീച്ചര്‍)
58. മലപ്പുറം ലോബിക്ക് വേണ്ടി സരള്‍ ബില്ല്
25 കോടി രൂപയ്ക്ക് മുകളിലുള്ള നിക്ഷേപങ്ങള്‍ക്കും വ്യവസായങ്ങള്‍ക്കും 70 ദിവസത്തിനുള്ളില്‍ അനുമതി നല്‍കുന്ന സരള്‍ ബില്ല് നിയമസഭ പാസ്സാക്കി. ബില്ലിനെ പ്രതിപക്ഷം എതിര്‍ത്തു. തണ്ണീര്‍ത്തങ്ങളെയും വനഭൂമിയേയും കൃഷിഭൂമികളേയും ബാധിക്കുന്നതാണ് ബില്ലെന്നായിരുന്നു പ്രതിപക്ഷത്തിന്റെ പ്രധാന ആരോപണം. ബില്ലില്‍ ഭേദഗതി നിര്‍ദേശം മുന്നോട്ട് വെച്ച ജി. സുധാകരന്‍, ‘ഇത് സരള്‍ ബില്ലല്ല, കരാള ബില്ലാണെന്ന്’ കുറ്റപ്പെടുത്തി. ബില്ല് ഒരു നിയമത്തെയും മറികടക്കില്ലെന്നും ബില്ലിനെ മോശമാക്കാന്‍ വേണ്ടി ഓരോ കാര്യങ്ങള്‍ പറയുകയാണെന്നുമായിരുന്നു മന്ത്രി പി.കെ കുഞ്ഞാലിക്കുട്ടിയുടെ പ്രതികരണം. ബില്ല് പാസാക്കുന്നതില്‍ എതിര്‍പ്പ് അറിയിച്ച് പ്രതിപക്ഷം സഭവിട്ടിറങ്ങിയെങ്കിലും ബില്ല് പാസ്സായിഅതേസമയം, ബില്ലിന്മേലുള്ള ആശങ്കകളറിയിക്കാന്‍ ജി. സുധാകരന്‍ മുഖ്യമന്ത്രി വി.ഡി സതീശനെ നേരില്‍ കണ്ടു സംസാരിച്ചു. പരിസ്ഥിതിപരായ ആശങ്കയാണ് താന്‍ പങ്കുവെച്ചതെന്നും പരിസ്ഥിതി വിഷയത്തില്‍ വിട്ടുവീഴ്ചയില്ലെന്നും അദ്ദേഹം അറിയിച്ചു (29 ഒക്ടോബര്‍, ‘ഇത് സരള്‍ ബില്ലല്ല, കരാള ബില്ലാണ്’; പ്രതിപക്ഷത്തിന്റെ എതിര്‍പ്പിനിടെ സരള്‍ ബില്ല് നിയമസഭ പാസാക്കി, മീഡിയാവണ്‍).
58.1 മലപ്പുറം ലോബിക്കുവേണ്ടി
പുതിയ ബില്ലിനെിരേ സജി തോമസ് എന്ന യുട്യൂബര്‍ ഒരു വീഡിയോചെയ്തു. പുതിയ നിയമം മലപ്പുറത്തെ ഭൂമാഫിയക്കുവേണ്ടിയാണെന്നാണ് വീഡിയോയില്‍ പറയുന്നത്: നിയമം ജനവിരുദ്ധമാണ്. ഭൂമാഫിയയെ സഹായിക്കാന്‍ വേണ്ടിയാണ്. മലപ്പുറംലോബി എറണാകുളം പോലെയുള്ള സ്ഥലങ്ങളിലെ താഴ്ന്ന സ്ഥലങ്ങള്‍ മുഴുവന് കൂട്ടത്തോടെ മേടിച്ചു കൂട്ടുകയാണ്. മലപ്പുറം ലോബിയാണ് സതീശനെ മുഖ്യമന്ത്രിയാക്കിയത്. മന്ത്രിമാര്‍ ഈ ബില്ലിനെക്കുറിച്ച് പഠിച്ചിട്ടുണ്ട്. അവരെ മന്ത്രിമാരാക്കിയ മലപ്പുറം ഗ്രൂപ്പിനുവേണ്ടിയിട്ടാണ് ഈ ബില്ല് പാസാക്കിയിട്ടുള്ളത് (31 ഒക്ടോബര്‍, ഭൂമാഫിയക്കുവേയണ്ടി സരള്‍ ബില്ല് പാസ്സാക്കി, സജി തോമസ്).
തയ്യാറാക്കിയത് : റെൻസൻ വി.എം, മർവ അബ്ബാസ്, അബ്ദുൽ ബാസിത് പി.കെ,
എ.എസ് അജിത് കുമാർ, ആസിഫ് എൻ.എൻ, ദർവേഷ് നൂരി, ഹുദ അസ്‌ലം, നൂർ സബാഹ്, റാമിസ് സലാം, റിയാദ് ഷാജഹാൻ, റൈഷിൻ വി, സഈദ് റഹ്മാൻ, മുഹമ്മദ് നിയാസ് ഒ, മുഹമ്മദ് തശ്‌റീഫ്, റിദ ഫാത്തിമ, മുഹമ്മദ് മുസ്തഫ കെ.പി, മിശ്അൽ അബ്ദുൽ റഹിമാൻ, അസ്ഹർ ഹാറൂൻ, കെ.കെ നൗഫൽ, ജിഷ എം, സുഫൈറ പി, ബാബുരാജ് ഭഗവതി, കെ. അഷ്റഫ്, മൃദുല ഭവാനി, കമാൽ വേങ്ങര, എം.കെ അൻസാർ, മുഹ്സിൻ ആറ്റാശ്ശേരി, റുബായിഷ് ഉസ്മാൻ, റീഹ ഇ ജെ, ശബരി എസ്, ഹുദ ആയിഷ, മുഹ്സിൻ വദൂദ്, മുർഷിദ് പി, നജാഹ് അഹമ്മദ്.
